رجع يسال عن اخبـــــآآري..

[الرونق]

رجع يسأل عن أخباري بعد غيبة سنه وشهرين
رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
وهو مـا يدري الدمعة تسيــل ولاتسليني

دمع هالوجه أو كنه جمع في غيبته جرحين
وأنا عيني بدت تدمع على حزنه وتبكيني

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني ويراعيني

حبيبي ضقت بغيابك حبيبي حيل أنا مسكين
وأنا جيتك بهاليله وتكفـــــى لا تخليني

و أنا . . لامن نطق (تكفى) عطيته لوطلب (هالعين)
وأجود بكل ما يملك خفوقي وتملك إيديني

وقلت: ابشر ولايهمك تدلل وش تبي يا زين
تراني فدوة عيونك (لو إنك جيت تشقيني)

حبيبي لو تبي القمره عطيتك فوقها ثنتين
بعد لو تطلب النجمه أبنطق جيتك إضويني

بعد هذا ضحك . . بعثر همومه سلهم الرمشين
وقـــــال الله يالطيب وأنا ظــــنيت ناســــيني

صراحه . . حيل تحرجني يا طيب يا أطيب الغاليين
ولا ادري كيف بوفيلك حـــبيبي وأنت تعطيني

بعد هذا تسامرنا وتواعدنا بعد يومين
ووصيته على قلبي وهو مثلي يوصيني

تواعدنا على الجمعه ((ولا جاني )) إلى الاثنين
ومر أسبوع والثاني وشوقي يشتعل فيني

تصدق عاد يا السامع.!! ولا جاني الين الحين وقبل تسأل عن أسبابه بجاوب ((وإنت واسيني))

لأنه مــ ــ ــ ـات في حادث وأنا مت بغيابه لين
[[عرفت إني كذا ببــقى ولا أحــد يقوى يحــييني]]

 

 

[ا لامل السامي]

تسلم يمينك خيتو الرونق
ربي يعطيك العافيه
تقبلي مروري

 

 

[الماسه حساسه]

عافاك ربي حياتي ع القصيده لاعدمناك


الماسه ِ

 

 

[الرونق]

يسلمو خيتو الامل السامي

مروركِ اسعدني وحروفكِ زادتني سعادة

وفخرا فلكِ مني كل التحية
ولاحرمت شرف مروركـِ العذب دوووماً

 

 

[الرونق]

مشكوره حبيبتي الماسه

لم اكن أريد قرأت اي شيء كتبته

لانني علمت انني سأعشقه وبشدة
مرورك زادني شرف

 

 

[الاياااوقت]

تسلم يمينك خيتو الرونق

ربي يعطيك العافيه

تقبلي مروري