عرض مشاركة واحدة
قديم 15-07-2009, 05:45 AM   رقم المشاركة : 92
شوووق
طرفاوي نشيط
 
الصورة الرمزية شوووق
 







افتراضي رد: روايه ..يكرهك نصفي....ونصفي فيك ذايب

=شوووق;627700]في جهه ثانيه من الشركه ...طبعا شركته لأجهزة الحاسب والألكترونيات .... في داخل مكان البيع كان فيه مشكله

............: مستحيل أنت قايل لي أن الضمان لمده كامله مايصير
العامل اللي يشتغل كان اسمه مشاري
مشاري: لاياختي ضمانه ماله علاقه بالشركه
............: انت قايل لي هالكلام من قبل أنا متأكده لوسمحت تغير لي هالجهاز يعني تغيره
مشاري: كون انه اخترب ومايتصلح هذا مب شغلنا الشركه مالها علاقه
............: مالت على شركتكم وعليكم بالاساس هذي مهزله مب شركه .............وووو الخ <<قامت تهزء الين ماقالت ربي الله...تجمعو العملاء كلهم عندها
مشاري: خلاص اوكي تنحل المشكله
...........:مستحيل أحلها معاك انت بالذات تنادون لي المدير يعني تنادونه ماااتفاهم اللا مع مديركم
مشاري: يااختي المدير طالع الحين مب موجود
............: ايه مدير شاطر يضحك علينا ويقعد بمكتبه بس
مشاري ماسك الجوال يتصل فيه : هلا .....استاذ خالد ..فيه مشكله هنا ليتك تجي تشوف ....ايه ...اسف اذا ازعجناك ...اوكي .....انت عند الباب .؟..... ايه ...؟ ...اوكي ... ان شالله ... ولايهمك ...سلام
...........: هاه وش قال مديركم؟
مشاري: بيجي الحين
..................متكتفه وتنهدت : اشوا توقعته بيتعذر
خالد واهو جاي عندهم: وش صاير؟
مشاري: يااستاذ المشكله ان الضمان مب بيد الشركه لأن التصنيع مو من هنا ...والأخت تقول اننا عاملين لها ضمان للتصليح
خالد: طيب؟؟
.............: ايه اووكي الضمان مو عندكم بس مايجي أمس يقول اننا نتكفل بالتصليح يخرب لي الجهاز بنفس اليوم أجي اليوم أبي اصلحه ينكر كلام أمس؟
خالد بس طاحت عينها على عينها نزل عيونه على طول ...(يذكر هذيك النظره الجريئه والصوت وكل شي ماار عليه من قبل )
مشاري: عفوا باسم مين ؟
...........: البتول بنت راشد
خالد ارتبك ... وحاول يستغل الملامح البارده اللي عنده .: اوكي خلاص جهازك راح يتم عندنا وانا بنفسي أبشرف على امور تصليحه ..واذا ماتصلح أنا مستعد أبدله لك بجهاز ثاني
البتول:................
