بسم الله الرحمن الرحيم
الجزء السابع الفصل الخامس والاخير من قصتي مع عمي ناصر
ــــــــــــــــــــــــــــــــ في الطريق ـــــــــــــــــــــــــــــــــــــ
انا: عمي ناصر مجود ويا مشاريوه ليه قدام وانا في الشنطه
عمي :عشان ينزلوم يشترون
انا: ليه بروح المريخ كلها روضة راشد لا وفي الليل
شيخوه :كان مالها داعي في النهار احسن
عمي : ومن قال انا رايحين لروضة راشد
كلنا : اجل وين
عمي :رايحين للمخيم لهلي
انا:صدق اخيرا باروح للبر
هنوده :الحمدالله أنا باروح
مهوي :ليه شسالفه رضواهلي
عمي : الله يسلمكم ابوي درى بلموضوع وكلمني اجيبكم بعد ماغسل شراع خواني
شرايكم بسبرايز
انا:يجنن الله لايحرمنى منك ومن جدي
ندوي : عمي طلال موب رايح معنى
عمي : طلال راح مع اهلي ليه
شيخوه : اذكره زعلان مع امه
عمي :لا رضى وراح مع اهلي
انا : رندى انتي على طول ساكته شفيس
رندى : ما فيني شي عادي
انا : طيب قولي لنا عن حياتس قبل نقتحمها
رندى : او كي امي تزوجت ابوي بعد زواجين فاشلين وبعد ما قالو الاطبا ان مافيه امل تحمل لأن عندها القلب وبعدين حملت فيني وكانت سعيده مره وجيت انا وسمتني امي على الدكتوره اللي بشرتها وبعدين جاء ماجد وسمته امي على جدي اللي توفى هو وجدتي وخالي محمد في حادث وبعدين توفت امي بسكته قلبيه وبدت تبكي والكل هديها وبعد شوي سكتت
مهوي : انزين رندى وين وصلتي في التعليم
رندى: فصلت من ثاني جامعه لأني ماحب الدراسه
ندوي : ياحضس محد قالس شي
رندى : لا طبعا ابوي مدلعني واي شي ابيه ينفذه على طول
لميوه : يا سلام عني ضمنى الو سطات
مجود : اكيد وانا عمكم
الكل :ههههه
نوير : رندى عندس خوال وخالات
رندى : ايه عندي 3 خوال و خالتين وكلهم كبار اصغرهم امي الله يرحمها
الكل :أميييين
وكملنا الطريق والبنات يلعبون اكس او
عمي : ترا باقي على المخيم تقريبا ساعه
الكل : ههههيهههيه
ندوي : عمي تصدق فارس طول الطريق ساكت
عمي : اكيد اصدق صدق فارس شفيك مستحي
شيخوه: ايه مستحي اذا قدنا عنده في غرفته يقعد يحقق واذ شافك صار موئدب
فارس : حرام عليج يابنت العم بس ما جا موضوع اتكلم فيه وبعدين كل ما قلت شي قلتو تحقق قلت اسكت احسن لي
ندوي: اهم شي انك معنى
ضميري ( اختس ذي ماتستحي على وجهها تصرفي ياكبيره )
انا : مصوت واطي اسكتي يا حقيره جعلس المرض فضحتيني حسبي الله عليس
ندوي :بصوت واطي شدخلس انتي انا حره وبعدين ماقلت شي
انا : هين والله لاعلم امي على حركاتس
ندوي :والله لا قول عن الافلام اللي ذبحتيني بها
انا: هين ان شفتي معي فلم كابل اكسبرس
ندوي:لا خلاص الله يخليس معاد اتكلم
وصارت الساعه 12 الليل وصلنى المخيم ونزلنا وكان المخيم روعه الخيام على شكل مربع بس الخيام من ثلاث جهات يعني خيمة جدي ثم خيمة عمتي ساره ثم خيمة عمي سلطان ثم خيمة عمي فيصل ثم خيمه اهلي ثم خيمة عمي ناصر ثم خيمه كبيره مجلس للحريم وخيمه مطبخ كبير وخيمه حق الخدم وحمامات وبعيد شوي يعني تقريبا 40 متر جنب المخيم خيمه كبيره مجلس لرجاجيل وخيمتين لشباب وننزل ونحصل العائله ونسلم ونتعشى والكل يسلم على ضيوف العايله طبعا عمي راح لخيام الشباب ويا العيال ويتعرفون على بعض وكانت لولوه متقطعه من الوناسه اما جدي وضم رندى كنه صايرله شهور ماشافها ونجلس كلنا في خيمة جلوس الحريم ومعنى جدي
قلت انا : جدي وشذا الظلم
جدي :اول مادريت انهم خلوكم عصبت على العيال وكلمت ناصر يجيبكم
انا : لا موب قصدي ادري انت ماقصرت بس ليه مالنا يا البنات خيمه نفس الشباب
جدي :والله قاله سلطان بس ولا يهمكم هاذا هو الشراع بركبه الحين
انا : الله لايحرمن منك
شيخوه : ولا يحرمكم من ابوي
الكل :أمييين
ويركب جدي الشراع يفصل الخيمه الى جزءين .
