بٍكّ زًينَ مٍنْ رآسك إلينً إبهآإمكً ]|~

[إشراقة أمل]

مدخلً ,‘

بٍك زين من رآسك إلين إبهآمكّ
و الليل يآخذّ من صبآحك ضوهَ
مآ يحجب الوجه الصٌبوحّ لثآمكَ
طلتكً دآيم يالحلـًآ محلوةَ ~

صبآحكم / مسآئكم وردً’
كيف البنوتات الحلوآت !


\\


الموضوعّ طويلَ شوي و يبي له روقآن
فإذا كنتِ فآضية هاتي فنجان قهوة و ركزي كويس , و إذا لآ أرجعي له مرة ثآنية


:
:


كلنآ عارفين إن الجمال هبة من الله ,,
و إنه ما فيه أحد قبيحَ , قآل تعالى :
{و لقد خلقنا الإنسآن في أحسن تقويم}
بتقولون لا فيه نآس شينات !
ما فيه شينات , لكن للأسف ما فيه إهتمآم ,,
كثير بنات ربي منعم عليهم بجمال لكن للأسف ما نشوفهـ لأن ما فيه أي إهتمام بهالنعمة
و فيه بنات عاديات جدا لكن نشوف فيهآ أنوثة و جآذبية من إهتمآمها بنفسها ً
دآئماً اللبس مرتب , الشعر مرتب , و الميك أب مناسب للطلعة اللي هي رايحة لها
اليدين نآعمة و الأظافر مقصوصة و ملمعه ,,
لبقة ,, سنعه
بعضهم يقولون إذا جا وقت العرس صار خير .. شلون يعني هالرجال هو الشي الوحيد اللي بيذكرك إنك بنت !
دلعي نفسك , ترى محدٍ مدلعك


\\



موضوع اليوم , عن وصفآت طبيعية , و روتينآت حلوة
بتخليك إن شالله في أحلى طلّة لو كملتي عليهآ ,
لأن مآفيه شي يجي بيوم و ليلة للأسفَ

 

 

[إشراقة أمل]

مهمآ كان نوع الشعر , أجعد / أملس / خفيف / كثيف
فهو يحتآج لعناية خاصة و كثير بنات يقولون شعري كان يجنن و كثير
بس إنعدم مع الإستشوار , و إلا من كثر الجل .
شي مآ تعطينه كيف تبينهّ يعطيك شكل حلو !!

إختاري المآسك المناسب لنوع شعركَ ,
تدليك الشعر و فروة الرآس تحرك الدورة الدموية في الرآس و بعد فترة بتحسين بحيوية في الشعر

1/ نبدأ بتدليك الرأس بواسطة أصابع اليدين مجتمعه , أو بفرشاة خاصة لتدليك الرأس من الرقببة صعوداً
بإتجاه الجبين و كأننا نسحب الجلد , و تتم هذه العملية ببطء و على مهل ,
2/ نبقي الأصابع مجتمعة , و نقوم هالمرة بتحريك جلدة الرأس بالأصابع من الجبين باتجاه الدماغ
و الرأس حتى الرقبة من الخلف أي عكس أول خطوة ,
3/بعد إنتهاء التدليك نضع اليدين على الرأس بشكل مستقيم و نضغط على الرأس بطريقة ناعمة
من ناحية الجبين بإتجاه الرقبة ,
تعآد هذه العملية 3 مرات متتالية بعدها ستكون فروة الرأس طرية و ناعمة و بصيلات الشعر ستكون أكثر قوة
و هذا ينعكس على لمعان و نضارة الشعر ,
و هذي مجموعة وصفات للشعر لبعض مشاكل الشعر

تسآقط الشعر ~




الشعر الدهني ~



القشرة ~




الشعر الجآف ~

جيبي من العطار محلب و إطحنيه خشن شوي
و حطيه في علبة الزيت اللي يناسب شعرك , جوز هند – زيت نعام

تعطير الشعر ,
العطور على الشعر عارفين إنه مضر و ممكن يسبب الصلع على الأمد البعيد ,
طيب وش الحل؟
قبل لا تدخلين تاخذين لك شآور , بقارورة ماي حطي ربعها ماي ورد و الباقي عبية ماي عادي
الأفضل ماي الشرب على الأقل أنظف من ماي الحنفية
و نقطه خمرية شعر , و نقطة وحدة مسك أبيض
قفلي العلبة و رجيها و خليها لحد ما تخلصين الشاور كامل هو بيكون الشطفة الأخيرة لشعرك
و بتبقى الريحة و بس ..

