عرض مشاركة واحدة
قديم 07-07-2009, 02:31 AM   رقم المشاركة : 82
شوووق
طرفاوي نشيط
 
الصورة الرمزية شوووق
 







افتراضي رد: روايه ..يكرهك نصفي....ونصفي فيك ذايب

غلا: ماعلي منكم تودوني أنا قلت
ومسكت جوالها واتصل عليه
نايف: هلااااوغلا قلبي
غلا: نايف صدق اللي سمعته؟ الف الف الحمدلله على سلامتك
نايف: الله يسلمك
غلا: الله يهداك ولاتعلمني ولاشي؟
نايف: والله مابغيتك ترتاعين وامس ماكنت بوعيي تعبان
غلا: ياااابعد عمري مااتشوف شر وعلمني اللي صار بالتفصيل ماكفتني جرايد
نايف: علمها بكلشي
غلا: اووف والله منتب بسهل
نايف: اعجبك
غلا: من جد ... المهم انك رجعت بالسلامه ول كان أذبح هالحراميه واحد ورا الثاني وجاركم وراه
نايف: هههههههه فديت روحك انا ياجعلني أفدااك
غلا: بس والله خطيير ابحفظ المقال شكلي
نايف: يااحبي لك
غلا: وينك فيه الحين؟
نايف: امي محرمه علي الطلعه على ان وراي أشغاال ماسويتها بس الشكوى لله
غلا: هههههههههه ياحبي لها امك ..ابجيكم الحين
نايف: والله؟ ابشوف العافيه بعيوني ان جيتي
غلا: ههههههه اشوف محمد ول خالد واجيكم
نايف: تسوين فيني خير من قدي أبشوف نور الدنيا كلها؟
غلا: فديتك انا يؤؤ خلاص لاتحرجني نايف
نايف: يسلمك لي قلبك يااناس بتعذبيني
غلا: ههههههه افرش الورد الأحمر أبجي
نايف: الورد الاحمر والبيت وراعيه كلهم تحت أمرك بس انتي تامرين
غلا: ههههههه فديتك والله
نايف: اجيبك؟
غلا: لالاخلك جنب أمك وبعدين انت تعبان كيف بتسوق؟
نايف: اللاقولي كيف ابسوق وانتي جنبي عز الله تسبهت
غلا ضحكه بانحراج مع غنج ودلع
نايف: فديت الضحكه تعذبيني كذا
غلا: ههههههههه
نايف: يالله تعالي وبسرعه ماعاد اصبر
غلا: مسااافة الطريق والملابس
نايف: باقرب وقت أبي أشوفك وحشتيني
غلا: بدري
نايف: كل شوي انا حتى عيوني صارت تشتاق شوفك وتمل غيرك
غلا: ادري ادري
نايف: حبيبتي والله بوسه قبل لاتسكرين
غلا: عشان يشوفونني اخواني ؟
نايف: اطرديهم ماابي ضفادع عند حبيبتي
غلا اللي ماتت ضحك: ان شالله ااجلها لك لمن اجي اوكي باايوو
نايف بعد مااعطاها البووسه: باي قلبي
توها سكرت وبتروح تلبس
غلا: خالد تراك بتوديني لبيت خالتي ياانت يامحمد تفاهمو
خالد: ايييييوووااا ...يالأوامر وفيه أوامر ثانيه عمتي؟
غلا: امممممممم أبي امر اشتري شوكلاته من الدبلوماسي يعني الفلوس ماابي يوديني واحد مفلس مثل محمد مثلا
محمد: اوصلك بس بعشره
غلا: ماااااالت على وجهك توصلني وانت ساكت وغصب عنك
خالد ماصدق جته الفرصه
خالد: يالله خذ هذي خمسين اشتر لها ووصلها .
