العودة   منتديات الطرف > الواحات الأدبية > همس القـوافي وعذب الكلام




إضافة رد
   
أدوات الموضوع إبحث في الموضوع
قديم 21-01-2007, 02:13 AM   رقم المشاركة : 1
أسوار البقيع
Banned
 
الصورة الرمزية أسوار البقيع
 





افتراضي قصة حب عضو معنا في المنتدى(خطير)!!

[COLOR="DarkOliveGreen"]سلام الرحمه

اعلم بأن القصة طويلة لاكن جميلة جداً .. تمتعو وأنتم تقرواها ..

لقد صغتها لكم .. معا تغير الاقاب وفي النهاية ساذكرها لكم موافقتنا منهم ..

وأنشاءالله تستفيدو منها ..

يقول سلطان..!![/COLOR]

لاحظت في فترة من الفترات أن فيه عضوة من أعضاء المنتدى اللي أنا فيه مركزة على مواضيعي وترد عليها.. وكانت ردودها ردود إعجاب شديد... لدرجة إنها صارت تدور مواضيعي كلها وترد عليها... حتى لو كانت قديمة.....


أنا جاني الغرور وبديت أشوف نفسي... إيه من قدي صار لي معجبات...
صرت أجلس على الإنترنت أكثر من جلستي مع أي شخص ثاني...
حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى....
يعني الغرور كان واصل حده عندي...
وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل...( حنا يالشباب الفاضي 12بالليل . يعتبر أول الليل عندنا )...
المهم وأنا راجع وقاعد أسولف مع نفسي وأغني وأهيجن وموسع الصدر على الآخر...
ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا....
وفجأة...
لقيت وحده لحالها بالشارع وتأشر...
أنا حسبتها تأشر لليموزين وراي ... بس يوم طالعت مع المراية ماوراي سيارات...
قلت في نفسي ... وش عندها ذي...ووش قصتها.....
خلني أخذ فرة ثانيه بالشارع وأشوف وش السالفة...
خذت لي فرة وفرتين وثلاث.... وكانت كل مامرت سيارة أشرت لها... ومحد يوقف لها...
أنا قلت أبوقف لها.. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي....
قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا....
وفعلا وقفت....
قلت : نعم وش عندك تأشرين؟..
قالت: لو سمحت يااخوي أبيك توصلني للبيت....
أنا : ومتى المعرفة عشان أوصلك لبيتكم..
هي : أجل وشوله واقف لي....
أنا : أنا واقف أبشوف وش سالفتك... يعني بنت تالي الليل وفي شارع فاضي .. وش القصة..؟..
هي : ومو معنى هالشي إني أكون من اللي في بالك... أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو خاف ووقفني هنا....
أنا : لاحوووووول ولاقوة إلا بالله... طيب طيب ...بيتكم وينه فيه؟....
هي : قريب ...يعني تقريبا ثلاث كيلوات من هنا....
أنا : طيب .. يالله أركبي خل نوصلك نكسب فيك أجر....
جت تبي تركب ورا وقلت لها : لا تعالي قداااام ... رفضت ..... قلت لها : ركوبك ورا يجيب لي الشبهة تعالي قدااام ومايكون إلا كل خير...
وفعلا ركبت قداام.... وأول ماركبت ..
قلت : إسمعي يابنت الناس... أنا مابعد تأكدت أنك بنت.. أنا اخاف أنك من قطاعين الطرق واللي يتقنون أصوات الحريم.. وعشان كذا ماخليتك تركبين ورا... أخاف وأنا أسوق تجيني من ورا غدر وتسوي فيني شي...
ردت علي وقالت : والله بنت ... وماني من ذا اللي تقول عنهم...صدقني..
قلت : إكشفي لي وجهك..
قالت: ( وبسرعة) مستحيل...
قلت : أجل إنزلي...
قالت: تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي...
قلت : أن لازم أتأكد أنك بنت..
قالت : والله بنت.. وأرجوك لاتستغل الموقف...
قلت : هذا حقي ... انا ماقلت أبسوي معك شي حرااام لاقدر الله.... أنا أبي أريح نفسي بس....
قالت: أنا وكلت رب العالمين في أمري....
وكشفت نصف وجهها.. وشفت دموع تسيل من عينها....
أستغربت... بس جمعت قواي وسحبت لثامها كله... وشفت شي عجيب.....
شفت وجهها ..... شفت الحسن كله....شفت الجمال... سبحان الله صورها....وشفت دموع تسيل على خدها..... كانت تبكي بدون صوت... حتى مارفعت عينها بعيني......
