لمى ابتسمت له وبعينها دمعه مسحها بيده
عبدالله: حبيبتي انا ادرى منك باللي تشيلينه بس هممي يكبر ان شفتك مكسوره ...اللي في بطنك الله يعوضنا به ان ششالله وعسى ان تكرهو شيئا واهو خير لكم ...
طبعا المواساة للثبات ...تكون مختلفه ولها طعم ثاني ان كانت من عبدالله ...لمى على كثر من جا يواسيها لاكن كلام عبدالله غير على قلبها عبدالله غيير هذا عبدالله اللي يتكلم مو أي أحد ثاني وتدري انه يحس بنفس اللي تحس فيه .....جادورها تنسيه الهم وماحد يعرف غيرها
لمى مبتسمه: باقي لنا شهرين ونفرح بالجديد
عبدالله رد لها الابتسامه: ياجلعه يسلم ان كان ولد ابسميه فارس
لمى : واذا بنت انا اسميها
عبدالله: هههههههههههه واذا بنت انتي تسمينها بس ولاايهمك
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::
>>>>>بيت ام سعد
سعد: يووه يمه قولي لهم طالع
ام سعد: وش طالع والرجال ينتظرونك عند الباب؟
سعد أبروح أشوف ..طل من النافذه شاف ابوعبدالله ومحمد وتركي عند الباب
سعد: يالله هذولي جو الحين؟
ام سعد: ياولد بسرعه خلك رجال
سعد: أي رجال يمه متوهق انا معهم اخاف يقولون لي شي بخصوص الطلاق
ام سعد: وش السواة ؟ اطلع وتفاهم معاهم ول طلق البنت
سعد: يمه خلاص انتي اطلعي لهم وقولي ان سعد مب موجود
ام سعد: ياما سويتها سعد ماعاد ينفع الهروب الحين اطلع عند الرجال لاتفشلنا
سعد: امري لله ..أو اقول يمه اطلعي لهم وقولي لهم مب بالبيت
ام سعد: صاحي انت؟
سعد: قلت له مقابلهم ماارح اقابلهم
ام سعد: تبيني أطلع عند الرجال أكذب عليهم
سعد: يمه هالمواقف هذا اللي ينفع
ام سعد تنهدت ولبست شيلتها بتطلع
تركي من ورا الباب: سعد موجود؟
ام سعد:لاوالله مب موجود الحين
محمد: ومتى بيجي
ام سعد: مادري بالعاده يتأخر
سمعتهم يكلمون بعض
محمد: ظنك نروح؟
تركي: مافيه اللا كذا
محمد: ودي انتظره طول اليوم هنا
تركي: ياخاله ! ان وصل خليه يتصل على محمد ول علي
ام سعد: ان شالله
محمد: سلام
راحو لبيتهم مشي
محمد: حقير!!
تركي: منهو اللي يصرفني عشان اترجاه يترك اختي
محمد: لاالازم يطلقها اسلوب الاطفال اللي يتعامل فيه معي لازم أبحط له حد
تركي: تخبره يوم عزيمة الرجال مايحشم أحد
محمد: الله يفك اختي منه
.................................................. .................................................. .....................
سعد من بعيد: يمه راحو؟
ام سعد: الله يهداك اطلع لهم
سعد: ايه عشان ينشبول لي طلقها وطلقها وانا ماابي اطلقها زوجتي وانا حر
ام سعد: اذا مب مرتاحة لك ريحها
سعد: ماطلقها !!!!!!!
