ذكريات في الحمام - من يتحمل

[smart ali]

السلام عليكم ورحمة الله وبركاته
في خاطري اتكلم عن موضوع - الكتابه في دورات المياه -

الصراحه حركه مالها داعي , ناس تدخل دورات المياه وتكتب ذكرياتها وارقامها وايميلاتها واشياء مالها داعي

ما ادري من وين هذي الوساخه , يعني التخلف وصل الى هذه الدرجه المحزنه .

طيب َقلت الاماكن ومالقوا غير الحمام لكتابة الذكريات -- لا وبعد في ناس تكتب داخل الحمام ( لاتكتبوا داخل الحمام)

واللي يقهرني ويحز في نفسي انه حتى حمامات المسجد لم تسلم من هذي الناس.
مره من المرات دخلت حمام كأنه مسنجر , واحد يكتب حاجه والثاني يرد عليه وهكذا .


لو واحد يروح خارج السعوديه او دوله غربيه مستحيل يشوف زي كذا... (إلا اذا هناك سعوديين يكتبون )

لو واحد منكم يروح حمام في احد الدول الغربيه ... مايصدق ...

الحمام كأنه غرفه حتى مجلات وكتب داخل الحمام حق اللي يبغى يقرأ

هذا واحنا مسلمين ونسوي كذا .

هذي واحده من المشكلات التي تنتشر في مجتمعنا
وش الحل للقضاء على هذه السخافات

* اعتقد لو يكون هناك غرامه ماليه ماراح يكون كتابه
* لو يكون هناك اسبوع لتنضيف دورات المياه في المساجد والمدارس والكليات .......
* اللي يبغى يكتب ذكرياته هذا المنتدى عنده يكتب اللي يبغى


((( لو اكتب في هذا الموضوع اسوي بحث ,بس مااقول غير الله يشفيهم اللي يكتبون )))

شباب ارجوا انكم تتفاعلون مع الموضوع للقضاء على هذه الظاهره اللي مايرضاها الله ولارسوله


تحياتي.....

 

 

[الامبراطور]

كلامك عدل
هذا واحنا مسلمين نسوي كذا وش يقولون الاجانب عنا

وانا اؤيدك في هذه النقطة

اقتباس المشاركة الأصلية كتبت بواسطة الخيل الأصيل لو واحد يروح خارج السعوديه او دوله غربيه مستحيل يشوف زي كذا... (إلا اذا هناك سعوديين يكتبون )

بو طبيع مايجوز عن طبعه

ومشكووور اخوي الخيل الاصيل على هذه الملاحظة الحقيقية في مجتمعنا

الله يفكهم ولا يبلانا

وتحياتي ...

 

 

[الغريب]

بالفعل هذه ظاهرة غير حضارية أبداً

ولا تصدر إلا من أشخاص لديهم فراغ داخلي في حياتهم

اقتباس اعتقد لو يكون هناك غرامه ماليه ماراح يكون كتابه

كيف سيتم فرضها ؟ وكيف سيعرفون من كتب ؟




الحل في التوجيه والنصح مع أن من يكتب يعلم بذلك جيداً ..






وفق الله الجميع ..

 

 

[أسيل الكوثر]

لو كانت الجدران تنطق لضجت بحديث ذو شجون..

للأسف إن دل على شي دل على قلة الوعي والتحضر عند بعض الشباب في بلدنا ، الجدران أصبحت أوراق للمجانين أمثالهم.

ولك خالص الشكر على التنبية أخوي الخيل الأصيل.

 

 

[هدير الصمت]

يا جماعه يعتقدون هؤلاء ان هذا صحيح ويعبرون عما في داخلهم بكل ارتياح
وعلى العموم هذا قدرهم الحمام