غطيت وجهها وصديت.. ومسكت طريقي ومشيت فيه....
كان تفكيري يلعب فيني شمال ويمين...
هي وش طلعها من ليموزين تالي الليل..وش سالفتها... ياولد لاتكون من بنات الليل ....وقاعدة تمثل عليك....أطلع بها ... اطلع بها محد داري عنك....
وبدأ إبليس يشاركني تفكيري....
بس كنت كلما تذكرت كلمتها ( وكلت رب العاملين في أمري ).... وكل ماتذكرت دموعها... أستغفر الله وأرجع عن الأفكار السوداء....
وبعد وقت قصير وصلتها لبيتهم ... ونزلت بسرعة أختفت ورا الجدران... وأنا قاعد أتابعها...وأفكر في هالبنت العجيبة... ووش قصتها ....
ومادريت إلا وأبوها ينزلني من السيارة غصب ... ويجلد فيني جلد... ومافكني منه إلا البنت...يوم حلفت له إني مالمستها بشر.....
الأب وقف وهو مازال ماسكني ... وطالعني وقال : تنام هنا... وبكرة نروح للمستشفى ونتأكد من كل شي...فااهم..
وافقت مضطر يعني واحد في نفس موقفي وش يبي يسوي...
وأتصلت على أهلى وقلت لهم إني أبنام عند صديقي محمد اللي ساكن لحاله لأنه مريض وابغى أشوف طلباته....
والله ويدخلني أبوها للمجلس..ويقفل علي الباب....
نمت عندهم وأنا عيوني مفتوحة...أفكر في هالورطة اللي ورطت نفسي فيها بدون داعي....البنت أنا وش دخلني فيها أروح أوصلها كان خليتها ويرزقها رب العالمين من يوصلها...
كنت خايف ويزداد خوفي إذا سمعت خطوات أبوها وهو قاعد يمشي عند الباب رايح جاي......
وأصبح الصبح...وقبل كل شي... نقزنا للمستشفى...وسوينا التحاليل للبنت والفحوصات وكل شي...
والحمد لله طلعت البنت شريفة وأنها مازالت بكر... هالشي خلاني أشيل فكرة أنها من بنات الليل نهائيا عن بالي....
وحنا طالعين من المستشفى ...
قال لي أبوها.. ياوليدي أنا اسف ... بس العذر والسموحة يعني واحد موقفه مثل موقفي ...يعني يطلع للحوش الساعه 1 الفجر ويلقى بنته تدخل عليه البيت... وواحد غريب هو اللي موصلها.. وش تبغا يكون تصرفي غير هذا....
قلت : ياعم .. أنا ماشرهت عليك... ومن حقك كل اللي سويته.. وتتطمن على بنتكم المصون...
قال : ياوليدي أنا أبسألك سؤال؟.
قلت : تفضل .
قال : أنت متزوج؟؟..
قلت : خلني أخلص دارستي واتوظف وبعدين أفكر بالزاوج..يا عم أنت عارف أن هالزمن صعب...
قال : الله يستر عليك زي ماسترت على بنتي... ويوفقك لبنت الحلال اللي تسعدك انشاء الله....
قلت : اللهم أمين... أنا أبمشي اللحين توصيني على شي..
قال : سلامتك ياوليدي والله يحفظك.... وانا اسف مرة ثانية...
تركتهم ومشيت.... ورجعت لبيتنا...
والخوف و الروعة مازالت في قمتها..لدرجة أني ماطلعت من البيت أسبوع... إلا ما طلعت حتى من غرفتي....
وبعد هالأسبوع بديت على شوي شوي أطلع على خفيف.. ورجعت للأنترنت مرة ثانيه ..وتذكرت المعجبين.... إيه اللي يدورون مواضيعي.... واروح أشوف وش صار على المنتدى وعلى مواضيعي.... ويوم دخلت المنتدى ...لقيت موجود رساله خاصة.... قلت أشوف منهي منه...
لقيتها من العضوة اللي دايم ترد على مواضيعي بأعجاب... وكانت تطلب في الرسالة... أن عندها قصة وتبغاني أكتبها بأسلوبي لأنه زي ماتقول معجبها الأسلوب...
أنا ارسلت لها وقلت هاتي القصه ونشوف وش نقدر نسوي....
المهم رجعت للمنتدى وقعدت أتصفحه ... كنت مشتاق له حيل....
وبعد نص ساعه لقيت .... انه يوجد عندي رساله خاصة توها تجي .... فتحت الرسالة.. ولقيتها من نفس العضوة.. وترد على رسالتي.... وكاتبة القصة... قعدت أقرأ بطريقة الكبار يعني أدقق عند كل حرف واوقف عند كل كلمة...
بس...... هذي هي نفس قصتي.... إيه قصتي مع البنت اللي لقيتها بالشارع....
وش الكلام هذا.....
وشلون.... معقوله تكون هي نفسها البنت..... لالا ما أظن.. إذا أنا وأنا رجال... قعدت منهار أسبوع كامل... وشلون حالتها هي....
فكرت كثير .. وقررت إني أعرف منهي ذا العضوة...