 

 

[إشراقة أمل]

البشرة ,



شي مرة مهم فيك , لأنه واجهتك للناس
إذا كنتِ تعانين من حبوب و ما فاد معك شي
على طول على إخصائي ,
حتى لو كان وجهك حلو , إهتمي فيه
ثلاث خطوات لازم نتبعها كلنا مهما كان نوع البشرة , تنظيف – تونر – ترطيب ,
مجموعة كلينك , كثير ناس مدحتها و فيه نوع لكل بشرة فما تاخذين حي الله ,

هذي خلطات كل وحدة و اللي يناسبها

 

 

[إشراقة أمل]

الحواجب ,



..

إطار الوجه هو و الشعر , و هو اللي فعلاً يبرز الملامح
لو حواجبك مرتبة و ما كنت حاطة ميك أب بيكون شكلك سيمبل و حلو كثير
لا تهتمون بالموضات كل وجه و اللي يناسبك حتى بدون ما تغيرين من رسمتها الأصلية
حفّي بس الأشياء الزايدة و اللي تحسينها متناثرة

و لا ننسى هذا البيسك



و هذي كمان بعض الوصفات للمشاكل اللي ممكن تظهر في العيون , الإنتفخات – السواد و التورم تحت العين ~

منطقة التي زون



هالمنطقة تلمع غالباً بالوجه بسبب الإفرازات الدهنية ,
طيب .. كيف ممكن نتخلص من هالمشكلة !
التقشير اللطيف للبشرة , و البخار و كريمات التخلص من الرؤوس السوداء
كمان ممكن نستخدم اللصقات اللي تنحط ع الأنف و الذقن و الجبين ,
بتحسين وجهك يلمع لمعه حلوة و نظيف ,

 

 

[إشراقة أمل]

الجســــــــــم
أول شي شكل جسمك , مو شرط تكونين نحيفة و إلا دبدوبة عشان تصيرين حلوة
بس لازم تعرفين كيف تختارين ملابسك و كل شكل جسم و اللي يناسبه ,

فيه مشكلة يعانون منها الكثير , اللي هي اللون الداكن في بعض المناطق في الجسم
الأندر آرمز – الأكواع – الركب – بين الفخذين – الظهر
(1)
خلطة تبيض البشرة بشكل رائع:
نصف كاس سكر
ملعقتين خميرة فورية
زيت الزيتون
عصيرليمون
وتخلط حتى تتجانس و تكون ثقيلة.
قبل وضعها على الجسم يبلل بالماء , و يدلك بعدين بالخلطة ,

(2)
الجلسرين مع ليمونه واحده نخلط عصيرها مع زيت زيتون
وتستخدم الخلطه لمدة أسبوع
وسوف تلاحظي النتيجه بعد 3 أيام من تطبيقها وتراني مجربتها
ايضا من مزايها انها تنعم الجسم
ولو حسيتوا بقرص فهذا طبيعي عشان الليمون .
نجي الحين لـ رآئحة الجسم , عشان تصير ريحتك بيبي , و نعومة
بعد الشور و قبل لا تنشفين جسمك حطي شوية زيت بيبي جونسون و خليه دقيقة بعدين نشفي جسمك بدون ما تشطفينة
و لازم ترطبين جسمك خاصة لو كنت مسوية تقشير
ما أقصد تقشير بشرة الوجه لا , قصدي التقشير البسيط لبشرة الجسم
زي إستخدام السكر و زيت الزيتون أو كريمات تقشير الجسم اللي عند بودي شوب
بعد الكريم يجي دور بودرة جونسون ,
ما ننسى خمرية الشعر و تنظيف المناطق الحساسة
إستخدام غسول خاص زي فيم فري أو كير فري مرة حلو و خفيف
و كمان المناديل الخاصة بالمنطقة بتحسسك بإنتعاش طول اليوم و هذي أهم منطقة فيك لازم تهتمين فيها كويس
و لا تنسين مسك الطهارة بعد البيريود