مشاري: بس
خالد: خلاص الزم ماعلينا الزباين
البتول: الله يعافيك يااخوي
خالد : اهم شي لاتتضايقين من معاملة العملاء اللي هنا
البتول: ماقصرت
كانت البتول متعمده تشوف ردت فعل خالد وتعمدت انها تطلبه يجي عشان تدري اذا خالد عرفها او لا..(لاشكلك ماعرفتني ياخالد شكلك ماعرفتني !! لا ليه لو انه عرفني كان عبرني بنظره بشي كلمه أسمي يوم قلته له مااهز فيه ولاحرك له شعره ... هل هذا بررود أعصااب فيك؟؟ ول انت ماتدري اني انا البتول وانت خالد أنت اللي عرفتني وعرفت كل اهلي ...وقدرت تملكني ؟؟ أخ بس ياعذاابك اللذيذ ياخالد )
خالد واهو طالع من الشركه طول الوقت يفكر فيها المشكله ..(يووه بدت مشاكلنا مع هالعمال اللي أول مره يشتغلون بمحلات ..ويقولون لي كثر من اللي يشتغلون عندك الحين كلهم مايعرفون يتصرفون مع هالمواقف ... الله يصبرني عليهم بس ....تذكر شكلها وطريقة كلامها صوتها نظراتها ...كلها فتنه البنت تفـــتن تعوذ من الشيطان وطرد هالافكار من راسه .... ) حس وكأنه فيه شخص جنبه يكلمه (تتوقع ياخالد انها عارفتك ؟؟ ول ماتذكرك ؟؟أنت اصلن بس مجرد ماكنت تجيب وتوصل لبيتهم وتكلمها واهي بزر ..وان عرفتك أو تذكرتك وش رح تسوي تلقى البنت الحين صارت أم عيال ول مرتبطه وانت تفكر فيها بزياده ... خلك منطقي ياخالد )
دخل البنت ماسك بيده زقايره يولعها
غلا: اهليييين برجل الأعمال
خالد واهو منشغل باللي معاه: هلا
غلا: سمعت انك بتسسافر؟
خالد: ايه
غلا: ابي اروح معاك
خالد: اقول غلا روحي جيبي لي كاس مويه عطشاان
غلا: بس ؟ ابشر من عيوني
خالد يقول بنفسه (وش تحت راسها هالبنت )
غلا: تفضل
خالد: تسلمين
غلا: كيف الشركه اليوم؟
خالد: الحمدلله
شوي وقام يكح بقوه من الزقاير
غلا: الله يهداك يااخوي اترك التدخين
خالد: ............
غلا: لاوالله جد اترك التدخين
خالد: ايه يجيب الله مطر ..أخلصي شكله وراك شي
غلا: هههههههههه خلوود عارف ...
خالد: اصغر عيالك انا ول طايح من عينك؟
غلا: هههههههههههههه خالد ولايهمك ... بس انت خلني أكمل
خالد مبتسم: طيب كملي
غلا: امس كلمت نايف وتحمدت له بالسلامه وشكله مرره ضايق صدره عشان أبوه
خالد: الله يشفيه
غلا: اوكي ..فسألت أبوي اذا اقدر أجي معاك لألمانيا لأن تعرف نايف هناك وانا لازم أتطمن عليه
خالد: فيه اختراع اسمه تلفون
غلا: لالاماايكفي التلفون تكفى خالد خذني معاك
خالد: وش خذني معاك ؟
غلا: لاوالله بجد أبي اشوفه جلوي يقول لمحمد ان نايف من جد ترك دراسته عشان ابوه يكفي انه توه مسوي عمليه ...خالد تكفى ودني معاك
خالد : ابفكر
غلا: ماحد بيجي معاك اوكي أنا وانت نروح اذا عندك شغل حطني عند نايف بالمستشفى الين ماتخلص ...بس لحظه كم بتجلس هناك؟
خالد: ان كثرت خمس أيام
غلا: مارح تطول تكفى خلني أروح معااك
خالد: ابوي سألتيه؟
غلا: ايه ابوي يقول روحي مع خالد مارح تطولون كثير
خالد: مدري اذا مافيه أحد من الشباب بيجي مععي أخذتك
غلا: والله؟
خالد: ان شالله
غلا: مشكوور يااحلا أخو بالدنيا
خالد: ايه طيب ماتجي المجاملات اللا الحين
غلا: هههههههههه والله أحبك خلود
خالد طنشها وكمل يطالع المسرحيه ... طبعا هالطبع عاادي بالنسبه لخالد الكل متعود على هدووءه وبرود أعصابه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::
غلا: نايف تكفى علمني وش هالصوت
نايف: غلا انا اشوف ابوي تعبان وانا ساكت ؟
غلا: نايف هذي الدنيا تاخذ اكثر مما تعطي
نايف: ..............