ارسلت لها وطلبت انها تسوي اضافه بالماسنجر عندها عشان أناقشها على القصة...
وفعلا بعد يومين لقيت إضافه بالماسنجر..
((@HOTMAIL.COM------ ) .... عبق الزهور يرغب بالتحدث إليك)....
قبلت الإضافة.... وجلست أنتظرها... وفعلا بعد ثلاث ساعات لقيتها داخلة الماسنجر...ودار بيننا الحوار التالي:
سلطان says:
السلام عليكم...
عبق الزهور says:
وعليكم السلام
سلطان says:
يالله حيها ... كيف الحال ... وش الأخبار.. بشرينا عنك...
عبق الزهور says:
بخير..
عبق الزهورsays:
ممكن تقولي إيش سويت بالقصة لو سمحت؟؟..
سلطان says:
أنا ودي أسألك سؤال إذا ممكن؟..
عبق الزهور says:
بس أنت ماجاوبت على سؤالي؟؟...
سلطان says:
القصة غريبة شوي... وما أتوقع انها ممكن تكون حقيقية زي ماقلتي لي بالرسالة الخاصة..
عبق الزهور says:
لأ... لا والله حقيقية وصايرة مع صديقتي...
سلطان says:
صديقتك...؟؟؟... ممكن أعرف أسمها ؟؟...
عبق الزهور says:
نعم؟؟... أنت وش خصك بالإسم ... صحيح إنك تجيد فن القصص بس الأسماء مالها علاقة بالموضوع...
سلطان says:
أنتي تعرفين اللي وصلها لبيتهم من يكون....
عبق الزهور says:
لأ.. طبعا لأنه وصل صديقتي ماوصلني أنا و مو من طبعي الإلحاح مثل الغير...
سلطان says:
عموما أنا أبقولك من اللي وصلها... مادام أنا اجيد فن القصص... ترا أنا أجيد فن التوقعات..
عبق الزهور says:
طيب خل نشوف يابديع زمانك.. من هو..
saysسلطان :
أنا..
عبق الزهور says:
؟؟؟؟؟ إيش تقصد ؟؟؟؟ ...
سلطان says:
أنا اللي وصلتها... وعندي الدليل...
عبق الزهور says:
الدليل ؟؟؟..
سلطان says:
إيه الدليل اللي يثبت أنه أنا نفس الشخص... أنا مستعد أذكر لك أشياء... صارت في نفس الليلة ومااحد غريب ممكن يعرفها غير نفس الشخص اللي وصلها...
عبق الزهور says:
مثل؟؟؟؟؟..
سلطان says:
وش كانت شنطتها ووصف ووجهها ... ولون ثوبها..... ووأوصف لك أبوها بعد لوتبين..
عبق الزهور says:
طيب يالله قول أوصف خلني اشوف...
saysسلطان :
أنتي وش يهمك طيب؟...
عبق الزهور says:
أنت اللي طلبت مو أنا؟؟؟...
سلطان says:
إيه صح ....
وبديت أوصف لها كل شي ... واثبت لها اني أنا نفس الشخص اللي وصل صديقتها...
عبق الزهور says:
فعلا أنت صادق بكل اللي قلته...
سلطان says:
شفتي أنه أنا نفس الشخص اللي وصل صديقتك...
عبق الزهور says:
أنت تدري مين البنت؟؟؟...
سلطان says:
كل اللي أعرفه انها صديقتك...
عبق الزهور says:
أنا... هي نفس البنت...
سلطان says:
معقولة؟؟؟؟....
( تعذر تسليم الرسالة لكافة المستخدمين
saysسلطان :
معقولة؟؟؟؟؟؟.)
وانتهت ذيك المحادثة وأنا ماخذت جواب شافي... وكنت مستغرب كيف الأقدار تجمع بيننا بعد ماظنيت أني خلاص أنتهيت من سالفتها...
قررت أني أجلس لها واقعد أنتظرها في كل الأوقات لين ألقاها....
وجاء يوم ودخلت وكلمتها.... وسألتها
سلطان says:
ممكن سؤال ؟
عبق الزهور says:
تفضل...
سلطان says:
أنا أبغى أفهم أنتي وش طلعك ذيك الليلة وخلاك تركبين مع ليموزين ... انا ترا من ذيك الأيام وأنا أفكر في هالشيء....
عبق الزهور says:
إسمع سلطان .. أنا أمنتك على نفسي وركبت معك توصلني...وأظن لو قلت لك على سري ماراح تتكلم عني فيه عند الناس.. وخصوصا... إنك حتى البيت تعرفه..
سلطان says:
وأنا انشاء الله أبكون عند حسن ظنك...
عبق الزهور says:
أنا كنت نايمة عند خالتي ...لأنه بنت خالتي في نفس عمري.... وفي الليل سمعت زوج خالتي قاعد يصارخ على خالتي... وبدأ يتكلم كلام جرحني... يقول أننا ماتحملنا بناتنا عشان نتحمل بنات العالم... ومن هذا الكلام اللي يجرح....وخالتي مسكينه تحاول تسكته وهو يصارخ بصوت أعلى ...
أنا ماقدرت اتحمل أني قاعدة في بيته وهو مايبغاني أجلس فيه... حسيت إني أنجرحت بكلامه.. ومالقيت نفسي إلا برا البيت...
سلطان says:


