|
|
|
13-03-2010, 03:38 AM
|
رقم المشاركة : 21 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
13-03-2010, 03:42 AM
|
رقم المشاركة : 22 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
الفصل الثآني عشـــ]ــر
في الصبآح السآعه 10 فواز وام دانه جالسين يفطرو مع بناتهم فواز : بابا نجود روحي قومي اختك تفطر معنا ؟ نجود وكنها تخلص نفسها : ها ؟ لا بابا دانه ما تقوم هالساعه .. الهنوف وكنها فهمت عليها : خلاص انا اقومها .. ! ام دانه و هي ترجع كوب الشاي بمكانه : يمه نجود وراك ما تاكلي ؟؟ حالك هاليومين ماهي عاجبتني ؟؟؟ فواز وكنه انتبه : وش فيك نجود ؟؟ عسى ما شر ؟؟ نجود تغلي من جوا .. داخلها ألم ونار ما يطفيها مويا العالم كلها .. الجرح كبير لما يكون من اقرب الناس .. وخاصه لما يستغلك بمكان انت متأكد ان موقفك راح يكون ضعيف فيه .. ! نجود : لا لا مافيني شي بس تعبانه شوي امس مشينا واجد .. و وبس / الهنوف متسنده على باب الغرفه : دانه بابا يبغاك تحت ،، دانه بابا يبغاك تحت دانه وهي توها صاحيه وما رفعت الفراش عنها : اففففف ابغى انام قوليله بعدين الهنوف تسكر الباب : كيفك .. بالطقاق دانه : يطقك يا غبيه .. (وفجأه تفز من مكانها) يوووو نسيت عبودي على طول اتصلت فيه وبعد رنتين رد عليها : هلا وغلا دانه : هلا فيك عبدالله : توك صاحيه ؟ دانه : ايوه عبدالله : ماشاءالله ماهي بعادتك دانه : وش اسوي عشان اوفي بوعدي عبدالله نسى الموضوع بس تذكره على آخر لحظه : تقصدي أشوفك ؟؟ دانه : ايوه .. انا وعدتك اقابلك 2 ايام العيد .. بس اسمعني ابغى آخذ دوش عالسريع والبس واجي .. طيب ؟ عبدالله : وش رايك هالمره بالمملكه ؟؟ دانه : اوكي .. باي عبدالله: باي حبيبتي ،، ، عبدالله : ألو بندر .. ! بندر: هلا عبدالله : كيفك بندر : ماني بخير وين اللي وعدتنا فيه ؟؟ عبدالله : ههههههههه والله توني متصل فيك عشانه .. اركد يا ولد بندر : جد ؟؟؟ متى طيب ؟؟؟ لا تقول بكره عبدالله : لا لا .. وراسك اليوم .. بندر : فديت خشمك انا عبدالله : اسمعني للمشاهده فقط .. بندر : افا .. يعني ممنوع اللمس ؟؟؟ عبدالله : اكيد ممنوع اللمس .. هذي بنت السامي يا حمار بندر : والله ان انت الحمار اللي تفكيرك زي كذا .. عبدالله : فاهمك فاهمك .. بس انا تاركها لبعدين خلها تثق فيني اكثر .. انا مو بغبي تمرني الفرصه وما استغلها .. بندر : هههههههههه .. الله لا يحطني بيدك .. سلآم يالدآهيه عبدالله بفخر : هههههههههههه سلآم / ناصر : مرحبآ نايف بفراشه ما بعد صحى : هلاا ناصر : نايم ؟ نايف : لا لا صاحي . آمر ناصر : ما يامر عليك عدو .. بس عزيز عامل جمعت شباب في الاستراحه و داق اعزمك نايف : وليه ما يدق حضرته يعزم .. ؟ اعذرني نويصر ما اجي بليا عزيمه انا .. ! ناصر :افا .. وانت تهقى اني ارضاها لك ؟؟؟ يابن الحلال انا وياه اللي عاملينها بس هو مخطط المكان وزي كذا .. لا يصير مخك صغير .. نايف : وانت بعد الله يهداك تقول عزيز عامل .. المهم ابشر الليله بكون عندكم باذن الله .. مع اني اكره اخوياه الدشيره بس لعيونك .. ناصر : تسلم عيونك .. يلا سلآم حبيبي نايف يكمل نومته : سلآم / ....... : بابا قلت لك بليز فواز : يا بنتي وش يقولون عنا بيت عمك والا جدك اذا شافوك كل صبح طالعه ؟؟؟ وهم عارفين ان ماعندك جامعه ولا شي ولا حتى دوام ؟؟؟ دانه : مالنا دعوه فيهم ؟؟ عدال يعني بنتهم نوف ما تطلع ولا تجي . .. ؟؟ اصلا كل يوم اشوفها طالعه داخله .. ما تعرف تجلس في البيت .. اما انا كلها دقايق اجلس مع صاحباتي واجي .. بليز بابا نجود ما قدرت تتحمل : يا كذابه .. ليه تقولي كذا على بنت عمك وانتي عارفه انه كذب بكذب .. ياويلك من الله .. بابا لا تصدقها والله نوف طلعاتها كلها معي ومع تبوله والبنات .. دانه بتهديد : نجيد .. اسكتي لا يجيك رزقك .. تراي حاطتك على جنب وناسيتك لا تذكريني .. ها نجود : ولا كلمه .. جايه تهددي انتي ووجهك فواز بصدمه : نجود ؟؟؟؟؟ نجود بقهر : بابـ فواز : ولا كلمه .. من متى نحاكي الكبار بهالطريقه ؟؟؟ ها ؟؟ اول مره بحياتي اشوفك تحاكي دانه بهالطريقه .. ؟؟ وش صاير بمخك انتي ؟؟؟ دانه تعمل حالها طيبه : خلاص بابا اتركها توها صغيره .. الله يسامحها .. فواز : ما عليه بابا .. اختك الصغيره والكلام يطلع من دون تفكير .. يلا روحي لصديقاتك بس لا تتأخري .. على الغدا تكوني هنا.. دانه تبوس راس ابوها : من عيوني ... تامر انت / ...... : خلاص يعني بتسافر ؟ تركي : ايه يا ساره .. باذن الله الجوهره بحزن : طيب كم يوم ؟؟ تركي : كلها شهر شهرين بالكثير .. الجوهره : طيب .. وش ... تركي بابتسامه : وش كمان ..؟ الجوهره تبعد عينها عن اخوها ما تبغى تبكي على شي تافه : ولا حاجه تركي : عاد الله الله بابوكم وامكم ترا مالهم الا انتم لا تضايقونهم ولا تعبوهم .. ! الجوهره & ساره : ابشر .. لا تحاتي شي .. تركي بصوت عالي شوي : ها يمه ؟؟ ضبطتي الشنطه ؟؟ ام تركي : ايه جهزت كل حاجه تركي يروح لها الغرفه : تسلم ايدك والله .. عسى يديك ما تمسها النار .. والله ما احب احد يشرف على شنطتي الا انتي .. ام تركي كانت تبكي بس لما سمعت صوت رجوله مسحت دموعها وابتسمت : وايديك يا رب .. عسى الله يرجعك لنا بالسلامه .. تركي : الله يسلمك ان شاءالله .. ام تركي : انتبه لحالك .. ولا وصلت بلغنا .. وماله داعي اقولك الله الله بالاكل والنوم والراحه تركي : ههههههههههه يمه اللي يسمعك يقول عمري 13 سنه .. مو بـ 30 .. الجوهره باستغراب : تركي ؟ تركي يلتفت لها : عيون تركي الجوهره بتفكير : مو كنك قبل 3 سنين عمرك 30 ؟؟ ساره : ههههههههههههه يا حرام وصل لـ 30 ووقف الحساب .. ياويلي منكم يالرياجيل تركي : ههههههههه لا والله يا بنات الحلال بعد كم شهر راح يصير عمري ان شاءالله 31 سنه .. الجوهره تطلعي علي حكي ؟؟ الجوهره: العمر كله يا رب .. ساره : طيب ما تبغاني ادور لك على عروس ؟؟ تركي : مو بوقته .. اوقاتك يا ساره دايم مو بوقتها .. الجوهره : مممممممم لا لا شكله حاط عينه على وحده .. تركي : وينها هالوحده ؟؟؟ شكلها منحوسه او جيكره .. والا مين اللي راح تنتظرني طول هالسنين كلها ؟؟ الجوهره : وربي عليها المنه اللي بتاخذك .. انت انت .. ياربي وش اقول وش اترك .. ؟؟ والله لو عندي صاحبه تستاهلك لأزوجك اياها بس المشكله كلهم ما يستاهلون شعره منك تركي : ههههههههه هذي جالسه تسب فصاحباتها على حسابي .. وراك بعتيهم ؟؟؟ الجوهره : والله ما بعتهم .. بس انت مو فاهم قصدي .. الله يوفقك وييسر امورك كلها يا تركي يا ولد مبارك ام تركي : الله يسمع منك .. ويوفقكم كلكم تركي : آمين .. وأجمعين يا رب .. اقول انا ان جلست عندكم بتروح علي الدوره .. يلآ تامرون بشي ؟؟؟ / / دآنه لبست أحلى مآ عندهآ .. فتحت الدولاب وطلعت عبايتها اللي كلها شك ومره فيها بهرجه .. بس كانت طالعه عليها تجنن احلى مافي دانه طولها وسمارها .. اما وجها كان عادي مره .. وهي كانت عارفه هالشي .. تلثمت وطلعت مع السواق للملكه طيااااره دانه : ألو وينك ؟ عبدالله مع [5 من أصدقاه] : انتي اللي وينك ؟ دانه : عبدالله بلا خفة دم وينك انا بالمملكه قدام الكوفي .. عبدالله يناظرها من اول ما دخلت هو واصدقاه : طيب وينك ما اشوفك ؟؟ لا يكون مو متلثمه ياويلك اذا احد ناظر فيك .. دانه بدلع : لا ما عليك لابسه اللثام .. ها شفتني والا لسى ؟ عبدالله وقف خلفها : هاي دندونه دانه وبعيونها حب وعشق وهيام : هايات اشتقت لك عبدالله : انا اللي اشتقت لك .. وين حابه تجلسي ؟؟ دانه فأي مكان صاد عن الناس .. عبدالله يدور مكان بعيوونه يبغى مكان مضبوط حتى يقدرو يناظروهم اصدقاه : لا لا هناك احلى .. دانه بتردد : على راحتك .. عبدالله : وش حابه تشربي يا قلبي .؟؟ ومن بعيد شوي بندر : العن يومك يا عبدالله سامي : ما يطيح الا واقف .. وش هالكشخه هذي كلها سعد : كيف لو تبعد اللثام ؟؟ بندر : لا لا ماهي بحلوه .. عبدالله معلمني .. سعد بصدمه : من جدك ؟؟؟ والله ماهو باين .. تلاقيه يقول كذا عشان يبعدك عنها .. بندر انقهر يمكن يكون صحيح حكي سعد : ها ؟ .. لا لا اصلا باين ناظر عدل .. عبدالله تقريبا فضح دانه ،، كان يحلف لها ان محد يعرف ولا حد راح يعرف بعلاقتها فيه الين ان هالعلاقه تتوج بالزواج .. وطبعا هالشي لا يمكن يسويه عبدالله .. عبدالله عمره ما تعرف على بنت بغرض الزواج .. يكفي الحين ان واحد من اصدقاه عرف يعني راح ينشر الخبر لكل الناس .. ! الله يستر على الجميع / / الساعه 2 بعد الغدا نجود : ماما انا طالعه لنوف الهنوف : اخذيني معك ام دانه : طيب ،، طلعو من بيتهم ومرو بالحديقه .. الهنوف : نجود لحظه نجود : خير الهنوف : نجيد لا تحسبيني مو بمهتمه .. والله انا آسفه ما كنت اقصد .. نجود تعمل حالها ناسيه : على ايش ؟ لا يكون تقصدي دانه وموضوعها ؟؟؟ لا انا نسيته الهنوف : بس عيونك وتعابيرك تقول غير كذا نجود : الهنوف حبيبتي .. الغلطه غلطتي وانا اتحملها .. لا تعتقدي اني بدخلك بالسالفه .. انتي مالك دعوى الهنوف بحزن : بالعكس انا اصلا اللي عملت كل هالمشكله بسبب صوتي العالي واوقاتي اللي زي الزفت .. اطلبي مني اي حاجه والله اعملها لك .. نجود : يا حبيبتي قلت لك والله مالك دعوى .. هذا حساب قديم بيني وبين دانه خلاص .. الهنوف تسكت بعدين تحكي : نجود ؟ نجود : هلا .. الهنوف : انا اعرف ان دانه تحاكي شباب اكثر من مره اعمل حالي مو منتبهه .. نجود بصدمه : لا يا حبيبتي هي تحاكي ناصر ومره اذكر حاكت نايف قدامي .. انا بعد كنت زيك افكر الهنوف : وناصر اسمه عبدالله ؟؟؟ نجود ما تبغى الهنوف تعرف عشان ما تستسهلا لموضوع بعدين او تحس ان اللي تعمله دانه شي عادي وطبيعي .. ما كانت عارفه كيف تعالج الموضوع بس اللي تعرفه انها لازم تقنع الهنوف ان اللي تعمله دانه غلط وعيب .. وكمان ما تبغى تشوه صورة اختها فعقلها .. نجود تفكر كيف تصلح صورة دانه الـمشوهه ،، ودانه تعمل جاهده تشوه صورة نجود البريئه نجود : اسمعيني فوفا .. هالحكي ما تقوليه لأحد خير شر .. ترا اذا عرف بابا والله يقتلها .. ترا اللي تعمله دانه حرام وعيب .. بعدين على فكره هي قالت لي انها زمان تابت من هالسوالف .. هي قالت لي بنفسها الهنوف : ...... نجود : والحين امشي ندخل .. صار لنا ساعه هنا مت حر.. / نايف في الصاله يحاكي أحمد بالجوال : والله يا احمد مادري وش اقولك .. ؟؟ نجود & الهنوف : السلآم عليكم نايف : وعليكم السلآم .. حيآكم حيآكم أحمد : مين جا ؟؟ نايف : مالك دعوى .. دقيقه نجود متردده تجلس في الصاله والا تصعد ؟؟؟ : ... نايف : تعالو ادخلو ليه واقفين ؟؟؟ احمد : الوووووووووو نايف : الو يا عله .. احمد : عله وجهك .. تاركني بالقهوه لوحدي .. وجالس في البيت وتغلط كمان ؟؟ نجود والهنوف يناظرو بنايف وهو يحاكي بالجوال .. لابس بيجامه كاروهات طالعه تجنن عليه وباين توه قايم من النوم نايف : اخلص الحين وش تبي ؟؟ احمد : وش صار بموضوعنا يا بن الحلال ؟؟؟ نايف : ايه .. قلت لك حاكيت ابوي .. وقال اشوف البنات وارد لك خبر .. احمد : طيب متى اجي انا واهلي واشوفها ؟؟ نايف : انت حاط وحده فبالك ؟؟ احمد : هاه ؟؟ نايف يناظر بنجود ويبتسم : من قال ها سمع نجود فهمت السالفه وابتسمت معاه .. نايف : يا بن الحلال .. تكلم تراي دايخ .. وما تغديت كمان .. تكلم والا بسكر الجوال احمد مستحي يقوله اللي كانت كاشفه بس سكت : خلاص شكلك مشغول احاكيك بعدين نايف : خلاص اجل انا عازمك باستراحه اليوم عند الشباب .. ارمك الليله تمام ؟؟ احمد : تم .. سلآم يالأميـر نايف : حيآك / نايف وهو يتمغط : آآآآآه يا عظامي .. نجود ناظرته بسرعه و ابعدت نظرها عنه .. نايف مرتبك ما يدري ليه ؟؟ : كيفك نجيد ؟ نجود : تمام الحمد لله .. انت شلونك ؟ نايف : الحمد لله على كل حال .. دخلت نوف ببجامتها : صبآح الخير نجود : الناس تقول مسآء الخيـر نايف : ماشاءالله عني وعن اختي .. خربنا التواقيت ولعبنا في النوم لعب نوف : ههههههه اي والله صادق .. احس نمت عن الـ 20 سنه اللي عدت كلها نجود: نوم العوافي .. نوف :يعافيك ربي .. اقول نجيد جبتي اللآب توب حقك ؟؟ نجود بقلبها تقول (الله يلعن هالوجه ليه تحكين قدامه عن اللاب توب انا ما صدقت ينسى) : ها نايف : وش سالفتكم على [ ها ] اليوم ؟؟ نجود : لا .. بس نوفه نست ان جهازي خربان من زمان نوف بغباء : كيف من زمان وتوني شايفتك مستخدمته نجود (مالت عليك وعلى اللي يعلمك على شي انا حماره يوم علمتك عليه) : لا هذا جهاز الريم نوف استوعبت : ايه ايه صح نايف : ايش فيه ؟؟ شاربه شي نوفه ؟ نوف : لا بس صايره انسى .. اجل تعالي فوق ابغاك نجود ودها تجلس بالمكان اللي فيه نايف وما تقوم عنه لو ان شاءالله 50 سنه والله ما تقول لآ .. نجود : يلآ الهنوف بتأفف : قايمه ألماس ؟؟ نوف : ايوه من زمان بس جالسه تحاكي صاحبتها .. اطلعي لها .. نجود : عن اذنك نايف :اذنك معك .. / \ سآمي : بس بس سلمى : فنجآل واحد يابن الحلال .. سآمي : بس والله يا ام راشد ،، متصل فيني ابو سالم يبغاني ضروري بالشركه .. سلمى : ربي يحفظك .. سآمي قبل لا يطلع .. : روحي عند ام خالد والا ام دانه وسعي صدرك بدل هالجلسه هنا .. سلمى : ابشر .. انا ناويه اروح لأم راشد تقول ان عندها عزومة شاي وقهوه وعازمه حريم .. سآمي : زين زين .. يلآ سلام عليكم / ام راشد تستقبل الحريم .. والبنات جالسين فوق يعلقو على هذي ويناظرو بهذي .. نجود : يوه يعني تبوله راح تسلم على هالحريم كلهم الله يعينها هههههه الهنوف : عاد هي خجوله يا حرام .. ميته اناظر وجها العنود : لما اتصلت فيها تقول جايين مع فارس بالطريق .. دخلت ساره وبنتها بتول وجلسو يسلمو على الحريم .. لكن بتول كانت مرتبكه مره سلمت على الحريم اللي تعرفهم وتركت الباقي هربت لفوق بسررررررررعه بتول رمت عبايتها وطرحتها : اففففففففففففف ياربي طلع نايف قبالها وهو كاشخ طالع الاستراحه : بتول عندنا ؟؟ يا مرحبا يا مرحبا بتول باحراج : مراحب نايف كيفك ؟ نايف : بخير بس انت علام وجهك كذا بتول : انرحج من الحريم وش ذا .. ما توقعتهم زي كذا .. الحين امي تهاوشني وتقول ليه ما سلمتي عليهم و و و و نايف : وبس هذا اللي مزعلك ؟؟؟ انسي الحريم الحين واطلعي فوق البنات ينتظرونك وانبسطي ولا رجعتي البيت يحلها الف حلال قولي لها انحرجت او اي حاجه بتول بابتسامه : والله مافي زيك ههههههههههههه ياليتك بابا نايف : لا ياختي .. ولد خالك وماني سالم من لسانك .. تبغيني اصير ابوك ؟؟ لا يرحم امك بتول : ههههههههههههههه هين يا نايف .. نايف : ههههههههه يلا سلآم .. / \ / بتول : هاي صبآيا الكل : هايات ،، هههههههههههههه بتول : وجع ليه تضحكو نجود : لأنا شفنا وجهك عند الحريم الهنوف : العنود العنود قلديها قلديها (العنود تقلد بتول ) الماس : ههههههههههههههه اي والله كان وجهك زي كذا بتول : شرب انتي وياها .. اصلا انا ما همني .. نايف عطاني نصيحه .. ما حرد عليكم نجود : وش دخل نايف ؟ بتول تحط رجل على رجل : مالك دعوى نجود تجلس بجنبها : بالله عليك وين شفتي نايف ؟؟ بتول بنذاله : وانتي وش دخلك ؟ بعدين وش له تسألين عنه ؟؟ نجود : تبوله يا نذله انا نجيد علميني .. وش قالك نايف ،، واللي يرحم امك بتول : طيب بقولك ،، شفـ نايف دخل عليهم بعد ما تنحنح : السلآم عليكم نجود اللي يناظرها يقول هذي البنت اكيد عميا او طرشا او ما ترعف الحكي .. كان وجها مره معبر [كأن أحد توه صافعها على وجها بخشبه والا بحديده] وش هالمواقف البايخه اللي تصير لي .. انا وش فيني يا ربي لهالدرجه صوتي عالي وملقوفه وما احس بالموضوع الا لما ينتيهي ؟؟؟؟ نايف : يهودي اللي داخل عليكم ؟؟؟ الكل : وعليكم السلام نوف طول هالوقت سااااااااااكته من اول ما جت نجود وهي ملاحظه نوف ماهي على بعضها نجود تناظر بنوف يعني انقذيني .. الماس : نايف من متى انت هنا ؟؟؟ نايف ما ناظر بنجود اوجعت قلبه لما ناظر وجها تمنى انه ما دخل .. : من اول ما قلدت العنود تبوله العنود : افا يا نايف تسمع علينا ؟؟ نايف رافع حاجبه : انا اتسمع عليكم ؟؟ حرام قبل العيب .. لكن جاي احاكي نويف ولمو بموضوع ولما وصلت سمعت اسمي .. وتعرفو الواحد اذا سمع حكي عنه (ناظر بنجود) يحب يكمله للنهايه .. نجود وقفت وجت تبغى تطلع من الباب اللي واقف بجنبه نايف نايف مد يده وسكر عليها حتى ما تطلع نايف : على العموم بعدين نحكي بالموضوع ناظر بنجود : واعذروني والله ماهو قصدي استمع لحكيكم .. ولو اقصد كان سمعت للنهايه بس ما قدرت والله .. نجود ابعدت يده وطلعت بسرعه تركض البنات ناظرو بنايف وكملي حكيهم العادي يعني ماهم مهتمين او ملاحظين شي .. نوف ما تدري وش تسوي .. اذا حكت راح يلاحظ نايف اكثر اما باقي البنات تأكدو اكثر من حب نجود لنايف .. ! نجود اختارت ابعد مكان في الفيلا وجلست فيه .. ودها ترجع لبيتهم بس ماهي قادره .. ! نايف يناظر بالساعه .. ويسحب نفس .. تعب وهو يدور عليها .. في القصر .. فجأه طلعت قدامه نوف : تدور على شي ؟؟ نايف ما يحب اللف والدوران او الخوف من مشاعره او الخوف من ان الناس تفهمه غلط .. عنده آخر هم الناس : ما شفتي نجود ؟؟ نوف ترفع حاجبها : ليه ؟ وش تبي فيها ؟ نايف : نوف اذا عارفه مكانها علميني لا تخليني ادور عالفاضي .. ؟ نوف تربع يديها : طيب اعرف بالاول وش تبي فيها .. نايف : انتي وش سالفتك ؟؟ سؤال وردي عليه نوف تأشر : هناك .. بس رجاءا نايف لا تحكي معها نجود ما تحب تحكي بهالمواضيع ولا هي متعوده تحكي معك نايف : اها .. ومن قايلك توصليلي هالحكي .. ! نجود ؟ نوف : لا ماهي نجود .. انا اللي قلته .. نايف انقهر ان نوف اللي فاهمته تحكي معه بهالطريقه نايف دخل على نجود الي عامله حالها جالسه تناظر بالتلفزيون .. نايف دخل وناظر بالتلفاز على طول لقى القناة ايرانيه وناظر بنجود اللي عامله حالها مندمجه ضحك فقلبه عليها تبغى تعمل حالها قويه .. نايف بنبره غريبه !! اول مره تسمعهانجود : نجود ؟؟؟ نجود ناظرت فيه بدون ولا كلمه وكنها تقول (قول اللي عندك واطلع تكفى) نايف : ليه زعلتي لما دخلت عليكم تحت ؟؟ ليه لما ناظرت فيك ما قدرتي تحطي عينك بعيني ؟؟ نجود : انا ؟؟؟ لا بالعكـ .. نايف قاطعها : خليني احكي .. نجود تناظر بالجدار ... ساااكته .. نايف : نجود انا لو تلاحظي ما سمعت حاجه محرجه .. ماسمعت الا انك تبغي تعرفي سالفه تخص بتول .. وحطي تحت بتول مليون خط .. نايف :لكن انا قاري بعيونك حكي كثير من زماااان .. ورغم هذا كنتي تجلسي معي وتحكي وعادي .. يمكن لأنك ما كنتي عارفه اني افهم عيونك اكثر من حكيك .. أحيانا يا نجيد الحكي يكون كله غامض ومبهم .. لكن لما تناظر بعيون اللي تحبهم تقرا حكي قلوبهم بسرعه ومن دون تشويش نجود : نايف انا مـا نايف يقاطعها للمره 2 : نجود !! لك داخلي معزه واحترام وشي اكبر منهم لكن احتراما لصلة القرابه اللي راح تكبر بينا ماراح احكي .. مش لأن دانه اختك وبس .. لا .. لأن انتي نفسك قلبك ما يطاوعك تقدمي مشاعرك على مشاعر اختك اللي اساسا انتي آخر همها ياليت كانت ظروفنا احسن من كذا .. كان قلت حكي من القلب للقلب لأني ماحب اللف والدوران لكن الحياه حدتنا على كذا . . نجود مصدومه من حكي نايف اللي ماهي قادره تستوعبه .. جا كله دفه وحده .. ودها تقوله اسكت لا تكمل وودها تقوله كمل ولا تسكت .. والله تحبه بس ايش تعمل .. ؟ عادات سخيفه خربت كل حاجه .. !! ||~ وش فايـدهـ اشتـاق لك وانت | تشتـاق | وغيري : نصيبـك : وانت غيـرك نصـيبي دام النهايـهـ واضحـهـ [ بعــد وفـراق ] شـ الفايـدهـ لا قلـت انـك ~ حبيبـي ؟؟؟ ~|| نايف يوقف : عارف اني اذا طلعت منعندك راح تقولي (احس ان نايف قال حكي كثير ومهم وبنفس الوقت ما قال شي مفهوم ) لكن تأكدي ان كل كلمه قلتها انا اقصد مليون معنى لها .. نجود اكتفت بالدموع الصامته .. وعادة تكون الدموع اللي بلا صوت اكثر حرقة وألم .. نايف اوجعه قلبه وده يمسح دموعها بشماغه .. ودها ياخذها من يدها ويروحو بعيد عن هالناس كلهم اللي استرو حبهم عشان رضاهم وهم بالاساس مافكرو فيهم ولا اهتمو فيهم لكن وش يسوي اكثرمن انه يناظرها وهي تبعد نظرها عنه .. سحب الفاين اللي بجيبه وقرب يمسح دموعها بس ما قدر .. ترك الفاين وطلع بسرعه / نوف جالسه بعيد .. : نايف وش فيك ؟؟ نايف : نوف .. ! نوف : ؟؟؟؟ نايف : نوف روحي لنجود في الغرفه .. واحلفك بالله ما تتركيها دقيقه .. على شاني نويف نوف : نايف يا قلبي اسمالله عليك وش فيك ؟؟ نايف : مافيني شي يا بنت الحلال .. روحي الحين .. انا طالع .. / : الماس: يا ويل قلبيييييييييييييييييييييييي بتول تاكل فشآر : يا ويل حالييييييييييييييي الهنوف : بالله عليك لمو وش اسمه هالمزيون ؟؟ الماس : لا حبيبتي .. خليك على براد بيت وتوم كروز .. هذا ان جيتيه يا ويلك .. لي ولـ تبوله بتول : ايوه ،،حنا شايفينه قبلك انتي وياها العنود تحط يدها بخصرها : بالله ؟؟؟ انا اطلع اسمه الحين .. العنود ماسكه جوالها : الو دانه : هلا دوده العنود : حياتي دندونه ،، وش اسمه ذاك المزيون اللي شفنا فيلمه في السينما لما كنا في دبي ؟؟؟ دانه : مممممممم اي واحد ؟؟؟ شفنا اكثر من فيلم العنود :بس شفنا مزيون واحد دانه : ههههههههه ايه جورج كلوني العنود : ههههههههه باي باي العنود : فوفا حياتي اسمه جورج كلوني .. حررررررره عرفناه بتول بقهر : مالت عليك وعلى اختك زين .. شوفيه ليما تقولي بس .. عندي واحد جديد أحلى منه الهنوف : مافيه احلى من هذا .. يا عمري بتول : الا والله اسمه جود لو الماس : تبوله يمال اللي ماني بقايله من هذا ان شاءالله وليه ما علمتيني عنه ؟؟ بتول : توني مكتشفته ههههههههه عامل نيو لوك الماس : ابغى اشوفه طيب .. ؟ بتول : عندك نت ؟ الماس : شوووووووور .. دقيقه جاب البنات اللاب توب ودخلة على قوقل وكتبو جود لو .. الماس : وع .. جورج كلوني احلى مع انه اكبر بس والله احلى .. تعرفي انه فايز بأجمل ابتسامه و اوسم ممثل ؟؟ بتول : ايوه بس انا طفشت منه قلت اغير .. حتى جود لو حلو الهنوف ملصقه وجها بالشاشه .. !! العنود : وش فيك الهنوف !!! الهنوف بـ بلاهه : محتاره وش اختار ؟؟؟ هذا والا هذا .. الماس : يو يا تبوله انتي ويا هالبزارين بسببكم طافتنا احلى لقطات الفلم / / نوف تمسح على نجود : حبيبتي نجود احكي وش صار وربي خوفتيني .. نجود ليلحين تبكي .. !! لدرجة ان نوف خافت ان نايف قال كلمه واجرحتها مع انه من سابع المستحيلات نوف بعصبيه : نجود احكي والا ببكي معك .. نجود تبكي : ابغى اروح للبيت نوف : ما راح اتركك نايف موصيني عليك نجود تزيد بالبكي : ........ نوف تضمها : ياويلي على بنت عمي .. انتي وش سالفتك ؟؟؟ عارفه كيف خليني اشوف لك الممر عشان نطلع فوق لغرفتي .. / ** في الاستراحه ** عبدالعزيز : هلا هلا حياكم الله جميع .. الكل : الله يحييك .. ناصر : كيفك جابر ؟؟ جابر : بخير الله يسلمك .. وين الدنيا فيك ياخوي ما عاد نشوفك ؟؟ ناصر : والله موجود .. بس تعرف الاشغال ما تخلص .. جابر :و الحين جايه الجامعه والله ما عاد نشوفك خير شر ناصر : اسكت تكفى لا تذكرني .. عزوز مستغرب وش جايب عبدالله خوي تركي واصدقاه عزوز : هلا عبدالله ارحب يالغالي .. عبدالله : والبقى .. علمنا سعد ان فيه جمعه اليوم وحبينا نجي نسلم عزوز باستغراب : وكالعاده تركي ما جا معك ها عبدالله : تركي محاكيه الصباح يقول انه مسافر تبوك عزوز : كيف ؟؟؟؟ عبدالله : رايح دوره وجاي بعد كم شهر ،، تعرف مصاريف الشقه يبيلها اجار .. مو زي اول عزوز : اي اجار ؟ عبدالله طلع وتركه : الحين انا اخوه والا انت ؟؟؟ عبدالعزيز منصدم وش شقته ؟؟ وتركي ل يمكن يترك ابوه وامه ؟؟ مافيه الا ناصر .. عزوز واقف على باب المجلس : ناصر !! ناصر استئذن من صاحبه و راح له .. : هلا ؟؟؟؟ عزوز : تكفى ناصر اتصل بنوف وخلها تسئل الجوهره وش صاير فيهم ؟؟ اهلي فيهم شي بس ماني عارفه ؟؟؟ ناصر حس بخوف عزوز على اهله وما حب انه يرده لو ايش : ابشر ما طلبت شي .. عن اذنك ،، ناصر ينتظر ينتظر ينتظر !!!! واخيرا نوف : ألو ! ناصر : سنه يا نوف على بال ما رفعي الجوال ؟؟؟ نوف بخوف : وش فيك ؟؟ ناصر : لا مافيه حاجه .. كيفك ؟؟ نوف : تمام .. انت شلونك ؟؟ ناصر : أبد كل شي تمام .. نوف ؟ نوف : لبيه ناصر : ممكن طلب ؟ نوف : آمر يا ناصر .. ناصر : ابغاك تتصلي بالجوهره نوف باستغراب وضيقه : نعم ؟؟ ناصر : لا تفهميني غلط .. بس ابغاك تتطمني عليهم فيهم شي محتاجين شي ؟؟ نوف ما تدري انه طلب عزوز وناصر ما شرح لها الوضع : ليه ما تتصل انت بنفسك وتطمن عليها اقصد عليهم ؟ ناصر بصوت واطي : نوف ما ابغى اعلي صووتي يميني وشمالي رياجيل .. ماهو بوقت تمسخرك علي .. محتاج اتطمن عليهم نوف بصوت عالي بغت تصحى منه نجود اللي بجنبها : روح لهم .. هي تقول زمان ما زرتنا روح حقق لها اللي تبغاه ناصر وده يدخل من السماعه يضرب راسها بالجدار ويرجع : نويف لا تقهريني والله مو بأنا يا هبله .. عبدالعزيز وده يتطمن على اهله ما يقدر يحاكيهم ومافيه الا انتي تحاكي الجوهره .. أجيبه لك عشان تصدقيني ؟؟؟ نوف : ايوه جيبه ناصر يمسك راسه : نويف ترا ماباقي فيني عقل جدك طيره لي .. بتتصلين والا اتصل فيها انا ؟؟ نوف بصدمه اكبر : لاااااا تتصل فيها ها ؟؟ روح اتصل فيها طيب .. والحين ارسل لك جوالها اذا تبغى ناصر : نويف يا قلبي انتي يا عمري والله مالي فيها الجوهره وش ابي فيها يا ناس وش ابي ؟؟؟ نوف : اسئل نفسك هالسؤال .. على العموم راح اتصل فيها مو عشانك عشان .. ناصر يقاطعها : عشان مين ؟؟؟ نوف : عشان ولد عمتي اللي راح ولا رد (سكرت الجوال قبل لا تسمع رده) ناصر بعد ما سكرت كره اليوم اللي طلع فيه من البيت .. وكره الساعه اللي بعد فيها عن نوف .. يحس ان كل دقيقه يبعدو فيها عن بعض سنه .. لاهي قادره تفهمه ولا هو قادر يستوعبها .. !! لكن حبه لها كل ماله يزيد أكثر واكثر نوف حاكت الجوهره عادي وعرفت اخبارهم .. اتصلت بناصر على طول نوف : تقولك أ ناصر يقاطعها : الناس تسلم بالاول وما تسكر الخط فوجه احد نوف : أكمل والا كيف ؟؟ ناصر : آه يا غرورك انتي .. نوف بدلع : ناصر ؟ انا ماني بمغروره . اف ناصر : ايه صح انا المغرور بس كملي .. نوف وكنها ماهي مصدقه ان عزيز اللي طالب هالطلب : الجوهره بخير .. والحمد لله تعودو على الشقه اللي سكنوها ، ، وتركي سافر اليوم لتبوك عشان شغل وماا اعرف كيف .. وبس ناصر : وانتي من متى تعرفي انهم ساكنين فشقه ؟؟ نوف : من اول ما سكنوها !! ناصر : وما علمتيني ؟؟ نوف : انا شفتك اصلا عشان اعلمك ؟؟ حاكيتك بعد ما عرفت الموضوع مره وحده وشفتك امس .. متى تبغاني اقولك ؟؟ اشياء كثيره يا ناصر انت ما تعرفها وكل ما اجب بقولك اتذكر انك مو فيه ||~ كثير أشياء صارت في غيابك وإنت ماتدري وكل ماجيت أسولف لك عن إللي صار ما ألقاآآآك ~|| ناصر رجع له الحزن : آه يا نوف لا تجين بجنب الجرح يرحم امك .. تكفين اترجاك لا عاد تحكين زي كذا .. نوف بدموع : طيب لا تقول تكفين ناصر بعصبيه : لاااااااااا لا تبكين .. والله لأقتلك .. نوف خافت ومسكت حالها بس ما قدرت .. : أبغى اسكر طيب ناصر : سكتي حالك قدامي يلا .. بعدين اتركك تسكري .. خليك عالخط .. ناصر دخل الملجس ونادى عزيز وقاله الحكي اللي قالته له الجوهره وطلع وتركه مصدوم !!! قاله عشان تسمع نوف ان هالحكي مو عشان الجوهره ولا غيرها .. عزيز عصب مره وتضايق بس ما كلف نفسه يتصل او يتطمن كمل سهرته .. / بعد صمت لمدة دقيقتين .. نوف : آسفه ناصر بتعب : على ايش ! نوف : انا غبيه عارفه بس والله ما فكرت ان عز ناصر : خلاص نويف ترا انا ما ازعل منك لو ايش .. انا ماني زيك زعول .. عادي يا قلبي .. عاذرك .. يلا امسحي دموعك نوف انحرجت من ناصر اللي يوم عن يوم يكبر بعينها : خلاص روح اسهر انا وقفت بكي اصلا ناصر : ايه باين يا عمري من صوتك نوف ماهي قادره تمسك حالها من البكي وربي اشتقت له : ناصر انا لازم اسكر واوعدك ما حـ ابكي ناصر : دايم توعديني والمشكله توفين بكل حاجه الا الدموع .. صناعة اصليه دموعك ما تخلص .. نوف : ههههههههههه ناصر عاد ناصر : فديت ضحكتك .. يلآ سلمي عالبنات ولمو .. وتبوله نوف : ابشر يوصل .. / / نايف يضحك ويمزح وبين كل سالفه وسالفه تجي فباله نجود وطريقة بكيها .. يعني اللي فباله كان صح احساسه كان في محله .. كان يتمنى انه من طرف واحد اللي هو حب من طرفه هو .. لأن حرام تتعذب هي وياه .. لما يفكر بحاله يتحمل ،، لكن لما يفكر بنجود وحالها وده يدعي على اللي كان السبب بس قلبه ما يطاوعه السبب من لحمه ودمه كيف يتحسب عليهم .. هذا المكتوب له وش يسوي بعد !! ||~ ساعات احس اني عن الناس في حاآآل ... وســآعات اضحـك مــن قســى الـوقت وآبــكي ~|| : رآحو الحريم من عند بيت ابو خالد ونلز البنات لتحت .. الكل كان موجود الا دانه .. ام خالد : الله يبارك في المدارس والجامعات اللي ماسكتهم عنا ام دانه : اي والله ،، قرب الفرج كلها كم اسبوع .. نوف بيدها العصير : افا يعني حنا مضايقينكم ؟؟ وش دعوه ام دانه : لا وهاللحين دانه تبغى الوظيفه .. وابوها يقول لما تزوجين انتي وناي قررو .. نوف تحمد ربها ان نجود مو فيه : ان شاءالله الماس : واااااااااااو راح ادخل الجامعه . الهنوف & العنود : وووووووووووع يعني دراسه فدراسه اففففففففففففففف بتول : بسم الله انتو شفتوها عشان تقولو وع ؟؟؟ والله مافيه احلى منها اسئلوني انا الماس بتريقه : يعني ناظروني تراي جامعيه .. مالت بس مالت بتول : ههههه على الاقل احسن منك يالفاشله .. جبتي اقل نسبه في جماعتنا الماس : افشل نسبه بس انا احى وحده منهم كلهم .. خلي نسبهم تنفعهم .. وع شيَف الهنوف ماسكه يدين لمو والعنود تدغدغها : حنا شيَف يا غبيه .. ناظري وجهك في المنظره ام دانه : ههههههه بنات .. اتركوها ماتت من الضحك .. عاد فوفا لعبك دفش ساره : اقول يا جماعه .. ترانا بكره مسافرين للكويت .. سلمى : عند اهل ابو سالم ؟؟؟ ساره:ايوه بتول تأشر لألماس : حرررررررررره هههههههههه أبغى اروح لبشارنوووو هههههه ساره : لـ مين ؟؟؟ بتول : ولا حاجه .. الساعه كم يمه ؟؟ ساره : يمكن بعد الغدا .. مادري عن ابوك .. بتول : ناصر بيجي معنا ؟؟ ساره وكأن بنتها تقرى افكارها : الله اعلم .. سالم بالشركه مع خالد .. و ابوك ما يحب يسافر لوحده .. حاكي ناصر انتي يمكن يسمع منك .. ! سلمى بصوت هادي : وقوليله جدك ماهو عارف رح مع ابوك .. بتول : خلاص احاكيه بكره الماس: ماما نبغى نروح معهم تكفين ام خالد : وجع يا عدوها .. وش يوديك معهم ؟؟؟ رايحين لعمامهم ؟؟ بتول : خليتيها عمام يا خاله ،، كله عم واحد ام خالد : اللي هو .. شيوديك معهم .. لزقة عنزروت انتي ؟؟ الماس : وشو هذا اللي قلتيه ماما ؟؟ ام خالد : يا كثر اسئلتك يا الماس .. ساره : يلا حنا نستأذن .. سالم برا ام خالد : سالم ورا ما دخل ؟؟ اجلسو نسهر معكم ؟؟ ساره : لا والله يبغى يطلع لأصدقاه .. فمآن الله .. ام خالد : مرونا بكره قبل ما تروحو المطار ساره : اكيد ان شاءالله مع السلامه تبوله تحاي نوف باذنها : ناصر ما راح يوافق خايف منك عشان تسنيم بنت عمي هههههههههههه نوف ضحك لتبوله بس من داخل تذكرت تسنيم وع تخيلو يروح والله اجلس فشنطته : شدعوه تبوله ؟؟ بتول بصوت عالي : شدعوه ها ههههههههه نوف حمر وجها وطلعت .. بس محد لاحظ الكل طلع ينام نوف طلعت تطمن على نجود .. نوف بخوف : اوووووف وش هذا ؟؟ حااااااااااره مره نجيد نجود تهذري وهي نايمه : ....... نوف : ماما ماااااااما ام خالد بالدور الثاني تناظر نوف : وش فيك ؟؟ نوف : ماما نجود عليها حراره ..مره ساخنه ام خالد : خوفتيني يا نوف الله يهداك !! انتظري الحين اجيك نوف من فوق : انتظرك ماما لا تطولي لمو لبست بجامتها وجت : ايش فيه ؟ نوف : ولا حاجه روحي نامي .. الماس : علام وجها ؟؟ بعدين وش فيكم اليوم انتم ؟؟؟ نوف التفتت للباب بسرعه (سمعت صوت نايف ) سحبت لمو وطلعتها بره الغرفه .. وهذا نايف يسلم على امه وداخل جناحه ولغرفته اللي بجنب حمودي .. نايف يناظر بنوف اللي تقلع اختها من غرفتها : ايش في ؟؟ نوف بخوف : و ولا حاجه بس ابغى انام نايف حس بشي : نوف تعالي هنا نوف : ليه ؟ نايف : تعالي هنا نوف ما تبغاه يدري ان نجود تعبانه لانها عارفه ان نجود بتزعل منها : مقدر لابسه شورت :> نايف : ياكذبك يا نويف .. خلصي تعالي نوف تطلع بتردد وتناظر بلمو كنها تتوعدها : هلا نايف نايف : قربي نوف : هلا نايف : نجود علامها ؟ نوف مستغربه : وش دخل نجيد بالسالفه اصلا ؟؟؟ نايف : نوف تعلميني فيك؟؟؟ اخلصي وش فيها تراي دايخ ومتكسر ابغى انام عشان الحق على الصلاه نوف : طيب روح نام وش اسوي انا .. ؟؟ نايف ينزل غترته وعقاله وطاقيته : يا صبر ايوب على بلواه .. نجود علامها ؟؟ آخر مره راح اسئلك نوف : مااااااااافيهاااااااااااا شي توني جايه من عندها .. صح لمو ؟؟ التفتت ناظرت لمو من بعيد نايمه في سريرها نايف : من ودك تسئلي غير لمو ؟؟ نوف : هههههههه نايف جد احاكيك نجيد نايمه والله نايمه .. نايف : كان من الاول قلتي نايمه .. !! السالفه فيها إن نوف تحرك رجلها بالهوى : لا ان ولا حاجه ،، (تثاوب) انا طالعه انام تامرني بشي ؟؟ متعشي ؟؟ نايف وكنه ماهو مصدقها : متعشي متعشي.. تصبحي على خير نوف هربت على طول لغرفتها وقفلت الباب نوف بقلبها (ياويلي لو تحكي له امي شي والله ليزعل مني ) رجعت نوف تلمس جبهتها : ياويلي حااااااره وش هذا .. اتصلت من الانتر كوم بالدور الثاني عشان ترد امها محد يرد (لازم انزل يعني ؟؟ افففف ماما مواعيدها كلها غلط ) اول ما فتحت الباب لقت نايف جالس بالصاله اللي قبال غرفتها وغرفة لمو .. !! نايف : نوووووووووووووووووووووويف نوف بخوف وبفمها ضحكه بس مو بوقتها : هلاااااااااااااااا نايف وقف وقرب لباب الغرفه يحاول يناظر : ....... نوف تبعده بيديها الثنتين : نويف البنت نايمه عييييييييييييييب نايف : متأكده ان نجود جوا ؟؟ نجود : نوف ؟؟؟ نوف : ......... !! نجود : نوووووووووووووف ؟؟؟ نايف : وش فيها ؟؟ نوف بخوف تناظر نايف : والله كانت نايمه وربي نايف : مصدقك يا بنت الناس .. يلا سلآم نوف : باااااااي نوف تسكر الباب : يا هبله وش فيك ؟؟ نجود : آآه نوف ما احس بجسمي .. واحس عيوني يطلع منها هوا حار مره نوف : طيب وش اسوي ،، نايف هنا اقوله يودينا المشفى ؟؟ نجود بصدمه : ياويلك والله اقتلك .. اسمعيني كويس لو اموت قبالك نايف لا يجي ولا يدخل فاهمه (تضم رجليها لصدرها) ما ابغى اشوفه نوف تجلس بجنبها : يا عمري نجيد .. كله من نايف نجود بألم : وش دخل نايف آه .. نوف : .؟؟؟ نجود : ههههههه رااسي يوجعني .. نوف : انا ما اعرف اتصرف بهالمواقف قوليلي وش اسوي .. ؟؟ حرارتك ماهي طبيعيه قستها لك 40 !!! نجود : طيب فيك تطلعيني لبيتنا ؟؟؟ انا اقول لبابا يوديني نوف : ياويلك من الله تصحيه بهالوقت والله يخاف عليك .. وامك مالها ذنب نوف : خلاص دامك ما تبي نايف اتصل بخالد ؟؟ نجود فتحت عينها : ياماما لا اصلا صحيت نوف : ههههههههههه يا خبلك والله بتصل فيه .. مو زينه السخونه ناس يموتو منها اسمالله عليك نجود من التعب حطت راسها ونامت نوف ركضت لجناح خالد زوجته مو فيه .. عند اهلها اتصلت فيه ما يرد تسمع صوت جواله بس ما يرد .. طقت عليه الباب ما يرد شسالفه ؟؟؟ فتحت باب الجناح لقته مفتوح !! وصلت لباب غرفته مفتوح ؟؟ نوف (ياربي ادخل والا لا ؟؟ ) يا فشلتي ... كله منك يا نايف هذا وقت يعني مشت لعند سريره الكبيـــر والعالي مره نوف بصوت هادي : خ خالد خالد خالد : ............. نوف : خالد نجود تعبانه قوم خالد : ............. نوف بصوت عالي : خااااااااااااااااااااااااااااااااااااااااااااااااا ااااااالد خالد : ........ نوف : العن يومك كل هذا نوم ؟؟؟ اعوذ بالله .. نوف : خاااااااااااالد (جلست تحرك يده ) خاااااااااالد خالد قفز فجأه وجلس يناظر بنوف وعيونه حمرا من النوم : ....... نوف رجعت لورا من الخوف : أ أ خال . خالد : وش صاااير ؟؟؟؟؟ نوف : ما صار شي .. !! خالد : نعم ؟؟ نوف : نجود بس تعبانه ومافيه احد الا انت ؟؟ خالد يمسح وجهه وشعره من الخرعه ماهي عادت نوف تصحيه خالد بصوت يخوف : وين عمي فواز عنها ؟؟ نوف : هي نايمه عندنا وخفنا نصحيه خالد : زين سويتي .. اول مره تشغلي مخك نوف : مشكور خالد : ونايف وينه ؟؟؟ نوف : نايف ؟؟ جا من الاستراحه ونام .. خالد يبعد الغطا عنه وينزل .. : 5 دقايق ونازل ان شاءلله نوف من الصدمه وقفت تناظره ماتدري ليه يخوفها خالد رجع لعندها وهي بمكانها : ياااااااا عمري .. ابغى البس لو سمحتي نوف انحرجت وطلعت بسرعه خالد : ههههه ياويلي يالخبال .. / نوف تصحي نجود : قومي خالد جا نجود دايخه : خالد مين ؟؟ نوف : خالد ولدي .. ؟ يعني مين انتي كمان نجود رجعت نامت نوف : نجود اصحي معي امسكي البسي عبايتي .. يلا نجود : البس عباتك ليه ؟؟ وانتي وش تلبسين نوف : وباء لمو انتقل لك ؟؟ لا تسئلي كثير يلا خالد : يلا يا بنات .. ! نايف يناظر التلفزيون فغرفته لانه اذا نام ماراح يصحى على الاذان .. نايف : هذا صوت خالد !! / نايف : خالد ؟؟ علامك ؟؟ خالد يتثاوب : نجود تعبانه بوديها المشفى نايف باستنكار : كيف تعبانه يعني ؟؟ نجود متسنده على نوف اللي لما ناظرت نايف بغت تنحاش نايف يناظر نوف بحقد ليه تكذب عليه ؟؟؟ نجود ناظرت بنايف وكنها صحت : نوف غطي وجهي نوف : ليه ؟ نجود : مدري نايف يسمعهم . . ! نايف : ارتاح يا خالد انا اوديهم خالد : عقب ايش ؟ خلاص اوديهم وارجع روح ارتاح انت نايف ما حب يصر اكثر ماله داعي يفهمه غلط خالد .. : طمنوني نوف بخوف : ابشر نايف : ابشر ها ؟؟ اوريك انا خالد على السلم : وش فيكم ؟ نايف : ولا حاجه سلامتك يا نجود .. / ** وللأحدآث بقيه **
|
|
|
|
|
13-03-2010, 03:44 AM
|
رقم المشاركة : 23 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 03:46 AM
|
رقم المشاركة : 24 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 03:47 AM
|
رقم المشاركة : 25 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 03:49 AM
|
رقم المشاركة : 26 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 03:51 AM
|
رقم المشاركة : 27 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
--------------------------------------------------------------------------------
يتبع الفصل الرابع عشر . . الكويت .. اشتقت لك واشتقت لأيامك .. / ناصر : هلا هلا وعليكم السلام .. نايف بصوت مبحوح : هلا فيك كيفك ناصر : عسى ما شر وش فيه صوتك ؟؟ نايف : أبد ما شر .. بس انا في الفندق في المملكة .. وانتظر بعد ساعه طيارتي لمصر ناصر : نعم ؟ نايف يكح : اللي سمعته يا بو سلمان ناصر : نايف احلفك بأغلى ما عندك يا رجال وش فيك ؟ ترا دقايق بالطياره وحنا عندك نايف : شدعوه نويصر والله ما فيني شي .. بس ضايق وقلت اسافر ناصر : من متى تسافر فجأه ؟؟ اخبرك تكره السفر ؟؟؟ نايف : آآآآآآآآخ .. خلها على ربك ناصر : يا ويلي عليك يا نايف .. بلاك من نجود ؟ اذا ماني غلطان نايف سرح وجلس يناظر بشنطة المره اللي قباله ناصر : الو ؟؟؟ نايف صحى : ههههههه نويصر احراج جالس اخز شنطة المره سرحت وهي مستغربه شككتها بنفسها .. ناصر : خل عني المره وشنطتها لا تضيع السالفه .. نايف : ايه ايه يا ناصر نجيد .. ارتحت ؟ ناصر : وراك معصب .. هذي الحياه يووم لك ويم عليك .. تذكر لما كنت اقولك لا توهق نفسك . واهم ما عليك حياتك و نايف : يرحم والديك لا تكمل درينا انك نصحتني .. بس انا ما اقدر ارجع فكلمتي لو ايش .. ناصر : حتى لو على حساب نفسك ؟ نايف : حتى لو على حساب نفسي يا ناصر وانت عارف هالشي ناصر : ........ نايف : تامر على شي .. ناصر : ابد سلامتك لا وصلت عطنا ألو .. نايف : الله يسلمك .. عساي ما انسى .. ادق على نويف .. ناصر فز قلبه : كيفها ؟ نايف بحنان : طيبه الحمد لله ناصر تغير وجهه : عساه دوم .. سلم لنا عليهم كلهم .. وما تشوف شر .. سكر الخط ناصر .. وجت فباله نوف جا بيتصل فيها بس انحرج ،، ورمى الجوال على السرير .. والله يا نويف خايف اني انا اللي فاقدك .. قمت اخاف انك ما تفكري فيني او تنسيني .. اففففففف وش هالتفكير .. ان جلست هنا راح انجن ما للغياب اعذار غير المقادير لو ما فقدتيني انا اللي>>> فقدتك<<< / / قصر ابو خالد .. الرياض محمد : صباااااااخ الخير بو خالد + نوف : ههههههههههههههه ام خالد : اهلين حمودي .. بابا قول صباح الخير ماهو صباخ محمد يجلس على الكرسي : ما اعرف نوف تبوسه : يا لبى كلك .. كل شي يطلع منه حلو خالد دخل : السلام عليكم الكل : وعليكم السلام نوف بقلبها (ياربي ليه كل ما يدخل هالبني آدم يحرك معه كل شي احس تصير ضجه بجيته مع ان كل شي ثابت !!) : وعليكم خالد : يا تردين السلام بنفس يا .. نوف : الحمد لله شبعت .. انا طالعه السوق بابا تامر بشي .. ابو خالد : سلامتك .. خالد : سلامات .. السوق بهالصبح ؟؟ رايحه تفتحي ابواب المحلات ؟؟ نوف بأدب : لا بس الجامعه بعد بكره .. ورايحه اشتري كم حاجه ناقصتني .. خالد وهو يشرب الشاي : مع مين ؟ نوف ملت من اسئلته: نجيد و باقي البنات خالد : يا كرهي لحركات البنات وتجمعاتهن .. مليون وحده يمشن مع بعض .. نوف : بس حنا مو بمليون حنا 3 بنات خالد : والباقي ؟؟ الله هاديهن ؟؟ نوف برفعة حاجب : تامر بشي ابو فيصل ؟ خالد : سلامتك .. نوف سحبت العباية وطلعت .. (اف منك كل شي لازم تعلق عليه .. ولا كأن فيه ناس اكبر منك .. اتخيل نفسي عايشه معك لوحدنا والله ليقتل الواحد الثاني .. الله يخلي ماما وبابا ولا يحرمني منهم ) لمو تركض على السلم فبجامتها وشعرها القصير : نوووووووووويف .. لا تنسين اللي وصيتك ههههههههههههههههه نوف بقلبها (الله يفضحك) : اوكي .. بس اسكتي حمودي : حتى انا ابغى نوفه نوف : ههههههههههههه ابشر .. / / بالسيارة .. نجود + العنود .. نوف دخلت سلمت وجلست : آه نجود : يلا تحرك العنود : وش فيك تأخرتي .. ؟؟ يا شينك نوف : سوري بس وربي ما خلصت من خالد واستجوابه العنود : الله يعينك .. نوف : وش فيها اللي بجنبك العنود : صار لها كم يوم ماهي عاجبتني .. نجود : العنود لا تألفي مافيني شي .. (نجود تكمل بزعل) : نوفه ليه امس طلعتي وتركتيني نوف : والله نجيد رجعت القصر خذيت دوش وقلت برجع لك لكن اغراء السرير كان اقوى مني ومنك نجود : ما علينا اي مول رايحين ؟ نوف : عندي كم شغله بكملها في المملكة والباقي عاد بالفيصلية .. مع حركة السيارة ودورانها حول النافوره الخارجية .. ارخت نجود راسها على المرتبة وجلست تتذكر / / فيلا ابو جراح .. بتول بتعب : ماما ساعديني .. ام سالم تجلس فوق شنطة الملابس الكبيرة .. : يلا سكريها بتول : هههههههههه ماما انتي مره فله .. اللي يشوفك ما يققول عجوز عندك 5 عيال .. ام سالم بعصبية : عجوز يا اللي ماني بقايلة .. استحي على وجهك جايه اساعدك بتول تجلس فحضن امها : هههههه امزح معك يالغالية وربي قمر اللي يشوفك يقول اختي مو بأمي .. ام سالم وكأن ثقتها بنفسها ارجعتلها : تعدلي يا بنت .. بتول توقف : اقول ماما .. انا طفشت من هالبيت واللي فيه .. اهلنا في الرياض ابرك منهم وارقى بالمره ذيلا مره سوفاج .. ام سالم : هذا وهم سعوديين يحتقرونا زي كذا .. بس والله الديرة واهلها مره فريندلي .. بتول باستغراب ممزوج بضحكة : ههههههههههه احلى ماما تحكي انقلش .. ناصر يدق الباب : فديت الأخضر واللي لابس اخضر ام سالم : هلا وغلا بوليدي .. وينك ؟ ناصر : ترا بعد 3 ساعات طيارتنا .. ام سالم : طيب انت وين رايح ؟؟؟ الغدا بعد شوي ناصر : لا ابغى اتغدا برا .. اهم شي جهزو كل شي على شان نطلع للمطار بسرعه بتول تمسك يد ناصر : بليز نونو حياتي خذني معك ناصر : والله لو تدلعيني من اليوم لبكره مافيه جيه .. ابغى هدوء .. وشكلي معطيك وجه زياده عن اللزوم بتول بدلع : انا اختك الوحيده لازم تدلعني اصلا  ناصر : لا جد طالع شوي واجي .. بتول : طيب لا تأخر اشتقت للرياض ناصر : اشتقتي لها بعد المولات والتسوق .. بعد ما خلصتي بضاعة الكويت ؟؟ يااوه يا الحريم بتول : خخخخخخ / طلع ناصر بسيارة جراح اللي نايم في الفيلا .. حب يتمشى لوحده ما يدري ليه .. لكن حس بضيقة وناصر من النوعية اللي لو يجلس لوحده عادي يعشق الهدوء والخلوه .. ناصر يطلع الجوال من جيبه ويتصل لا شعوري (حب هالرقم وحب راعيته ) ناصر ساكت يبغى يسمع صوتها : ......... نوف : ألو .. ناصر : ....... نوف باستغراب : ناصر ؟ ناصر : يا عيون ناصر .. نوف : خوفتني الله يسامحك ناصر : ويسامحك انتي بعد نوف : افا ليه وش سويت ناصر : والله مادري .. بس الله يسامحك .. نوف : كيفك ناصر .. ناصر سمع صوت رجال بجنبها : طيب الحمد لله نويف وش هالصوت ؟؟ نجود تحاكي صاحب محل الشنط .. : عطني 2 ماكس فاكتر نوف : انا في السوق .. ناصر : ومن صوته هذا ؟؟ نوف : مادري يمكن صاحب المحل .. ليه ؟ ناصر : ....... نوف : ناصر فيه شي ؟؟ ناصر بضيقه : مافيني شي .. نوف بصوت باين عليه الاستغراب : طيب ليه تحاكيني كذا ؟ ناصر : نويف انا مادري وش فيني .. لا تزيدين علي نوف : انت وينك ؟ ناصر نزل من السياره ويسكر الباب ويعدل السماعه فأذنه : انا نازل فرايديز نوف جت بتتكلم بس سكتت : لا و ناصر : وش فيك سكتي نوف : فيه بنات ؟ ناصر بعصبيه : رايح مرقص انا .. والارايح عشان البنات ؟؟؟ نوف تبعد عن البنات : ناصر مليون مره اقولك لا تحاكيني كذا .. اففففففف باي ناصر بصوت عالي : لا تسكرين انا اكلمك نوف شوي وتبكي : ما اقدر اسكر اصلا ناصر اوجعت قلبه : عارفه كيف .. ؟ انا راجع سيارتي وبجلس فيها زين كذا ؟ نوف : ناصر خلاص عاد .. طلعت مني عفويه .. لا تزعل بليز .. انت عارفني .. ناصر : يا قلبي قلبك .. عارف بس انا ضايق بملابسي .. احس بنجن نوف : اسم الله عليك .. وش فيك ناصر .. ناصر جالس في السياره : برجع الرياض بعد كم ساعه .. وبظل منقطع عنك .. وش هالحياه .. اشتقت لك والله اشتقت لك اول اقول اني متضايق عشان امي وابوي .. الحين انا جالس معهم .. وللحين ضايق وش تفسيرك لذا .. غير ان انتي قريبه وبعيده بنفس الوقت .. وربي يا نويف احسد السواق واحسد حتى صاحب المحل اللي قبل شوي .. امانه يا نويف ماهو شي يفشل ؟؟ والا من يفكر بكذا الا واحد منتهي قاضي .. ؟؟ نجود : نووووووووووووف تراك ازعجتينا لا خلصتي شغلك ولا خلصنا شغلنا .. مين تكلمين ؟ نوف : ناصر نجود سكتت : طيب انا ودوده هناك ناصر : نويف نويف نوف : هلا .. ناصر : انا عطلتك .. اسمعيني نويف انا مهما قلت ومهما زعلتك هالفتره اعذريني وامسحيها فوجهي تراي والله ماعندي احد احط حرتي فيه الا انتي .. وكله اصلا بسببك .. انتي عارفه وش كثر احبك واغار عليك .. وانقهر اكثر اني ماني عارف وش حالتك ولا اخبارك .. نوف : ابشر يا ناصر ما طلبت شي .. ناصر : تبشرين بالجنه يا قلب ناصر انتي .. سلميلي على البنات وما تشوفين شر .. ان تفرقنا وخانتنا الظروف والمسافة كل يومن تتسع كل ما خطيت من اسمك حروف اذكرك واقول يارب نجتمع / / شقة ابو تركي .. الجوهره : يمه تكفين يمه ام تركي : لا يعني لا .. انتي ما تفهمين ؟ ساره : يا شينك يا الجوهره لا صرتي زي البزر .. دام امي رافضه انسي تقتنع الجوهره : يمه تكفين والله ماراح اطول عندها ساعه وحده ام تركي : الجوهره اسمعيني انا ماني ناقصه خالتك والا خوالك يجون ويقولون وش جايب بنتك فبيتنا جايه تشحذ والا قطة وجه بس الجوهره : لو تركي هنا كان وداني .. عزاه يا تركي .. آه ام تركي : تركي صار له كم يوم ما يدق .. ساره : الغايب عذره معه ..بعدين اكيد انشغل بهالدوره ام تركي : قلبي ما هو مرتاح الجوهره بتريقه : عاد امي توها شايفه فلم عربي .. ها يمه وش قلتي ام تركي ماسكه راسها : ساره ابعديها عن وجهي .. ما ابغى ازعل عليها الجوهره تطلع وهي معصبه : اف كل شي في هالبيت لا ولا / / / قصر سامي السامي .. كالعادة الهدووووووووووووووووء مالي المكان .. والقصر رغم جماله وفخامته اللي مالها شبيه الا في الاساطير الا انه جامد ومافيه حياة .. سامي جالس على سريره متمدد سلمى توها تدخل الغرفة . (غريبه ابو راشد وش فيه اول مره يرقد بهالوقت ؟؟؟ ) سلمى : ناظرته من بعيد لقته يرجف .. سلمى عرفن انه جالس يبكي .. سبحان الله الواحد كل ما يكبر في العمر قلبه يحن و يصير لين مره .. لدرجة ان الواحد ما يعرف حاله سامي حس بوجود ام راشد : (جلس يتمتم بكلمات ماهي مفهومه) سلمى : سم ؟؟ وش قلت ؟؟ سامي بهدوء : وهو بنفس الجهة حاط يده تحت راسه : انا فرقت عيالي عن اخوانهم .. وحاولت ابعد احفادي عني لانهم قالو الحقيقه الواحد ينصدم لما تجيه النصيحه من شخص اصغر منه بالعمر .. اليوم هذاك لخبط كل شي .. كرهت الطلعه كرهت كل حاجة بسبة هالناصر .. ذكرني بأشياء كثير ناسيها او في الحقيقه احاول اتناساها مع انها مطبوعه في الذاكره ام راشد فضلت السكوت لأن باين على سامي انه يبغى يفرغ صمت كل هالسنين .. سامي : حاولت اعتذر منه بأكثر من طريقة لكنه عنيد .. وعزته فوق كل شي مع انه مفروض يشيل الحواجز اللي بينا .. (بنبرة عالية )وش يبغاني اسوي اكثر من كذا ؟؟ سلمى : اذكر الله يا ابو راشد كلنا نغلط .. خلاص انت سويت اللي عليك .. لا تحمل نفسك اكبر من طاقتك .. ترا جسمك له عليك حق .. سامي : اذا احد اتصل كالعاده قولي نايم طالع اي حاجه .. / / / قصر ابو خالد خالد : نوره جيبي غداي بسرعه نوره : ابشر ابو خالد : انتظر شوي نوف هذي هي هنا .. قربو خالد : يبه والله تأخرت على الشركة .. ابغى اتغدى بسرعه واطلع ابو خالد : على راحتك .. جيبيه يا ام فيصل نوره : سم تغدا خالد وجا بيطلع .. فتحت الباب نوف ونجود .. خالد نزل نظارته الشمسيه : السلام عليكم نوف +نجود : وعليكم السلام خالد : كيفك نجيد ؟ نجود : تمام خالد يلتفت لامه وابوه : فمان الله .. نوف تبوس راس ابوها : ماما وين الغدا جوووووووووعانين ام خالد : 5 دقايق وكل شي جاهز نوف : كان خليتينا نتغدا في المول .. ابو خالد : افا وانا وامك مين يتغدا معنا ؟؟ نوف : وفيه احد يفوت فرصة زي كذا .. نجود تهمس لنوف : نوفه انا بطلع فوق نوف : طيب تغدي ما كليتي شي .. نجود : مالي نفس والله .. اذا خلصتي تعالي / / طلعت نجود بالاصنصير .. وهي تناظر بكل حاجه فهالبيت .. !! كل شي فهالقصر مر عليه نايف .. كل حاجه هنا لمسها .. كل حاجه هنا عطره مر عليها .. مشت فالممر الطويل .. وجالسه تناظر فغرفته من بعيييييييد قربت تدخل غرفة نوف .. بس وقفت .. ظلت ملتفته بجسمها لجهة غرفة نايف .. نزلت دمعه سريعه وكنها تهرب مسحتها بسرعه وقربت بخطوات بطيئة لبابه .. فتحت الباب وجتها لفحه قوية من ريحة عطره .. تنهدت بقوه ودخلت شغلت الاضاءة .. الغرفة راقيه ي صاحبها .. ! الغرفة هاديه زي صاحبها .. ! الغرفة معالمها واضحه زي صاحبها .. ! لكن الغرفة موجودة بعكس صاحبها ، ليش سافرت يا نايف .. تبغى تهرب مني والا من القهر ؟؟ يا ليتك هنا على الاقل صادفتك او لمحتك .. او عشت باقي الوقت بلمحة لابتسامتك قطع تفكيرها صوت نوف : نجيد نجود اول ما ناظرت فنوف انحرجت وخدها صار احمر ما حبت حد يشوفها وهي بهالحاله اللي وصلتها تدخل عشان تناظر اي حاجه لها علاقة بنايف : نوف .. نوف بخوف : هلا نجود : متى يرجع نايف (بكت بقوه وغطت وجها بيديها) نوف ما تدري وش تسوي : نجيد يا قلبي .. اذكري الله .. يومين وراح يرجع نجود بتوتر : بس انا ما ابغى اشوفه نوف (بسم الله هذي انجنت ): نجيد تعالي طيب معي نوف وهي طالعه لغرفتها وضامة نجود (والله ما الومك يا نجيد ،، والله شي يقهر ومحد يتحمله ،، لو انا مكانك والله يمكن انجن لما اشوفه حاط يده بيدها وشلون اجل لما يظمهم بيت واحد وتصير حلاله ) ربي يصبرك ويصبر اخوي وش هالقهر / الساعه 5 المغرب .. فبيت الجد سامي .. الكل مجتمع .. بكره المدرسه واليوم آخر يوم من العطله الصيفية .. الكل ينتظر عايلة ابو سالم .. لهم وحشه .. كم يوم غابو ومكانهم فاضي .. الصاله كبيرة وريح البخور مالية المكان .. الكل جالس يسولف ويضحك .. نوره : وش فيك نجيد ؟ تعبانه ؟ نجود حاطه ميك أب خفيف ولابسه جينز ستريت مره و تي شيرت : تعبانه شوي .. نوره : ما تشوفين شر .. نوف : نوره وين فصولي ورتوجه .؟؟ نوره : رتوجه نايمه .. كشخت وانتظرتهم بس طولو .. حطت راسها ونامت .. وفيصل بالحديقه حمودي .. خالد : يااااا المااااااس خالد : الماااااااااس ابو خالد : يمكنها جوا عند البنات خالد : لا هذي هي اشوفها بس تعمل حالها ما تسمع ابو خالد : احسن النيه خالد : نجووووووود نجود تلتفت بسرعه : نعم؟؟؟ خالد : انعم الله عليك .. ناديلي الماس .. نجود : ابشر ام دانه بعصبيه : دانه اتركي الجوال عنك .. سولفي مع الناس دانه بغرور : محد له دخل فيني .. الماس لا بسه برمودا بيضا : هلا خالد : ما تسمعين اناديك الماس فقلبها (يمال الوجعه لا تفشلني قدام الناس الله ياخذ هالخشه) : لا ما سمعت كنت احكي تبوله جوال خالد : اطلعي فوق جيبيلي من الخزنه اللي بجنب التسريحة 7000 ريال .. الماس تفتح عيونها بقوه (ومرتك ليش ما ترسلها يامال الخبال خدامتك انا ) : طيب / فواز ابو دانه : الو هلا سالم وينكم صيفتو علينا سالم : هذا حنا قريب .. فواز : يلا عجلو ابوي ينتظركم من الصبح سالم : 5 دقايق بالكثيرر سامي باين عليه الحزن عارف ان ناصر بيرجع مكانه : سالم اللي رايح يجيبهم ؟؟ فواز : ايوه .. نوف حاطه رجل على رجل وتلعب في الكوشية : ...... نجود : نوفه .. فيه شي ؟ نوف تبتسم : لا ليش ؟؟ فجأه دخل حمودي يركض : جووووو بابا جوووو .. حتى سعودي جا معهم .. الكل قام وقف .. دخل ابو سالم وام سالم : السلام عليكم الكل : هلا وعليكم السلام .. .. : الحمد لله على السلامه ام سالم وابو سالم : الله يسلمكم من كل شر راحو يسلمون على سامي وسلمى في الصاله : شلونك يبه ؟؟ سامي : هلا حي الله بنتي .. ساره: الله يحييك سامي : ابو سالم كيفك ؟ ابو سالم : طيب طاب حالك .. بشرنا عنك سامي : ابد كل شي تمام سلمى : وين العيال ام سالم : الحين يجون سامي بدون شعور : وناصر ؟ ابو سالم بلع ريقه : والله يا عم كلمته وقلت له ينزل بس رفض ،، والحين اخوانه يقنعوه جا سعودي يركض وجلس فحضن جده سامي وباسه : هلا سعودي .. سعد : كيفك جدووو سامي : ههههه بخير .. اقول سعودي وين ناصر .. نوف جالسه مع الناس وتسمع جدها من اليوم بس يحكي فناصر .. سعد : ناصر بالسياره لوحده .. قال له سالم انزل قال لا روح وارجع وصلني .. سامي: ما فهم شي من سعد الا ان ناصر في السياره .. الكل جلس يسولف .. بصوت عالي مرررررررررررره قالت الماس : نوووووووووووووووووووووووووووف نوف قفزت من الخرعه : لمو يا نذله خوفتيني وش فيك ؟؟ الماس بصدمه : صارلي ساعه اناديك ليش ما تردين نوف : ما سمعتك والله الماس : وراك سرحانه خالد يسمعهم : اللي يسمعها يقول الهموم ماليه راسها .. نوف ماردت عليه .. يمكن لأنها كانت تفكر بناصر .. ودها تطلع تركض وتسلم عليه بس !! نوف : وش بغيتي ؟؟ الماس تهمس فأذنها : بتول تبغاك في الحديقه العنود والهنوف طلعو للحديقه يسلمو على بتول : هاااااااااااااااااي تبوله بتول : هايات .. اشتقت لكم يا مجانين .. العنود : وش جبتي لنا بتول : استحي على وجهك ما قعدت لهاللحين الهنوف : والله اختي ما تستحي .. بتول : اي والله الهنوف : وين شنطتك تبوله ؟؟ بتول : هههههههههههههههه يالخايسات .. وجع ناصر جالس في السيارة يضحك على خبالهم .. بس نوف تأخرت بتول متعمده توقف برا .. نوف ورا الباب : نجيد خايفه .. نجود : نويف فرصتك شوفيه .. كلميه .. هو مشتاق لك .. روحي ناظري فوجهه نوف : طيب انتو سلمتو على تبوله وناصر ؟؟ نجود + لمو : ايووووووه نوف ابعدت الخصلة عن وجهها وفتحت الباب بهدوء اول ما ناظرت فتبوله حضنتها بقوه وجلست تبوله تبكي .. نجود : هههههههه اشوف سلمت عليك وما بكيتي انا اوريك .. خلي نوف تنفعك نوف وهي ضامه بتول صار ناصر فوجهها .. ناصر عدل جلسته بسرعه وحط عينه فعينها اللي من اول ما شافته جلست تلمع .. بتول تبكي خفيف : نويف وربي لك وحشه فقدتك مره نوف تناظر بناصر اللي ما شال عينه عنها : وانا اشتقت لك تبوله .. كيفك ؟؟ تبوله : تمام يا قلبي .. وقفو البنات على شكل دائرة .. وناصر يناظر فنوف ويأشر لها تجي .. ونوف تأشر له وتقول لحظه نجود : روحي .. يناديك نوف : عيوني تدمع ..ما ابغاه يشوفني كذا .. انترو شوي تبوله تمسك خد نوف : مو باين روحي قبل لا يجي سالم نوف معطيه ناصر ظهرها وتحكي مع البنات ناصر (نوف تعالي .. اخلصي لا يجي سالم والله مالي نفس ) : فتح الباب بقوة ونزل بغترته وثوبه ووجهه اللي لو احد شافه نسى الحكي ..
