قصيده عن المكياج دخلوا يالبنات ...

[سكون الصمت]

يـا صانـع المكيـاج الله يجـازيـك
خليتني مخـدوع فـي شكـل خلـي


الله يحـرق مصنعـك مـع مبانيـك
والمعرض الموجـود في بيكاديلي


ادعي عسى تعمى وتنشـل رجليـك
هـذا دعائـي دوم لا جيـت اصلـي


خليتني اركـض ورا البنت هاذيـك
واشوفها اجمل غـرام ٍ حصـل لـي


قلبي عشقها ياحبيبي توماتيك
وان شافها قلبـي يرحـب يهلـي


هي رحبت بـي وقالـت الله يحييـك
وقالت هلا باللي عشق زيـن شكلـي


وقالت انا اجمل بنت في اللي حواليك
شف حسني الاخاذ وروجي العسلّـي


طالعتها ثـم قلـت هالقلـب يبغيـك
ومن شاف حسنك خلى غيرك يولـي


ابغي اشوفـك دون مكيـاج يكسيـك
وابغـي اشوفـك بالجمـال المحلـي


قالت تبينـي افـرك الوجـه تفريـك
واشيل هالبـودر وروجـي وكحلـي


قلت أي نعم قومي عسى الروح تفديك
ابغـي جمالـك هالطبيعـي يهـلّـي


قالت دقايق راجعـه لـك واراويـك
ذاك الجمـال اللـي لعينـك يسـلّـي


ويوم رجعت لي شربكتني الشرابيـك
وحسيت الارض تدور وانـا بمحلـي


الخد كنه ياحياتي سيراميـك
والوجه شارع مثـل شـارع حولـي


الوجـه كنـه بيـت كلـه شبابيـك
من هالحفر في وجهها اللـي يعلّـي


كلـه سبـب مكياجـك الله يجازيـك
خليتني مخـدوع فـي شكـل خلـي


ونصيحتي لكل شاب من غير تشكيك
لا لا اتسـرع ثـم تنغـش مثـلـي


اللـي بـلا مكيـاج خلهـا حواليـك
واللـي تحـط مكيـاج خلهـا تولـي





عجبتني ونقلتها لكم


لكم مني الجزيل من الشكر



اختكم في الله


سكون الصمت

 

 

[سكون الصمت]

شدعوه جاملوا على الاقل





مشكورين عالعموم

 

 

[sar 103]

الله يعطيك العافيه ياسكون الصمت

على القصيده الحلوه وصحيح هالايام الكل مغتش بالمكياج

تجيك بنت جيكره شوي وتروح المشغل وتصير ملكة جمال

ولكن يبقى الحلوو حلووو

الله يسلم ايدينك ولك اجمل تحيه

 

 

[سكون الصمت]

مشكور اخوي sar 103


صدقت والله




يعطيك العافيه على مرورك


مرورك شهاده اعتز بها


لاحرمنا منك


تحياتي

 

 

[كـآأإدي ا~]

هههههههههههه

قصيده روعه

والأروع صاحب الموضوع

مشكووور

 

 

[سكون الصمت]

مشكوره احساس طفله




مرورك الاروع عزيزتي




نورتي الصفحه




لك مني كل الود

 

 

[أول الغيث]

عليكم السلام و الرحمة و البركة


الجميع بات يعلم زيف هذه الألوان و الأصباغ

و أنها مجرد قناع يخفي ما تحته من حقائق

ولكن هل من متبصّر ؟؟



مسكين هالرجّال .. بعد ما طاح في شر أعماله

حطّ اللوم على صانع المكياج !!!


مع أن المكياج مطلوب كما يقولون ،، لكن الشيء لازاد عن حدّه انقلب ضده ..



الله يعطيك العافية أختي سكون الصمت وما قصرتي

على هذا النقل ، الذي يحكي واقع الكثير من الناس

ألف ألف تحية

 

 

[سكون الصمت]

اقتباس المشاركة الأصلية كتبت بواسطة أول الغيث عليكم السلام و الرحمة و البركة الجميع بات يعلم زيف هذه الألوان و الأصباغ و أنها مجرد قناع يخفي ما تحته من حقائق ولكن هل من متبصّر ؟؟ مسكين هالرجّال .. بعد ما طاح في شر أعماله حطّ اللوم على صانع المكياج !!! مع أن المكياج مطلوب كما يقولون ،، لكن الشيء لازاد عن حدّه انقلب ضده .. الله يعطيك العافية أختي سكون الصمت وما قصرتي على هذا النقل ، الذي يحكي واقع الكثير من الناس ألف ألف تحية

مشكور اخوي اول الغيث

اقتباس مسكين هالرجّال .. بعد ما طاح في شر أعماله حطّ اللوم على صانع المكياج !!!

هههههههههههه

والله ان احنا يالحريم احترنا معاكم اذا ماتزينا لكم قلتوا مقصره في حقنا واذا تزينا قلتوا انغشيتوا فينا
ماينعرف لكم




مرورك شرف صفحتي وانارها



لك مني كل الود

 

 

[إشراقة أمل]

وعليكم السلام ورحمة الله وبركــاته ..,

.

اقتباس مسكين هالرجّال .. بعد ما طاح في شر أعماله حطّ اللوم على صانع المكياج !!!

ههههههههههههههه

اي والله .. صدقت ..

الحين وش عليه هالمسكين اللي صنع الماكيـاج ..

على باله مسوي خير في أغلب البنــات

ما درى ان الرجاجيل من وراه تسبّــه ..!

ههههه

.
.

ومن رايي ..

تبقى البنت بجمـالهـا الربـاني الطبيعي .. أحلى بكثير

من لو جـات وما خلت ماكيـاج في السوق إلا وحطته في وجههــا ..!

.
.

قصيــدة رائعـة جداً تحكي واقع بعض البنـات ..

ووقوع أغلب الشباب في جمـال مزيف .. وقنـاع خادع..

واختيار أروع منك غاليتي سكون ..

لا عدمتك .. ولا عدمت إبداعك وروعتك ..,

.
.

 

 

[سكون الصمت]

اقتباس المشاركة الأصلية كتبت بواسطة إشراقة أمل وعليكم السلام ورحمة الله وبركــاته .., . ههههههههههههههه اي والله .. صدقت .. الحين وش عليه هالمسكين اللي صنع الماكيـاج .. على باله مسوي خير في أغلب البنــات ما درى ان الرجاجيل من وراه تسبّــه ..! ههههه . . ومن رايي .. تبقى البنت بجمـالهـا الربـاني الطبيعي .. أحلى بكثير من لو جـات وما خلت ماكيـاج في السوق إلا وحطته في وجههــا ..! . . قصيــدة رائعـة جداً تحكي واقع بعض البنـات .. ووقوع أغلب الشباب في جمـال مزيف .. وقنـاع خادع.. واختيار أروع منك غاليتي سكون .. لا عدمتك .. ولا عدمت إبداعك وروعتك .., . .

مرورك الاروع حبيبتي



لاتحرميني طلتك البهيه



كوني بالقرب


لك اجمل التحايااا