صرت حايط عَلَيَّه اْتْسَنَّد الضيم

[أحسائية]

اللهم صل على محمد وآل محمد وعجل فرجهم
قصيدة للشآعر /
........ ابو كرار الأحسآئي
...
صرت حايط عَلَيَّه اْتْسَنَّد الضيم ينوح الحايط ويبجي عله ضله
وحتى الضل يون وينوح مرات مثل حال الغريب لفارق اهله
خنق صدري النحيب وكثر لهموم البُعُد هدني وعليه طاح ثقله
قدرت احمل هضم أشكال والوان لجن بعد الحبيب اشلون احمله
قطع بيَّه حبيبي وعافني وحيد تسودن عقلي وكل يوم اسئله
اسئله بلا شعور وصدري مخنوق حبيبي لشال عني وين رحله
تعبت وتعبت بروحي المسافات انفتق ثوب الصبر وشلون اشلَّه
قصر جلباب صبري بطول لغياب يبوصالح وصبري منين افصله
كبر جرح البعاد وصابه الشيب تعكز ع الصبر وهم كِسر رجله
زرعتك بالدورب الظلمه فانوس وقبلها انته على الرمشين كحله
عليَّه انجمعن الأيام شمات يعيروني عليك وموش سهله
يبو صبر الجبير شأحجي وياك وصدرك بيه من لوجاع علَّه
بعدها امك تون مكسورة ضلوع ومحسن طايح وجرحه شيحمله
اشوفك من تروح الكوفه مخنوق ومِنِ تْصلي الدمع من دم تهلَّه
تناثر حزنك وطشت الحسن صار يلِم دمعك وذاك الجبد ايْغَسله
خلص دمعك ؟ شْيِغَسل نحر لحسين ؟ ووريده يصيح يالمهدي شْتِقلَّه
اشوفك ويه زينب ليلة الخوف تلم طفل وترد تركض لطفله
شعدد من جروحك كلك جروح وأخير جروحك ينوح عله قبله
يفرض الشوق كل لحظه أصليك واشوفك سيدي بكل صوب قبله
الشماته تصيح بيَّه غايبك وين اشو ماله مكان وضاع وصله
اصَبِّر قلبي والبس صبري حزام لجن دمعي ابد ماينطي مهله
اتْعَرفنا مارضينه بيوم ننهان عجب ترضى لمثلنا بالمذله
دخيلك قوم واحصد خسة القوم تعبنا قوم يبن حماي دخله
يريدوني اعوف وهذا هيهات اْحْلَفِت ماعوف لو بالشوق أصله
حبيبي وما أعوفه شماجرى وصار لون ماي الفرات يلاقي دجله
أظل اترجه يوم لبيه موعود واشوفه يْشِنْ على الطاغوت حمله
...
متى ـآلفرج يآ ثأر الله

 

 

[ابن الشهيد]

اللهم صل على محمد وآل محمد وعجل فرجهم وألعن أعدائهم

واصلي منقولاتك الرائعة اتحفينا بهذا الجمال عطري صفاحتنا وقري أعيننا
بذكرهم صلوات ربي وسلامه عليهم أجمعين

شكرا جزيلا لك واصلي لاحرمنا الله من هذا الوصال

 

 

[أحسائية]

اللهم صل على محمد وآل محمد وعجل فرجهم
نسأل الله التوفيق في ذلك
والسير على خطآهم صلوات الله عليهم
بوركت أخي
لا حرمنآ من تواجدك