الانجليزيه , تعلمي , بطريقه , سهله , ومضحكه

[‏اطياف السماء]

تعلمي الانجليزيه بطريقه سهله ومضحكه


طريقه جديده لتعلم الانجليزيه

تعلم الانجليزي بطريقة سهلة و مضحكة

يلاااا كلكم معاي بنبدي !!

افرض واحد طقك على ايدك بقوه شنو بتقول : اي اي اي ,,,,, لاتسوي نفسك ذكي وتقول اح ,, لأن الطقه قويه لازم اي اي اي ,,,,

اي = معناها = انا

هل تحب جبنة بوك = لاحظ بوك بس نوع فاخر ,,

بوك = book = كتاب

هل تحب الكت كات= لاحظ كات ,,

كات = cat = قط

هل تحب الشاي = لاحظ شاي = shy = خجول <<<<<<


يعني تقدر تقول : i'm shy <<<<<<<<< انا خجول

وانت تمشي بالشارع ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش حصل كل هذ؟

الجواب: فار مر

فار مر ,,,, معناها مزارع ,,,,, farmer <<<< مزارع

من مايعرف الرئيس ( بوش ) بوش -بوش = push = يدفع = وتلاحظونها على الأبواب

يعني تقدر تقول = ادفع الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill

مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب شنو تقوله: اكيد تقول ( مين) مين مين مين

mean مين = تعني = معنى او قصد = كأنك تسئل وش معنى كلامك او وش قصدك

مثال: تسئل واحد وش قصدك ؟ what do you mean = وات دو يو مين

كلمه ثانيه:
وعلى فكره كلمة = com الي تشفونها في الرابط = تعني = شركه = وهي اختصار كلمة company

تسمعون الطفل المصري يقول لأمه : ماما يالله قوه البيت = قوه قوه

المهم واضح معناها لكم :

go = قوه

يالله نروح = let is go = ليتس قوه

كف = فيه احد ما جاه كف على وجه ؟

كف= معناها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = منو فيه من البنات مايعرف مذر كير = هذي

ماركة تهتم بملابس الأطفال تشوفوها دائما بلأسواق ,المهم

مذر كير= عباره عن كلمتين دائما النساء ينطقونها

ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معاي في تركيب الجمله = انا عندي حصان = i have horse =

لاحظوا = i have = متكرره , i have = انا عندي

يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الكل يعرف الرئيس الامريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل

او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو

bluetooth = معروفه مايبي لها طقة عصاة , بس اللي كثيرين مايعرفونه انه شنو معناها ؟

بلوتوث تعني = الناب الأزرق = او لو حبيتوا نقول الضرس الأزرق ماشي,

بلو= blue = ازرق

توث= tooth =الناب او الضرس

هذا الحرف وشلون تنطقونه ( T ) = تي صح = تي ,تي , تي= معنها = شاي = tea = تي

سيف = سيف معروف مايبيله شرح كان يستخدم كسلاح في الحروب سابقا والان يستخدم كزينه

سيف = save = يحفظ او يحمي او ينقذ =

يعني تقدار تقول: احمني او انقذني = save me او احفظ المعلومات = save it

او احفظ الصوره =save the picture = سيف ذا بيكتشر

فار = مخلوق نذل يصعب مسكه الا اذا جبت له قطوة

فار= far = معنا ها = بعيد = تقد ر تقول = انت بعيد وايد = u are so far = يو ار سو ( فار) = so = تعني جدا ,مثل very )

يعني تقدر تقول= u are very far =يو ار فيري فار = على كيفكم

ني = اللحم ني او الدجاج مو مستوي ني

ني= kneeمعناها = = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان ماقدر نبدي قصه بدون مانقولها كان تعني:

كان = CAN = يستطيع او يقدر = انا استطيع = I CAN

ممكن يكون معناها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه
اتمنى تكونون استمتعتو والاهم استفتدتو

 

 

[Ĺ.Méśśі]

الله يعطيك العافيه
فعلا افكار مفيده ونحتاجها لتعلم اللغه
ماننحرم من جديدك

 

 

[هديل اىلخالدي]

يعطيك العافيه ...............

 

 

[Mr.Gray]

hahahah
good Examples but there grammar so easy
but your Method is so funny
|| I WANT 2 TANK YOU ||

 

 

[‏اطياف السماء]

اقتباس المشاركة الأصلية كتبت بواسطة Ĺ.méśśі الله يعطيك العافيه فعلا افكار مفيده ونحتاجها لتعلم اللغه ماننحرم من جديدك

ويعافيك الرب منوووووور

 

 

[‏اطياف السماء]

اقتباس المشاركة الأصلية كتبت بواسطة هديل اىلخالدي يعطيك العافيه ...............

منوووره لاتحرميننا من بثر قلمك

 

 

[‏اطياف السماء]

[QUOTE=J.H-SALEEM;944262]hahahah
good Examples but there grammar so easy
but your Method is so funny
|| I WANT 2 TANK YOU ]
العفو منوووور

 

 

[جبل الورد]

فار مر حلوه يتعلمونها البنات بسرعة ههههه

 

 

[ورده خجوله]

رائـــــــــــــــــــعــــــــــــــ..
و
مسلـــــــــــــــــــــيـــــــــــ..
يسلمـــــــــــــــــــــــــووو

 

 

[ضحكة]

يا حلوها من طريقة نتعلم الانجليزي ابها

الله يعطيك العافية