غلا: نايف انا فقدت أمي قبل ...هذيني ماتحطمت حاولت أكمل صحيح بالأول انهرت من جد حسيت الدنيا صعبه لكن يوم فكرت صح شفتها ماتسوى ..واننا احنا نصعبها نايف صدقني انت تحطم نفسك بنفسك اللي سمعته انك تركت دراستك ..وعفت كلشي حتى الأكل والسبب هم تعب أبوك ..نايف تكفى عشااني وعشان أبوك انتبه لنفسك ابوك مارح يرضى انك تهد كلشي بنيته بها الطريقه
نايف اللي سكت ...ماتكلم قام يفكر بحاله شوي غلا كل ماشافته ساكت حاولت تهديه شوي
غلا: حبيبي يكفي ضيقت صدر والله مااعرف انام
نايف: لايضيق صدرك متحطم انا بلحالي لاتضيقين علي زود غلا
غلا: نايف ليه متشائم بها الشكل لاانا لازم أشوفك باسرع وقت مستحيل أتركك كذا
نايف: الله بس اللي يشوفك ينسى الهم كله
غلا: انا قلت لك لاااازم أشوفك
نايف يتذكر: ذكرتك بالفستان البيج والوردي ياانه معجبني عليـــك بشكل
غلا: لاتخليني أحلف اني اجيك
نايف بضحك : احس اني افكر بالمستحيل ..
غلا: انا اعلمك كيف المستحيل رح يصير حقيقه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::
<<<<بعد يومين
طبعا غلا راحت مع خالد لألمانيا ولاعلمت نايف بشي كانت بتخليها سبرااايز
بالأوتيل ...ماكان فيه غير خالد وغلا والحمدلله ماجا معاه واحد من ربعه ول كان ماراحت
خالد: يالله ياغلا خلصني أبوصلك للمستشفى وابروح للاجتماع لاأتأخر
غلا تصلح كحلها: طيب دقايق بس
خالد: ماشالله أشوفك كاشخه
غلا: وش رايك؟
خالد: طالعه على أخوك
غلا: اكيد اني اهبل
خالد واهو ماشي: يالله غلا وقتي ثمين
غلا: ههههههه اوكي لحظه ادور شنطتي بس
وصلها للمستشفى دخلو الين جلوي بالسيب الكبير ...
جلوي يشوف خالد من بعيد متأكد وشاك بعينه
جلوي معقد حواجبه: خالد؟؟؟؟؟؟؟
خالد: هلا والله جلوي
يسلم عليه
جلوي: اهلين شخبارك
جلوي: الحمدلله بشرني عنك والف مبروك الشركه
خالد: الله يطول بعمرك
جلوي: غريبه متى انت هنا؟؟
خالد: والله جاي عندي شغل وابسلم على ابو نايف اتحمدلله بالسلامه ونايف
جلوي: شخبارك يام سلطان
غلا: الحمدلله الحمدلله على سلامت الوالد
جلوي: الله يسلمك ...تفضلو هنا
ومشى معاهم بالمسشتفى الوااسع الين ماوصلو ..للغرفه فتح الباب الين نايف ماسك بيده برتقاله يقطعها لأبوه ... ويفكر سرحااان
جلوي: السلام عليكم
نايف رفع عينه ونزلها على طول وكمل يتأمل بالبرتقاله وبصوت هاادي وحاد: وعليكم السلام
جلوي: عندنا ضيوف اليوم
نايف: ليه مين بيجي مثلن
وصل خالد ودخل ...
