مواهب ورياضات مدفونه (التزلج)

[alsarap]

السلام عليكــم ورحمـة الله وبركاتــة ،،

اليوم حبيت اني اسلط الضوء على بعض المواهب و الرياضات المدفونه ..

او بالاصح مواهب ماحد يهتم فيها .. ومافي احد يتبناها او يحاول يطورها خصوصاً عندنا بالأحساء ...

راح اختار من هذي المواهب والرياضات , رياضة التزلج .. او الاسكيت ..

رياضة التزلج او الاسكيت : طبعاً راح اعرفها بمفهومي الخاص .. هي عباره عن التزلج بواسطة حذاء خاص اما ان يحتوي الحذاء على :

1- قطعه حديديه بالاسفل : ويستخدم للتزلج فوق الجليد .. ويسمى ice skate وهذي صوره توضيحيه

2- او يكون اسفل الحذاء عجلات وهذي لها عدة انواع :

a- اما تكون العجلات كل عجلتين متقابلتين ...quad roller skate هذي صوره توضيحيه

b- او تكون العجلات في نفس الخط .. ويسمى inline skate وهذي صوره توضيحيه له

وطبعاً هذي النوعيه ايضا لها نوعين لكن ماراح ادخل في التفاصيل اكثر ..

الان بعد ما عرفنا هذي الرياضه وعرفنا انواعها الان راح اتكلم عن فوائدها :

فالبدايه راح اعرض لكم فوائدها من ناحية حرق السعرات الحراريه حيث اكد د.كارل فوستر منسق للطب الرياضي وعلوم الرياضة

لفريق سكيت السرعة الأمريكي (speed skating) بأن هنالك الكثير من الفوائد المؤثرة نتيجة الرولر سكيت. فقد برهنت دراسته بأن

الشخص العادي الذي يتزلج بشكل عشوائي وعادي فهو يحرق لمدة 30 دقيقة معدل 285 سعره حرارية.

أما المتزلج (الاسكيتر) المحترف فهو يحرق حوالي 450 سعره حرارية في نفس الـ 30 دقيقة.

ايضاً من فوائد هذي الرياضه :

1- تقوية العضلات خصوصاً عضلات الرجلين..

2- تقوية الروابط الاجتماعيه واقامة صداقات وتعارف بين المتزلجين ..

3- تطوير التوازن لدى اللاعب .. ولو تتابعون لاعبين التزلج راح تشوفون قدرات مذهله في الاتزان..

4- زيادة اللياقه لدى اللاعب..

وهناك الكثير من الفوائد كباقي الرياضات..

الان بعد ماعرفنا فوائدها .. ابغى اتكلم في الجزء الاهم من الموضوع .. وهو نظرة المجتمع لهذي الرياضه و مدى انتشارها عندنا فالاحساء ..

للأسف الكثير من الناس يتصور ان هذي اللعبه للصغار بس وان الكبار مو لازم يلعبونها .. لكن فالحقيقه هذي رياضه مثل باقي الرياضات وهي للجميع ومالها سن محدد

لو تشوفون البلاد الاجنبيه مثلاً راح تشوفون ناس كبار يستخدمونها احيانا مو للتسليه والرياضه بس لكن حتى للتنقل من مكان لمكان ..

الشي الثاني في مجتمعنا .. ان بعض الناس يتخيل ان لو لبسها راح يتكسر كأنه طايح من الدور الرابع وبعض الاباء يخافون على اولادهم منها .. يتعاملون مع هذي

الرياضه كأنها شي خطير .. ومعجزه ان الشخص يمشي فيها ..

ايضاً من المشاكل اللي يواجهها اللي يتزلجون خصوصاً لو كان فالشارع .. يتعرضون لمضايقات باشكال عديده .. بعضهم يلفون على اللي يتزلج بالسياره يبغى يخوفه ..

وبعضهم يضايقه بالكلام ... والاكبر من كذا اذا طاح اللي يتزلج قدام الناس .. تشوف كيف الناس تتشمت فيه وتضحك عليه وهذا خطأ ==>> صارت لي اول ما بديت اتزلج ههههه

وفي اشياء كثيره ..