محمد: اوكيييييي خمسين بس الشريط اللي أبشغله على ذوقي
غلا: لاوالله؟
محمد أجل تزيدني خمسين ثانيه وأوديها بالسياره اللي تبيها والشريط اللي تختاره
خالد: مافيه يالله حدك هالخمسين وتخب عليك
محمد: اجل انت تكفل فيها مارح أوديها
خالد بضحك: الله يقطع شرك ومد له مية ريال زياده
لبست فستان قصير لونه بيج وبالوسط فيه حزام ذهبي ... وكعب ربط على ساقها ... شعرها كيرلي ربطته على جنب ... شكله اطالع انيق ونظيف ونااعم ..وملفت
كانت موقفه عند محمد اللي يعد الفلوس شوي ورفع راسه عليها
محمد: اااااااااه ابي اتزوج
خالد يرمي عليه المخده: اقوول أعقل ووصل البنت
محمد: خخخخخخ ان شالله
خالد: غلا لايلعب عليك ترا عنده ميه وخمسين يعني تشرطي ع القعيطي على كيفك
غلا: ههههههههههه اوكي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::
ان شالله اقدر اعوضكم بها الجزء الغياب الطويل


الجــــــــــــــــــــــــــــــــــــزء التـــــــــــــــــــــــاسع
>>>>>>>>>>>>>استـــــــــــــــــراليا
تركي: تبيني ارميه؟
ديما: لالااخااف
تركي: خواافه ابرميه واللي فيها فيها
ديما: لاياااااااتركي
تركي: طيب شوفي ابوديه وبعدين ابجيبه سباحه
ديما: ان مات طلقني
تركي: ههههههههههههههههه ملعوووبه ريووم لالامارح يموت ان شالله
تركي كان عنده حيوان صغير مايدري وشو المهم ان الحيوان بري ويبي يرميه بالبحر وديما ماتبيه يرميه
رماه بالبحر وديما قامت تصرخ
تركي: وشفيك؟
ديما: جيبه بسرعه لايمووت
تركي: ههههههههه طيب طيب وشوي وطب بالبحر ومسوي نفسه مب قادر يلحق الحيوان
ديمااللي على طول نزلت بالمويه عشان تجيبه ... قبل مايموت.... تركي بس شافها نزلت بالمويه لحقها
كلها دقايق وقامت تصارخ : يمه تركي الحق علي مااعرف اسبح
تركي ..بسرعه راح جهتها وشالها ..
ديما: يمه لالاتركي خايفه
تركي: وش تخافين وانا شايلك الحين؟ اساسا مارحتي بعيد لو تنزلين شوي توصلين للأرض
ديما: يمه خاايفه ..والحيوان وينه؟
تركي: مات
ديما: لا
تركي بضحك: يعني بتطلبين الطلاق؟
ديما تنحت شوي وبعدين قاامت تضحك بأقوى ماعندها
تركي: انتي قايله
ديما: ليه الدعوه فوضي بس وينه
تركي: وعلى بالك تبين تجيبينه؟ كله حنان ؟ يعني لو تركي مكان هالحيوان بتنزلين بالبحر؟
ديما: اكيد اجل وشلون افداااك انا
تركي: هههههههههه ياسعدك ياتركي ياليتني حيوان اللحظه هذي خخخخخخخخخخخخخخخخخخخخخخ
ديما: تركي عن الاستهباال
تركي: لالاشوفي القطو مدري وش ذا اللي صدناه ..هناك
ديما: ايه اشوا عاد كلش ولاالحيوانات ...ماحبها تموت
تركي: اروووح ملح انا
ديما: تروح ملح؟
تركي: ليه ماتخصصتي فيزيا؟
ديما: لاتكلمني كنني غبيه
تركي: ههههههههه مب صح الملح يذوب بالمويه؟
ديما: ايه؟
تركي: انا نفسه ارووح ملح يعني أذووب بمعنا أخر
ديما: هههههههههه طيب قل انك تذوب
تركي كان على خفيف يبي يلهيها عشان اخرتها يروح بعيييد بالبحر
ديما ناسيه كلشي وقاعده تضحك معاه
تركي: طالع لونك رهييب مع الشمس
ديما: نعم؟
نزلت راسها الينه ماسك خصرها
ديما طارت عيونها وجلست تستوعب شكلها
تركي على طول ضحكته على الباب
ديما: نزلللني!!!