خالد : السلام عليكم
نايف: وعليكم السلام ياهلا ومرحبا بخالد
خالد: يامرحبا فيك
نايف: حيااك الله
خالد: الله يحيك ..الحمدلله على سلامتك والوالد مايشوف شر ان شالله

نايف: الشر ماايجيك
وكمل يسلم على ابو نايف
طلع جلوي دخلت غلا على طول
نايف واهو مو مصدق
غلا مبتسمه: السلااااام علييييكم
نايف طارت عيونه ماتوقع: وعليكم السلاااااااام ياهلا وغلااا وش هالمفاجأه الحلوه
غلا قربت وسلمت عليه : مب قايله لك ابخلي المستحيل يطلع حقيقه
نايف يطاالع فيها:ماشالله وش هالكشخه ايش الملابس الحلوه غللوو ولابسه البيج اللي أحبه عليك
غلا: ذوق نايف اكيد ابلبسه
نايف ابتسم لها وجلسها جبنه كلمها بصوت واطي : تومانوت المانيا
غلا: منوره بوجودك ...عاد خلني أسلم على خالي ماسلمت عليه
راحت عند ابونايف لقته نايم رتبت له المكان اللي جنبه ...
غلا واهي تشيل علب المويه اللي جبنه : مدري كيف متحمل هالحوسه
نايف: ايه تعودنا
غلا: لالاانت مب عاجبني شكلك أبد نايف بجد تغيرت
نايف: تشوفين الوالد
غلا: بس مو كذا نايف حراام اللي تسويه بعمرك
نايف بصوت محطم : ايه خلاص هذيني ابستمر المحطم دامه ابوي كذا
غلا: كم مره قلت لك لاتتشائم ولايجي هالكلام على بالك
ننايف نزل راسه وتنهد وكأنه ماعاد يبي يتكلم بها الموضوع بالذات مره ثانيه
غلا: ناايف تكفى ارجع
نايف: متغير عليك انا؟
غلا: مشاعرك صارت بليده غير عن أول ..انا مقدره اللي تمر فيه بس عشان نفسك والله مب عشاني
نايف جلس فتره ساكت .... وبعدين ابتسم لها بأحلى ضحكه بانت فيها غميزاات الحلللوه : غلوو أنا ماابفوت هالجيه ابد
غلا: ايه ابي هالضحكه لاتحرمني منها
نايف: تعالي ألف بك كل شوارع ألمانيا ..
<<<<<<<<ألمانيا
نايف: ايه حافظها شارع شارع
غلا: ههههههههه
نايف: ابشتغل هنا شكلي
غلا: ليه؟
نايف: حلو الشغل مع الاجانب تحسهم مننظميــن
غلا: الحين القطار هذا يودي على وين
نايف: النمسا ...نروح؟
غلا: لاوين؟
نايف: عادي ياما رحت اقص انا وانتي تذاكر ونمشي
غلا: اللي يريحك
دخل ودخلت معاه للقطار
غلا: نايف أشكالهم مب طبيعين اللي هنا
نايف: يمكن سكرانين
غلامطيره عيونها: أمااانه
نايف: طيب عادي كل يوم أشوفهم
غلا: يمه!!
نايف: غلا شوفي ابروح هناك دقايق وأجيك أوكي ؟
غلا: طيب
شافت واحد من بعيد عبد أسود جاي عندها بيجلس على باله المكان فاضي
غلا شافته مقبل عندها جسمه عريض وكللله عضلااااات وعبد أسود لابس بلوزه مفتوحه من قدام وصدره كله سلاسل وجسمه يلمع ولابس بنطلون جينز ضيق على جسمه ومشقق ... وجهه يخوف وملامحه صعبه ..وتقاطيع وجهه تخوف
غلا في نفسها تحجرت دموعها شوي وقامت تصرخ ...::نـــايف تعال فكني من هذا لايجلس جنبي !!