إيه بس انتي بنت ومايصير تطلعين لحالك في وقت متأخر....
عبق الزهور says:
وقتها ماقدرت أفكر... لاتلومني... حس فيني الله يخليك...
سلطان says:
انا ماأدري وش أقولك بس الأيام راح تبين لك هل اللي سويتيه صح ولا خطأ...
أخيرا عرفت السبب اللي خلاها تطلع تالي الليل.. وكان بالنسبة لي كافي ومقنع ماادري ليش....
ومع مرور الأيام بديت أحس بقرب لها..... وبديت احس انها لي .... وبديت أحس أن رب العالمين أرسلها لي ذيك الليلة... ووخلاها بطريقي عشان أعرفها... وتكون من نصيبي...
وصارحتها بهالشي.... وكان عندها نفس الإحساس والشعور...
وعشنا مع بعض ايام كلها حب وسعادة... وماكن ينغص علينا شي أبد ... أصلا ماكنا نسمح لشي يخرب علينا جونا اللي معيشين نفسنا فيه....
ولكن.. كان القدر اقوى مننا...
ومارست الأيام جبروتها علينا.....
وفرقت بيننا.. إيه فرقت .... تقدم لخطبتها شاب من هالشباب... هي ماكانت تبغاه..بس ابوها كان خايف عليها لأن العمر يمشي وهي مابعد تزوجت...
وفعلا تزوجت بعدها بشهور... وانا متضايق ومقهوور....
بس جاء الخبر اللي أسعدني وضايقني بنفس الوقت.....
وعلى طول وبعد ماانتهت عدة لأربعة شهور عشرة ايام .. تقدمت لها وطلبتها ووافق اهلها.... وعشنا حياتنا من جديد حياة سعيدة بديناها حب وأنتهت قصة الحب بزاوج... وخالفنا القاعدة... وأثبتنا للكل أنه ممكن للحب ان يعيش إذا خالط الحب صدق...

