جيتكم بتجربه جديده
هي تعتبر نوووع من المجازفه
بس الحمدلله طلعت مرضيه تمام التمام
قصتي قصه مع لون الشعر
والصبغات اللي حاطه لي العداوه
مستحيل اصبغ لون ويطلع اللي في خاطري لازم يخرب
لان لون شعري اسود اسود فمايتقبل الصبغات بسهوله
ولا صبغــــــــــــــه جات على الكيف الا اللون البني الساده او البني العسلي
المراه تحب التغيير والتنويع وانا من طبعي احورف في نفسي كثير
صبغة قبل 7 او 8 شهور اشقر مع خصل وطبعــأأ هاالمسمى بعيد كل البعد عن اللون اللي صار في شعري
المهم جات موضة اللون الساده واللي يكون الغجري او الارجواني الغامق
وهااللون وايد يصير حلو على لون بشرتي مع لون شعري
وتوكلت على الله وصبغة ارجواني غامق
يعني عنابي مايل للبنفسجي
بس شنو لونـــــــــــ روووووعه
وطبعا باالموت استوى خليت الصبغه فوق 8 ساعات بس ابي اطلع بنتيجه
والحمدلله الكل عجبه
وكلها كم يوم ويخف اللون وبدء اللون يصير على بني محمر
انا ماااعجبني هااللون
طاحت عيني على القرمز كنت شاريته من زمان حطيته ونسيته مع العده
واجي اجهز الخلطه
اللي هي عباره عن
بيضه واحده لان الشعر قصير
2 الي 3 ملاعق روب
قرمز عنابي <( تاخذ قطعه صغيره وتذوب في ماي حار)
وزيت السمسم
خلطت الخلطه وحطيتها تقريبا ساعه
وبعد كذا غسلته باالشامبو عادي
بس شنو لون
مو طبيعـــــــــــي يجنن لونه وصارت فيه لمعه
وبمجرد مامشطته بس باالمشط بعد كم ساعه صار كنه مستشور( ماشااءلله)
وجربوها وان شاءالله تعجبكم 
دمتم
ملاحظه (( القرمز يدمر الدنيا لونه حيـــــــــــــــــل حساس ان شاءالله قطعه صغيره بسرعه تحوس لك الدنيا
ويصبغ بسرعه اذا كان على المجلى او طاولة المطبخ
يفضل فرش جرايد او سفرة اكل )
واذا طاح شي على مكان او صار بقعه على الارض على طول باالكلوركس ويفرك وبيروح بسرعه