بغيت أموت في نيوزلندا

[زهور الريف]

ايمــــــــــــــــــــــــــــــــــــــــــــن

وبعدين مع العجوز ليش يختارها ويوهق عمره



يلا بديت اتحمس للقصه



يعطيك العافيه القصه تهبـــــــــــــــــــــــــل ’’’’’’’’’

 

 

[ارجوان]

sar 103وينك ياخوي صار لنا يومين ننتظر علي احر من الجمر انك تكمل القصة عسى المانع خيرياالله ياخوي كمل القصة الله يخليك

 

 

[عطر الشوق]

ترا قصتك بايخة لاكن شسوي بقراها لأنك شوي حمستني على العموم مشكووووووووووووووووووووووووووور ولا تبيخها اكثر من اهي بايخة

 

 

[زهور الريف]

اقتباس ترا قصتك بايخة لاكن شسوي بقراها لأنك شوي حمستني على العموم مشكووووووووووووووووووووووووووور ولا تبيخها اكثر من اهي بايخة

دام بايخه لا تقرها اتمنا انك ما تزعل




يلا يا ايمـــــــــــــــــــــــــــــــــــــــن وينك كمل القصه تري متشوقين حنا

 

 

[عزف الدموع]

اقتباس ترا قصتك بايخة لاكن شسوي بقراها لأنك شوي حمستني على العموم مشكووووووووووووووووووووووووووور ولا تبيخها اكثر من اهي بايخة

صدقتي يازهووور اذا بايخه اسهل شي لاتمرررررررررررر عليهاااا كلش صح ياخوي ؟؟



صج ترى احتريك من يومين يلاااااااااا تعال بسرعة وكمل لنا القصة

 

 

[زهور الريف]

اقتباس صدقتي يازهووور اذا بايخه اسهل شي لاتمرررررررررررر عليهاااا كلش صح ياخوي ؟؟

الله عزف الدموع يقراء القصه يعني عزف الدموع معاي

اقتباس صج ترى احتريك من يومين يلاااااااااا تعال بسرعة وكمل لنا القصة

تري بنزعل حنا وعزف الدموع وما راح نكمل القصه اذا تأخــــــــــــــــــــــــــــر

 

 

[قيثارة]

متابعه متاخره ..
بس مرررررررررررررة روعه القصه ..
متابعه خيوا...
ويا ايمن مره ثانيه اذا جيت تبزخ وتقول عندك قيرل فريند دور وحده تشبه صديقت سوني..

 

 

[sar 103]

الله يعطيكم العافيه كلكم وماقصرتوا
اشكرك يازهور الريف على المتابعه الجميله وخلاص انت الحين ذراع اليمن وخويتي وعزف الدموع بعد ماقصر فزع لي ضد عطر الشوق
وماقصرت ياعطر الشوق على المرور
والله يارجوان العذر والسموحه ظروف العمل في منطقه نائيه (الصحراء) أجيرتني على التأخير وتدرون منتدى الطرف ممنوع في العمل عندنا في انترنت ارامكوا
واشكر أختي قيثاره على المتابعه ولو انها متأخره بس معليه
do not be late again

إنشاء الله بجي يوم الثلاثاء


تابعونا وفالكم طيب

 

 

[sar 103]

هلكنا البرد !!

شئ مو طبيعي

استغربت كثير لما عرفت ان المدينة اللي انا ساكن فيها

christchurch

هي بوابة الانتركاتيكا

!!

وان كل رحلات القطب الجنوبي لا يوجد لها طريق الا من هذه المدينة

حسيّت بعظمة الخالق لما قريت كثير عن القطب الجنوبي اللي مايبعد عننّا الاّ بعض الاميال

عرفت ان الرؤية تنعدم

واغلب طائرات الاستكشاف تتحطم

بسبب البياض الناصع جداً

واللي بدوره يلغي التضاريس الحقيقية للارض

يعني ماتدري الا وانت صاقع في جبل





على نهاية احد الاسابيع

قررت انا وزميلي اننا نطلع رحلة بحرية

على

AKAROA

لمشاهدة الدلافين على الطبيعة








كانت قيمة التذكرة للشخص الواحد بـ 45 دولار

تقريبا بالريال السعودي تساوي

120 ريال

ومدة الرحلة على اليخت

من الساعه

7 صباحاً الى الساعه 3 عصراً





رحنا انا وزميلي قبل الرحله بيوم الى السوبرماركت واخذنا اشياء خفيفة من مأكولات ومشروبات