تركي: ليه تبين تنتحرين وانا ماادري؟
ديما: اجل خلنا نرجع
تركي: Nooo
ديما: وش اللي لا.؟. تركي الناس تطالعنا
تركي: الله يالناس الحين مااابي قلت لك لا
ديما اللي بالأساس عاجبها الوضع
ديما: طيب ظهرك عاد امس كان مره يوجعك
تركي: يفداك ظهري عاد وش الحين من الوزن اللي عندك
ديما: هههههههههه علمني اسبح طيب
تركي: ابشري
توه بيتركها مسكته بقوه خاايفه ...وتركي مسوي نفسه ملزم ويبي يعلمها (الوضع جايز له)
"::::::::::::::::::::::::::::::::::::::::::::: :::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
<<بعد مرور اسبوع كااامل
الكل بدا يستعد لزواج ساره وسعد ... طبعا الكل مومتخيل ان ابوعبدالله وعياله رضو لكن ... احسنو النيه .. فيه ... ..ساره اكبر همها وأكثر شي مفرحها أن فيصل بينقهر أهم شي عندها تقهره ... سعد يبي يتزوج بس يفتك من امه ول عن نفسه ...متعوود على بنات ... فالزواج مايفكر فيه ... اللا عشان امه فقط
بيت جديد ويمكن لأول مره ندخله
<<<<بيت أم فيصل الاب متوفي من كانو صغار ...فيصل كان اصغر عيالها بالأساس ماعندها غير ياسر وفيصل وياسر كان مسافر عنده اشغال وفيصل بالبيت .... ......
كانت في غرفتها ... دخل عليها فيصل فرحااان لأن أعطوه ترقيه في عمله
فيصل: يووه يمه منيب قادر أوصف
ام فيصل: ههههههههه ياحليلك ... ان فرحت ايه اضحك استانس ... !!ملينا واحنا نشوفه ضايق صدرك كل يوم
فيصل: اللا يمه ابسألك وش عندك اليوم بخوور وعود وجلابيه كشخه ..وش صاير؟ تسترجعين ايام الشباب وانا مدري؟
ام فيصل: هههههههههه الله يقطع شرك
فيصل بضحكه: لابس جد ماقلتي لي وش فيه؟ ول لأنني ترقيت حفله؟
ام فيصل شافت ملامحه الفرحاانه ماودها تكسرها لكن هذا الوااقع اللي لازم يعرفه الحين ول بعدين منها أو من غيرها
فيصل: يمه وش فيك فجأه سكتتي؟
ام فيصل: ابروح زواج
فيصل: زواج مين؟
ام فيصل بتردد: زواجـــ.... وحده من بنات ...أم محمد.....
فيصل معقد حواجبه: خالتي أم محمد؟؟؟(ابتسم مره ثانيه)<<ماتوقع الصدمه ...بس غلا وندى مابقى اللا ريناد لايكون بتزوجها؟
ام فيصل: لالامب خالتك ام محمد هذي خويتي
فيصل: اها ايه اشوا الله يوفقهم
ام فيصل: وين بتروح انت اليوم؟
فيصل: لحظه تبيني أوصلك؟
ام فيصل: لالاماله داعي بيمروني
فيصل: ابروح للاستراحه عند الشباب ومتى ماخلصتي اتصلي فيني
ام فيصل: ان شالله
فيصل: لحظه وين قاعتهم فيه؟
ام فيصل سكتت (لأن الزواج ببيت ام سعد ):
فيصل بابتسامه: هاه يمه وشفيك سكتتي
ام فيصل: اعلمك ان رحت لأنني مااعرفها
فيصل: ان شالله يالله اجل تامريني بشي؟
ام فيصل: ابد سلامتك
طلع من عندها سريع للسياره ... وشغل شريط منوعات ... على اغنية الجسمي (بكيتك) سكرها وشغل الاف ام ...وجلس يسمع عاد كان فرحاااااااااااااااااان عشان الترقيه ...ووده يصرخ من الفرح وقف عند باب الاستراحه
كان فيه جلوي والوليد والباقين طلعو بيجيبون اشيا للاستراحه وبيجون
فيصل: السلااام عليكم
جلوي: وعليكم السلام
فيصل حس ببرودهم وأشكالهم اللي ماتعود عليها
فيصل: وشفيه؟
جلوي: لاابد بس انت اجلس الحين
مسك ورقة اللعب معاهم وقامو يلعبون بلوت
دق جوال الوليد هالوقت
وقفو لعب الين مايرد
ام نايف: هلا وليد
الوليد: هلا يمه
ام نايف: وينكم ؟ ابي احد يجي يوصلنا انا وخالاتك
الوليد: منصور مب عندكم؟
ام نايف: لا..قلت له يوصلني وطلع مدري وين راح
الوليد: طيب طيب خلاص يجيكم احد الحين
سكر واعطى جلوي نظرة واحد مرتبك
الوليد: يبون احد يوصلهم
جلوي: خلاص انا ابطلع
فيصل: مين؟ عسى عشان الزواج؟
كلهم انصدمو ماحد توقعه يعرف وكيف يدري واهو فرحان بها الشكل ...