نايف سمع صوتها لف جهتها
اما العبد اللي موقف فجأه قال لها : خخخخخخخخخخ لالامنيب جالس جنبك
غلا اللي ارتاعت منه وشلون يتكلم عربي بخووف: نعم؟
............: خخخخخخخخخخ أنا سعودي مثلك منيب جالس
غلا : يمه !! نــــــايف وينك
نايف شافها الموقف ضحك في نفسه
نايف مبتسم: وش فيه؟
غلا: اجلس جنبي لايجي أحد مكانك مافيني اشوف سكرانين
نايف بضحك : ولايهمك
راح شوي ورجع لها وجلس جنبها مشا القطار اللي كله أشكال غريبه بالنسبه لغلا كلهم بنات وشباب يرقصون وسكرانين ...ويضحكون بصوت عالي واللي ماسك السكين يلعب بأصابعه ويجرحها
غلا تطااالع بخووووووف قرب لمها واحد يطالع فيها وشكله شوي ويبي يطيح
غلا اللي على طول مسكت يد نايف ومن غير شعور وقامت تصرخ ودست راسها بحظنه وكأنها بنته الصغيره
نايف بضحك: غلا وش صاير اليوم؟
غلا: لالايمه خاايفه يانايف يمه يروع المكان أبي اطلع هذا بس لايطيح علي شكلع يروع
نايف: مابقى شي ونوصل غلا هالمناظر طبيعيه هنا
غلا: اجل هذا اللي يحط الحشيش على راسه صاحي؟ول اللي يجرح يده بالسكين ؟
نايف بضحكه: محشش وش تتوقعين منه
غلا: يمه
نايف اعجبه الوضع: غلا ابروح اكمل شغله بعيد دقايق وجايك
غلا: والله ماتروح أخاف يطبون علي
نايف مات من الضحك
غلا: انا خايفه وانت تضحك
نايف: ظروري لازم أروح
غلا: بس اكون معاك
نايف مبتسم: اوكي كله خوف
تمسكت فيه بأقوى ماعندها مغمضه عيونها واهو يمشي وكأنها داخله بيت مسكون ول بيت وحوش
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
ديما وتركي
بالوقت الأخيرابوعبدالله تكلم مع تركي بسالفة العيال ..وفاتحه بالموضوع ..انه له أكثر من ست شهور ولاجابو عيال وديما ماحملت .... عرفو ان فيه مشكله اللي طلعت بديمااا ...تركي مااكان مهتم صحيح وده بعيال لكن مستسلم للقضاء ولايفكر بخطوات يرتكبها بحق حبه لها ...أما اهي ماعجبها انها راح توقف بوجه حلم الأبو وحبيبها ... عشان نفسها ...من كثر ماهي منزعجه ...فكرت تخطب له ...وصحيح هالقرار رح ينهيها تماما لكن ان تذكرت انه عشاان تركي رح تهدا شوي ...لكن بتمووت واهي حيه
ديما تبكي ..وتركي يحاول يهديها مافيه فايده
تركي: ديما والله والله العظيم ان العيال مايهموني أهم شي عندي ديما تكفي
ديما: بس أسمك أنت ياتركي مستحيل فيه أحد مايبي العيال
تركي: مستحيل يمكن لكن قلت لك الموضوع ماهمني كثر ماهو مأثر فيك
ديما: تركي ....أنت بتقول هالكلام سنه سنيتن وسنين بعدها بتمل صح؟
تركي: وش اللي يخليك ضامنه ديما والله ان الموضوع ماهمني ليه مأثر فيك بها الشكل
ديما: تركي والله أحبك وعمري ماحبيت أحد كثر ماحبيتك..صدقني الخطوه اللي أفكر فيها بتأثر فيني لكن
تركي: ديما وش هالكلام اللي تقولينه؟ووش ناويه عليه؟
ديما/ ابخطب لك وخلني أشوف عيالك اشوفك فرحان واهم حولك
تركي: ديما اوعديني ماسمع هالكلام مره ثانيه
ديما:...............