اليوم الثاني

بدري طلعنا للباص اللي يوصلّنا لمينا اكاروا

ثلث ساعه تقريبا ووصلنا

اخذنا دورنا في السرا وتأكدوا من مطابقة الاوراق للاسماء

وطلعنا اليخت



نسيت اقول لكم شئ

انا اكره شئ اسمه البحر



خخخخخ كل من عرف هالموضوع قال انت مو رومانسي



تغاضيت عن سالفة كرهي للبحر

على اساس اني راح اشوف الدلافين



اخذنا مكان استراتيجي انا وزميلي في اليخت

وبدأت الرحلة

وانا قلبي في أيدي

قلت اخاف يطلع لنا حوت



على فكره نسيت اقول لكم انه تقدروا تسبحوا مع الدلافين !

بس هل تقدر تسبح في مويه برودتها -18 تحت الصفر ؟

الامر راجع لكم



بدأت الرحلة بوسط البحر مناظر كانت خيااااااااااااااااااااااااااااااااااااااال

من يوم طلعت لحد ماوصلت عرض البحر وانا اسك على جمله واحده

واااااااااااااااااااااااااااااااااااااااااااو

سبحان الله

بصراحه حسيت بجلاء نفسي وصفاء ذهني

بجد ارتحت !

شئ ماكنت حتى اتخيّله بأحلامي

جبال وجُزر صغيرة تغطيها السحب

وربي شئ يبكي







فجأه وانا مسترسل في فتح فمي


الاّ واشوف ركاب اليخت يقولوا دلفين دلفين

وفجأة كان بيغمى عليّ من شدة جمال الطبيعة وخالقها

دلافين من كل جانب

ودلافين مع اطفالهم الصغار

سبحانك ربي

!!

هذي هي الفردوس

؟؟

انا بحلم والا بعلّم

ليش قلبي يدقّ كذا بسرعه

؟

سرحت بعييييييييييييييييييييييييييييييد

كنت ارجّع نفسي من تفكيرها

عشان التقط كم صورة للدلافين



كانت الدلافين تتدلّع وهي تلعب بالموية

وكانت حركتها السريعه

سبب في ان اغلب ركاب اليخت ماكانوا قادرين يلتقطوا الصور

لكن بما ان التصوير مزروع في دميّ

عدلّت في اعدادات الكاميرا للتصوير الرياضي

وبدأت التقط الصور

واقهر الركاب اللي معانا اني قدرت التقط افضل الصور

للدلافين

رغم ان سرعتها تفوق الـ 120 كم / الساعه

حسب كلام كابتن اليخت



****

كل ماتعمّقنا في البحر كان يزيد البرد بشكل مو طبيعي

نتعمق والبرد يزيد

نتعمّق والبرد يزيد



كنت لابس البالطو الجلد ولافّ الشال على رقبتي والقفازات بأيدي

وماكان باين الاّ عيوني ومغطيها بالنظارات الشمسيه

يعني ماكان باين شئ اساساً

خروج عن النص

اذكر المدرس الامريكي لما شاف صورتي وانا ملثّم ومو باين مني شئ

وزّع صوري على اجهزة الكمبيوتر بالكلية واضاف تحت الصورة

كلمة مافيا

مما جعل الطلاب والطالبات من يشوفوني يقولوا

رئيس المافيا وصل



نرجع لموضوعنا



حسينا بجوع

اخذت شنطتي

وطلّعت الكوكاكولا منها وال@@@@ز

وقعدنا ناكل

ولما زاد البرد دخلنا داخل الكبينه

وشفنا الناس يسكروا

يقولوا الويسكي يدفيّ



انا وزميلي نقول يارب يسكروا ويطيحوا

عشان يدفوا مضبوط



فجأه تغيّر الجو الى الحار !!