ام سعد: الله يصلحك ياولدي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::
خالد .....و.........طلال
طلال طبعا كان اقرب أصدقاء خالد واللي مسوي معاه شراكه ..كانت بينهم عشرة عمردامت 11سنه ...من ايام المتوسط واهم ربع ..وحتى بالدراسه برا كانو مع بعض ..صداقتهم لبعض قوويه كل شي يعرفونه عن بعض ... كانت أقوى علاقه تربطط الاثنين أي مكان يروح له خالد كان طلال معاه ..والعكس .. مستحيل تلقى أحدهم يسافر او يجلس بلحاله اللا وتقلى الثاني معاه
نجحو الاثنين وتخرجو من اقوى جامعات بريطانيا ..وشهاداتهم كانت مشرفه ..والكل عرف هالاسمين ..بشراكاتهم ..من بعد الشهادات والكل يطلبهم ..فتحو لهم محلات ومراكز تجاريه وأصبحو من الأسامي الكبيره بالبلد ... كانت شركتهم على وشك انها تخلص وطبعا من بعد ماتخلص رح يكون لهم اسم ودخل عظيمين
في الرانج روفر الأسود حق خالد..واهم بالطريق لمكان الشركه
خالد: اقول طلال خلنا نروح نصلي بمسجد غير حق الحي
طلال: حق حي الرائد شفه قريب ..لانروح بعيد
خالد: حلو فيه مسجد هنا متأكد؟
طلال: ايه افا عليك
خالد كان يدوور بالحي
خالد: وينه يشيخ تأخرنا عن الصلاة
طلال يأشر: بس خفف
نزلو لمسجد صلو واهم طالعين
طلال : خالد تشوف اللي أشوفه؟
خالد يرفع نظارته الشمسيه: وش؟
طلال: نواف تذكره؟
خالد معقد حواجبه: نواف؟
طلال مبتسم: نواف ماغير اللي كان معنا بالثانويه
خالد: لايشيخ
طلال: والله شوفه
نواف من بعيد: هلاااااااااااوالله
خالد: هلاوالله
بعد ماسلمو على بعض سلام حااااااااار من زمان ماشافو بعض هذا صديق قديم لهم بالثانويه
نواف: طلال وخالد منيب مصدق؟
طلال: ولاحتى انا
نواف: ماشالله عليكم اسمكم على طرف كل لسان ..ول نسيتو فضايح الثانوي قبل
خالد: هههههههههههه
نواف: الدخان والزقاير ياخالد تذكر؟
خالد: ماعلمني عليها غيرك
نواف: ههههههههههههه الله مير يوفقكم الله وشبقى على الشركه سمعت انكم بتفتتحون مشورع مب سهل
طلال: ايه لامابقى شي كلها أيام ونفتحها
نواف: ماشالله عاد وظيفه لاتبخلون علي
خالد: ابد ابشر
نواف: كلام رجال؟
خالد: كلام رجال والوظيفه عندك
طلال: وليه وينك الحين؟
نواف: عاطل ابد في عالم الهياته والبطااله
خالد وطلال:ههههههههههههههههههههه
خالد: افا ياذا العلم اللا انت تخصصك وشو؟
نواف:لالاماكملت
طلال: ليه
نواف: تعرفني منيب راعي دراسه قلت اكيد ربعي خالد وطلال مابيقصرون
خالد: محناب مقصرين بس مو تلعب لعب السبلا وتسوي لي سوالف الثانوي
نواف: ههههههههههههه اللا طلال تذكريوم السامري ؟يوم يودونني انا وانت عند الاداره ؟ ويعلموننا على السامري صح؟
خالد: والله انكم تنك لاانت ولاهو
طلال منحرج : هههههههههه تكفى لاتذكرني
كانو يسولفون واهم يتمشون ...ولاحسو بروحهم ..شوي الينهم وقفو قريب مره عند بيت ....
نواف: يالله اجل انا استاذنكم
طلال: تو الناس
نواف: والله الوالد كان يبيني بشغله وانا ماابي أتأخر عليه فرصه سعيده والحمدلله اللي شفتكم
خالد: السعد بشوفك طال عمرك بس هاه موتقطع
نواف واهو يروح للسياره: ابشر
نواف ركب سيارته وراح
طلال: ياانه مرجوج
خالد:خخخخخخ يذكرني بصياعة الثانوي
واهم موقفين يسولفون خالد سمع صوت أحد يصفر له من فوق ..مانتبه ولااهتم .. كمل كلام مع طلال كان طلال متحمس يقول لخالد عن شغله ظروريه
سمع الصوت مره ثانيه ..(توقع أنه يتوهم ..أو يحلم .. مستحيل رح يكون الصوت حقيقي )
المره الثالثه ... خلاص هنا قام يتلفت يمين ويسار مافيه أحد الشارع مافيه اللا اهو وطلال وقباله ... سيارات اللي بالمسجد ...
