محمد وينك

[خلف]

وترحل صرختي مع أيام عمري..وتذبل تنهيدتي بين ضلوعي...
ويروح الحبيب..اللي عطيته قلبي !!
وأبقى وحيدة... أناجي حسرتي...
وأخفي جروحي...بين أهلي وناسي...
بكل ليلة أحاول أرسم فرحة يتيمة .. بعيون كحيلة غرقانة بدموع النكد...
حاولت أدور بين الناس ...على اللي سرق دنيتي...
حاولت أتذكر عيونه ...وصوته ...وضحكته !!
لقيت انه ذاك الإنسان...اسمه حبيبي ...ساكن الوجدان...
بكل عذابه...بكل آلامه يظل حبيبي...أسمع بداخلي صوت لوعتي يقول ...يا خسارة ...
راح العمر ...وما بقى غير الشقى ...
فولولي يا هل الهوى...وين الدوى؟؟
اليأس انتشر بعروقي ...تغذت عليه شراييني...ما عدت أقدر على جروحي...
ايش أسوى بدنيتي ..دام انه حبيبي يصدني!!
بعد كل اللي عطيته لمحبوبي...بعد كل اللي سويته لمعشوقي ...لقيت اني ضحية حب
انبنى على حلم وخيال..
ولمن صحيت من نومتي..وفقت من أحلامي...وتلاشت خيالاتي.. ..
عرفت اني في يوم راح أواجه واقعي...
الواقع...آه من الواقع...
ايش هو الواقع ؟؟
دنيا كبيرة ...مافيها غير شمس حارقة ...وصحراء فاضية ...مليانة رمال...
نمشي عليها...والضياع مغطينا..والهم مغشينا ...!!
نحاول نميز في دروبنا مابين الشمال والجنوب...
ندور على الشمس وقت شروقها ....عشان نبني آمالنا المسروقة ....
ونقول......بكرة العمر يزهر...
وجراح العمر تذبل .....
ونمشي بعكس اتجاه الرياح ......
وندور على مر يروي عطشنا ....وما نلاقي غير التراب...هو اللي يسد الوجع اللي
بقلوبنا !!
يابن آدم ..إيش أصلي ..وإيش أصلك؟؟ ...خلينا نرمي همومنا لها الأرض اليابسة
...يمكن لمن ينزل عليها المطر
ترتوي دمعتنا...... وتنتعش آهات الحب في قلوبنا ...
يكفينا ما ضاع ....يكفينا ما ضاع ....
والله يستر من اللي جاي ....
الله يستر من اللي جاي.........