سبحانك ربي

كل واحد فينا خلع محلات البطانيات اللي فوقه





وطلعنا للمقدّمه

واخذنا كم صورة من القوارب اللي حوالينا





وفجأة رجعت درجة الحرارة الى تحت الصفر !

بعد كذا عرفت انها تيارات هواء ومنخفض جوي ومادري ايش
اعوذ بالله من الشيطان الرجيم
"ولاتكونوا كالذين نسوا الله فانساهم انفسهم اولئك هم الفاسقون"

لا اله الا الله محمداً رسول الله
*******
ليست كل الايام جميلة
بعضها قد تكون أليمة
وما اصعب صدمات الغُربة

نشأت علاقة قوية بيني وبين ربّ الاُسرة
لدرجة ان مشاويري اللي المفروض اروح لها بالباص
كان يوديّني بالسياره ومجاناً
رغم ان ليتر البنزين عندهم غالي!

وبعض العائلات اللي اصحابي عندهم يوصلّوهم المشوار الواحد بـ 90 ريال سعودي !!

فكنت موفّق بأني طحت في هالعائله اللي بديت اعطيهم مواقع دينية وحقائق عن الرسول محمد صلى الله عليه واله وسلم


ان كان سوني وخويته <<



بعد احد الايام وخلال رجوعي للبيت
قابلت سوني وكان وجهه مقلوب
خير سوني اشفيك ؟
قال انه عمته مريضه وهي في جزيرة فيجي
ومظطر انه يغيب لمدة شهر لانه راح يسافر لهالجزيرة
!!!
ماتتخيلوا
!!!
حسيّت اني راح افقد سندي في الغربة
!!!
سوني هالكلام جد ؟؟؟
ايوه جد ياأيمن
وارجوك اعذرني وانا دورّت لك عائله تسكن عندها
بس .....
ساد صمت عمييييييييييييييييييييييييق
حسيت بغصّه في حلقي
ماحبيت ابكي قدامه ويشوف قد ايش انا ضعيف
لكن سبقني
ودمّعت عيونه
ووقتها ماقدرت امسك نفسي

قام يقول انت الوحيد من الطلاب اللي سكنوا عندي محافظ على صلاته واكله الحلال واهتمامه بالاداب والاخلاق والابتسامة ماتفارق وجهك وتصحى الصباح وتطلع بشويش وما اسمعك رغم اني اقرا الجريده ..
وقعد يعددّ في المحاسن اللي شافها منيّ
وانا بادلته نفس الشئ
وقلت له انه بمثابة المعين لي بعد الله
وانه ارجع للبيت بلهفه عشان اتبادل يومياتي معاه
قال انه باقي على سفره 3 ايام
.
انتهى الكلام بحضن طويل

رحت للدوام اليوم الثاني
ونادتني مدام جوان مديرة السكن
من وسط الفصل
( نسيتوا جوان ؟؟ هي اللي جات استقبلتني في المطار )


قالت لي راح نغيّر السكن حقك
بحكم ان صاحب البيت مسافر
قلت لها بس انا مابي اغيّر
قالت تقعد لوحدك بالبيت ؟
طبعا هذا مخالف للقوانين
قوانين الشرطه
وقوانين بوليصة التأمين

قالت عموماً توّترك عادي وراح ندوّر لك سكن عند عوائل ثانية ابتداءً من بكره
مارديت عليها لانه ماكان عندي كلام
حسيّت وقتها اني في عزاء
ولقيت الشباب السعوديين يحاولوا يرفعوا معنوياتي
ويقولوا ان شاء الله تلاقي احسن
قلت لهم انا لو مو مرتاح معاه ماكان اسكن بعيد عن الكليه وفي حاره كلها مشاكل
انا ساكن هناك عشانه
!!
جا اليوم الثاني
وبعد نهاية الدوام
رحت انا ومدام جوان لاحد البيوت
فتحت لنا امرأه في العشرين من عمرها
معاها طفلها
عرفت اني الطالب الجديد
قامت تقول اتفضل وفرّجتني على البيت
حتى غرفة نومها

طالعت في الغرفه اللي المفروض اسكن فيها
لقيتها فرق عن غرفتي الاولى !
غرفتي الاولى كبيره
بس الثانيه.....................
تابعونا
وفالكم
طيب

 

 

[متروكية وعباسية]