الوليد: نعم؟؟ زواج؟
فيصل: مب بيروحون للزواج كلهم؟
جلوي: وطيب؟
فيصل: مافيه احد بيوديهم؟
جلوي: لاانا ابروح لهم الحين
فيصل: اجي معك؟
الوليد نط له على طول: لالالالاانت خلك هنا لاتروووح !!
فيصل: ليه
الوليد: اجلي معي بيجي نواف الحين
فيصل: اوكي
جلوي يبي يعرف: فيصل بيروحون أي زواج؟
فيصل: زواج بنت ام محمد
كلهم قامو يطالعون ببعض
الوليد: ومين اللي بياخذها؟
فيصل: مدري وراكم تسألوني رايح معهم أنا وشمدريني عنهم؟
جلوي: لابس توقعتك بتدري
فيصل: ومتى بترجع؟
جلوي: عندي أشغال ابكملها لأبوي اليوم ابنتظرهم الين مايخلصون وأتوقع مارح ارجع للاستراحه اليوم
فيصل: لاافا عليك بس تخليني انا اجيبهم مب انت يكفي انت توديهم
جلوي: يابن الحلال خلها علي
فيصل: جلوي لاتخليني أحلف
الوليدغمز لجلوي اللي راح على طول
فيصل والوليد كملو لعبهم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::
وقف جلوي عند باب البيت ومر ام فيصل وعرف منها انها قالت له ام محمد عشان مايدري.... اخذ كل خالاته واخر شي وقف عند بيت ام محمد
طلعت غلا وريناد وساره ...
وركبو معاهم للسياره ....فتره ساكتين وقطع الهدوء صوت ساره
ساره: الحين الكل قال لي مبروك وجلوي ولد خالتي ولاتتكلم ولاشي ترا زواجي الليله ع فكره
جلوي طنشها ولاكنه يسمع
ساره: انت هيي !!!!.تراني اكلمك
جلوي: اتوقع كان فيه اسلوب تكلميني فيه ول لا؟.
ساره: اووه اسفه ....قل مبروك بسرعه يالاسلوب انت
جلوي يبي يعااندها ويعطيها على قدها: منيب قايل
ساره: اللا على فكره خالتي ام فيصل وولدك وينه ليه ماجا
جلوي في نفسه(ياطوول لسانها بعد فيصل مدري وش عاجبه فيها))
ام فيصل: ماعلمته وراح عندهم بالاستراحه
ساره: لاالصراحه قويه كذا ابي صديقاتي يشوفون عيال خالاتي مب مايجون
جلوي وده يتكلم ول يصفقها بس سكت وكتم احسن
ساره اللي ماحد عبرها سكتت طول الوقت
.................................................. ...........................
أخر شي دخلو ودخل جلوي معاهم وسلم على المعرس اللي من غير نفس سلم عليه مب عااجبه اصلن ..
جلوي واهو يطالع بالمعرس(ايه يافيصل ليت من يشوف هالابتسامه عليك انت احق بها بس قسمه ونصيب ...والله انك تستاهل كل خير يافيصل ... )
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::
في الاستراحه
فيصل: فزت عليك لاتحاول
الوليد: يالله يالدنيا أخرتها انت اللي تفوز؟
فيصل: شفت وشلون
نواف(صديق فيصل) توه داخل عليه: السلام عليكم
فيصل: هلاهلااااااااااا وعليكم السلام
طبعا حتى نواف عارف بزواج ساره اليوم وان فيصل مادرى
فيصل: هاه وشصار عليك اليوم؟
نواف: ابد كملت الشغل كله حسبي الله عليك ماطلعت اللا المغرب
فيصل: ههههههه يالله يفداني التعب كله
نواف: خخخخخخ ايه ايه يفدااك كلش انت بس ...ماودك بلايس تيشن؟
فيصل: برشلونا
نواف: يالله دايم تاخذه وأهزمك فيه بيني وبينك ثلاث مباريات واللي بيفوز بيعشي الثاني على حسابه التفقنا
فيصل: اوكي
واهو يدور بأشرطة الجهاز اللي جنب التلفزيون طاح بيده كرت كبير لونه أبيض ومن الجنب مطرز بذهبي
من لقاافته الزايد فتحه بيقرا فيه
((زواج سعد بن ضاحي على كريمة سلطان بن عبدالله))
عقد حواجبه وقراه أكثر من مره دور أسم سلطان بعايلتهم مافيه غير ابو عبدالله وسعد بن ضاحي هوجارهم مافيه غيره
الوليد ونواف قامو يطالعون ببعض وكل واحد مايدري وش بيقول ول وش يسوي
فيصل بأزمه وحتى صوته واطي شوي مصدق ومكذب بوقت واحد اهو بس شاف عيون الوليد الحايره اللي فباله صار جايز شوي
فيصل رفع حاجب: الحين هذا زواج مين؟
الوليد : لالاذا الكرت حق زواج قديم الظاهر
فيصل: لابس التاريخ تاريخ اليوم والكروكي ...امممممم ....حق جار خالتي ام محمد؟
الوليد قام يطالع بنواف واهو سااااااااااكت
فيصل عصب وقف ومسك جواله واتصل على امه
ام فيصل: هلاهلا فيصل
فيصل منفعل: يمه رايحه لزواج مين؟ منهي ام محمد هذي ؟
ام فيصل: زواج ....