|
|
|
|
|
13-03-2010, 03:54 AM
|
رقم المشاركة : 28 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
-------------------------------------------------------------------------------- الفصل الخامس عشر آغليك و آغليك و و آغليك يـ/ [ الريآض ] من غلـآ آنسسـآنْ سـآكنً فيك :$ تبوله تمسك خد نوف : مو باين روحي قبل لا يجي سالم نوف معطيه ناصر ظهرها وتحكي مع البنات ناصر (نوف تعالي .. اخلصي لا يجي سالم والله مالي نفس ) : فتح الباب بقوة ونزل بغترته وثوبه ووجهه اللي لو احد شافه نسى الحكي .. ناصر جلس على الطاوله وقال بصوت عالي : نويف تعالي نوف التفت له .. وراحت له بهدوء بعد تردد وبعد ما دخلو البنات جوا : الحمد لله على السلامه ناصر جالس على طرف الطاوله : الله يسلمك ،، وراك ما تناظري فيني ؟؟ نوف تدمع : طيب ليش ما ترجع وينتهي هالفلم ؟؟ ناصر رافع حاجبه : كيف ؟ نوف : اقصد جدي اعتذر لك وش تبغى أكثر ؟؟ ناصر يحد سنونه : يا بنت الناس افهميني لا تصغري مخك .. انا ما استاهل اللي سواه جدك فيني وماني بحمار لا قالي اطلع طلعت ولا قال ارجع رجعت نوف تبكي : بس هذا جدي .. والله يحبك ارجع عاد ناصر : وانا احبه .. بس لا يقرب عندي .. خلاص لحظة هدووووووووووووووء .. ناصـر : نويف قلبي انتي .. تراي متعمد اخلي سالم يوصل اهلي اول مع اني في طرقهم .. عشان اشوفك .. لا تضيقيها علي يرحم امك نوف : طيب وين راح تروح ؟؟ ناصر : برجع المزرعه عند عزيز جا سالم من جوا .. : هلا نوف .. وراك ما سلمتي ؟؟ نوف بحزن : هلا سالم كيفك سالم : طيب الحمد لله ووش في عيونك ؟؟ ناصر : ما فيها شي .. يلا خلنا نمشي ..؟ ؟؟ سالم وقف وجلس يناظر بنوف وناصر : ........ نوف تركته وراحت : مع السلامه ناصر .. ناصر وهو يركب السياره : انتبهي لحالك . / في السياره .. عند الاشاره .. ناصر رافع رجله ومتسند على المرتبة .. ويناظر في السيارات اللي برا سالم : وش فيك ؟؟ ناصر : ....... سالم : ناصر !! ناصر : هلا .. سالم : وش فيك يا اخوي ؟؟؟ ناصر : سلامتك .. مافيني الا كل خير سالم : والله حاس فيك وعارف حالتك .. لكن وش السواة ؟؟ ناصر يتعدل : خلها عى ربك يا بن الحلال سالم : ناظر ناظر .. شف لبسها .. ؟ ناصر يكره هالحركات : خل عينك قدامك .. ياخي عيب الله ما يرضى .. سالم : بدا عاد ناصر .. بدا الانسان المثالي . ناصر وهو معصب : ومن قالك اني مثالي .. العن آبو المثالية .. يا شيخ .. انت ما ترضى احد يناظر فأهلك وش فيك ؟؟؟ سالم : يا بن الحلال انت علامك واذا يعني ناظرت فيها شفها كيف لابسه ؟؟ ناصر : ان شاءالله ما تكون لابسه .. انت وش دخلك ؟؟ والا عشانها مع سواق ؟؟؟؟؟؟ سالم : خلاص سكر الموضوع ما ابغى اتهاوش ناصر يتعوذ من ابليس : اعوذ بالله من الشيطان ناصر فقلبه ( ااااااف انا وش فيني صاير اعصب بسرعه ؟؟؟) طق يآمطرَ وآغسلْ همومـيْ والـآحزآنَ ، وأرويْ الضلـوعَ اليآبسـه من » ظمـآهآ / القاهره نايف بعد ما وصل وارتاح ارسل مسجين واحد لناصر وواحد لناصر يبلغهم بوصوله بالسلامه .. / تــعالـ آظلمني بلا ذنب وحسـاب ]ظلمكـ[ ولا عـدل الزمن في غيـابـك!! في الصاااالة .. نوف بيدها الجوال : نجيد نجود : هلا نوف : ابشرك نويف وصل .. نجود : الله يبشرك بالجنه .. افففف نوف : اذكري ربك يومين وجاي .. نجيد : والله هالساعات اللي غاب فيها اشتقت له : ( .. نويف نوف : هلا .. نجيد : احس اني حقيره .. تخيلي احب زوج اختي : ( نوف : نجيد عمري .. حنا ما نقدر نحكم مشاعرنا لو بيدك ما كان حبيتي نايف ولو بيدي ما حبيت خير شر .. بس وش نسوي دام هالشي ماهو بيدنا ؟؟؟؟ غنيت لِك في فَجري ..[ الفجـر البعيد ] .. وإنت بعيد وَ حنيت لك .. وَ صاح حـزِني ..[ يا عنييييد ] إرجع ترى ناديت لك ’ / السبت الساعه 6 صباحا ً محمد : ماما ما ابغى اروح للمدرسة بطني يوجعني ام خالد : عادي يا ماما لازم يوجعك اول يوم .. بعدين انت كبرت خلاص .. الحين تروح وتلقى اصحابك هناك محمد يناظر فأمة وهي تساعده فلبس الجزمة : اففففففففف / الماس واقفة قبال المراية وتغني : رجب حوش صاحبك عني رجب صاحبك اهو شافني رجب قلو ي نوف : الحمد لله والشكر .. !! ما انتي بصاحية وربي ؟؟؟ الماس : ههههههه اشتقت للدراسة وللكتب وللالتزام .. نوف : جد بزر .. راح تداومي وتطفشي وتشتاقي للعطله , وقولي نويف ما قالت الماس : مالك دعوى ، المهم وراك ما جهزتي .. ! نوف : انا طفشانه وضايق خلقي .. الماس وهي تحط الروج الزهري : آهآ انا عارفه وش اللي مضايقك نوف باهتمام : اذا انا نفسي مو عارفه انتي كيف عرفتي ان شاءالله ؟؟؟ الماس : مممممممم الا اقولك نويف ،، نويصر ماهو مودينا الجامعة ؟؟ لأن دايما اول يوم دراسة ياخذنا كلنا هو ونايف ،، صراحه بنفقد هالحركه نوف بقهر : لمو بلا حركات البزارين وبلا نغزاتك اللي من تحت لتحت ،، اصلا ما همني من بيجيبنا ومن بيودينا لأني اساسا مالي نفس اروح للجامعه الماس وكنها تقلب من المزح للجد : لا جد حياتي نويف وش فيك ؟؟ دايم تكونين متلهفه للجامعه ولصاحباتك وش فيك ؟؟ نوف بمزح : لأنك هالسنة جيتي معاي في الجامعه ههههههه الماس سحبت العباية من الدولاب وطلعت من الغرفة : حتى ابتسامتك وضحكتك تغيرت .. نوف انعقدت حواجبها وجلست تفكر بحكي الماس .. جد هي تغيرت ؟؟ صحيح انا ما عدت بنوف القديمه ؟؟ آآآآآآآىخ يا ناصر والله من بعدك كل شي تغير وعدتني ترجع واخلفت بالوعد على غير عاده .. لكن عاذرتك والله عاذرتك بس خلاص ما عاد فيني حيل .. مكتوب لي كل العمر اني اغليك هذا القدر واحلى قدر في حياتي / / بتول : آه ماما ألم ما هو طبيعي .. آآآآآه ام سالم خافت ومسكت معدة بنتها : من هنا ؟ بتول بصياح : آآآآآه .. ايوه .. لا توجعيني ماما .. ام سالم : انتظري اتصل بسالم يجي بتول : لا ماما سالم يقول عند اصدقاه وماهو جاي الا على الغدا .. آه .. ام سالم ماسكه الجوال : وش وراه ما يجي ؟؟ من الأهم ؟ بتول : ماما راح يطول .. بليز ماني قادره .. ام سالم بصوت عالي : فاااااااااااارس .. فارس قفز من سريره لقى حاله قبال السلم : بسم الله وش فيك يمه ؟ ام سالم : اسمالله عليك .. بس ابغاك تودي تبوله للمستشفى بسرعه يوجعها بطنها فارس يرد شعره لورا : يمه اخاف دلع .. تبوله حياتي اذا ماودك تروحي للجامعه خايفه من البنات اللي بالي بالك لا تروحي .. وبلا مسرحياتك اللي مالها داعي بتول : ماااااامااااااا خليه يسكت .. ينرفز آآآآخ والله يوجع .. فارس ناظر فيها .. وجها غريب مو زي عبطها اللي دايم : البس واجي دقيقه / في بيت ابو دانه .. ام دانه على طاولة الطعام : هم هم الريم بعصبيه : ماما انا مو بزر توكليني .. ام دانه : بس هالزيتونه .. على شان امك الريم وهي تاكلها : وين بناتك مالهم صوت ؟؟ ام دانه : شفت جدولهم الاسبوع اللي فات .. عندهن محاضره 9الساعه ماهو الحين الريم : وانا اجلس من النوم الحين .. اففففففففف متى اخلص وافتك ام دانه : جوالك يرن .. الريم تلتفت بسرعه للجوال : نايف !! ام دانه : والله عارفه انه بيتصل .. الريم بحيا : الو ؟ نايف : صباح الخير الريم : صباح النور .. كيفك نايف ام دانه تناظر فبنتها اللي لاحظت عليها كل ما تكلم نايف يتغير صوتها !! نايف : بخير الله يسلمك .. ها جاهزه ؟ الريم : لأيش ؟؟ نايف : لأيش يعني ؟؟ للمدرسه ؟ الريم : ايوه جالسه افطر مع امي .. نايف :لا خلصتي من الفطور عطيني رنه واطلعي عشان اوصلك .. الريم وهي طايره من الفرحه : ها ؟ لا ما ابغى اتعبك ؟ ابغى اروح مع السواق نايف : افا ترديني ؟؟ مو بعلى كيفك اصلا .. الريم : اجل انا خلصت نايف : اكيد ؟ الريم : ايوه نايف : اجل يلا انا بالسياره .. الريم تركض للشباك : الله يسامحك جالس تنتظر من الصبح ؟ نايف : لا عادي .. يلا اطلعي .. الريم : دقايق الريم باست راس امها لبست عبايتها و رمت الشيله على كتفها وطلعت تركض وكنها مو مصدقه انها راح تطلع مع نايف .. يا حبني لك وبس ما اقول اعزك مثل باقي الناس !! بقول : لك (دنيا) بقلبي وسيعة / / في المستشفى .. الجو كان مره هادي .. لا زحمه ولا ازعاج .. اصلا مافيه احد .. هناك جالس فارس بثوبه الابيض وشعره الأسود كان يشبه عيون ناصر .. .. وبجنبه بتول اللي باين عليها التعب كانت مره توجع القلب .. وجها البريء والناعم ماهو راكب على جسمها الهالك جالسين ينتظرون النتيجه بتول : فارس الله يخليك ما ني قادره .. خلنا نطلع للقصر بعدين نعرف النتيجه .. فارس : انتظري يا بنت الحلال . . ما بقى شي .. دخل واحد على كرسي متحرك واصدقاه يركضون بجنبه .. كان الدم مغطي شكله .. كان هو الرابع .. والثلاثه كانو لابسين لبس رياضي وباين انهم كانو جايين من بر من شي زي كذا ... الاول : وين اللي هنا .. الله يلعنكم احد يرد علينا .. بتول رافعه الغطا وتناظره .. نست الالم والعوار وكل حاجه .. ناظرت فيه وكان يحاول ينزل عينه ما هو قادر يحط عينه بعينها الرجل يكره لحظة الضعف .. كان مره وسيم .. طويل وشوي معضل وشعره اسود وشوي طويل لتحت اذنه واسمر و عامل لحيته ديرتي .. كان شكله ينرحم .. بتول سامي كره حاله المستشفى كبير وفاضي وما حطيتوني الا فوجه هالبنت .. شكله بيزيد الالم كانت تقول فقلبها : استغفر الله كل هالحلا حرام يتعذب كذا .. رجله مره ممتليه دم .. الله يشفيك يا رب .. من كثر جماله بتول ما قدرت تشيل عينها عنه .. لكن في الاخير لحقت حالها واوجع قلبها وعملت حالها ماهي مهتمه .. وبين كل هالثواني اللي مرت بلمح البصر .. وقف فجأه فارس عل صوت واحد من الشباب يلعن .. وينادي .. فارس : مهند .. !! مهند : فارس ؟؟ شسالفه وراهم ما يردون علينا فارس يسحب الدراجه بسرعه : سلامات يا سامي .. الله يشفيك .. تعالو هنا بدخله على هالدكتور مهند : الكلاب يقولو طوارئ وهم نايمين في العسل .. والله ما اتركهم سامي رغم الالم ما صرخ : اذكر الله يا مهند .. الحمد لله وصلنا .. سامي وعينه على فارس .. ( معقوله البنت اللي كانت بجنبه من اهله ؟؟ استغفر الله وانا من اليوم اطالعها وما انتبهت لخويي اللي بجنبها وش يقول عني الحين ؟؟؟ بتول حاطه يدها على فمها تناظر فسامي ناظرت بحالها وهان عليها الالم شكله كان مره يخوف وهي ماهي متعوده تشوف نقطه جرح : ........ ؟ / في شقة ابو تركي .. ام تركي : روحي للجوهره وعقليها .. وقوليلها عيب تزعل من امها مهما كان انا ماني صاحبتها ساره : والله فهمتها يمه .. بس انتي تعرفين الجوهره بزر .. اذا رفضتي حاجتها كنك تكرهينها .. وش درها انك تدورين مصلحتها ؟؟ ام تركي : والله هالبنت بتجنني .. ما كانت كذا .. من اول ما طلع عزيز وتركي وهي متغيره .. والله عيالي يخوفوني ساره : الله يرحم حالنا اول .. يااااوه يا يمه والله اشتقت لجمعتنا واشتقت لهواش عزيز ودلع الجوهره وجدية ابوي وحنان تركي واشتقت لضحكتك الحين كلهم راحو مع بعض .. ام تركي : الله يسترها علينا يا بنت الحلال .. هذي هي الحياه وش نسوي اكثر من كذا .. انا وابوك يا ساره تعبنا بهالدنيا كثير رغم هذا عارفين ان فيه ناس تعبت اكثر منا عشان كذا لازم نحمد ربنا على كل حاجه غيرنا تلاقيه ماهو لاقي راحة البال اللي الناس ماهي حاسه بقيمتها ساره بألم : وانتي يمه حاسه براحة البال ؟؟؟ ام تركي تسكت شوي وتكمل رجاحة عقلها : راحة بالي يا ساره اني اشوفك انتي واختك قبالي .. واشوف عزة ابوك ما ماتت رغم كل اللي صار ساره تتنهد : هالكلام وهالمواضيع تتعبني .. كل ما افكر فيها اكره حالي وبعدها اتعوذ من الشيطان .. ام تركي : وش هالمواضيع اللي تتفتح على هالصباح .. روحي روحي نادي اختك تفطر معي .. وحشتني لقافتتها ساره توقف : يمه انا رايحه اناديها بس تكفين راضيها على شاني .. ولا تنسين ان الجوهره بنت وتبغى تكشخ وتطلع مع صاحباتها وحنا هنا مو موفريلها ولا حاجه .. فهذا ما يمنع انها تطلع شوي وتروح وترفه عن حالها بحدود المعقول ام تركي سكتت وكنها تفكر بحكي ساره / ام سالم : ها يا فارس وش صار ؟؟ فارس : يا يمه يا حبيبتي قلت لك ان وصلنا شي بلغتك فيه .. لا اتعبي حالك ام سالم : انا الغبيه طعتك وما رحت معكم .. اخاف انهم قايلين لك حاجه ومخبيها عني فارس : تعوذي من ابليس يا ام سالم .. هذي بنتك ماسكه الجوال وتقرقر فيه مافيها الا العافية .. ام سالم : طيب مثل ما قلت لك .. اول ما يقولك وش فيها دق علي طيب؟ ؟؟؟ فارس : ابشري ما طلبتي شي .. / بتول تحاكي نوف عالجوال بتول : والله احلف لك وراك ما تصدقيني نوف : كذابه .. امس جايه من السفر واليوم بالمستشفى ؟؟ كذاااااااابه انا ما اصدقك اصلا بتول : هذي اللي تبغاني اذبحها والله اني بالمستشفى ومع فارس كمان فارس : ووراك فرحانه انك في المستشفى ؟؟؟ نوف : هههههههههههههههه اي والله صادق .. هذا فارس ؟؟ بتول بتريقه : ايوه فارس ابو دم خفيف .. نوف : لا جد تبوله كنها قلبت جد .. وش فيك عسى ما شر ؟؟ بتول : بطني يوجعني مره نويف .. احس راح أودع نوف : بعيد الشر عنك .. لا تقولي على نفسك كذا .. مغص او نزلة معويه .. بتول : اول مره يوجعني زي كذا .. انا خايفه فارس بصوت طفشان : بدت الافلاااااام .. اشوفك بعد شوي تنطنطين زي القرده بتول تضرب رجلها في الارض : فارس .. انا مو قرده .. اففففففف فارس : وطي صوتك ما تشوفي اخوياي هناك .. بتول : ماني عاجبتك رح عندهم .. بعدين انت شايف اشكالهم ؟؟ هذيلا كبار ما تقول اعمارهم 20 او 19 فارس : ومين قال انهم 19 يا البزر فيه 24 وناس 23 هذيلا اخويا ناصر .. نوف فز قلبها : وشفيهم ؟؟؟ بتول : تقولك نويف وش فيهم نوف : وجع يا حماره انا اسئلك انتي .. الحين يهاوشك مالت عليك فارس برفعة حاجب : وش دخلها الاميره نوف ؟؟؟ بتعالجهم ؟؟ والله ان جلست عندكم لأذبحكم اروح اشوف الرياجيل ابرك بتول : اي والله ابرك / بتول بهمس : نويف نوف : وجعه شفتي كيف هاوش .. صدق انك خبله بتول بهمس مره ثانيه : نووويف نوف : هلا ؟؟ بتول : اصدقا ناصر كل واحد احلى من الثاني .. جايبين صاحبهم ازين واحد فيهم مصابه رجله وكلها دم شكله يخوف اوجع قلبي حسبي الله على عدوه الله يشفيه نوف راسها اوجعها : حكيك ورا بعض مدري انتي تدعين له او تدعي عليه حبه حبه بتول : يووووه وش قلت انا .. ؟ جالسه اقولك يجنن يخقق .. جلس يناظر فيني وانا اناظر فيه محد استحى هههههه نوف : شكله هو اللي استحى ههههه بتول : وجع نويف .. يا زينه .. طلع اسمه سامي .. عاد انا اكره اسم سامي بس الحين حبيته نوف بفمها ضحكه : حبيتيه ؟؟ بتول بسرعه وبدون تردد : اااااااااايوووووووووووووووه نوف فجرت ضحكتها : هههههههههههههههههه جد هبله ههههههههههه امداك تحبيه ؟؟ اجل يا كثر ما حبيتي .. هههههه بتول بجديه : نويف والله واجد المزايين اللي شفتهم في حياتي بس هذا غير والله .. صدقيني نوف : طيب صدقت ههههههههه بتول :عارفه كيف انا الغلطانه اللي متصله فيك اول وحده عشان اعيك اخبار اول بأول .. نوف : ياويلك من الله .. اصلا فقدتك ما اتصلتي .. دايم تهجديني من الصباح .. وش البس وش احط بتول : طيب انتي ليه ماراح تدوامين ؟؟ نوف تلعب فشعرها : كذا بتول : وشو اللي كذا ؟؟ ما نمتي والا ما شبعتي من الاجازة ؟؟ نوف وكنها تسأل نفسها زي هالسؤال : والله مدري بتول تناظر فالباب وبوجه مصدووووم : نويف سامي سامي نوف : سامي مين ؟؟؟ بتول : يوووووووووه المزيوووون نوف : وشفيه ؟؟؟ بتول بهدوء : طلع من الغرفه .. واول ما طلع ناظرني والله ناظرني وشال عينه نوف : يا هبله لا تناظريه عيب يعرف ناصر .. بتول : والله ماقدر .. يجذب نوف : هههههههههههه راحت فيها بنت عمتي بتول : اي والله . اقول نويف الدكتور نادى علينا يلا باي نوف : طمنيني بتول : اوكي / الجوهره تبوس راس امها : صباح الخيـر منيره : صباح النور فبنتي حبيبتي .. هلا والله بآخر واحلى العنقود الجوهره بزعل : هلا فيك يالغاليه منيره بحنان الأم وعاطفتها : وش في الحلو مبوز ؟؟ الجوهره بابتسامه : ولا حاجه منيره : هذا وانتي بكره بتروحين لنوف زعلانه ؟؟ شكلك ما ودك تروحين الجوهره بفرح : وشو ؟؟؟؟ اروح يمه ؟؟؟ منيره : لا لا شكلك زعلانه الجورهره : لا يمه وش يزعلني الحمد لله والشكر دامك عندي والله ما ازعل .. ها يمه من جدك اروح ؟؟ منيره : بس بشرط ؟ الجوهره باهتمام : وشو ؟ ساره بضحك : لما تجي الساعه 12 تكونين في البيت منيره : هههههههه لا وانتي الصادقه .. الساعه 9 وهي في البيت الجوهره بدلع : ومتى اروح لها اجل ؟؟ منيره : الساعه 8 الجوهره : يمه من جدك ساعه ؟؟؟ منيره : ما عندي الا هي .. الجوهره : وابوي ؟؟ منيره : ابوك خليه علي .. ساره بصدمه : بتقولي له بتروح بيت اخوك :| منيره : ليه مجنونه ؟؟؟ لا بقوله بيت صاحبتها .. ساره : ومن راح يوديها منيره : انا وانتي .. مع التاكسي الجوهره : انا اروح بتكسي ؟؟ لا ان شاءالله منيره : اجل اجسي يا بنت الامير الجوهره بحزن : يمه كيف اروح لها بتاكسي وهي تركب احلى السيارات .. منيره : الواحد بروحه مو بماله .. بعدين مثل ما سمعت ان نوف ما تهتم بالهيئه كثر المضمون .. مو هذا حكيك عنها ؟؟ الجوهره : الا بس .. ساره : المره الجايه خليها ترسل واحد من سواقينهم الجوهره : اففففففففف منيره وكنها تذكرت حاجه : ايه واسمعيني كويس .. تبلغين نوف لا تعلم احد انتي من بنته فاهمه .؟؟؟ الجوهره : لا حنا متفقين على كذا من زمان .. مع انها تمدح فأمها وابوها .. منيره : عز الله ابو خالد مافيه زيه جلس طول هالسنين يقنع فأبوي .. ولما فقد الامل جا يقنعني فقصر ومصروف وما اقتنع اني رافضه الا حلفت ما آخذ منه شي ساره : يا حظك يالجوهره .. راح تشوفيهم كلهم .. والله شي حلو تشوفي ناس ما عمرك شفتيهم وانتي عارفه انهم اهلك الجوهره بفرح : اي والله موقف يخوف .. انا طالعه الجامعه يمكن اصادف نوف هناك واقولها .. بااااااااااي / في المستشفى [ عيادة الاشعة والسونار ] الدكتور فهمي : أهلا تفضلو فارس يجلس : دام فضلك الدكتور يفتح الاشعه ويدبس فيها الاوراق : كم عمرك يا شاطره بتول تناظر فصلعته (مكتوب قدامك يا الدلخ ) : ما حسبته الدكتور مستغرب وفارسس اكثر استغراب : إيه ؟ فارس بصوت هادي : انا اوريك ،، 19 سنة يا دكتور الدكتور : بصي يا بنتي .. العملية مش حتطول .. والكل بيعملها بالمستشفى عندنا بتول من اول ما سمعت كلمة عملية وهي تبقق عيونها على كبرهم : إيــش ؟؟ فارس استغرب : وش عمليته ؟؟ الدكتور : لأه ما تخفوش ، عملية الدودة الزايدة بتول مصدومه دايم يوجعو قلبها صاحباتها اكثرهم فيهم دودة زايدة وعملو العمليه بس كانت ترحمهم الحين كيف هي ؟؟؟ بتول جلست تبكي بقوه فارس توهق : تبوله عيب بزر انتي بتول تبكي زياده : ابغى بااااااااااااااااااابااااااااااااااا الدكتور يوقف : انته متأكد ان عمرها 19 ؟؟ فارس باحراج : وش يدريني .. على بكيها هذا ما اعطيها حتى 10 سنوات الدكتور يقرب من عندها : اسمعيني كويس .. واللهي العمليه ناجحه 100 بالميه مالك خايفه ؟؟؟ فارس : اي والله مالك خايفه .. وش فيك خايفه ؟؟؟ انا قلبت حسبي الله على عدوك بتول : اخاااااااف من العمليه ما ابغاها .. فارس عارف ان اخته خوافه هي حتى البندول او الحبوب تخاف تاكلهم كيف عمليه وشق وجرح ودم وقص ؟؟؟ هو نفسه حامت كبده فارس : مالك دخل فيها دكتور فهمي .. مين احسن واحد في الرياض يعملها ؟؟؟ فهمي وكنه يقول فقلبه فيه دلاخه اكثر من كذا ؟؟ : فيه ايه مالكم بتحسسوني انها عمليه .... لا سمح الله انتا هنا بأحسن وارقى مستشفيات المملكة كلها .. وبتسئل ؟؟؟ فارس : مين اللي راح يعمل العمليه طيب ؟؟ فهمي : انا بتول فقلبها (كملت .. والله وجهك غبي .. ياويلي لو تنسى المقص جوا) : آآآآآه يا بطني فارس : طيب متى العمليه ؟؟ فهمي : بأسرع وقت .. بكره الصبح .. بتول تزيد بصياحها : ما ابغى ما ابغىىىىىىىىىىىى فارس تفشل : المشفى كلهم درو ان بتول من صوت صياحها / فغرفة الانتظااار مهند : هذي وش فيها ؟؟ سامي بخوف : فارس يقول ينتظرو النتايج .. لا يكون اكتشفو فيها الــ .... لا سمح الله مهند : وش فيك خايف انت ؟؟؟ سامي بتوتر : وشو يعني ما اخاف .. ما هي انسانه ؟؟؟ مهند : ههههههههههههه وش فيك سامي .. ما اقصد كذا يا بن الحلال حتى لو ما كانت اخت صاحبنا ندعي لها بالشفاء بس انا اقصد وش فيك مأثر مرررره ؟؟؟ سامي فهم نغزات صديقه : مهند . . لا تزيد الالم علي .. قلت لك عادي .. كلامي عادي وشعوري عادي ماني انسان ؟؟ مهند: هههههههههههههههه وش فيك اليوم ؟؟ انسانه وانسان ؟؟؟ جد محامي .. سامي : بلا تريقه .. والله صوتها وشكلها ينرحم مهند : لانها انسانه ههههههههههههه سامي وده يحذف مهند من الشباك بس ؟؟ : مهند لا تقهرني والله ما عندك احساس .. قسم بالله صدمتني مهند باحراج : وشفيك حساس من بعد الاصابه .. يابن الحلال اذكر الله لو فيها الخبيث مالقيتها هنا سامي بعصبيه : لا تقول اسمه .. اعوذ بالله .. ان شاءالله مافيها شي طلع فارس مع بتول اللي نست ان سامي برا .. لو تدري مسكت حالها (يوووه هذا وش مقعده يا فشلتي الحين يقول بزر وخبله ودفشه ) ياربي انا كيف بكيت ؟؟؟ افففففففف اكيد بكيت زي البقره : لحقت على حالها ورمت الغطا على وجها لا يشوف عيونها الحمرا سامي ينادي فارس : عسى ما شر فارس بشرنا عن الاهل فارس ماسك ضحكته : انا خفت حسبي الله على عدوها ماهي ببنت بزر .. سامي نسى حاله : وش فيها ؟؟ فارس : دوده زايده بس سامي : اشوى فارس : نعم ؟؟ سامي يلحق حاله : لا اقصد ان صوتها خلانا نروح بعيد .. الله يشفيها ان شاءالله .. ويقومها بالسلامه فارس : الله يجزاك خير .. تامرنا بشي سامي : سلامتك فارس : الله يسلمك ماتشوفون شر شباب / مهند : هههههههههههههههههههههههههههههه سامي : ان حكيت كلمه وحده قتلتك مهند حاط يده على شعره وفاطس ضحك : ههههههههههههههههههههههه علي : وشفيكم ؟؟؟؟؟؟؟ سامي يناظر بمهند : ولا حاجه .. علي : طيب انت وش فيك تسئل فارس زي كذا اللي يسمعك يقول بنت خالتك والا عمتك مهند ما قدر يسكت : ناظر .. مهو بس انا اللي ملاحظ .. زودتها بقوه .. ههههههههههه سامي : انتو من جدكم ؟؟ وش قلت يا عالم ؟؟؟ مهند يغمز لسامي : تبغى اسمها ؟؟؟ سامي : احترم نفسك هذي اخت صاحبك مهند : افا وش كنت اقصد انا .. والله نيتي شريفه .. اول كنت اجي العب مع ناصر .. واعرف اخوه الكبير سالم واعرف اخوه الصغير فارس وسعد وما كان عندهم الا هالاخـت وكنت اشوفها تطلع مع ابوها وناداها سعد وحفظت اسمها بس والله كانت مزيونه انا وهي بزر اذكرها سامي عصب : انت ما تستحي ؟؟ وش فيك اليوم ؟؟؟ مهند : ههههههههه عاد انت كل ما تزعل او تعصب تاخذ اغراضك وتطلع .. الحين ورنا كيف بتطلع ؟؟ سامي وده يعرف اسمها : طيب وش كان اسمها ؟ مهند مات من الضحك مره ثانيه : هههههههههههههههههههههههههههههههههههههههههه سامي تحسف انه سئل : كل تبن مهند : هههههههههههه اعلمك بس هد اعصابك وراك حمقان يا بن الحلال .. سامي يزين ثوبه : اخلص قول ؟ مهند : مصر تعرفه ؟؟؟ سامي : يووووووووووووووووووووووووووووووووه علي : قول يخرب بيتك .. انا اشتهيت اعرف اسمها مهند : بــتـــــــول .. سامي : ............. علي : راكبين على بعض سامي + بتول الله وش هالرومانسيه سامي : والله ان ما سكتو لأقوم عنكم لو يحركني الهندي اللي هناك .. لعنبوكم عملتو قصه على البنت والله حرام علي عقل شوي : والله ما نقصد كلنا نمزح سامي : هالامور مافيها مزح اصلا مهند يشعل زقارته : انت من متى عندك مزح اصلا ؟؟؟ حياتك كلها جد فـ جد لا ولا جيت تمزح من اقصاك قطيت نكته بايخه علي : هههههههههههه ايه ونضحك عليها مجامله سامي : ههههههههههههههههههه الله يقلعكم .. شككتوني فنفسي علي : الله يعينها عليك هههههههههه سامي : منهي ؟؟ مهند : اللي بتاخذك .. لايروح فكرك بعيييييييييييد .. علي: اقول مهند .. مهند : يا لبيه علي : يبيعون هنا تبوله ؟؟؟ سامي ما فهم : عمرك شفت تبوله بمشفى ؟؟ والله انك مفهي مهند : خخخخخخخخخخخخ تبوله عند امداها وصلت قصرهم .. سامي رفع حاجبه وكنه توه يفهم : ما انتهينا ؟؟؟؟؟؟؟ علي : سامي شكله متحسف ان الدراسه قطعته عن ناصر .. ههههههههه شكله بيرجع صلة الرحم سامي جلس يحرك كرسيه صرخو كلهم : خلاص خلاص والله لنسكت بس تعال
|
|
|
|
|
13-03-2010, 03:57 AM
|
رقم المشاركة : 29 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:04 AM
|
رقم المشاركة : 30 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:06 AM
|
رقم المشاركة : 31 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
هلا بك والصباح اللي خذا من طلتك نوره.. هلا به من بداية مطلعه لآخر تفاصيله.. / في المزرعة رجع امس بالليل ناصر ما لقى عزوز وحلف انه يشرشحه الصباح .. حط راسه ونام ولما قام الصباح لقى مكالمات من نايف اتصل فيه نايف : هلا و غلا ناصر كيفك ناصر بصوته الخشن : تمام نايف يناظر بساعته : فيه احد ينام لهالوقت ؟؟؟ ناصـر يتعدل : ليه الساعه كم عندك ؟ نايف : 11 الصباح .. ناصر : من جدك انت ؟؟؟ نايف : اي والله ،، قم يلا .. بعدين تعال انا داق اسألك .. وش سويت فعزيز طردته ؟ ناصر : الكلب عزيز انا شفته عشان اطرده ؟؟ والله لاطلع هذيك السهره من عيونه .. ما يستاهل حتى جزمتي .. والله صدمني .. نايف : هد يا بن الحلال الاشكال هذي ينخاف منها .. وبهاللحظه عزوز كعادته الوسخه يتسمع لسوالف ناصر .. بس هالمره أول مره بحياته يسمع ناصر يسب فيه انصدم عزيز فقلبه : (ديلار علمه ،، وشلون ما فكرت فيه ؟؟؟ انا كلب يا ناصر ؟؟؟ انا ما استاهل جزمتك ؟؟؟ والله لأوريك .. هي خاربه خاربه خلينا نعميها ) ترك ناصر يكمل تلفونه مع نايف .. و طلع بسيارته وانحااااااااااااش يخطط لفكرته القذرة .. بس وش بيسوي ؟؟؟ من أهم شي فحياة ناصر ؟؟ كيف يقدر يقهر ناصر بأعز ما يملكه ؟؟؟ وبهاللحظه مات قلب عزيز وضميره وكل فطره انسانية فيه أن مات غالي .. قلت حيل الله أقوى .. أنا آدمي مثله .. ولا في يدي شّي .. ماهي بسيطه موتته .. لكن اشوى ...! المشكلة .. لا مات قلبه وهو "حي " !! / البنات جالسين في الكفتريا يفطروا ،، نوف ونجود و الجوهره وعبير وسوالف وضحك تركت كل اللي في الكفتيريا يناظر فيهم .. كانت الجوهره تشبه نوف ونوف تشبه نجود مره كان باين عليهم القرب عبير : والله مصدومه كيف يجلسو كلهم مع بعض احس فشله ههههههههههههههه الجوهره : لا بالعكس أحس ان هالشي على التعود !! نوف : من جدكم انتوا ؟؟؟ اصلا كنهم اخواني .. أسولف معهم عادي ألبس عندهم أي شي عادي ،، حتى نطلع ونتمشى مع بعض نجود تشرب العصير : ميانه بشكل كبير الجوهره تحاكي عبير : لما رحت لهم القصر رحت لأمي مصدومه كيف قال ناصر لنوف يا قلبي ههههههههههههههه وكيف نوف لابسه عنده قصير !! نجود : ياليتني كنت هناك هههههه نوف حاطه رجل على رجل : ما انتبهت لك .. تصدقي ناسيه انك ما تعرفي علاقتنا كيف مع عيال عمامي !! الجوهره : أما فارس ؟؟ هههههههههه مره خفيف نجود : ماشاءالله من جلسه وحده معه عرفتي حقيقته ؟؟ خخخخخخخ الجوهره : أي جلسه الله يخليك ؟؟ قولي كم دقيقه .. ! بس ناصر غير نوف فقلبها (يووووو يا هالناصر اللي كل ما تحكي تجيب اسمه !) اكتفت بالابتسامه نجود على طول ناظرت نوف بشل سريع قرت ملامح وجهها : اي ناصر ذوق وحيوي الجوهره : الله يخليه لشبابه خالد يناظر التلفزيون وفكره بعيد مو بيمه أبدااااااا جت ام خالد وجلست وما حس فيها ولدها .. خالد وكنه صحى بصوت ريتاج ريتاج : ماما ابغى هم .. ام خالد تنادي الخادمه : ميررررررررررررررري جيبي فطور رورو خالد : والله ماني بعارف ليه الصوت العالي يا الغالية عندك الانتر كوم مادري ليه حاطينه ام خالد استحت احرجها خالد : والله ما اعرف استعمله .. نايف نازل من تحت ووقف قبال المرايه يعدل شماغه ما انتبه باللي جالسين .. نايف دخل وناظر بخالد لوى فمه وباس راس امه : صباح الخير يالغالية ام خالد تموت على نايف اكثر واحد من عيالها وبناتها مره رحوم : يا صباح الورد ،، فطورك جاهز ،، اليوم مره متأخر بالقومه ماهي بعاده لك نايف : ههههه من التعب والله .. ولدك تعبااااااااااان (يبوس رتوجه) فديت الحلوين يا صباح الخير يا رورو ريتاج تبسم لعمها بنظرات دقيقه من خالد .. ام خالد : ما تشوف شر يا ولدي .. نايف : الشر ما يجيك ،، تامرون بشي خالد حكى بعد هالصمت : نايف ابغاك نايف : اذا موضوعك اللي خبري انصحك ما تفتحه يا بوفيصل خالد : انا ما اشحذ منك دقايق من وقتك ،، قل ماني فاضي وانتهينا .. متغير يا نايف نايف : كيف يعني ؟ خالد : خلاص رح توكل على الله ام خالد اخذت ريتاج وطلعت : عن اذنكم خالد بعد ما طلعت امه وقف من مكانه وقرب لنايف : والله صالح اسم على مسمى والله انه راح يحفظ اختك ويصونها .. نايف : وش عرفك ؟؟ عشانه غني ؟؟ خالد : لا .. لأنه شاريها نايف : و حنا ما عندنا بنات للبيع .. خالد بصوت عالي استغل فيه وجود ابوه بالشركه : نايف .. نايف ببرود : تقدر تحكي بهدوء بدون صياح ما حنا بزارين خالد بنفس النبره : ما يقتلني الا برودك ،، قلت لك اذا ما اخذها صالح بياخذها واحد من عيال عمك يا سالم يا ناصر والا واحد من عيال خوالك الدشيره لمو لابسه بتنزل السياره عشان تلحق على محاضرتها .. سمعت كل شي .. ورحمت اختها .. نايف : وعيال عمي مثلي ومثلك ما يعيبهم شي رجال .. خالد طلع جناحه : الحكي معك فاضي .. نايف جلس على الكنبه وجلس يفكر كيف يشيل خالد هالفكره من راسه .. وش هالتفكير المادي .. اللي يسمعك يقول فقران .. لمو انحاشت لا يشوفها خالد ،، انتظرت شوي وبعدها طلعت الجامعه طيراااااااان .. في المزرعه ناصر ببجامته وشعرهه المهمل .. هذا وين راح ؟؟ اول مره يطول زي كذا ؟؟ معقوله ما جا من امس ؟؟ ناصر : ديلاااااااااار ديلار من بعيد : نننننننننننننعم ناصر : تعال بابا ديلار : ؟؟؟ ناصر : ما شفت بابا عزيز ديلار : عزيز هنا صبح .. ويطلع قبل 10 دقيقه ناصر : وين راح ؟ ديلار : ما يدري ؟؟ راح ديلار يوكل الحيوانات وترك ناصر بحيره وش عرفه وكيف عرف ؟؟ واذا ما عرف .. ليه ما يخليني اشوف وجهه ؟؟؟ // دامني فاضي وراي ما اطلع لتبوله اكيد ذابحها الطفش ،، اختي واعرفها ما تعرف تجلس دقيقتين على بعضهم !!! طلع ناصر السوق واشترى مجلات البنات كلها سيدتي ولها وهي والجميلة .. وطلع اشترى من البقاله حلويات وشوكلاته وبطاطس من اللي تحبهم تبوله .. وبعدها طلع ناصــر للمستشفى .. ولقى عندها امه .. جلس معهم .. ام سالم تناظر بناصر وسرحانه ناصر وبيده الفنجال : عسى ما شر يا ام سالم .. على قولة راشد وش فيه بالك بعيد وجالس تفكر ؟؟؟ شاغل بالك ابو سالم ؟؟ بتول تمسك جنبها من الالم : هههههههههه ام سالم وبعينها دمعه : لا والله شاغل بالي ولده ناصر يحط الفنجال : افا ،، الله لا يشغل بالك ،، امري وانا انفذ بس لا يضيق صدرك والله ما احب اشوفك زي كذا .. ام سالم تبكي : ارجع لبيتك يا ناصر ناصر انحرج وقام باس راس امه : ابشري يالغالية والله ما ارقد اليوم الا فبيتنا .. ام سالم ما تدري تضحك والا تبكي من الفرح طلعت للقصر تجيب ملابس لتبوله وتجي تبوله قفزت وباست ناصر .. اتصلت على نوف : الو ؟ نووف : هلا وغلاااااااا تبوله كيفك بتول : نويف ؟؟ ناصر فز قلبه واشر لها ما تعلم نوف (يبتسم ويأشر ) بتول توهقت وش تقوللها ؟؟؟ ناصر يقول لها حطيه سبيكر بتول ما صدقت حطت الجوال على السبيكر يبغى يسمع صوتها .. نوف : ألووووووووو ؟ بتول : هلا نويف اخبارك ؟ نوف باستغراب : وش في صوتك ؟ بتول : ما في صوتي اي شي هههههههههههههههه نوف : والله ان فيك شي صوتك باين انه مبسووووطه من شي بتول : ولا شي حابه اسلم عليك (تغير الموضوع) من عندك ؟ ناصر يتسمع وحاط يده على خده ،، يحب صوتها ويحب بحتها ويحب حكيها واسلوبها كلها على بعضها والله يعشقها نوف : عندي (تناظر بالبنات) نجيد والجوهره صوت ازعاج عندهم بالكفتريا بالغصب تسمع بتول الجوهره : مييييييييييييين ؟؟ نوف : تبوله الهبله الجوهره تأشر لنوف تقرب السماعه : ابشرك تبوله بنخطب نوف لعزوز ههههههههههههههههه لابق لها ،، نوف : ههههههههه وجع شبي فيه تبوله بصدمه تبغى تبين لناصر انها مزحه : ليه ؟ الجوهره بضحكه عاليه : البنت عااااااااشقته بتول بسرعه تشيل السبيكر وتدعي على الجوهره فقلبها (الله ياخذكم ياويلي لا يذبحني ناصر) ناصر رافع حاجبه بقوه ويناظر في البتول : سكري السماعه بتول بخوف : أ أ البنت ع الخط نوف مصدومه من صوته هذا ؟؟؟؟ قفلت الخط البتول وما هي قادره تحط عينها بعين ناصر ناصر : اللي كانت تحكي الجوهره ؟؟؟ بتول : ايوه ناصر مع جهله بسوالف البنات ونكتهم : ليه قالت كذا ؟ بتول بخوووووووف : ماا ماا دري والله مادري ناصر بصوت عالي وصل الور ال20 : قلت لك ليه قالت كذا ؟؟؟ بتول شوي وتبكي إلا بكت وخلصت : لا تصايحعلي ،، والله مادري ،، ضحك يا ناصر مزح والله مزح ناصر بحكي اول مره يطلع من فمه : ياختي الله يلعن عزيز واخت عزيز .. بتول بخووووووووووووووف تناظره طلع وطبع الباب وراااااااااه وجلس انتظر برا ليما جت امه و ترك عندها البتول وطلع لقصره ينام فيه ووصى ديلار أول ما يدخل المزرعه عزيز اتصل فيني حتى لو 4 الفجر .. // // نجود طلعت لمحاضرتها ،، ونوف جالسه ما تدري وش السالفه .. نوف يا ويلي اتصل والا لا ؟؟؟؟ هذا سالم اللي يهاوش والا ناصر ؟؟ وليه يهاوش اصلا ؟؟؟ أكيد ناصر سمع حكينا ياااااااااااويلي (تتذكر شنو كانت تسولف فيه ! ) فجأه جاها اتصال من رقم غريب : ألو ؟ نوف : مين ؟ عزيز : انتي نوف صديقة اختي الجوهره ؟؟؟ نوف : هلا عبدالعزيز ؟ عزيز : أ أ والله مادري وش اقولك يا يا بنت خالي ؟؟ نوف خافت لا يكون صار بناصر شي ؟؟؟ : خوفتني وش فيه ؟؟ عزيز : ناصر وهو طالع المطبخ احترق كله بغينا ننعدم كلنا مره وحده .. بس الله ستر .. ! نوف حطت يدها على قلبها : كييييييييييييييييييييييييييف ؟؟؟؟؟؟؟؟؟؟؟؟؟؟؟؟ عزيز : اي والله يا نوف ،، وتراه موصيني ما اعلمك ولا اعلم امه .. بس انا ماني قادر اتحمل شكله ينرحم بس يتمتم بحكي مو بمفهوم منه الا نوف - السلسال - الكويت - احبها ما فهمت شي نوف تأكدت ان حكي عزيز صح من اسلوبه التمثيلي المضبوط ومن حكيه عن السلسال اللي اكيد ناصر حكى له عنه لان محد يعرف فيه ،، ولان ناصر مره كان يمدح فعزيز ويهاوشها اذا سبته او غلطت فيه ،، ايه ايه اكيد حكيه صح هذا عزيز صاحب ناصر .. : اقول عزيز هو باي مستشفى ؟؟؟ عزيز وعلامات النصر واضحه فملامحه : لا مو بمستشفى ،، جبت له الدكتور علي اذا تعرفيه ،، وقال يجلس هنا احسن عشان جروحه ،، نوف وقفت بزاويه في الجامعه وجلست تبكي بقوه : طيب انا جايه الحين مع نايف والا ابوي .. عزيز خاف : لااااااااا لاااااااا والله ليكون قاتلني .. ناصر ما يبغى احد يعرف .. مهددني يا بنت الحلال ،، حتى انتي اصلا ما ابغاك تجي .. حتى لو كان لوحدك مهما كان انتي بنت خالي وما ارضى لك تجي هنا لوحدك ،، من جدك انتي ؟؟ انا بس حبيت ابلغك لا اكثر ولا اقل وتدعيله بالشفاء نوف تفكر ياربي وش العمل : يا عبدالعزيز انت زي اخوي ،، وناصر دامه هناك ما عليه انا لازم اكون بجنبه وماراح اطول كلها ساعه وراجعه البيت ووعد مني ما اعلم احد بس تكفى خلني اجي عزيز : قلت لك لا يا نوف ،، لا اعذريني يا اختي نوف انعمت لما عرفت ان ناصر محترق كله حست انها ما تشوف الصح من الغلط ما تشوف المنطق من الغباء ،، هذا ناصر لو يروح من يدها والله تلحقه ،، حبها له مو بيوم والا يومين حبها له اكثر من 10 سنوات نوف بثقه : ما علي من حكيك انا جايه جايه وسواقنا يدل ما يحتاج حتى توصلني انت فمان الله // عزيز وكنها فرصة العمر ،، الفرصة الذهبيه اللي والله ما تتعوض بملايين الدولارات ،، آه يا ناصر والله مستعد ادخل السجن بس انت تتعذب ،، انا من قبل اكرهك والحين اسمعك تهيني ؟؟ وتحتقرني ؟؟ انتظر يا ناصـر .. والله لأحرق قلبك .. والأيام بينا ابسألكـ ....!! شآن آلزمآن .... ؟ وٍآلآ آلبشر طبعهم شآن ؟. وٍآلآ آلنوٍيآ آلصآفية ضيعتنآ ....؟ : : السايق صار له ساعه منزل لمو للجامعه وجالس ينتظر برا نوف اتصلت فيه وجا عند البوابه وطلعت طريق المزرعه اللي يبعد تقريبا نص ساعه ،، نوف ( ياربي انا اللي اسويه صح والا غلط ؟؟ ليه غلط ؟؟ ناصر اذا شافني راح يعرف اني مو بمهتمه الا بصحته ،، اكيد انه يفكر اني راح اخاف من شكله ،، ليه يا ناصر تبعدني عنك ؟؟ غريبه ما تعرف غلاتك عندي ؟؟؟ - يووو خليني اتصل بتبوله اشوف مين اللي كان عندها يمكن ناصر !!! ) نوف : الو تبوله بسرعه ردي علي بتول : يوووو يا نويف الحقي علي وعلى اخوي نوف وكن اللي فبالها تأكد : بعدين نحكي بس ردي على ضروري الحين .. اللي كان عندك ناصر ؟؟؟ بتول : ايوه وطلع وهو معصب و متضاااااااااايق مررررررررررره ياويلي على اخوي يا نويف لا يصير فيه شي .. عارفه ليه ؟ نوف : تبوله حياتي شوي واتصل فيك .. سلام .. سكرت الخط نوف وما كملت حديثها مع تبوله اللي لو كملته شوي راح تنكشف لها كذبت عزيز بس سبحان الله ،، هذا المقدر والمكتووووووووووووب طلعت للمزرعه وهي مرتاحه .. اهم شي يكون ناصر هناك ما همني احد ،، وماني بخايفه دامني هناك ،، معي ناصر واخاف ؟؟ صحيح انه فيه رهبه اني اول مره اجيها لوحدي بس وش اسوي ناصر وطلباته ،، الله يشفيك يا ناصر .. // // ** الواحد في هاللحظات ما يحس بقراراته وخاصة اذا كان سنه صغير ،، يفكر بعاطفته وينسى عقله حتى لو كان معروف عنه الذكاء والحكمه ،، عشان كذا حنا دايم نلجأ للي أكبر منا ،، لان خبراتهم اكثر وتجاربهم أوقع على النفس ،، كل ما كان الاانسان اكبر كل ما كانت قراراته اقرب للصحه ** // // شقة ابو تركي ساره بدراعتها حاطه يدها على خدها : يمه ترا الثلاجه فاضيه الجوهره : انا جووووووووووووعانه .. الناس ترجع من الجامعه تلقى شي سنع تاكله .. افففففففففف ام تركي : هاللحين اسوي لكم بيض وجبن انتظرو شوي ساره : عاشت ام تركي الجوهره توقف بطفش وزعل : يوووووووو يمه احد يتغدى بيض ومادري ايش ؟؟ يالله لك الحمد ام تركي ما استغربت لان بنتها صار لها كم يوم وهذا حكيها : الله يهديك أكلت هي وساره من الموجود ،، وراحت طلبت من اقرب مطعم لبنتها بكم ريال جمعته ،، ما تحب تترك شي فنفس هالصغيره لمو : حررررررررررررررررررررررررررررره الهنوف تبرد اظافرها : ما انتي بأول وحده تخلص مبكر العنود : فوفا عامله حالك مو مهتمه انا وانتي منقهرات ،، بتروح تنام الحين وحنا نكرف هنا بهالجامعه الهنوف : آآآآآآآآآه يا حظ تبوله .. ماخذه اجازه لمو : نجيد امشي معي دامك خلصتي شدعوه ؟؟ من متى تستحين من نايف ؟؟؟ الهنوف : روحي يا نجيد ترانا حنا ونوف بنطول هنا .. اطلعي معها نجود : يووووووووه انتوا ما تفهمون ؟؟؟ قلت لكم بنتظر نوف افففففففف لمو يرن جوالها : كيفك .. يلا جاو بنات // بالسياره : نايف : هلا لمو .. لمو : سوري لاني طلعتك من الدوام نايف : لا عادي احمد هناك بعدين دوامي بجنبكم (جا يبغى يمشي) لمو : اقول نايف ترا نجيد مخلصه محاضراتها بس ما تبغى تجي معنا .. تقول بتنتظر نويف نايف عصب من جوا وكن براكين وش قصدها ما تبغى تجي معي ؟ (رفع الجوال واتصل فيها) : نجود عارفه انه راح يعمل كذا .. رفعت البلاك بيري : نعم ؟ نايف : السلام عليكم نجود من تسمع صوته يروح كل الزعل بس تكابر : وعليكم نايف : انا برا .. اطلعي و اتركي عنك سواليف البزارين نجود : انا مو بزر .. وما ابغى اطلع نايف : علي الحرام .. لتطلعي الحين .. عطلت السير انا قومي البسي عباتك واطلعي يلا نجود : قلت لك ما ابغى نايف بصوت خشن : انا حلفت .. اخلصي .. نجود تقفل الخط : الله ياخذ هالوجه يا الماس .. رويترز مو بنت // قصر بو سالم ناصر يناظر فغرفته .. ياااااااايوه قديمه مرررررررررررره فاقد الهدوء وفاقد الاستقرار والنظام والترتيب .. فاقد هذا كله .. وفوق هذا فاقد جو البيت .. جالس بثوبه الابيض كان يبغى ينام بس ما قدر .. جلس يناظر بأغراضة ،، وفجأه جاه اتصال من ديلار .. ناصر : افففففففف هذا وش يبغى ؟؟؟ // في المزرعه ديلار يحاول يتصل بناصر اللي ما يرد عليه اساسا يبغى يعلمه ان عزيز جا نوف متردده !! والسايق مصدوم وش جايب نوف للمزرعه ؟؟ متعود يطلع هنا بالعطلات ومع العايله كلها !! نوف توكلت على الله وطلعت .. مثل ما ناصر ولد خالي عزيز ولد خالي وكلهم هنا وش اخاف منه ؟؟ ضغطت على الجرس .. وطلع لها عزيز عزيز عامل حاله متأثر : هلا نوف ،، الله يسامحك ما كان ودي تجين لكن هذا من ذوقك نوف تتلفت يمين وشمال : هلا فيك .. عزيز وين ناصر ؟؟؟ عزيز يتنهد يعني متأثر الولد : ناصر ؟؟ جوا بالغرفه .. بس ابغاك تطلي عليه من برا .. ( عزيز ذكي يحاول يبعدها عن اللي يبغاه عشان ترتاح له نوف وتعمله يحسسها انه مو بمهتم بوجودها ) / ناصر فقلبه ( يوووووه ديلااار شكله ماهو ب ساكت ،، ما توقع ناصر ان عزيز يرد للمزرعه بهالسرعه !!!! ) ناصر : الو ؟؟؟؟؟؟؟؟ ديلار بصوت واطي : بابا عزيز مني مزرعه مع هرمه ناصر عيونه طلعت : مع ايش ؟؟؟؟؟؟؟؟؟؟؟؟؟ ديلار : والله بابا موجود هنا .. تعالي بسرعه ناصر سكر الخط فوجهه وركب سيارته ،، سالم نازل من سيارته (هذا ناصر وش جايبه ووراه ما يسلم ؟؟ ) : يا ناصر ناصر مارد عليه ولا التفت له اصلا ؟؟ سالم : هذا علامه ؟؟ دخل وتركه ناصر بالسياره ومسرع حده (يقسم بالله انه ما يطلع وهو فيه عظم صاحي ،، هين يا عزيز الكلب هذا وجهي ان ما شربت دمك انت والكلبه اللي معك وش شايفني تستخف بعقلي انت ؟؟ ما الوم جدي فيك .. لا وهالحين جايب معك خويتك ؟؟ لعنبوك ما تتوب ؟؟ لكن باذن الله توبتك على يدي هذا اذا تركت لك مجال ووقت تتوب فيه ) / نوف انزعجت من حكي عزيز الكثير تبغى تشوف ناصر وخلاص : اقول عزيز خلني اشوف ناصر .. انا مستعجله ؟؟ عزيز جالس وأشر لها على الغرفه اللي هناك على ان ناصر فيها .. !! نوف قامت بكشختها وجمالها اللي صدم عزيز وخلاه ينسى الحكي اللي مجهزه واللي خلاه يصر على خطته القذره اكثر واكثر !! عزيز ( يا ناس وش هالبني آدم ؟ كل مره اشوفها تزيد حلا ؟ لوين بتوصل يعني ؟ والله ما الومك يا ناصر التبن ! ،، والله انت اللي تستاهل جزمتي ما تستاهل هالملاك والله والله والله انها فتنه تمشي على الارض ) // بالسياره : رجعت لمو ورا وجلست نجود قدام كان ودها تقعد ورا بس ما حبت تحرج لمو اللي قامت عشانها ،، عندهم من الاحترام ان الكبير هو اللي يجلس بالامام نجود اول ما دخلت سلمت وجلست بهدوئها وبوجها اللي مبعده عنه الغطا ،، كان مره رااااااااايق و وكعادتها تجنن وتخبل .. لكن من داخل انواع التوتر والخوف موجوده فيها ! لمو : نجيد وراك هاديه ؟ نجود ودها تقتلها .. و دها تمسكها وتفقع عينها على قولة حمودي نايف يناظر فيها (نظره للطريق ونظرتين لنجود ) : ............. نجود ودها تصرخ فوجهه ( لااااااااااااااااااا تناااااااااااااااااااااااظر كذا تنرفزني بس ما تقدر يقولو عنها مجنونه بعدين !! ) لمو باستغراب : انتوا وشفيكم كذا ؟؟ ترا خوفتوني نايف يبتسم لان باين على لمو الخوف : مافيه شي لازم نضحك يعني ؟ تلاقي نجود متهاوشه مع بنت في الجامعه عشان كذا مكتمه نجود رافعه حاجبها وتناظر قبالها : ............ نايف : ليه تجلسينها بجنبي يا لمو ،، بدت تخوفني .. نجود بعصبيه مسكت باب السياره وهي مسرعه : تبغااااااااااني انزل ؟؟ نايف انصدم ما توقعها شراره زي كذا : مد جسمه ومسك يدها هذي هبله وتعملها : خبله انتي ؟؟؟؟ حتى لو مزح لا تمسكينه لو تتحرك السياره ينفتح الباب مجنونه واذا صار فيك شي ؟؟ نجود اول مره تشوفه زي كذا هل هو خوف عليهااااااا والا بس يقهرها ؟ : ارتاح على الاقل واريح أنا اللي ماخذا منك القصاص ولا طلب له ثار على كثر الحقوق اللي تمنّى قول مطلوبه أهلّي بالمواجع كل مانساقت من الأقدار واقول يحلّها اللي حطّها للقلب مكتوبه ! لمو مو فاهمه شي عليها علامات استفهام : على الاقل آخذ بستك .. نجود : ما تضحك لمو : وووووع نجيد مو لابق عليك النكد .. صايره متشائمة و عصبيه مره مدري وش فيك والله نايف + نجود من داخلهم يأكدون حكي لمو لكن كالعاده الصمت سيد الموقف لمو بعدها بدقايق : نايف بليز شغل الاذاعه نايف متنرفز : ابشري كانت اغنية راشد الماجد ... وجات ع الوتر الحساس .. الله لا يحرمني منك من حلاك ومن دلالك .. ما أتمنى غير شوفك مبتسم مرتاح بالك تضحك الدنيا بعيني لا رضيت ... وأقبل أعذارك وأسامح لو خطيت لـــو أقــول إنك حياتي ما وفيت ... كيف أنا أضيع حياتي من يديني / أما في المزرعه !! كل ما تقرب نوف من الغرفه تجيها رهبه غريبه !! .. وين جرأتك يا نوف ؟؟ ناصر جوا يلا ادخلي ؟؟ سبحان الله وكن عقلها توه يرجع لها ،، تعرفو احساس (انا وش جابني هنا ؟؟ انا كيف جيت هنا ؟؟ وش هالغباء اللي نزل علي ؟؟ ناصر لو يبيني يتصل فيني ؟؟ وش يضمني ان ناصر جوا ؟؟) وصل هالاحساس لنوف لكن مو بوقته .. { ~آقــف عــلــى مــفــرق دروبــي و طــآل آلــوقــوف .. ، ، آحــآول آمــشــي و آقـــدّمـ رجـــل و آردّهـآ ~ } واقفه على عتبة الباب .. وفكرت ترجع لكن عزيز كان وراها ودفعها بقووووووووه لجوا تركتها تطيح على الارض طيحة ما تخيلت تطيحها فيوم من الايام تآلم مره ،، نوف عيونها مفتوحها للآخر بسم الله وش قلب وجهه زي كذا ؟؟ ووين ناصر ؟؟ انا انكذب علي ؟؟ انا حماره ؟؟ ليه طيب ؟؟ وش سويت له ؟؟ معقوله ناصر هنا وهو عامل هالمقلب ؟؟ لا والله لا يمكن ناصر وش جالسه أقول ؟؟ طبعا احساس غريب لا يمكن وصفه بكم كلمه .. احساس قتل فقلب نوف كل معنى للحياة .. وخلاها تتوقع الغير متوقع .. غباءها ناظروا لوين وصلها !! عزيز جالس ويبغى يحرق قلبها في البدايه .. يبغى يطلع اللي فقلبه كله نوف حاولت تطلع اكثر من مره بس كان يدفها بقوه وترجع لنفس المكان .. لو ما هي قويه كان انهارت اعصابها والا اغمى عليها ،، من هول الصدمه .. طول حكيه عندها كانت تدعي ربها وتذكره .. لا يمكن ينـتهي كل شي لا يمكن تكون هذي نهاية حياتها .. سمعت في القصص عن الغدر لكن مو نوف اللي تجربه .. لااااا ياويلي حتى الوقت عصر مين بيفقدني يحسبوني في الجامعه .. انا حماره انا غبيه .. // في الخط السريع ناصر اللي مو فباله الا عزيز وخيانته ،، اما لو يدري ان البنت هي نفسها حبيبته وعمره نوف .. والله ليشيل السياره ويركض فيها .. ولو يدري انها نويف الحبيبه ليدخل فعزيز السجن ويرتكب فيه جريمه .. يآ زِمآن آلأقنعة وين آلوجيه ؟ كل يوم يطيح لـ أصحآبي قنآع ~ =( وش موقفه لما يشوف عزيز ونوف فغرفة وحده ؟ مين بيصدق فيهم ؟ بيصدق قلبه والا عيونه ؟ وهل بيلحق على نوف والا ....... !!! نـذنـبْ .. وٍنخطـيْ ! وٍنتحججَ( بـ آإلـآإقدآإرٍ) يـآإ آإقدآإرٍنـآ’! ( رٍبيْ يعينـك علينـآإ) ~ يــــــــتبع ... --->
|
|
|
|
|
13-03-2010, 04:12 AM
|
رقم المشاركة : 32 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:17 AM
|
رقم المشاركة : 33 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:27 AM
|
رقم المشاركة : 34 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:31 AM
|
رقم المشاركة : 35 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:34 AM
|
رقم المشاركة : 36 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:36 AM
|
رقم المشاركة : 37 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:43 AM
|
رقم المشاركة : 38 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
الجرح ما تشفيه بعض العبـآرآت مادآم [ قـلــــبي ] غـآرقٍ وسـط دمّـه !! مآقد توقعت انصدم فيـك بالـذآت ولَآ خطر في يوم | غ ــدرك | أشمّـه صدمه عظيمه فوق كل [ الَإحتمآلَآت ]..! كآس { آلغدر ..! منّك تجرعـت سمّـه فتحت الشباك نجود تبغى تشم هوا ربي .. نجود : الا ما قلتيلي نوف .. ليه لما حكت بتول عن ناصر قمتي ؟ نوف : متى حكت عن ناصر ؟ ما اذكر اصلا نجود : ايه ما تذكرين .. انا نجود موبـ حي الله تضحكين علي نوف تضم رجولها : والله مادري نجيد .. اقول ما عاد يهمني .. وانا اشوف انه يهمني ويهمني ويهمني .. نجود : انا ابغاك بس ما تكرهينه لأني متأكده انكم راح ترجعون زي اول واحسن .. هو راح يفهم وراح يعتذر منك وانتي راح تسامحيه انا احس كذا نوف : احساسك مو بمحله .. قلبي يقول اني ما عاد احكي مع ناصر زي أول .. ولا راح احس انه كان فيوم من الايام أغلى من عيوني .. قلب يقول في حاجه كبيره راح تصير .. وقلبي عمره ما كذب .. وتخنقنيّ الع’ـبره ولّآ آقوى ..~ ذهوِل وَ ص’ـمتْ وَ آوجآ’عِ . . |هَقوى ! وآرفع يدينيّ لـ السمآ’ء . . . . . . . . . . . . . . . يآ’ربْ ، . . . . . . . . . . . . . . . يآ’ربْ ، . . . . . . . . . . . . . . . يآ’ربْ ، . . . . . . . . . . . . . . . . مآ‘ عَـآ’دّ آقوَ وِ وِ وِ ىّ ! / / فــ مجلس العم سلمآن في المجلـس الكبيـر اللي يغلب عليه اللون الذهـبي .. بتفآصيـل عنآبيـة .. كآن مجموعة من الشبآب متواجدين فيه .. ضحك وسوالف .. وذكريات .. ولعب ورقة .. و ماضي .. ! الجالسين من اليمين .. فارس + سالم + علي + بندر + سآمي + نآصـر + نآيــف + راكان .. فارس بينه وبين سالم : وين عزوز غريبه ما جا ؟؟ سالم : تلاقيه طايح له على حاجه أهم .. ،، هذا ولد منيره .. فارس : او يمكن بيتأخر شوي .. نآصـر : و كيف اجواء الدراسة فمصـر ؟؟؟ سامي : ليه نآوي تعيد سنين الجامعه هناك ؟؟ علي + نايف : هههههههههه راكان : يقولوا هناك بنات الوان واشكال .. ومن كل دول العالم .. الله يا انها فلــــــــــه .. علي : ما تشوفون سامي تأخر في الدراسه ؟؟ كل ترم ياخذ له ماده .. ناوي يقضي حياته فيها .. سامي : ياويلكم من الله .. والله قمة الطفش هناك .. وناسه لما تكون رايح معك اخوياك .. بس لحالك والله مقرفه .. راكان : يعني بتقنعنا ان ما عندك اصحاب هناك ؟ علي : انا ما استبعد هالشي سامي : ههههههههه كل تبن .. لا والله مو لهالدرجه .. هناك تعرفت على اكثر من واحد .. 3 سعوديين و كويتي واماراتي .. ناصر : بس ما طولت ماشاءالله عليك .. دااااااااافور سامي : من الملل ابغى اخلص بأي طريقه .. بس انت وراك تسأل ناصر : مادري .. بس نآوي أكمل ماجستير هناك سامي : وليه ما تكملها فلندن والا امريكا .. ؟ ناصر وقلبه يقول لأني ما ابغى ابعد عن نوف اكثر من كذا .. مصر واحس انها بعيده مره : ما تدري .. يمكن أغير رايي .. !!! هنا دخل عبدالله .. مع نادر : السلااااااااااااام عليييييييييييكم الجميع وقف : وعليكم السلااااااااام ناصر : يا هلا يا هلا .. يالله حيهم عبد الله يسلم عليه : الله يحييك ويبقيك وصل عند نايف ولما سلم عليه جلس يناظره (حي الله نايف .. زمان عنك يالخطيب .. رزتك وثقتك بحالك .. ما تحسسك اني اعرف زوجتك وبنت عمك هههههههه شرفك بيدي .. والله لأسود عيشتك بدون سبب كذا من الله .. كرهتك من كرهي لها .. والا انت اللي ما نسمع عنك الا كل خير والكل يمدح فيك تاخذ وحده زي هالكلبه ههههههههههههه ياخي تستااااهل ) : هلا نايف .. دون الحيا والعقل والدين والعفه.. الموت رحمه وستر فـ كل الاحوالي..! نايف بابتسامه : هلا بك أكثـر .. حيآك عبدالله ونايف علاقتهم عاديه .. ما يعرفون عن بعض الا اساميهم وووبس .. لأن دايم يجتمعون بنفس المجلس .. واصدقاهم مرتبطين فبعض .. دآخــل القصــر : المطبخ : بتول : مااااااااااماااااااا مو حلو هالطقم .. أحلى الذهبــي .. ام سالم : خلاص كلهم حلوين .. بعدين السلفر احلى بتول : بس الذهبي أغلى و أرقى .. ام سالم باستغراب : بتول حبيبتي ؟ بتول وهي مشغوله : هلا ماما ام سالم : وش فيك حبيبتي ؟ تعبانه ؟ بتول تناظر بأمها وتهز راسها بــ لا .. ام سالم : أجل وش فيك اليوم ؟؟ بتول : ممممممممم ما فيني شي بس نصوري اخوي حبيبي طلب مني اشرف على الـأكـل و كل حاجه ام سالم طلعت من المطبخ بعد ما خلصت اللي عليها : سبحان مغير الاحوال بتول تناظر بالخادمات بعصبيه : وش فيكم تناااااااااظروووووووون روحي ودي السلطااااااااات افففففففف جهزو كل حاجه .. و تعشوا الرياجيـل .. و بعد الشاي .. راحوا.. ناصر واقف في الحديقه مع سامي بتول تناظر من الشباك .. وحاطه وجهها على الزجاج .. شوي وينكـسر : وهـ فديتـك .. وفديـت الثووووووب .. والشمااااغ .. (سحبت الجوال وصورت فيديو) طلع الكل الا ناصر وسامي جلسوا يسولفون شوي .. .. بتول تناظر فسامي .. اللي يضحك بقوه على حكي ناصر اللي ماهي عارفه وشو .. !! كل ما ضحك ضحكت معاه .. كنها مجنونه .. سلم على ناصر و ركب سيارته اللكزس وطلع .. بعد عن القصـر وعيون بتول للحين عليـــــه .. دخل العيال فارس ونايف و سالم و ناصر القصـر .. بتول نستهم .. واول ما سمعت فتحت الباب جلست على اقرب كرسي .. (ياويلي لو شافوني وانا جالسه اناظر من الشباك ) ....... : السلام عليكم بتول مستحيه من نايف : وعليكم السلام .. نايف : كيف حالك بتول ؟ بتول : تمام .. انت كيفك ؟ نايف يجلس : الحمد لله بخيـر .. ناصر : لا يكون ما ساعدتي امي ؟؟ هذا وانا موصيك بتول ترجع طبيعيه : لا وربي ساعدتها .. اصلا انا اللي سويت كل حاجه ماما هي اللي ساعدتني فارس :هههههههههههههه عشان نايف هنا تقول كذا بتول فتحت عينها : انا حلفت فارس .. والله نايف : تبوووله تحب تسااااعد بس انتوا يمكن ما عطيتوها مجال .. لا تظلمها فارس سالم : والله كل يوم المجال مفتوح عندها .. بس اليوم مادري وش فيها .. شكلي بوديك شيخ بتول عصبت ما يستاهلون مدت بوزها : ليه مجنونه ؟ نايف يغمز لسالم : محشووومه تبوله .. وراك ما داومتي اليوم ؟ بتول تنبسط من حكي نايف تحسه مره ذوق : بكره راح اداوم نايف :ان شاءالله .. ناصر : والله ما قصرتي تبوله .. صراحه كل شي كان كامل .. بيضتي الوجه فديتك .. بتول مبسوطه : ميرسي نونو ناصر : مين نونو ؟ بتول بابتسامه : انت ؟ ناصر : وش قالولك ؟ بسه ؟ بتول : لااااااااا .. هذا دلع خاص للغالين سالم : وانا ورا ما تقوليلي سوسو نايف شرق من الضحك : ههههههههههههههههههههههههه بتول : هههههه سالم : والله ناصر : لابق لك عاد سالم : زي ما نونو لابق عليك ؟؟ نايف وقف : يلا عن اذنكم .. ناصر : وين ؟ نايف : بطلع القصر انام .. واطلع لنويف بالمستشفى .. ناصر وجهه تغير .. والكل لاحظ : ما قالو متى تطلع ؟ نايف : بحآول أطلعها اليوم .. جلستها اكثر مالها داعي .. ناصر : اها غادر عيوني بس ما غادر القلـب [ يكفيني اني كنت شي بحياتـه ] صحيح ما ودي اسولف عن الحب [لكن عسى الله ما يبين غلاتـه ] الكل سكت نايف : فمآن الله ! / / \ \ قصــر الـعم رآشـد في الصاله كانت جالسة نوره تحكي مع امها عالجوال وبجنبها رتوجه مع الخادمه .. دخل نآيف القصـر : السلام عليكم نوره : وعليكم السلآم .. نوره : يلا يمه ما تشوفين شر .. سكرت جوالها نايف : كيفك ام فيصـل ؟ نوره : الحمد لله بخيــر .. نايف طلع فوق .. وهو على السلم نزل شماغه و عقاله .. نعسااان ودايخ .. وضايق مايدري ليه ! ام خالد من غرفتها : نايف ؟؟؟ نايف يلتفت للصوت : هلا يمــة .. انتي هنا ؟ ام خالد : ايوه .. نايف يقرب : ما وداك خالد عند نويف ؟؟ ام خالد : لا يقول انه رايح يطلعها من هناك .. بتجي الحين ان شاءالله نايف : ههههههه اشوفك مبسووووطه ؟؟ ام خالد : ههههههه الحمد لله على كل حال ،، اقول نايف ابغى احاكيك بموضوع ؟ نايف عارف المضوضوع : سمي يمه ام خالد : وحنا واقفين ؟؟ تعال اجلس داخل .. نايف دخل : أبوي وينه ؟؟ ام خالد : فبيت عمي سآمــي .. رايح يتغدا هناك .. نايف : طيب وشو الموضوع ؟ ام خالد : انا مستغربه منك .. عرسك بعد اقل من اسبوعين وانت ما سويت حاجه ؟؟؟ نايف يغمض عيونه ويتنهد : يمه ؟؟ انا قلت لكم سوو اللي تبغون .. انا مالي دخل فهذا
|
|
|
|
|
13-03-2010, 04:45 AM
|
رقم المشاركة : 39 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
|
13-03-2010, 04:47 AM
|
رقم المشاركة : 40 |
|
طرفاوي بدأ نشاطه
|
رد: || ~ قصة سعودية رومانسية [ أسئلك باللي خلق قلبك اكرهني ]
|
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