يااااااااااااااااااااااااااااااااااااااه
واااااااااااااااااااااااااااااااااااااوو
اممممممممممممممممم
عجيييييييييييييييييييييييب

اتخيل نفسي مكان ايمن والجو

البااارد يااي بررررد

اهههههههه

لكن عجبتني رئيس المافيا اههههههه

بس ياحرام الحين وين بيروح بعد سوني؟؟

احس ان اللي راح عندها مو اوكي

بس ماندري نتااابع ونشووووف

ننتظرررررررك مافينا صبر خلاص

اهههههههههههههههههههههه


تحياااتي


متروكية وعباسية

 

 

[زهور الريف]

اللــــــــــــــــــــــــــــــــه ايمن على البحـــــــــــــــــــــــــر

وعلى الدلالفين حظك شفتهم


انزين مسكين الله يعينه على العايله الثانيه شان ما تطلع فيها بلوي الله يستر بس




كل يوم القصه تصير احلى من اليوم الي قبله



نتظر يوم الثلاثاء بس لا تأخر اكثر من كذا

 

 

[عزف الدموع]

سلاااااام عليكم ,,,

كيف الحال ؟؟



ماشاء الله اليوم القصة صرااااااااحة فيري ناااايس عجيبة دلافين وبحر وااااااااااااااااااااااو وناااااااااااسة !!!!

مالومك يعني لو انا محلك شان سويت اعظم هههههه

اكيد منظر الدلافين والبحر لايقااااااااوم خصوصا ان الدلفين حيواااان مسالم وجميل وابتسامته

وشقاوته لاتوصف!!!



وبالنسبة لسوووني والله الله يكون بعونك صراحة انا حزنت عليك والله معاااناتك برحيل سووني

حسيت فيها

وعشتها معك والله

والعايلة الجديدة يمكن مايوكونا مثل سووني لكن معليه وانا اخوك هذا النصيب معليه وان شاء الله

ترتاح وتحبهم

ويحبونك


:::::::::::::::::::

ويلا شد حيلك وسمعنا التكملة بالقريب العاجل طيب ,,, نحن على انتظار وبشوق لمعرفة التقاصيل من

الحلقة القادمة ههههههههههه

ربي يحفظك ويعطيك الف عافية اخوي ايمن !!












موفقين احبتي

 

 

[ارجوان]

واااااااااااااااو بصراحة شئ شئ هالقصة تستاهل ان الواحد ينتظر عشانهااخوي sar103 والله يعينك علي طبيعة شغلك

 

 

[sar 103]

مرحبا شباب وصبايا اسفين على التأخير
بس هذا احنا رجعنا لكم
زين ..... زين اثركم متابعين وياي اوكي راح نعطيكم دراجات المشاركه كامله يازهووور الررررريف وياارجوان وعزف الدموع بس راح انقص على متروكيه وعباسيه لانها اشوفها قامت تتأخر واجد بعد ماكنت شاطره
الله يعطيكم العافيه وما قصرتوا حمستوني علشان اكمل القصه يازهووور الرررريف وياارجوان وعزف الدموع ويامتروكيه وعباسيه
درجات المشاركه طبعا من 15 لهذي الحلقه :
زهوووور الرررريف ( 13)
عزف الدموع (15)
متروكيه وعباسيه (14)
ارجوان(10)
وتابعونا


وفالكم


طيب

 

 

[sar 103]

طالعت في الغرفه اللي المفروض اسكن فيها
لقيتها فرق عن غرفتي الاولى !
غرفتي الاولى كبيره
بس الثانيه
حسيتها قبر
!!
قاعد اقول لمدام جوانا
فرضاً اني ابغى اتمغّط
ايديني تروح للجيران ؟
وهل لو عطست راح يرتفع سقف البيت ؟
< متأثر بافلام الكرتون
ضحكت مدام جوان وقالت اوكي فهمت راح ادوّر لك بيت ثاني
واحنا طالعين جات ورانا صاحبة البيت الجديد
وقالت زوجي في العمل والحين يجي وهو يعمل جزارّ ويعرف ان المسلمين ماياكلوا لحم خنزير
واحنا كمان ماناكله
طالعت فيها
وابتسمت ومشيت
..
قالت مدام جوانا
ياخي فكّها لا تعقّدها وفي روايه اخرى ياخي فلّها وربك يحلّها
<< شكلها سعوديّه مو نيوزلنديّه