فيصل : يمه علميني منهي يعني ساره بنت خالتي أم محمد تزوجت اليوم؟
ام فيصل: ايه
صـــــــــــــــــــــــــــــــــــــــــــــــــ ـــدمــــــــــــــــــــــــــــــــــــــــــه !!
فيصل اول شي سكت وماتكلم امه ماعاد تدري وش بتقول كل اللي قدر عليه : طيب خلاص سلام
ام فيصل بضيقه: فيصل فيصل الوو لاتسكر ....
سكر جواله ورماه على الارض مسك شماغه وحط على كتفه واهو معصصصب
فيصل بصراخ: كان المفروظ تعلمونني من أول مب أخرشي أجل أنا اخر من يدري حتى أنت انت يالوليد مخبي عنني هالخبر ..؟؟؟ماتدرون انه يهمني؟.........هذا أخر ماتوقعت
طبق بالباب بقووه وطلع واهو ثاااير ومعصب لايحط حرته بواحد منهم
نواف كان يناديه (يافيصل!!) بس مافيه امل
نواف: اقول قم لاتخليه يمشي بالسياره واهو كذا معصب مب ناقصين جنون سواقه زود امش
راحو جري يلحقونه بس مافيه أمل خلاص مشى
كانت دموعه منهاااااره على خده .... والمشاعر كلها تجمدت ...الأمل انقطع بها اللحظه كان ملاحظ اللي حوله تغيرو لكن هذا أخر ماجا على باله ...أخ يالقهر ..؟؟..خلصو الناس مابقى غير سعد يافيصل؟؟ ...سعد؟.. ياخذك ياساره ..؟؟ محمد ليه ليييييييييييه تزوجها وانت داري اني أحبها أكثر من نفسي ....خلاص يعني كل شي انتهي اليوم يافيصل؟...انتهى كلش؟؟... سااره .....لالا ويحط راسه على يده واهو يبكي
دربي طويل وتايه فيه ممشاي
مثل الغريب اللي مضيع دليله
يحدني وقتي على ضيم دنياي
ورضيت بالمقسوم حتى قليله
ياطول صبري وآآآه
ياكبر بلواي
أخفي عن العدوان همي وأشيله
أخاف أبوح بسر قلبي وشكواي
وتصير نفسي بين
ربعي ذليله
أضحك ودايم بسمتي تسكن شفاي
ومن شاف حالي قال محد مثيله
وأنا بجوفي هم والنار بحشاي
والجرح ينزف والليالي طويله
والعمر يمضي بي وحاير بممشاي
محروم من طعم الحياه الجميله
الياس حل وماتت اليوم رجواي
ولاعاد لي غير الصبر من وسيله
يالله ياعالم بسري ونجواي..
تشيل عن قلبي هموم ثقيله...!!

الوليد ونواف سريع بالسياره قدرو يلحقونه وقف عند محطة بنزين على طريق الدمام المحطه بعيده عن الرياض ونزل في البر الموحش.المظلم ............. بلحاله...
الوليد ونواف ماصدقو يوقف بسرعه نزلو عنده
نواف يوم قرب من عنده: يافيصل!!