طلال: خالد وش تدور؟
خالد معقد حواجبه: مدري طلال ماتسمع صوت أحد يصفر؟
طلال: يصفر؟ لالاانا متأكد جتك ضربت شمس
خالد:............
وسمعو الصوت مره رابعه رفع راسه على فوق ... على شباك البيت اللي موقف اهو قدامه ...شاف بنت عمرها أقل من العشرينات .. تصفر له وتطالعه .. هنا خالد بس تعالو شوفوه .. رفع النظاره الشمسيه ... صفرت له البنت للمره الأخيره وراحت لااحد يشوفها ..أما خالد نزل راسه وعقد حواجبه وغمض بقوه ...طلال شافه مستغرب من المشهد اللي شافه كله ..
طلال: خالد وشفيك مصدع؟
خالد: طلال أنت شايف اللي شفته؟
طلال: ايه وشفيك؟ خالد؟
خالد واهو يتذكر ............صوره أبيض وأسود ......................
بين البيوت والحواري القديمه ... على هذاك الرصيف القديم .... ألوان الصوره أبيض وأسود ... كانت البيوت من طين .. وحجر ... المنظر القديم اللي صوره له ذكريات كثيره عليه
كان لابس الثوب ..والغتره المتواضعه ..مافيه مظاهر هذاك الوقت ... كان يجلس على هذاك الرصيف ... أول وأخر النهار ...يطالع فيها واهي تروح وتجي للمدرسه ...
كانت تعجبه كشكل أساسا أهو كان هذاك الوقت في المتوسط .. تعجبه واهي تروح وتجي للمدرسه ومنها مع اخته ...تذكر يوم يوديها معاه ..ويوم يطلعها مع أخته ..اهي طفله صغره عمرها مابين السبعه والثمان سنين .. (مسك راسه بقوه أكثر ..لالامستحيل يكون الحلم القديم قدامي مستحيل)
كان خالد الجالس على الرصيف ... يشوف بنت جارهم وأهي تروح وتجي على بيتها وللمدرسه مع غلا ... كان بس اذا عرف ان هذا وقت رجعتها من المدرسه ..جلس بنفس المكان ولاحظ كل حركاتها وكلامها ... ونفس الشي قبل لاتطلع من المدرسه .. لازم يقوم أول النهار عشان يشوفها ....
مرت أيامهم مراهق واهي طفله أيام حلوه بريئه مافيه أسرع منها ..دخلت البنت للمتوسط وصار تتغطى لما تطلع ..لكن يعرفها من بد كل البنات يدري وين المكان اللي تمشي فيه واللي تروح وتجي فيه ..يعرف أدق التفاصيل عنها ... في مره من المرات شافها تطلع من باب المدرسه وغلا كانت غايبه هذاك اليوم .. يعني بتطلع بلحالها ...
شافها طالعه وماشيه للبيت لأان بيتهم قريب حده من المدرسه ... انتبه لواحد من الشباب يحاول يشيل لها عبايتها ...ويتحرش فيها.
خالد بس شاف المنظر اللي قدامه تخيل اللي بيصير راح مسرع مثله مثل أي عربي أصيل حرقت اعصابه الغيره ... وخر الولد من عندها وامسكه ضرب الين ماتجمعو الناس وفكوهم ... كل أهل الحي عرفو بالسالفه .... وانتشر الخبر بين كل جيرانهم .. ان بنت راشد كانت تحارش من واحد من عيال الجيران وماحد فكها غير خالد ولد سلطان ...
طبعا خالد ماكانت نيته أن الخبر ينتشر بها الشكل أو مجرد ماشافها مارضا لنفسه انه يكون متكتف ... ضرب الولد وخلى البنت تروح لبيتهم .. ولاعلم أهلها بشي وسكت لكن الخبر مااسرع ماينتشر ....