رحت البيت
قابلت سوني وقلت له كل اللي صار
قال لي انا اعرف وحده عزوبيه
<< عزّ الطلب
وتبغى تستضيف طلاب
بما اني مسافر
انا اشوف انك تروح عندها
قلت له وكمان وحده ؟؟
انتي تعرف سوني رفضي لهالأمور
ولو لزّم الامر سكنت في فندق

قلت له في خضّم كلامنا
طيب لو اسكن لوحدي في بيتك
؟؟
قال
بالنسبه لي عادي لان البيت بيتك
بس مديرة السكن لكليّتكم راح ترفض
وغير كذا من الظلم انك تدفع قيمة السكن كامله
وماعندك اي وجبه او غسيل ملابس اوفرّها لك !

قلت له
لو كلّمت الكليه توافق انت ؟
قال بالعكس انا استانس
!!
قلت له تمام
رحت اليوم الثاني على الكلية
وقابلت مديرة السكن
مدام جوان
سوني وافق اني اسكن لوحدي ببيته
قالت
بس هذا مخالف لبوليصة التأمين
<< ترى للحين اسمعها مثلكم بس مادري ايش هي

قلت لها والمطلوب عشان اقعد ببيته

قالت يسويّ خطاب انه هو المسئول الاول والاخير عن جلوسك في البيت ويتحمّل كامل المسئوليه ومايطالب بأي تعويض
في حال حدث امر ما

حسّيت انها صّعبتها
ورجعت انهدّت امالي من جديد


يا ارحم الراحمين
طلّعني من هالمشكله

رحت للبيت وقلت لسوني هالكلام

قال بس كذا !!

صدمني
!!
صدمني
!!
صدمني
!!

قلت له عادي ؟؟ توقّع وثيقه انه اذا صار اي شي انت مسئول وتتحمل اي خطأ ممكن يصير ؟؟
قال ايه عادي
وانا قلت لك من قبل ان البيت بيتك

ياااااااااااااااااااااااه
قد ايش هالانسان محترم
!!

وديّت الخطاب لمدام جوان اللي بدورها استغرّبت قوّة العلاقه بيني وبينه
لكن وافقت في الاخير

الحمد لله رب العالمين
وما من شدّه الا وبعدها فرج

كنت شايل همّ جلوسي في بيت كبير لوحدي
بيت شبه زجاجي
والباقي خشب ..
.
.
.
..

قبل 8 ساعات من السفر

دق عليّ سوني باب الغرفة
فكيت الباب
وقال لي
ابغى اودّعك قبل اسافر
لاني راح اسافر الساعه 8 الصباح وانت راح تكون نايم
قلت له انا ارفض اوادعك الحين
!!
قال انت تحرجني
قلت له راح اوّقت المنبه
بس احتياطاً لو ماشفتني صحيت صحيّني

قال لي تصبح على خير

الساعه 7 صباحا
دقّ جوالي
صحيت واخذت دش
وكان مشغول في غرفته بترتيب بعض الاوراق
دخلت غرفتي وجا دق عليّ
وكان في ايده
400 دولار
تقريبا
1080 ريال سعودي
قال هالمبلغ خليه عندك يمكن تحتاجه يالله ايش هالانسان !!
قلت له سوني
انا اللي اعطيك فلوس مو انت
!!
قال احنا اصدقاء والصداقه ماتتقدرّ بثمن
رفضت اخذ الفلوس وأقسمت على هالشئ
وعرفت بعد كذا انه كان مخبيّها لي بغرفة نومه
( بعدين اذكر الموقف هذا .. بس ذكروني فيه )

جلسنا بالصالون
وطلبت منه طلب
انه ما ابغى القيرل فريند حقته بفترة سفره تجي البيت
او اي احد عموما
قال اوكي
واعطاني رقم المطافي
قال في حال ان البيت ولّع عليك وانت تطبخ

وقال لي اعتبر البيت بيتك وماراح اقفّل اي غرفه بمفتاح

هالانسان شئ ثاني ياجماعه

لكن ماتتخيّلوا كيف اقدر اني انام ببيت لوحدي
على نهر
والجو بارد
والظلمة حااااااااااااااااااااااالكة جداً
.
.
.
توادعت من سوني كوداع الاخّ لاخوه
واغلقت باب البيت على نفسي
بينما انفتح الحزن بصدري

.

