اسئله ترفع الضغط من الغباء

[لحن الخلود]

:السلام عليكم ورحمة الله وبركاته
\
\
\

اسئله ترفع الضغط من كثر غباء هذي الاسئله ودك تكفخ الي يقولها لك -------------
مثلا : -

انت الحين بغرفتك منسدح بفراشك ومطفي الليت (النور) فجأه يدش عليك
اخوك\اختك ويفتح الباب ويقولك بتنام ؟!! ( لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يدش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس
-----------
انت الحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع بنك) !! لا تعليق
--------------------
لا وتعالو شوفو قنواتنا العجيبه اهما واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا منه المال ومنها العيال))

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو اليهال (الاطفال) , , ,

يقول المذيع للياهل :- أنت تحب ماما وبابا ! ! !

(( لا احبك)) سؤال غبي الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زوود الذرابه)
--------------------

يعني اسئله غبيه مثل هالاسئله ماشفت

 

 

[ورده خجوله]

هههههههههههههههههههههه
اف اف اف وش هالاسأأأأله>>صدقني عاااااااد هع
يعطيج ربي الف عافيه ع الطرح الراااااااااائع..

 

 

[نورة عبدالله]

ههههههههههههههههه صج اسئله تجيب الضغط


هههههههههههههه

 

 

[مرسال الحب]

حكايه مجروحه ممكن أشارك في موضوعك هع قويه هههههه

شكرا على المشاركه الجميله التوحفه

 

 

[فجاة نساني]

هههههههههههههه


صراحــــة موضوع جميل جدا جدا جدا


تدرون ليــــــــــة , لان كل هذا حصل لي ...



ههههههههههه


ننتطر مزيدك . خيو

 

 

[هدير الصمت]

صج اسئله ترفع الضغط
ودك تذبح اللي يستهبل كذا
الف شكر على الموضوع

 

 

[حبيبة الغالي]

السلام عليكم

ما أقول إلا الله يخلف عليهم بس

شكرا

 

 

[أبو إكرام]

شكرا لك على هذا الموضوع واللي ادهى وأمر من هذا السؤال اللي يبط الكب

انه لمن احد يكون خارج البلد (يدرس أو يشتغل) وراجع للبلد مشتاق لأهلها وأول يوم يوصل
و شافه أحد الشباب وسلم عليه أول سؤال متى جيت ؟؟؟
ومتى بترووووووووح ؟؟؟

 

 

[نور الرضا]

اقتباس المشاركة الأصلية كتبت بواسطة لحن الخلود : انت الحين بغرفتك منسدح بفراشك ومطفي الليت (النور) فجأه يدش عليك اخوك\اختك ويفتح الباب ويقولك بتنام ؟!! ( لا برقص - اكيد بنام !!) ---------

ولا ها السؤال اللي يرفع ضغط الواحد

لحن الخلود
يعطيكي ربي الف عافيه على هيك مواضيع توسع الصدر

 

 

[وحيده كالقمر]

هههههههههههههههههههههههههههههههههههههههههههههههههه ههههههه

صج اسئله غبيييه