][ مــ ق ــــالـــــب ][

[أحلى ملاك]

السلامـ عليكمـ ورحمة الله وبركاته ..

الموضوع واضح من العنوان

][ مــ ق ــــالـــــب ][

أمور كثيرة تحدث في حياتنا ..
ومنها يأتي (جو المرح والفرح )

لا يمر يوم إلا ومعه أحداث منوعة ..
دعونا نأخذ من هذا اليوم .. حدث المرح
وبالتحديد ( المقالب ) ..

يوجد أشخاص يحبون عمل المقالب .. لينفهوا عن أنفسهمـ
ويرسمون البسمة .. وأعتقد في المقالب الضحكة .. في شفاهكم ..

شيء جميل عمل المقالب .. ولكن ..

][ مـــــــلاحظة مهمـة ][

أمور عدة عليك أن تجعلها دائماً في ذهنك قبل أن تعمل المقلب ..

إذا كنت تريد عمل مقلب .. حاسب على الشخص .. وموقفه ..
فليس كل شخص يتقبل المقلب .. أعتقد تعلمون ما أقصد ..

أي ضع وفكر من كل النواحي .. أثناء عملك .. ( للمقلب ) :D

أأتي إليكمـ بمقلب عملته .. ( راح اتكلم بالعامي )

كنا جالسين جلسة عائلية ..
الوالد والوالدة وأخوي .. و( أنا ) وأعوذ بالله من كلمة أنا ..
جاء في بالي أعمل مقلب .. بسيط
كنت في غرفة نوم الوالدة أخذت جوالها .. شغلت نغمة ..
وخبيت حالي جنب السرير .. كنت متخبية والنغمة خلصت
وأمي ماجات تاخذه ( شغلت النغمة علشان تظن أمي ان الجوال يرن )
وحطيت النغمة مره ثانية سمعت أبوي يقول لأمي جوالك يرن
قالت : النغمة غير .. ( يعني مو نغمتها المثبتة ) قال أخوي
طيب قومي شوفي مين يبيك( هم جالسين في غرفة الجلوس )
.. قامت أنا رحت بسرعة خبيت حالي مره ثانية جنب السرير ..
وكان النور مطفى .. نور قليل من خلف الشباك ( الشمس )

يعني أنا مو واضحه كثير أمي دخلت خذت جوالها .. تشوف
أنا أطلع لها وأروعها أمي خلاص طاح قلبها تروعت وصرخت
أنا كنت أضحك بعدين خفت رحت ضميتها قلت
لها والله قصدي أمزح وياك وماظنيت إنك بيصير كذا ..
ضربتني بالخفيف .. الله يقطع شري ..

بعدين رجعت أضحك مره ثانيه ..
وأبوي وأخوي : مستغربين يبغون يعرفون شنو اللي صار ..


أدري طولت ..
كل ماتذكرت ملب راح احطه ..

يللا شاركوا معاي في المقالب ..
كل شخص يحط المقلب اللي عمله ؟ أو صار له ؟؟
وشنو موقفه أثناء حدوث المقلب ؟؟ هل عدا على خير ..
أم في حالات ؟؟؟!!

أحلى ملاك

 

 

[دلوعة القمر]

بصراحة واايد حلو
ومسلي

والمقلب حلوو

مسكينة امك

طيب انا عندي مقلب سويته لأختي

***************************

دخلت عليها الغرفة وقلت لها قومي انتِ تلفون مساع ابوي يناديك

وخافت هي وقامت تركض

وشالت السماعه قالت : الوو . الوو

وانا انحشت عنها

(( هو اصلاً مافي أحد بس انا سويت لها هذا المقلب ))

وجات لي تلحقني تبغى تضربني

قلت لها يا بنت الحلال مقلب . مقلب

وســـــــــــــــلامتكم :D :D

تحياتي D.M

 

 

[أسوار البقيع]

سلام الرحمه

هههههههههههههههههههههههه

احلى ملاك :":":" دلوعة القمر :":":": صج بنات مقالبكم عاديه جداً بنسبه لي

سمعو مقالبي السنعه الي تدل عن شطانه ههههههههه

هذا أول ما سمعنا أن الحريم راح يسقون سيارة .. خبركم الشباب شيسون .. أنا على طول قالت حق الوالد من الحين علمني .. والمشكلة أخواني الشباب جنبه .. وتعالي أخذي ظحك وهستره .. فضحوني مخلو شيء ماقالوه .. طلعو الشيب من راسي

ومرت الايام الخوالي .. وجاء أخوي الصغير الي طلع الشيب يتعلم السواقة .,. وجاه وقت الانتقام .. الوالد بيطلع معه البر علشان يعلمة .. وطبعاً حن علي أطلع معه ... وأنا مكثير مشتهيه بس يالله أطلع ليش لا .. وأنا في السيارة قمت اقلب في مخي في حركه أنتقم فيه (مقلب) ولما و صلنا البر بدا المقلب .. خليت الوالد ينزل من السيارة ويجلس في البر وخليت الجمهير الي مجمعتهم ينزلون بعد ..

وجلست أنا وهو لوحدنا في السيارة .. أهو خايف لأن أول مرة يخليه الوالد لحاله ..

بس فرصتي .. ولما أبتعدنا أشوي .. وقفته وتبادلنا الأمكن .. أهو ماكثير مقتنع بس حكم القوي على الضعيف هههههههههه

خليته يعلمني الحركات الي لازم أسويها علشان أسوق السيارة .. وعلمني وين البانزين ووووو

المهم :":": سقت السياره في البر .. وقمت أسوق بجنون ... يعني بسرعه ..

أخوي مسكين قام يصرخ بقوه وخاف مره .. وأنا مبتسمه ولا على بالي .. والبر خبركم شيء راقي وشيء نازل .. ولا مريت قريب من الوالد والجماهير الغفيرة (أعيال الفريج) قام التصفير والضحك والوالد قام يصرخ أني خلاص أوقف خاف على أخوي
.. أخوي صوته راح من كثر الصراخ .. كسر خاطري وبعد شفت هندي جاي من بعيد وقفت قالت خلاص تصيبه جلطة بعد ويروح علينا ...

مسكين أخوي لما وقفت سكت ولما شاف الكل يضحك عليه أنحرج ولا عرف شنهو يقول ؟؟؟ قالت له تعرف الحريم تسوق ولا لو مخليني اشوي كان فحطت بعد


ومنها مايطنز علي

اقول صحيح مقلبي طويل بس هذا العدل هههههههههههه


مشكوره عزيزتي أحلى ملاك على الموضوع


اختك : كيان اسوار البقيع