القصة مأخوذه من منتدى ثاني وليست من منتدانا .. يعني فقط لتشويق كتبت كذا ..ههههههههههه

أنشاءالله أعجبتكم ..


تحياتي لكم : أسوار البقيع

 

 

أسوار البقيع غير متصل   رد مع اقتباس
قديم 22-01-2007, 08:19 AM   رقم المشاركة : 2
الاء
طرفاوي مشارك







افتراضي مشاركة: قصة حب عضو معنا في المنتدى(خطير)!!

قصة رائعه وجميلة
الف شكر لك اختي اسوار البقيع
على القصة الجميلة
بس حسافه انها مش من منتدانا
تحياتي
الاء

 

 

الاء غير متصل   رد مع اقتباس
قديم 23-01-2007, 08:02 AM   رقم المشاركة : 3
شهرزاد
مشرفة سابقة
 
الصورة الرمزية شهرزاد
 







افتراضي مشاركة: قصة حب عضو معنا في المنتدى(خطير)!!

حشا,,


تعبتني وأنا أقراها..,,


بس ممتعه للغايه..,,

تهقين لوصايره في منتدانا..,,

وش صار من بعدها..,,


يعطيك العافيه حبابه..,,


تحياتي القلبيه..,,

شهرزاد

 

 

 توقيع شهرزاد :
\\\

,
,
أمَـات الحُب عشـاقاً وحَبك أنت أحَياني ..
ولو خُيرتٌ في وطنٍ لقَلتٌ هَواكَ أوطَانَي ..

,
,

\\\
شهرزاد غير متصل   رد مع اقتباس
قديم 23-01-2007, 08:43 AM   رقم المشاركة : 4
علي مع الحق
طرفاوي نشيط
 
الصورة الرمزية علي مع الحق
 







افتراضي مشاركة: قصة حب عضو معنا في المنتدى(خطير)!!

أسوار البقيع

قصتك\ رائعه كروعة ظهورك\ في ه>ا المنتدى

الله يعطيك\ العافيه

دمت\ دائماً بخير غاليتي

 

 

علي مع الحق غير متصل   رد مع اقتباس
قديم 23-01-2007, 09:07 AM   رقم المشاركة : 5
جموح
طرفاوي نشيط جداً
 
الصورة الرمزية جموح
 







افتراضي مشاركة: قصة حب عضو معنا في المنتدى(خطير)!!

تسجيل رد ولي عودة

دمتم بود

 

 

 توقيع جموح :
جاري البحث
جموح غير متصل   رد مع اقتباس
قديم 23-01-2007, 09:39 AM   رقم المشاركة : 6
نور الشمس
طرفاوي نشيط
 
الصورة الرمزية نور الشمس
 







افتراضي مشاركة: قصة حب عضو معنا في المنتدى(خطير)!!

القصه مره حلوا فيه تشويق بلا حدود

 

 

 توقيع نور الشمس :
مشاركة: قصة حب عضو معنا في المنتدى(خطير)!!
نور الشمس غير متصل   رد مع اقتباس
قديم 23-01-2007, 12:50 PM   رقم المشاركة : 7
أسوار البقيع
Banned
 
الصورة الرمزية أسوار البقيع
 





افتراضي مشاركة: قصة حب عضو معنا في المنتدى(خطير)!!

سلام الرحمه ...

الاء : شكراً خيه للمرور .. وفقتي

شهرزاد : معلية تعبي أشوي ولا مستهل التعب .. ههههه .. تتوقعي خيه تصير مثل كذا .. عندي قصص على هذا المنتدى لاكن سأدرجها بعدين أنشاءالله ..شكراً خيه للمرور

علي مع الحق : أنتي الاروع والاروع عزيزيتي .. شكراً خيه للمرور ..ودمتي بود

الشاب الظريف : أرجع واقراء علشان تستفيد .. وشكراً للمرور

نور الشمس : أنتي الاروع .. شكراً للمرور خيه

تحياتي : أختكم أسوار البقيع

 

 

أسوار البقيع غير متصل   رد مع اقتباس
قديم 24-01-2007, 08:21 PM   رقم المشاركة : 8
البراء
طرفاوي بدأ نشاطه
 
الصورة الرمزية البراء
 






افتراضي مشاركة: قصة حب عضو معنا في المنتدى(خطير)!!