 

 

[عزف الدموع]

اقتباس مرحبا شباب وصبايا اسفين على التأخير بس هذا احنا رجعنا لكم

ياهلا والله بأيمن حيااااااك والله فرحت كثير لما شفتك موجود !!! شدعوووووووه الغايب عذره معه وانا اخوك

اقتباس عزف الدموع (15)

وواااااااااااااااااااااااوو انا الدرجة الاعلى يعني ... مشكور استاذ ايمن لاخلى ولاعدم ان شاء الله ...


المهم

بالنسبة للغرفة الجديدة حقتك والله مالومك اكيد صعبة شوي خصوصا انك مومتعود على شذي بس معليه هونها وتهون يا ايمن

بس صاحبة البيت طيبة ومحترمة مدري حسيتها شذي من القصة !!

وبعد ماياكلون خنزير والله شي طيب ولله الحمد




وسوني ياحبي له والله حبيته هالرجال وانا ماعمري شفته وطبعا البركة فيك ههههه

وبعدين اخوي ايمن ترى الدنيا للحين بخير ولو خليت خربت وسووني باين عليه انسان طيب ومحترم يستحق كل احترام وتقدير

والله احسدك على معرفتك فيه !!!


اقوول شرايك تعرفني عليه؟؟؟؟ خخخخخخخ

المهم انه طلع رجال وسلمك البيت ووثق فيك وعطاك الخيط والمخيط زي مايقولون

مع انه نادر تحصل واحد مثله وبمثل طيبه وتواضعه !!!!!!!

صج لاقالوا رب اخ لك لم تلده امك .......


لدرجة حتى الفلوس عطاك مع انه هو احوج منك فيهم يمكن ؟؟؟





لكن صدقت شنوووووووو هالانسان ؟؟؟؟؟







مشكور اخوي والله يعيني انتظر بعد المرحلة الجاية والمشوقة من القصة




بارك الله فيك اخوي ايمن

موفق لكل خير


واسمح لنا طوووولنا عليك بالهذرة

 

 

[ارجوان]

راح ننتظر باقي القصة تسلم ايدك اخوي

 

 

[قيثارة]

خخخخخخخخخخخخخخخخخخخخخخخخخخخخخخ
بس حلوة الصداقه بينك وبين سوني
على فكرة ترى لما اقرى شيء عن سوني ...اتخيله يشبه سوني السوبر فايزر حقي ..فلبيني شعره اسود وناعم مرة .. وحواجبه كنها حواجب جراده
خخخخخخخخخخخ

ايمن كمل واحنا بنتابع ...

 

 

[sar 103]

مشكورين ياحلوين وتستاهل الدرجه ياعزف الدموع
الله يعطيك العافيه ياارجوان اشوفك ما اعترضتي على الدرجه شكلها مش هامتك معليه راح ترسبين صدقيني ويا انا يا أنت
هلا والله ياقيثاره مشكوره على الطله الحلوه والله يعنيك على السوبر فايزر حقكم يهونون الفلبينين طيبين مرررررررره وقلبهم كبير ولو أنه جراده
مشكوووووووووووووووووووووووووووووووووورين


ويازهوررررر الريف وينك يانصابه شفيك تأخرتي عن الرد هالمره ترى أنا صايدك في المنتدى العلمي أقول بلا خيانه ورجعي عندنا أحسنلك!!
ومتروكيه وعباسيه قاعد أدور عنها بس للحين ماحصلتها في أي منتدى وانشاء الله بصيدها وبرويكم فيها؟؟

تابعونا



وفالكم


طيب

 

 

[قيثارة]

اي طيبين والله خبيثين وحقودين ..من الحين يحفرون لنا عشان ما نشغل مناصبهم ..

يالله عن العيارة وخل الفلبينين على جنب ..
كمل وبعدين شصاااااااااااااااااااااار ..