كان لنشرة هالخبر ... فايده ماحسب لها خالد ...صار خالد من أقرب المقربين لراشد أبوها ... كان يحب خالد ويمتن له كثير ... لدرجة ان خالد صار صديق عائلتهم .... ويدخل ويطلع من بيتهم وكأنه بيته ... قوت علاقته في راشد بشكل قوي .... أما بنت راشد اللي اعجبت بخاالد ... وبشهامته ..ماكانت تحسب له حساب أنه ممكن بتحبه ...لكن خالد هذا مثل أخوها الكبير... تعز خالد كثير ... صحيح ان البنت جميله لكن خالد مايذكرها اللا بجمالها وملامحها الطفوليه ..ونظرات عيونها فقط مايعرفها واهي كبيره ...كانت اذا احتاجت شي للبيت ..... ول طلبت منها أمها شي وأبوها مب موجود ...تروح لسطح البيت .... وتصفر بصوت عالي يسمعها خالد على طول يروح يشوف وش يبون يسويه ...(ونفس الحركه اللي شافها بعد مرور أكثر من العشر سنين ).
المهم ..مرت الأيام والسنين ... تطورت البلد أبوعبدالله مستحيل رح يبقى بها البيت اللي صار قديم بعدماكان من أحسن بيوت الرياض ... اشترى بيته الكبير اللي يبعد عن بيتهم القديم بأميال ...ونقلو لبيتهم الجديد ...وطبعا هذا رح يكون نظام كل جيرانهم اللي ساكنين .. جنبهم ..حتى راشد جارهم والكل رح يغير بيته ...
بعدما نقل أبوعبدالله لبيته الجديد ..وكبر خالد ..وصار يدرس بالجامعه ...كان يزورجارهم القديم في بيته اللي ماغيره بين وقت وثاني في الأعياد والمناسبات ...الى أن سافر يدرس ..وانقطعت علاقته بجارهم تماما والكل ألهته دنياه ....
خالد صحيح مارح ينساه ولااهو لكن حتى رقم جارهم مايعرفه ... ولايدري وين سكن ؟...انقطع فيه تماما ... لكن الجار يعرف خالد من شهرته ...المتسعه في التجاره ...يحاول يوصل له لكن مب قادر ....
نرجع لوضع خالد المشنج ... لامو مصدق نفس صوت التصفير يسمعه مره ثانيه ؟وبعد هالسنين الطويله ؟؟.. معقول يكون جارنا هنا ؟؟ ول بنته ..موجودين معقوله رح تكون نفسها لالامستحيل ايش هالمعجره ؟؟
طلال مستغرب: خالد علمني وشفيك
خالد اللي رجع لأرض الواقع ... طلال حس انه بعالم غير عالمه
طلال عصب: خالد وشفيك؟ تكلم وراك ساكت؟ راسك يوجعك تكلم؟
خالد رفع راسه لفوق مره ثانيه ..لمحها مره ثانيه كانت تبي تشوف تعبيرات وجهه تبي تعرف اذا خالد ذكرها ول لا؟...
خالد شاف منها لمحه واختفت على طول.... نزلت تحت وسكرت الستاره ... مستغربه ... معقوله خالد رح يكون عرفني ؟؟... كبر خالد كبرت ياخالد ...تغير ..رجل الأعمال خالد الكبير أقدر ألفته بصوت تصفير بس؟ ..يامام حلمت وتمنيت أشوفك الحين ....بس انت دريت حسيت انها أنا ...طريقتي جذبتك ول ماحسيت ولانتبهت لي؟....لا بس اهو نزل راسه ورفعه مره ثانيه وشافني .أكيد عرفني ...يمكن طريقتي قديمه ...وبدائيه لكن مستحيل رح أشوف خالد وأسكت لازم يعرفني ... بس ليتك رفعت النظاره على الأقل أشوف شكلك على الطبيعه بدل الجرايد كيف تغير..ممكن يكون الحين متزوج ؟؟ ول أبوعيال؟؟ ..جايز عمره عمر الزواج للشباب ..ماتوقع انك ماتزوجت ياخالد ...كان ودها تنزل وتعلم أبوها ان خالد اللي يتمنون يشوفونه لاابوها ولاامها ولا كل البيت ودهم يقربون لخالد أكثر ...بس حست ان الحركه قويه انها تروح وتقول لأبوها أذا خالد دخل وسال عن أبوي؟ ول أنا مارح أتكلم ....
