سريت الليل وأثر الليل نـاوي يفضـح الأسـرار ..

[عزف]

كذب من قال موج البحـر خايـن والبحـر غـدار




وأنا في عيني أمواجه قبر .. وأدفن بها أسـراري




لك الله يابحر من ويـن جبـت الصبـر ياصبـار ..





وأنا صبري عجز لايكتـم اللـي شفـت بأقـداري




أنا يابحر همـي ساحلـك .. والمركـب الـدوار




يسوق الموج للمينا وتصدم فـي صخـر ظـاري ..






أنا مـدك وجـزرك والهـوى والليـل والأنـوار




طلبتك يابحر .. نزل شراعـك واسمـع أخبـاري






أنا شلت الغرام اللي سنيـن العمـر بـه تحتـار ..





وتهت وضعت بين المستحيل .. ورغبة أصـراري




سريت الليل أنا يابحـر كـن النجـم لـي سمـار





ووصلت لشطك الظالـم ولاأدري ويـن مشـواري ..






وعجزت أغلق شبابيك الحزن وأرخي عليها ستار




وأخاف الشمس تفضحني نهار يشوفنـي جـاري






سبحتك ليـن سمونـي بعـدك ((بــ فلان )) البحـار ..





تعال وعوم فينـي .. شـوف لولـوي ومحـاري




تعال .. وشف أثر عصفور سطح الماء فزعه وطار




ودور لي هنا ضلع تـوارى .. ويـن متـواري ؟!





توارت قبلـه دموعـي عـن الجـلاس والأنظـار




وتوارت قبله أحلامي .. وعاشت خارج أسـواري




سريت الليل وأثر الليل نـاوي يفضـح الأسـرار ..





وأثاري كـل ليـل مرنـي مـن فرحتـي عـاري




أنا ماأذكر من الرحله سـوى دمـع همـا مـدرار




ومجداف رميته في ظلامـك جيـت بـه سـاري ..





أنا غصن ظلمه الوقـت ماعـدت عليـه أمطـار




رداة الحـظ خلتنـي .. أعيـش آطـار آثـاري!




أنا أدري مابيدينك فـرح تعطينـي عليـه اقـرار ..





وأنا أدري ان السكوت أرحم من الشكوى لجـزاري




أنا جيتك أبي أخمد علـى شاطيـك بعـض النـار




وأثر حالك مثل حالـي تعانـي الجـرح وتـداري ..





بحر .. بالله توعدني وعد .. لاتفضـح الاسـرار




يهـون المـوت بأمواجـك ولاتتشتـت أسـراري

 

 

[طيرشلوى]

الله الله ابداع يالحنين مشاءالله نقل موفق هذا شي معروف الحنين ماتنقل الا اشي الزين والحلو اشكرك على نقلك المبدع ولا حرمنا منه ان شاءالله

طيرشلوى

 

 

[عزف]

يامرحبا بك منور اخوي اسعدني مرورك
يامرحبا يامرحبا نورك طفا الكهربا .. سعدت بمرورك
احم احم .. الحمدالله في من يعجبه ذوقي
تحياتِ ههه

 

 

[وديع]

لك الله يابحر من ويـن جبـت الصبـر ياصبار
وأنا صبري عجز لايكتـم اللي شفـت بأقـداري

صراحة ذوقك رائع والاروع ما اخترتي من كلمات جميلة الله يعطيك العافية يا الحنين

 

 

[عزف]

يعافيك ربي خيي مرحبا بك في موضوعي
منورنا اهلا وسهلا
تحياتِ وتقديري لك

 

 

[رومنسي88]

الحنين

ذوق رفيع ورائع وليس بغريب عليك

قصيدة رائعه

تحياتي

 

 

[ياقوت المحبة]

لك الله يابحر من ويـن جبـت الصبـر ياصبار
وأنا صبري عجز لايكتـم اللي شفـت بأقـداري

عبارات في قمة الروعة والجمال سلمت يمناك

 

 

[عزف]

مشكوره كلكم وتسلمون لي انتم
حياكم ربي هنا
تحياتِ