القروض وما تفعل

[ولد الديره]

البارحة سمعت واحد من الشباب يشتكي من البنك عن السلفية مالته من سنين ما خلصت ويقول هاذولا يقصون عليه وهم حراميه عاد يوم كلمته ابغى اعرف وش سالفته المسكين كم ماخذ قال والله ما أتذكر وهو يحكك في عمره صكته حاله عجيبه تقول كني قايل له بذبحك المهم قال ماذكر بس أول شي اشتريت سيارة بعدها عاد قمت أزيد في السلفيه مرة حق السفر ومرة حق تزويد السياره هذا ويقول بس فكرت شي بسيط طلعوا فضايح والله.. يا اخوان بارك الله فيكم كيف تبغون ترتاحون من السلفيه وانتو على هالحاله مثل هذا الشخص يتسلف وبعدين يتوهق ولا يقول بس

والله الواحد هالايام يبغى يتسلف مبلغ كبير والمشكله ما يقدر يسدده ويتم عشر سنين مو قادريسدد؟ من الي جبركم على هالأمور وأنتوا بعدكم وراكم متطلبات حياة من زواج وبيت وعيال وهي تحتاج سلفيه ؟

الواحد اذا يبغى يروح البنك يبغا سلف مايطالع أوراق ولا يسأل ولا يناقش الي عندهم خبره تراه مسكين متشقق من الفرحه شعليه بيحصل فلوس حتى لوقالوا له سعر الفايدة دبل هو ماشي ماشي .. المهم أنهم يعطونه عاد اذا جا وقت الدفع الفلوس وقام يفكر في اللي سواه يلقى عمره غلطان ويحاول يلصق الغلط على اي واحد ما يلقى غير البنك اللي أموره كلها منظمة وما حد يقدر يطلعه من الورطه لانه غلطان هو اللي وافق بكل الشروط وهو موقع بعد اوه على التوقيعات الي شي عدل من الفرحه كل توقيعه غير عن الثانيه ( يرسم مو يوقع )المهم هو غلطان لانه وافق عليها من فايدة وأقساط وغرامات ومن ذالقبيل من أمور الي الواحد منهم اذا اكتشفها مايصحى من حلمه الايشوف نفسه ميت ( عاد تخيلوا واحد يقعد من النوم يشوف نفسه ميت ) و يشوف عمره متعثر والقروش اللي نقها ( دفعها ) ماسوت له فايده
عاد هذا اردى مسوي نفسه خبير بنوك كل يوم يحول سلفيته بنك ويحاول يقنع نفسه أن البنك اللي راح له أحسن وأن فوايده اقل والسلفية بتخلص بسرعة وتلقاه بعد من يحول السلفيه عليهم قام وزاد له عشرين والا ثلاثين ألف فوق المبلغ وحط له بطاقة فيزا وقام يلعب أوين سار يبقى يكحلها وعماها وما زاد عمره إلا غرق من عقب ما أوهم نفسه وهم عاد يوهمونه بالفرج اللي ما صار ولا بيصير إلا في الأحلام والا إذا الواحد منهم راجع نفسه وغير موقفه وعاداته السلبية اللي تخليه يدمر مستقبله ويرهن نفسه للبنوك.

ياشباب راجعوا أنفسكم زين ولا تخلون السلفية بسيطة في نظركم خاصة اللي توهم مشتغلين ترا ذولا كلا طايرين وبس يبون قروش وبس
صح ولا لا كلامي شباب ؟؟

 

 

[يدي عصاتي]

لا والله ياولد الديرة كلامك صح مية بالمية

تلقى نص المسجوني يابسبة السلفيات ولا الاسهم...

مشكور ياخوي على طرحك لهذا الموضوع المهم..

اخوك يدي عصاتي

 

 

[ولد الديره]

يدي عصاتي

شكرا لك على المرور والمشاركه

ماقصرت ويعطيك العافيه

 

 

[سِيمفُونِيـة رجُـل]

مشكوووووووور أخوي ولد الديره على الموضوع المهم والأكثر من رائع

 

 

[زهرة الربيع]

مشكلة القروض مشكلة او خاصة اذا كانت في مثل هذه الحالة التي ذكرتها عزيزي
القروض هي في الواقع مفيدة لكن اذا وضعت في مكانها المناسب
مثل بناء منزل او شراء قطعة ارض يعني يقترض من اجل المستقبل

تحياتي
زهرة الربيع