أشوى انهم مش من منتدانا ....!!


تشكرات لـ:: أسوار البقيع ::
اسلوبك يجذب القارئ غصب عنه

 

 

البراء غير متصل   رد مع اقتباس
قديم 24-01-2007, 08:37 PM   رقم المشاركة : 9
يدي عصاتي
طرفاوي بدأ نشاطه






افتراضي مشاركة: قصة حب عضو معنا في المنتدى(خطير)!!

القصة أكثر من روعة


تتوقعون في بنات في الطرف يطلون أخر اليل

والله أنا ماأتوقع لأن بنات الطرف عفيفات


أن شاء الله ماكون غلطت على أحد

يالله مع السلامة


محب أهل البيت

يدي عصاتي

 

 

 توقيع يدي عصاتي :
هــذآ هــو قــلـمــي الــيــومـ مـعــكــمـ ..
ويـمـكـن بــكــرآ يـغــيــب عــن نــوآظــركــمـ ..
ســـآمــحــونــي .. وحــللــونــــي ..
إذا فــي يــومـ كــســرت خــوآطــركــمـ ..
أو بـكــلــمــه جــرحــت مــشــآعــركــمـ ..
أو أخــطــيــت بـحــقــكـمـ بـدون قـصـدمـنــي ..
ســــآآمــحـــوونـــــي ..
يدي عصاتي غير متصل   رد مع اقتباس
قديم 24-01-2007, 09:04 PM   رقم المشاركة : 10
البراء
طرفاوي بدأ نشاطه
 
الصورة الرمزية البراء
 






افتراضي مشاركة: قصة حب عضو معنا في المنتدى(خطير)!!

أكيد بالا شك

أحسنت أخي ::يدي عصاتي::

 

 

البراء غير متصل   رد مع اقتباس
قديم 24-01-2007, 11:29 PM   رقم المشاركة : 11
زهرة البنفسج
طرفاوي بدأ نشاطه
 
الصورة الرمزية زهرة البنفسج
 






افتراضي مشاركة: قصة حب عضو معنا في المنتدى(خطير)!!

مشكوره اختي وقصه حلوه بالحيل ومشوقه من
خلال تسلسل احداثها ومن خلال كتابتها بالهجه العاميه
تحياتي القلبيه

 

 

 توقيع زهرة البنفسج :
مشاركة: قصة حب عضو معنا في المنتدى(خطير)!!

<******>drawGradient()
زهرة البنفسج غير متصل   رد مع اقتباس
قديم 25-01-2007, 01:11 AM   رقم المشاركة : 12
أسوار البقيع
Banned
 
الصورة الرمزية أسوار البقيع
 





افتراضي مشاركة: قصة حب عضو معنا في المنتدى(خطير)!!

سلام الرحمه

براء : أكيد أخي مش من هذا المنتدى .. ومعتقد يصير عندنا .. شكراً للمرور

يدي عصاتي : أخوي البنت طلعت من بيت هذا لان كانت في موقف لاتحسد عليه .. يعني لو أنحطة بنت في هذا الموقف يمكن تسوي نفسها .. والبنات جنس ناعم وحساس .. والقصة عفيفة جداً يدخلها بعض الخلل لاكن كانت البنت من البداية محترمه ..
شكراً للمرور أخي والله يحفظ الجميع ...

زهره البنفسج : أنتي الاروع غاليتي شكراً للمرور


تحياتي : أسوار البقيع

 

 


التعديل الأخير تم بواسطة أسوار البقيع ; 25-01-2007 الساعة 01:26 AM.
أسوار البقيع غير متصل   رد مع اقتباس
قديم 25-01-2007, 02:28 PM   رقم المشاركة : 13
يوزر سيف
طرفاوي نشيط
 
الصورة الرمزية يوزر سيف
 






افتراضي مشاركة: قصة حب عضو معنا في المنتدى(خطير)!!