ونجيب اغراضنا وشناطنا من خيام اهالينا ونجيب فرشنا وتونا في قسمنا نرتب اغراضنا ونحتل الاماكن
شوي وجاء عمي جاسم وجدي والحريم جالسين في القسم الثاني في الخيمه
جاسم : ترا الشباب الحين بيجون كلهم يسلمون على رندى
جدي : بناديها تسلم عليها
جاسم: بعدين بسلم عليها مع الشباب
في قسم البنات
رندى : بنات احس جاسم موب مرحب بي صح
انا: يابنت الحلال انسي جسوم مايعبر احد
لميوه: ولايحب الا نفسه
رندى : بنات بسراحه مستحيه ماعرف احد احراج
مهوي : خلاص البسي عبايه ونقاب
الكل :ههههه
انا : تراس عمتهم يعني عادي خيلس كووووووول
وجاو الشباب كلهم حتى فارس معهم وقفو في الجزء الثاني اما احنى كل وحده فتحت لها فتحه في الشراع وجلس تراقب وش يصير
و نادى جدي رند ى وجات و هي مستحيييييييه وكل الشباب بطلو عيونهم اول ما شافوها وبدويسلمون ويعرفون انفسهم
والكل كان فرحان ويرحب برندى الا جاسم الي كان واضح عليه انه موب مستانس من جيت رندى وسلامه كان بارد شوي وطلعو الشباب ومعهم جدي والكل راح يرقد شوي والقى ريموه جايه ويا البنات عهود و ونجود خوات شيخوه وامجاد وعبير خوات مهوي ومعهم فرشهم يبون يرقدون معنا
انا : هذا اللي قاصرني اذلفو يالله رايحين واحنى موب اكثر همكم
امجاد : لا قسم بالله ليلى انا قلنى لهلنى و يوم ماعبرونا قلنا لجدي على طوووول
عبير : امانه بنات والله ماسوانا شي عشان تكرهونا
شيخوه : بنفكر يالله روحو الرقدو وبعدين نتفاهم
وراحو وكل وحده منى على فراشها
رندى : بنات بسراحه احس اخوي جاسم موب طايقني
لميوه : طبعا كانو هو اخر العنقود وجيتي واحتليتي مكانه
رندى : طيب انا وش ذنبي
نوير : معليه شوي وبيتعود ويصير عادي
رندى : الحلو اللي يشبه فزاع منهو اخو من فيكم
البنات كلهم : الحمد الله موب اخوي
انا : هاذا طليل ولد عمي ناصر
رندى : وشفيكم عاد كذا ما تحبونه مع انه حلوووووو وتحمدون الله انه موب اخوكم
مهوي :لأنه غثيث ومانحبه مالت عليه هو وامه
رندى :وش دخل امه بعد
انا:هاذي قصه طويله بتعرفينها مع الايام
ونرقد بعد ماصلينى الفجر