تركي: اووكي الله ماكتب لنا عيال مب أكبر هممي أجيب عيال كثر ماتهميني أنتي
ديما: تركي أسمك مين بيرفعه بعدين تركي فكر فيها
تركي: مااحب اتعب نفسي بالتفكير بمواضيع ماتهمني أصلن
ديما: حبيبي حط ببالك اني أحبك أكثر من نفسي أبديك بكل شي لكن انا ابوقف بوجهك ليه أحرمك الظنا
تركي: ديما جاوبي بصراااحه لو العيب منني أنا كنتي تزوحتي وطلبتي الطلاق
ديما : لااااااا طبعا
تركي: ليه
ديما: انت جنبي وانت تكفيني والشي الثاني انا ابديك انت علي فكيف تبيني اتزوج عشان انا يصير عندي عيال
تركي: حلو ....هذا موقفي انا .... أحبك اكثر من نفسي ومابدي احد عليك
ديما:............
تركي: حبيبتي ديما صدقيني العيال مب كل شي انا حلمت بزوجه مثلك أكثر من العيال ياما ناس تزوجو وعاشو بمشاكل مع زوجاتهم واللي يربطهم العيال وتوهقو أهم شي الزوجه عندي اهم من العيااال انا ماتزوجت عشان انجب .... ديما يمكن كلامي جديد لكن اكررها لك ماافكر بعيال دامك معي
ديما: وأبوك ؟ مستحيل رح يخليك ..عمانك؟ يعني مارح يزوجونك الكل يبي يشوف عيالك لاتحرمهم
تركي: وابوي وعماني ؟على عيني وراسي لكن بها المواضيع ليه يصرون دامني راضي الله ماكتب لي العيال ولاكتب لهم يشوفون عيالي ....
ديما: بس
تركي: لابس ولاشي انتي كل الدنيا عندي صدقيني ياديما انك احتليتي كلشي بقلبي ومستحيل رح أفكر اخذ عليك
ديما ابتسمت له بيأس شوي وطاحت دمعتها على خدها ...وقامت تبكي ... مسحها لها وطبع على جبهتها أحلى بوسه ....
تركي: وش اتفقنا عليه؟
ديما في نفسها أكيد رح تدور لتركي لازم يتزوج ثانيه عشانه اهو لكن كانت تحاول تخفي هالموضوع الين مايجي وقته
تركي: وش ببالك؟ خلاص عن البكي دمعتك عزيزه عندي

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::
<<<<<<<<<<<الساعه 8 الليل
عبدالله: لمى نروح الحين ؟
لمى: لالاماابي اروح لبيت أهلي
عبدالله: حاسه بتعب
لمى : ايه شوي أبي اريح
عبدالله مبتسم ويغمز: اقدر أقول ولدي قريب بيطلع
لمى: هههههههه والله ولدك تعبني وطول دخلنا التاسع الحين
عبدالله: يتغلى خليه يتدلع
لمى: ولمى اللي تتحمل ؟
عبدالله: هههههههههههه
لمى: اذا بتروح لبيت خالي روح لأني ماتوقع الولاده قريبه
عبدالله: الحين تقولين تعبانه
لمى: امممممم لابس مصدعه وفيني النوم مو عن شي
عبدالله: مع اني حاس انك بتتصلين علي وانا بالطريق بس يالله
لمى: هههههههههه حط كل الاحتمالات
عبدالله واهو رايح لجهت الباب الخارجي: تبيني أجيب شي للبيت؟
لمى: لالاسلامتك
عبدالله: اووكي
وتوه طالع اللا ويقابل بدر أخو لمى عند الباب
عبدالله: بدر؟
بدر: هلاااااااااوالله مسالخير
عبدالله: مساالنور شلونك
بدر: ابد الحمدلله

نوف: كيفك خالي عبدالله؟
عبدالله نزل لها: الله وش هالحلاااه يانووف
نوف: وشرايك بلون فستاني
بدر: نوف اعقلي
عبدالله: ههههههههههه حلو
عبدالله: تفضلو حيااكم
بدر: بتطلع شكلك
عبدالله: ايه والله ابوي يبيني بشغله
بدر: نوف تبي تجي ازعجتني
عبدالله قام يطالع بنوف واهي تشوف بسيكل فارس اللي برا بالشارع وعند الزباله(الله يكرمكم )
حز بقلبه شكلها وتذكر فارس على طول
نوف ببرائه: خالي عبدالله ليه ترمون السيكل حق فارس تراه يحبه
عبدالله:................