السلام عليكم ورحمة الله وبركاته


صراحه القصة حلوة بس كنت أقراها وأنا متى بتخلص وأحس أن فيها مفاجاة بس قلت خلنا أقرها كلها القصه جميله بس أختي أسوار سؤال هل القصه حقيقيه ؟؟؟؟؟؟؟؟

مطهري

 

 

يوزر سيف غير متصل   رد مع اقتباس
قديم 25-01-2007, 03:28 PM   رقم المشاركة : 14
أسوار البقيع
Banned
 
الصورة الرمزية أسوار البقيع
 





افتراضي مشاركة: قصة حب عضو معنا في المنتدى(خطير)!!

سلام الرحمه

هلا أخي

القصة حقيقية نقلتها من كاتب قريب لي هذا الشاب لاكن ليسى في منتديات الاحساء أو السعودية بل في الخارج ..

أدخلت عليها بعض التعديل لتشويق واستدراج الجميع للقراءة ..

شكراً للمرور وجزيت كل الخير..


أختك : أسوار البقيع

 

 

أسوار البقيع غير متصل   رد مع اقتباس
قديم 25-01-2007, 08:10 PM   رقم المشاركة : 15
غربه ..!
مشرفة سابقة







افتراضي مشاركة: قصة حب عضو معنا في المنتدى(خطير)!!

[FONT="Comic Sans MS"]بسم اللله الرحمن الرحيم
السلام عليكم ورحمه الله وبركه
شكرااااااااااااااااااااااااااااااااااااااااااااااا اااااااااااااااااااااااااااااااا أختي أسوار البقيع




مع تحايتي 000000000000000 الامل القادم [/FONT]

 

 

 توقيع غربه ..! :

للموتِ أوجهٌ كـثيرهَ أبشَعُها الحيـــــــــــــــــــــــاهَ..
غربه ..! غير متصل   رد مع اقتباس
قديم 25-01-2007, 10:57 PM   رقم المشاركة : 16
قلب طفلة
مشرفة سابقة






افتراضي مشاركة: قصة حب عضو معنا في المنتدى(خطير)!!


قصة رائعة واسلوب سلس مشوق

وتسلس راقي للأحداث


اعجبتني بحق .. السماء ...

في البداية راودتني شكوك بان المعنين في القصة هم نفسهم العرسان في موضوعك

اياهـ لكن النهاية حسمت الامر

دائم تبهرينا بما تطرحين من مشاركات

ولكـ تآبر آلبي .. شو مهضومة انتي ..

 

 

قلب طفلة غير متصل   رد مع اقتباس
قديم 17-02-2007, 02:56 PM   رقم المشاركة : 17
أسوار البقيع
Banned
 
الصورة الرمزية أسوار البقيع
 





افتراضي مشاركة: قصة حب عضو معنا في المنتدى(خطير)!!

سلام الرحمه

الامل القادم : شكراً خيه للمرور المعطر

ولاية علي : الكثير ظن مثلك .. لأكن العرسان ياغاليتي تزوجا بطريقة التقليديه المعتاده وصدفه التقيى هنا ؟؟

شكراً للمرور عزيزتي وربي يحفظش أنشاءالله

تحياتي لكِ : أســـــ البقيع ـــــوار

 

 

أسوار البقيع غير متصل   رد مع اقتباس
قديم 17-02-2007, 08:43 PM   رقم المشاركة : 18
عاشقة الزهراء
طرفاوي بدأ نشاطه
 
الصورة الرمزية عاشقة الزهراء
 





افتراضي مشاركة: قصة حب عضو معنا في المنتدى(خطير)!!