 

 

[إشراقة أمل]

اليدين



أحسها أهم شي و هي اللي تبين لي صراحة إذا البنت مهتمة أو لا ,
و أهم شي لليدين الترطيب ثم الترطيب ثم الترطيب ,
تعرفون بما إننا نهتم يومين و نطنش 10 , جربت حركة تذكرني و صار لي فترة عليها و الحمد لله مستمرة
على الكمدينة اللي بجنب السرير هاتي سلة أو شنطة كيوت , أو بوكس و حطي فيها
الكريمات حقتك و كل مرة قبل لا تنامين حطي على يدينك و رجولك و فازلين على شفايفك
عمرك ما راح تتركينها لأنك بتشوفين النتيجة .




هذي بعض الخلطات و الوصفات لليدين ,






\\

القدمين,



يا حلو الرجل إذا صارت ناعمة و الأظافر مقصوصة و ملمعة ,
طريقة العناية بالقدمين ..
1/ إنقعي رجولك شوي يعني حوالي 10 دقايق بس بموية دافية قريبة للحار أكثر
عشان يلين الجلد شوي بعدها نشفيها كويس و إستخدمي مبرد القدمين و الحجر
و أفركي فيها الأماكن الجافة في القدم غالباً تكون الكعب و المنطقة اللي تحت الأصبع الصغير .
2/ بعد الخطوة الأولى , هاتي مبرد الأظافر لكن مو حديد لا الخشب أفضل أو البلاستيك زي الموجودة في بودي شوب و كليرز بشويش أبردي أظافرك عشان ما تتكسر و تتشقق .
3/ آخر شي الترطيب للقدمين , كريم فازلين للقدمين مرة حلو أنا جربتة اسبوع و لاحظت فرق كبير .
فيه مقشر للجسم و الوجه و اليدين و القدمين و كل شي

مخرًجّ ,‘

لا تشبهيٍٍ غيرك حدآ ,ع العطر بيجن الندى
مشٍ ع ورود مصبرة ,
كوني الشرق , كوني الغرب
كوني السٍلم كوني الحرب
بس لـًآ تكوني محيرة

تحيـــــــــة لأرواحـــــــــكن..}~

 

 

[الأماني]

اشراقه امل يعطيك العافيه
تعيشي وتجيبي ابدعتي

 

 

[عليا]

موضوع رائع

مجهود تشكرين عليه



بالتوفيق

 

 

[أحسائية]

ما فيه شينات , لكن للأسف ما فيه إهتمآم ( أي والله صدقتينـ
أو قآلت لا هالحركآت للمتزوجآت
الملف مرح حلو ومفيد
وتعجبني الخلطآت الطبيعية ( لأجل تتجنبي المواد الكيميآئية
كلمآ أحتجنآ شيء راجعين للموضوع
سلمت يداكِ
لك خآلص شكري وتحيآتي

 

 

[أنثى مخملية]

الله يسلم هاالانامل على هذا الملف الروعه


تعجبني البنت النعووومه اللي تهتم باالخلطات < اهم شي كلمه النعومات هههههههه



يارب يكونو البنات يستفيدون من هذا الملف المتكامل
ويعطيك الف عافيه

دمتي بصحه وعافيه

 

 

[طلة قمـر ..!]

شئ مهـم جـدا .

إن البنت تهتم بمظهـرها . كونها آنثى

وإناقة جسمـها
وتسـريحة شعرها .
وعطرها .
و الخ .

اقتباس بعضهم يقولون إذا جا وقت العرس صار خير ..

اي والله كل شي في وقته حلو .وتحسين بطعمه


حلو انك تهتمين بمظهرك كـ بنت لكن مو اني اعملْ اي شي كأني متزوجه


إشـراقة أمل / حبيبتي

شكرا لك .

جميل مانقلتهُ دياتك .

تسلمي ياعسل

 

 

[مذهلة]

طرح رائع ..

ومعلومآت جداً قيمة ..

يعطيك العافيه ..

تقبلي طلـــــــــــــتي ..