فيصل:.................
الوليد وقف قباله ومسكه شاف دمعته تطيح : فيصل تعوذ من ابليس
جلس على الارض وحط يده على راسه واهو يبكي ...اول مره يشوفونه منفعل لها الدرجه الوليد ونواف بقو سااااااكتييين ماعرفو وش بيقولون له ؟...
فيصل ببحه : وين محمد؟ وراه ماقال لي اليوم؟
الوليد: يافيصل انت عارف ان محمد متفشل وترا محمد أكثر واحد معاارض فكرة زواجها ومايبيها اللا لك بس بيوقف بوجه أبوه وأخوانها ورغبتها اهي ؟ مستحيل!! فيصل صدقني محمد لو يقدر كان ماحضر هالزواج من الأساس
فيصل: خلاص طيب تسمحلي تتركني انت ونواف مع نفسي شوي؟
نواف: فيصل حاول ترفق على نفسك شوي مايصير هاللي تسويه
فيصل: نواف تسمح تروح انت وياه؟
نواف: الوليد أمش معي !!
الوليد بربكه : نتركه بها المكان بلحاله مايسوي بنفسه شي؟
نواف: فيصل واعرفه تعالي معي
الوليد : مشينا؟
نواف: الوليد فيصل بحاله مايحس باللي يقول ولا بردة فعله انا اعاارفه زين كل ماشفته بها النفسيه اتركه مع نفسه وبيرجع كلش طبيعي
اوليد: الله يعينه
وقامو وركبو السياره يشوفونه من بعيد مب عارفين يتصرفون
جلوي اتصل على الوليد بها الوقت
الوليد: هلا؟
جلوي: منصور امي اتصلت فيني اجيبها وانا الحين موقف عند المرور
الوليد: ليه؟
جلوي: مظلل السياره ..المهم واحد منكم يروح يجيبهم
الوليد بصوت متغير: جلوي
جلوي: نعم؟
الوليد: فيصل درى؟
جلوي: عن الزواج؟
الوليد بضيق: اجل وشو؟
جلوي: اوووف !!!! ؟
الوليد: لحقنااه اخر شي بالبر ولوتشوفه تقول عليه السلام شوي بيموت من الضيقه
جلوي: الوليد لاتتركونه
الوليد منفعل: مايبي احد حوله نواف قال لي خله اريح بلحاله
جلوي: خلكم حوووله فيصل ان تهور تهور
الوليد: ايه يصير خير
جلوي: ووش بيجيبهم الحين؟
الوليد: حاول بالمرور طيب
جلوي: خلاص انا اتصرف
.................................................. .................................................. .....................
قام يشوف الفضاا وااسع وشاسع ....هدوء وظلام الليل بدا يفطي على الوقت ...شاف الساعه على الوحده ونصف ...قال بيروح يجيب أمه من هناك ... حس انه يتلاشى مع كل خطوه .... يخطيها ...حس انه من اليوم بيصير انسان ثااني ...شخص محطم .... تنهد وركب السياره ... بيرجع للرياض وقف عند المحطه ودخل كان سوبر ماركت صغير شوي ... طاحت عينه على السجاير اللي عند المحاسب ...اخذ اخفهم ودفع الحساب وطلع
مسح وجهه بشماغه ...وركب ولع السيجاره الطويله ...كان يستنشقها بعنف ويدس السم بجسمه .... حط العلبه على الكرسي ......وحرك... ومشى بسرعه ...فيصل مايدخن اللا من زمااان على ايام مراهقته المتوسط والثانوي تركها ..وبطلها ....لكن الحين يمكن اهو اكثر واحد محتاجها .....
كان يدخن بعنف وشوي ووقف عند الباب ويسمع صوت الأغاني ماليه المكان ... اخر شي وصل له انه يتشجع ويفتح الباب يدخل ويعرف مين اللي أخذ مكانه
دخل للبيت كان يظن ان المدخل للرجال بس للأسف صار مدخل العايله الرئيسي اللي على طول رح يدخله للصاله
فتح الباب وشاف قباله منظر تمنى يموت قبل مايشوفه منظر خلاه يقول انا وش دخلني من هنا وليه جيت ؟ وجنيت على نفسي
كانت ساره بقمة جمالها ... وفتنتها جالسه بفستانها الأبيض المغطي المكان حولها وجنبها سعد مبتسم ويتأمل فيها والورد الأحمر على ثوبه .... والدبله على يده ..لابسها ماسك يد ساره ويضحك وتضحك معاه وأهم بقمة سعادتهم .... ساره لمحته أعطته نظره من فووووووووووووق لتحت .... اهو حس دخلته بمكان غلط طلع ... على طول ...لف وسند ظهره للجدار وغمض عينه بقوه ونزلت دمعته .... كل مافتح او غمض مايشوف غير هالمنظر ....بغى يطيح على الأرض اللاشوي من البكي ...طلع سيقاره ثانيه وهاتك بالتدخين .... ركب السياره ولف عند مدخل النساء ....