القصة غاية في الروعة مثل روعتك خية
الله لايحرمنا منك أبد فعلا القصة مشوقـــــــــــــــــــــــــــــــة
ودمتم بود أختكم عــــــــــــــــــــاشقة الزهراء

 

 

 توقيع عاشقة الزهراء :
مشاركة: قصة حب عضو معنا في المنتدى(خطير)!!
ما اصعب ان تشعربالحزن العميق
وكأنه كامـنٌ فى داخــلك ألـــم عريــــق
تستـــكمل وحــدك الطــريــق ..
بلا هـدفٍ ... بلا شــريكٍ ... بلا رفيــقٍ
وتصير انت و الحزن و الندم فريق
وتجد وجهك بين الدموع غريق
و يتحــول الأمــل البــاقى الى.... بريـق
عاشقة الزهراء غير متصل   رد مع اقتباس
قديم 17-02-2007, 09:01 PM   رقم المشاركة : 19
|[..استفانوس..]|
مشرفة سابقة
 
الصورة الرمزية |[..استفانوس..]|
 







افتراضي مشاركة: قصة حب عضو معنا في المنتدى(خطير)!!

اقتباس
المشاركة الأصلية كتبت بواسطة يدي عصاتي
القصة أكثر من روعة


تتوقعون في بنات في الطرف يطلون أخر اليل

والله أنا ماأتوقع لأن بنات الطرف عفيفات


أن شاء الله ماكون غلطت على أحد

يالله مع السلامة


محب أهل البيت

يدي عصاتي


اقتباس
تتوقعون في بنات في الطرف يطلون أخر اليل

يعني ماأظن أحد يغلط على بنات بلدته ويسكت إلا إذا هو كان راضي

هذا شئ ثــاني .. والحمد لله هم واثقين من انفسهم قبل لاتقول كلامك .

لو سمحــت لاتجلس تغلط على بنات الناس وبعدين

تتعذر منهم ..

لو حنا غلطنا على بناتكم ترضون أقل حاجه بتطردونا من المنتدى .

اقتباس
والله أنا ماأتوقع لأن بنات الطرف عفيفات

وهذا أنت قلت ماتتوقع لآنهم عفيفـــات ..

اقتباس
أن شاء الله ماكون غلطت على أحد

لالا أبــد ماغلطـت على أحـد أشــدعوه ..


ع العموم ..

السموحه إذا كان ردي قاسيا ً بعض الشئ ولكن لاأحد يرضى بأن

بناتهم يتغالطون عليهم ولا أحد يصغي لذلك ..


تسلمين أختي أسوار البقيع على القصه ..

وفقك الله
..

 

 

 توقيع |[..استفانوس..]| :
: مـلاك روحـي :

-----
---------
لست أدري أي طريقٍ أسلك ؟.
ولا أدري أين المسير ؟
غربةٌ تمتد ما بين روحي و قلبي ..!
|[..استفانوس..]| غير متصل   رد مع اقتباس
قديم 17-02-2007, 11:39 PM   رقم المشاركة : 20
أسوار البقيع
Banned
 
الصورة الرمزية أسوار البقيع
 





افتراضي مشاركة: قصة حب عضو معنا في المنتدى(خطير)!!

سلام الرحمه

أهلاً حبيبتي عاشقة الزهراء أسم جميل لي صاحبة أجمل .. شكراً خيه للمرور

الروح الشفافة : هلا وغلا شتقنا لي طلتك البهيه عمري نورتي الصفحة ..

ياحياتي لاتبالي بما قاله الاخ

أنا أراء أن الجميع فكر في الفتاه لماذا لم ننظر لي الشاب ..

لماذا لم نسائل أنفسنا لماذا وقف لها ؟؟ هل يعرفها لكي يقف ؟؟ أو انه يريد التعرف عليها

هل يحصل من شباب الطرف مثل هذا وماذا عسانى نقول لو حدث مثل هذا ..

لماذا نلقي جميع الخطاياء على الفتاة والشاب لانكلفه بشيء هل هو معصوم عن الخطاء أم ماذا ؟؟

أخي يدي عصاتي هل تفعلها لو كانت مكان هذا الشاب ولماذا

وكما السؤال موجه للشباب جميعاً ؟؟

أنا كتبت القصة لكي نفيد ونستفيد من أحداثها وليسى لتسليه أو القاء الوم على جنس معين وترك الاخر.. أي نريد رائيكم جميعاً في أحداثها ؟؟

سلمت يمناكي وما دفاعكي الا بدافع الغيرة والشهامه والعزة

شكراً خيه للمرور ولاتحرمينا طلتك


تحياتي : أسوار البقيع

 

 

أسوار البقيع غير متصل   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


الساعة الآن 03:33 AM


Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir

ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد