قصيــدهـ في قمــة الرومــانسيه !! بس حزيـنه !!]

[عزف الدموع]

واحد اسمه خالد جاه مرض و قالوا له انه بيموت

كتب الشعر لأخوه يقول له فيه

انه يتزوج حبيبته و يبي من أخوه هذا انه يخليها تنساه


اقرأ القصيده والله تستاهل وراح تعرف معنى الحب والعشق.

حط جنبك علبة منديل

.
.
.
.

وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد رحل مايعود


>>> م ن ق و ل

 

 

[دبلة الخطوبة]

والله روعة عزف الموع
واكثر من روعة
الله لايحرمنـــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــا منك

 

 

[ليت للقلب عين]

الله يعطيك العافيه اخوي عزف

قصيده بمعنى الكلمه

لا عدمناك وننتظر جديد كتاباتك



















في حفظ الباري

 

 

[بو تركي]

جميله هذه الابيات،تجعل القارئ في مشهد مركب:
هناك اخ الحبيب كيف يعامل من كانت حبيبة أخيه.
والأخ الراحل ينظر الى أخيه كيف يعامل حبيبته من بعد موته.
ونحن من شرفه ثالثه ننظر لكلا الحالتين.
عزف الدموع....نقل موفق جدا.
تحياتـــــــــــي
التوقيع (للقبك)
عزف الدموع مقطوعة(ن) تكسر القلب***** وتجبر عزى اللي فقد له حبيبه

 

 

[أول الغيث]

عزف الدموع




يعطيك ألف عافية اخوي على هذا النقل الرائع والظريف



والصراحة خشّيتنا جو مع هذه القصيدة



ولم نشعر بأنفسنا إلا ونحن في لبنان والشام.

 

 

[حلم الليالي]

مشكور على القصيده الر ائعه وصحيح اثرت فيني بالحيل

 

 

[عزف الدموع]

مشكووورين على مشاعركم

اللطيفة

الخفيفة

الجميلة

ويعطيكم العافية ع مروركم الرائع

 

 

[رومنسي88]

عزيزي قلت بقراءها وبطلع لكن
عاندتني ايديني وردت من غير مقصود
وفضحتني دمع مابين لجفون

شكرا شكرا لك على هذا النقل الكثر من رائع

تحياااااااااااااااااتي عزيزي
رومنسي88

 

 

[عزف الدموع]

اقتباس عزيزي قلت بقراءها وبطلع لكن عاندتني ايديني وردت من غير مقصود وفضحتني دمع مابين لجفون شكرا شكرا لك على هذا النقل الكثر من رائع تحياااااااااااااااااتي عزيزي رومنسي88

العفووو عزيزي ومشكور على هذه

الكلمات الجميلة والتواجد اللطيف



يعطيك العافية