قصة العريسين في القصيم

[#احساس ملاك#]

السلام عليكم
هذ1 واحدن توه معرس وخلصت الزفه وحل امور الي في القصر اخينا في الله شقل حرمته
وطمرو في السياره ودعس للقصيم يعني اهل العروسه في الرياض وهو ساكنن بالقصيم
والبنيه تستحي ومبرطمه طول الطريق الرجال يسولف وهي
الرجال يئس من البنت انها تستحي قال يا ولد مابدهاشي شكلها مسجل وامسك الخط
في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم
عاد هي طمرت على المرتبه الي ورا عشان تنسدح عشان يخف عليها الوجع قالك توفر وقت الين
يوصلون محطه المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم من ببسي حق الطريق
هو كان وده يخذ له شريط لمحمد السليم عشان يسليه في الطريق بس
خبركم توه معرس وبايخه مشغل محمد السليم الناس تشغل عبد الحليم ولا ام كلثوم
البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
قالت ياولد بيمديني اطمر وخلص ورجع قبل لا يرجع هو من البقاله
المهم المسكينه راحت واخذت وقتها
اخينا في هل وقت قد رجع للسياره وعلى باله مرته في المرتبه الي ورا وخبركم عبايه سودا
واخر الليل ما انتبه انها مهيب في السياره
وشغل الموتر ودعس
البنيه المسيكينه طلعت وهي مرتاحه انو نقص من وزنها كم من كيلووووو
وتناظر يا ولد وين السياره وتتلفت ما تشوف غير ابو هندل حق المحطه وابو يمن حق البقاله
عاد تخيلو الصدمه يوم عرفت انو زوجها دق سلف ومشى والبنت المسكينه حتى في نفسها مهيب
راضيه تصدق انو مشى جالسه تأمل انه يمكن راح منى ولا منى وبيرجع
شوي ما وعت الا هذ1ك الجمس الي مقبل يوم وقفو عند البقاله الي جنبها
وتقز الحريم الي في الجمس قالت زين عائله وتروح وترمي روحها على
الحرمه الي قدام وهي ام العيله وتقول لها خالتي انا داخله عليس وهذي قصتي والعجوز مسكت
راسه وقالت يابنيتي انتي تعرفين سيارت زوجس قالت ايه اعرفها
قالت قومي اطمري نلحق على زوجس
ويعبون بنزين ويدعسون وراه
واخينا في الله مريح وماشي بعد ما لقوه في الخط على بعد نص ساعه
عاد تخيل حبيب القارء انك على طريق القصيم و فجئه وراك جمس يكبس بالنور بشكل مخيف يبيك توقف وش رده فعلك
اكيد الرجال دعسسسسسسسسس قال ياولد هذولا مهابيل بيضروني ومعي عروستي
والجمس وراه داعس يحاول معه انه يوقف المهم الذهين الي يسوق الجمس عرف وش يسوي مار يولع
نورا لجمس الي في الداخل عشان العريس يشوف انو الي في الجمس عائله
وانتبه ومار يوقف قال وش عنده ذا
ونزل وهو معصب
عاد من الي متوهق في هل موقف راعي الجمس يقول في نفسه وشلون اقولها له انه مرته معنا
يبي يجيبها بأسلوب تدريجي عشان العريس ما ينصدم خبركم مثل هل موقف وش بيقولون عنك اهل
العروسه اخذت بنتنا وضيعتها
ولله ان تلزق بوه السالفه طول عمره وهم العالم يتشمتون فيه
المهم راعي الجمس سلم وقال له اخوي ما تسنك مضيعن لك شي
قال له العريس لا ولله ما ضيعت شي؟
قال له تأكد ؟؟؟؟
قال وشلون قال رح طل على موترك شف في شي ناقص لك!!!!
العريس قام يوسوس حتى المشكله مرته ما جت على باله
المهم راح ودخل خشته جوى الموتر وقال يا مره في شي طاح مننا وحنى في المحطه محد رد عليه
ويويق على ورا ويناظر مار تطير عيونه عمىىىىىىى وين راحت المره
ورجع لراعي الجمس وقال هات السالفه قال يا ولد مرتك لقيناها عند المحطه انا واهلي وقالت لنا انها
نزلت للتوليت وانت مشيت ولا دريت عنها عاد العريس كل انواع النفاضات نزلت عليه
تلعثم ولا قدر يحكي
المهم راعي الجمس راح وقال للعروسه يلا طسي لم زوجس شوفيه مخترع عليس
المهم العروسه ركبت مع زوجها في السياره وانطلق لسانه الي كان مربوط وقامت تتعذر له
وتقول لا تزعل مني انا كنت مستحيه اني اقولك اني طول الخط وانا حسرانه
وانت مشاءالله عليك ركبت الموتر وانطلقت
ههههههههههههههههههه عاد انقلب الوضع صار العريس هو الي مبرطم
طول الطريق والعروسه الي قاعده تبربر ما بقى الا انها هي التسوق
عشان اخينا في الله مرتاع من الي صار..............وبس
هذي السالفه اتمنى انها تكون سلتكم
والسلام عليكم
تحياتي
@ام كشه@

 

 

[#احساس ملاك#]

افاااااااااااااااا متردون شمسوين حن يلا عااااااااااااد ردو

@ام كشه@

 

 

[الغريب]

وعليكم السلام ورحمة الله وبركاته

بداية نرحب بكِ أجمل ترحيب في منتديات الطرف

الله يعطيكِ العافية على نقل هذه القصة

وأتمنى عدم الاستعجال على الردود

حياكِ الله مرة أخرى في منتديات الطرف


















وفق الله الجميع

 

 

[المزيونة]

صج فشلة
ومشكورة على هالقصة المسلية

 

 

[الحب]

السلام عليكم ورحمة الله وبركاته

مشكوووووووورة على النقل الرائع


الحب

 

 

[#احساس ملاك#]

مشكورين خوني بس يا مشرف مال دعي الحرج انا كل قصدي ابقي يقرونه بس يعني يكنون نشيط
مع سلام
@ام كشه@

 

 

[#احساس ملاك#]

اقتباس المشاركة الأصلية كتبت بواسطة المزيونة صج فشلة ومشكورة على هالقصة المسلية

ههههههههههههههههههه يعني بس فهمني شو قصدك
مع الف سلام
@ام كشه@

 

 

[مجاهد]

قصــة
شيقة ومسلية



لكم ودي وتقديري

 

 

[#احساس ملاك#]

مشكور اخوي كرة االاحمر
@ام كشه@

 

 

[ليت للقلب عين]

احم احم(عفوا العضو المطلوب قد وصل نرجو افساح المجال)

قصة حلوه فعلا والي مخليها احلى انك الي حاطتها ام كشه عشان كذا صارت القصه احلى

تحياتي:على فكره اسمك اعجبني حيــــل (هاع هاع)

 

 

[#احساس ملاك#]

ههههههههههههههههههههههه مشكور حبيبيتي تسلمين على رد رااع وانتي لحلوي