محبوبتي ياناس للغير مخطوبه...... هز الحشا بركان والخافق تسلم
دبله وسط يمناه وورده على ثوبه ..........مجبور أبرضى باللذي صار وأستسلم
حسبي عليهم صار أحلامي مسلوبه .......اللي حل بي ياناس ماحل بمسلم
أبكي ودمعاتي عالخد مسكوبه............. من صادق الدمعه على الخد تتقسم
أيام عمري صارت اليوم محسوبه........ باخذ من الأيام عبره وانا اتعلم
هذا حكم ربي والأقدار مكتوبه ..........حد يبارك له وحد له يسلم

دخلت جنبه أمه .... خاايفه وحزيييييييينه سااكته طول الوقت ....ششافته يدخن حز بخاطرها وعرفت أنها اقسى الحالات اللي يعيشها هاللحظه .... ضاق صدرها وسكتت ...اهو واهو يسوق مايشوف اللا المنظر اللي من شوي بين عيونه ... وجهه وملامحه الجامده عرفت امه انه من شوي كان بحاله صعـــــــبه
شافت وجهه التعبان والعرق يتصبب منه ..ول عيونه الحمرا وسيقارته اللي حط حرة الحزن فيها .... والسواقه شوي يسرع وشوي ويتبطأ وشوي يوقف ويحط يده على راسه وجنب على المعلق
ام فيصل: فيصل اذا تعبان لاتكمل سواقه بيتنا بعيد
فيصل بصوت تعبااااااااااااااان: يمه مدري مصدع !!
ام فيصل: لاتكمل خلاص..ول وقف شوي
وقف على طرف الطريق وحط راسه على الدركسون
كلها دقاايق وامه حست فيه وتحاول فيه مافيــــــــــــــــه فايده
اتصلت بالوليد اللي له سااعه يلف شوارع الرياض يدوره ...
ام فيصل تبكي: الوليد بسرعه تعاال تكفى
الوليد: خالتي وش فيه؟
ام فيصل: فيصل ولدي فيصل
الوليد: فيصل الحين ابلقاه ان شالله هونيها
ام فيصل: لاجاوأخذني ... وجنب بالطريق والحين طاح علي مدري وش فيه
الوليد: اووف ووينكم فيه؟
ام فيصل: مدري عن هالشوارع
الوليد: من زمان وانتم بالطريق؟ على طريق بيتكم يعني؟
ام فيصل: اتوقع اننا على المعلق
الوليد: كويس قريب اصبري لي خالتي
ام فيصل: الله يعافيك لاتتأخر
الوليد: ان شالله سلام
ام فيصل: مع السلامه

.................................................. .................................................. ...........................
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::
<<<<<<<استراااااااااااااااليــــــــــــــــــــ ــ ا
كانو في الأوتيل ...الفخم ..المطل على المسابح الخاصه فيهم
في وقت متأخر بالليل .... الجو رايق وريحة الورد ماليه المكان ..الشجر اللي حول المسبح كان مغطي حتى على سواد السما مابان بينها غيرالقمر المكتمل ...
كان متمدد على الجاكوزي الحاار ومنسدح ...وديما متمدده على الجلسه اللي جنب المكان بالضط
تركي: ديما ...انزلي
ديما: لاوش ينزلني أوجعني راسي من المويه
تركي: ديما اليوم أخر يوم باستراليا
ديما: ايه والله خساره الذكريات هنا حلوه
تركي نزل راسه على ورى وانسدح وغمض عينه واهو يتكلم: تدرين ماودي نرجع !
ديما: والله ولاانا
تركي: ديما وشرايك بيومين زياده؟

 

 

 توقيع شوووق :
شوووق غير متصل   رد مع اقتباس