نوف راحت جهته ووقفت عند السيكل
عبدالله وبدر ماحد يدري وش يقول وبالذات بدر مب عارف يتصرف مع بنته داايم تحرجه
بدر: نوف وخري عن الزباله وتعالي عندي
نوف مسكت السيكل تحاول تشيله
بدر: نوف خليه
عبدالله بعد صمت مده راح جهتها وده يترجم غموضها
نوف تركت اللي بيدها يوم شافته قرب
عبدالله :ماتبين هالسكيل ينكسر؟
نوف: لا
عبدالله: ليه
نوف: فارس يحبه
عبدالله :.............
نوف: طيب ليه ترمونه ؟ يعني فارس قال لكم مايبيه ؟
عبدالله وده يفهمها لكن البنت صغيره ماتدري وش معنى الموت حتى
عبدالله: فارس راح الله يرحمه
نوف: بس متى برجع؟
عبدالله : نشوفه كلنا في الجنه ان شالله قولي امين
نوف: وان شفناه يكون تعبان؟
عبدالله: لالايكون طيب وبخير ويكلمنا واهو معافى
نوف: طيب انا احبه ليه يروح؟
عبدالله : كلنا نحبه
نوف: مابيه يروح أبي العب معاه
عبدالله: كلنا بنروح عنده ان شالله
نوف سكتت وقامت تفكر بكلامه
نوف: طيب معليش أخذ السيكل حقه لاترمونه
عبدالله : مارح نرميه خذيه
بدر: نوف تعالي عندي هنا خالك عبدالله مشغول
نوف: بس انا احب خالي عبدالله لأنه يحب فارس
عبدالله مسك خدها واعطاها بوسه
وقف بدل ماكان مدنق جنبها وركب سيارته ومشى ..بدر يطالعه باين انه مكسوور لكن هذي الدنيا ماتخلي احد يدوم فرحان
نوف ماسكه يد ابوها لفت عليه واهو يطالع بسيارة عبدالله الين ماراح ...
نوف: بابا ندخل؟
بدر تنهد ودخلو عند لمى
.................................................. .................................................. .................................................. .
لمى: ياهلا وياحياالله من جانا
بدر: الله يحييك ..والله هذي نوف مزعجتنا ودني عند عمتي لمى وودني عندها
لمى: ياحبي لها والله ياقلب عمتك لمى انتي
نوف جلست عند التلفزيون وحطت على سبيس تون
لمى: لحظه اجيب القهوه
بدر: لايالمى مارح نطول بس عن خاطرها
لمى: افا عليك بس تجي بيتي ماتشرب لك بياله
جلست جنبه وحطت الصينيه
بدريفكر: اللا اقول لمى
لمى: هلا؟
بدر: وشخبار عبدالله
لمى واهي تصب له القهوه : لاالحمدلله احسن من أول ماصار يتكلم ويتذكر كثير مثل أول ...قبل كلشي يذكره بفارس بس الحين لااشوى من أول
بدر: الله يعينه
لمى: الله يعوضنا هذا المكتوب
نوف راحت عند لمى بسرعه ودخلت يدها بجيبها وطلعت منها كروت معفطه
لمى: وش هذا؟
نوف: هذي كروت يوغي يو حقت فارس نسيت أعطيه ...وكان يبي منني أشرطة الفيديو حقتي بس ماأمداني أعطيه
لمى مسكت كروت فارس بهدوء وحطتها بحظنها
نوف: نسيت أعطيه والله كنت أجيبها
لمى ابتسامه بحزن ..بدر وده ذبحها الحين لمى مب ناقصه ضيقت صدر ويدري ان نوف اهي أكثر وحده فيها من فااارس بكلشي يكفي انها طفله مثله ... احتاار وش يسوي مافيه اللا انه يمشيها
بدر: يالله نوف نمشي؟
نوف: لاابي اجلس هنا
بدر: يابنت الحلال ماعندي وقت
نوف: لاخلني عندهم أبي اجلس
لمى: خلها عندي تسليني
بدر : مزعجه نوف أخاف تشغلك وانتي تعبانه
لمى: لالاماعليك خلها
بدر: لالاوش اخليها واجيبها بعدين مشواربيتكم طويل
نوف: لاباباخلني
بدرواهو رايح بيطلع : لامافيه تعالي مععي
نوف: مابي
بدر: انا قلت تعالي !!!