وهذا مقطع قصير فيه استعراض تزلج

[video][/video]


اتمنى اني عطيت هذا الموضوع حقه ((من تأليفي)) ..

الان ابغى اعرف رايكم الشخصي عن هذي الرياضه ..

alsarap

 

 

[DI.MARIA]

::

اول شي مشكور على هذا الموضوع بس يا حبيبي هاذي الرياضة تبقي لها ممارسة وانت في ارض صحراء مو ارض كلها ثلوج وثاني شي جب لي مجمع يوجد فيه تزلج يمكن فيه بس واحد او ثنين
وثالث شي هاذي اللعبه ممكن تجيك اصابه منها قوية في المفصل

على العموم مشكور على هذا الموضوع

 

 

[DI.MARIA]

ممكن الي لها عجلات
وانا اشوف ناس كثيره تلعب هاذي اللعبه

 

 

[alsarap]

اقتباس المشاركة الأصلية كتبت بواسطة بو نمر :: اول شي مشكور على هذا الموضوع بس يا حبيبي هاذي الرياضة تبقي لها ممارسة وانت في ارض صحراء مو ارض كلها ثلوج وثاني شي جب لي مجمع يوجد فيه تزلج يمكن فيه بس واحد او ثنين وثالث شي هاذي اللعبه ممكن تجيك اصابه منها قوية في المفصل على العموم مشكور على هذا الموضوع

هلا بيك بو نمر

اول شي مشكوووور على مرورك وردكــ

وبالنسبه للإصابه كل الرياضات ممكن تجيك منها اصابه .. لكن بالنسبه للإصابه في المفصل في الاحذيه اللي الان تنباع تم حل هذي المشكله بحيث انهم خلو الحذاء طويل الى فوق المفصل

يعني من هالناحيه لا تخاف مافي اصابات مفصل ولا شي..

وفي ناس كثير يلعبونها وانا العبها .. خصوصاً كل ليلة خميس وجمعه..

نورتـ بتواجدك..

 

 

[M.ǾŻĬļ]

// بسم الله الرحمن الرحيم //

، ،

كل ماذكر من نظرة المجتمع الأحسائي نحو هذه اللعبة للأسف صحيح

بالأضافة إلى أنه لا يوجد أماكن مناسبة للأستمتاع في هذه الرياضه

( مثلاً شوارعنا مو حق هالرياضه )

بس في ناس أشوفهم يمارسون هذه الرياضه لحبهم لها

، ،

يعطيك العافية خيو على هذه المعلومات القيمه

، ،

 

 

[alsarap]

اقتباس المشاركة الأصلية كتبت بواسطة الفتى الملكي // بسم الله الرحمن الرحيم // ، ، كل ماذكر من نظرة المجتمع الأحسائي نحو هذه اللعبة للأسف صحيح بالأضافة إلى أنه لا يوجد أماكن مناسبة للأستمتاع في هذه الرياضه ( مثلاً شوارعنا مو حق هالرياضه ) بس في ناس أشوفهم يمارسون هذه الرياضه لحبهم لها ، ، يعطيك العافية خيو على هذه المعلومات القيمه ، ،

هلاا بيك مشكوور على ردكـ

انشاء الله نظرة المجتمع راح تتغير بالتدريج وانا الاحظ ان عدد اللي يتزلجون بدا يزداد بشكل مختلف عن السابق
بالنسبه للأماكن صحيح مافي اماكن مناسبه .. مثل برى مثلاً عندهم حدائق خاصه للتزلج .. ((اقصد التزلج بالعجلات )) ..
لكن في اماكن تقدر تقول انها افضل من غيرها من الاماكن .. واللي اشوف اكثر لاعبين التزلج يروحون لها..
مثلاً سوق الخضره المركزي اللي بالمحاسن ارضيته مناسبه جداً للتزلج .. وكثيرين يتجمعون هناك في العطله ..
او مثلاً الشوارع اللي جنب ممشى البلديه لان في بعض الشوارع هناك الزحمه فيها قليله والشوارع نفسها مرتبه ومافيها حفر مثل باقي شوارعنا..

يعطيك العافيه على مروركـ نورتـ ..