أليك يارسول الله.

[بو غدير]

يا رسول الله ابغيابك هبت ارياح الفتن


وبمصابك يا نبينه انفتحت ابواب المحن


*********************


يا رسول الله وحبيبه وسيد الجن والبشر


بيك يالهادي انكسرنه وهلكسر ما ينجبر


سيدي وجذوة مصابك تلهب ليوم الحشر


ننصب اليوم المآتم ونرفع اعلام الحزن


************************


من رحت يا بوالزجيه انفتحت ابواب الجنان


لكن الدنيه ابغيابك مظلمه ولفهه الهوان


ومن بلال انخفت صوته وما رفع عكبك اذان


اتزلزل الكون ونظامه وانهدم ركن السنن


***********************


الوحي ينحب يشيعه واعلن اليوم الحداد


وكعبة الدين الشريفه لبست اثياب السواد


غابت انوار الهدايه وناحت السبع الشداد


والبدر غاب وتحجب والشمس راحت تون


**********************


يامحمد يا نبينه ويا رسول الله الكريم


امتك جارت يطه وتركت الدرب القويم


ولاحت اليوم الظغينه وكل حقد بايت قديم


خلهه تحجيلك يطه بضعتك ام الحسن


***********************


نكروا وتركوا وصيتك ومات يا طه الضمير


وجنهه ما سمعت كلامك من شلت ايد الامير


لا ولايه ولا خلافه ولا امامه ولا غدير


زرعوا بيوم السقيفه بذرة الشر والاحن


**********************


احتجوا باسم القرابه وياهو اقرب من علي


ومنهو ثبت للشريعه مثل ابو حسين الولي


بسيفه وبصولة جهاده كل شددهم تنجلي


ويا هو بات على المنايا ومنهو حطم كل وثن


***************************


شافت الزهره المآسي وذاكت المر والعذاب


ما رعوا كسرت كلبهه وجنهه مو ام المصاب


لو تناشد عنهه تلكه بالضلع اوضح جواب


وانشد عليمن نعشهه بليل مظلم يندفن


**************************


يا محمد يا نبيه ويا شفيع المذنبين


حيدر بسجدة صلاته انصاب مخضوب الجبين


والحسن تدري بمصابه وتدري عن غربة حسين


امتك بالعتره جارت وجار وياهه الزمن


**************************


وحنه من والينه حيدر شفنه هم نفس البلاء


شنعونه وكفرونه وحللوا سفك الدماء


وكالوا الشيعه روافض جي يجون لكربلاء


لأن للعتره نوالي ندفع اليوم الثمن
(عمار جبارخضير)

 

 

[عزف الدموع]

تسلم أخوي خريص

قصيدة جميلة ,,,

انالك الله شفاعة محمد وآل محمد ( ص )

يعطيك العافية