نوف بطفش: طيب
لمى توصلهم للباب: يالله حبيبتي عاد تعالي لي مره ثانيه
نوف: طيب
بدر: يالله اجل مع السلامه
لمى: مع السلامه
سكرت الباب وحست بألم بظهرها تألمت حاولت تتناسااه وراحت
حطت راسها على الكنبه ونامت على التلفزيون .... ربع ساعه وأهي قايمه
حاطه يدها خلف ظهرها وتتألم ...
حاولت تكابر تتناسى بس مافيه أمل (شكلها الولاده
لمى : الو عبدالله ؟
عبدالله: هلالمى
لمى بتعب: عبدالله
عبدالله سمع صوتها تخرع : وشفيه؟
لمى بتعب: تعال لي الحين محتاجتك
عبدالله: اوكي ان شالله مسافة الطريق انتي بس حاولي تمشين أكثر
لمى: بسرعه
عبدالله: خلاص في الطريق بسرعه وأجيك انتظريني مارح أطول
لمى: اوكي لاتتأخر
عبدالله: ان شالله سلام
لمى: باي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::
<<<<<<<<<<<<<<<<المانيا
نايف اعطاها بوسه من بعيد ... واهي خلاص يوم شافته وصل هالحد حرمت تحط عينها بعيونه ههههه
نايف يغني اول مره غلا تسمع صوته :من يوم شفتك عنني أفداك ...والقلب ماله غير طاريك ...من زود ماهو يسعى لرضاك ...وده يفارق صدري ويجيك
غلا: ودي أغير كلمة أهواك بكلمه توصف كم أنا أغليك ...كل ماتفسر اني وياك عايش وقلبي ميت فيك
نايف: كذاب انا لوقلت أبنساك أو جيت يوم وقلت مابيك ...صدق وبأني واللي سواك ..لو أنسى اسمي ماني ناسيك
لو تبغي تعرف كم في لقياك... كم أعشقك موت وأحاتيك ...خذ قلبي اللي موت يهواك ..شوف وش كثر راعيه يغليك
غلا استحت وسكتت انطرمت خلاص وش تقول الولد أحرجها مضبووط ...
نايف مبتسم تعجبه لما تستحي ويبان عليها ومع الفستان طالعه قممركان شعرها البني على أكتافها وعيونهها الوسيعه الخضرا ول من لونها البرونزي اللي مخليها تغطي على القمر ومعطيها ملح ... الحين .. مايدري وشلون بيخليها تغير ملابسها
غلا حست بنفسها شوي ونزلت تعدل ملابسها اللي قبل عشان ترجع فيها
نايف مبتسم: انتظرك برا
غلا تغير بتسمه طول الوقت (الله لايحرمني منك يانايف ... لاذوقك لااخلاقك لاطيبتك كلشي ...أعجبتني فيه ...)هاللحظه حست انها تحس بشعور ماحد جربه ..خارج عن الوصف ... وش فيه أحلى من لما تملك قلب اللي أعجبك وأنت بعد أعجبته .؟...تحس برااحه ..ماحست فيها من قبل ..كأنها بالقصص الأسطوريه
.................................................. .................................................. ......................................
:::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::::
بيت ام نايف
منصور: الوليد وين ان شالله؟
[/QUOTE]

 

 

 توقيع شوووق :
شوووق غير متصل   رد مع اقتباس