خالد المصدووم ...صوت تصفيرها رجعت سنييين وسنيين ورا .... تذكر كل شي تذكر ملامحها الجميله ول نظرتها الجريئه على انها كانت صغيره بس كلامها يعطي عمر أكبر من عمرها ..وجرائتها الزايده كانت تعجبه لأنها عكس شخصيته الغامضه تمااااااااااما ...
طلال: شكلك تتوهم ياخالد
خالد: اقول لك نفس البنت نفسها
طلال: ههههههههههه خالد ماخبرتك خبل ول مجنون
خالد: وش مجنون؟ أقول لك البنت نفسها ول ليه تصفرلي أكثر من مره
طلال: اقول امش لانتأخر على الشركه بس
خالد: ياولد الحلال نفس البنت اعرف نظرتها وشكلها نفسه
طلال: اقول تعوذ من الشيطان يمكن هذي ضربت شمس ول شي
خالد يتنهد: اعوذ بالله ..طلال لاتمشي أبدخل لبيتهم ابسلم على خالي راشد
طلال بضحك : وش خالك راشد خالد تكفى لانتأخر
خالد: خلني أسلم عليه
طلال: خلوود لو بتدخل البيت يطلع الرجال ثاني؟ ول يمكن هذيك شغالتهم مب بينتهم؟ مين البنت اللي بتطلع تصفر لواحد بالشارع ؟ اللا ان كانت شغااله ... اذا تبي تفشل تفسك ادخل واسأل
خالد: .........
طلال: يمكن لأان الشي قديم تمسكت فيه ...وأبسط شي صار يذكرك فيه
خالد:........
طلال يشوفه وفيه الضحكه : ياخي ورا شكلك كذا كنك مصنم أمشي؟
خالد حط يده على راسه: امش يالله
طلال يضحك ويعلق على شكله : علييك شكل ماأدري وش تبي ودك تحب أحد ومنتب قادر
خالد: انت اسكت احسن لك لاتخليني أسوي فيك جريمه
طلال يضحك: لها الدرجه الشمس تسوي بالواحد كذا؟ يالله متى يصفر لي أحد وأحب مثلك؟
خالد: ليه ومن متى وانا أتكلم لك عن هالمواضيع التافهه ماحب احد ماعرفها بالاساس
طلال: اللهم لك الحمد
خالد: ماحب البنت تلقاها الحين أم عيال أنا اقصد خالي راشد بس أبي اسلم عليه
طلال: والله ؟ يحليلك ياخالد صلت رحم ماشالله عليك ...انا وانا طلال يالله ترد على مكالماتي تبي تشبك مع أبوها لاومسوي لي انها مااعجبتك
خالد: طلال ممكن تنطم ؟
طلال يقلد طريقة خالد الهااديه: ياطلال نفس العيون ونفس الشكل نفس البنت قدامي ياطلال
(بعدها مات عليه ضحك )ههههههههههههههه يحليلك ياخالد والله انك نكته
خالد تذكر شكله وضحك في نفسه ..سكت طلال .. وكمل يبي يستوعب اللي شافه من شوي ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::
<<<<<<<<<بيت ابوعبدالله
محمد: اللا تركي بيجي اليوم؟
غلا: لامااتوقع عبدالله اظنه بيجي تركي ماقال لي
ابوعبدالله: غلا جيبي لي صينية الفاكهه
غلا: ان شالله
ام محمد: حطي الناضجه مب أي فاكهه
غلا: طيب
ابوعبدلله: ابوديكم اليوم لمزرعة بونايف
محمد: يمدحونها نايف ضبطها قبل مايروح
ابوعبدالله: ماشالله خيرها وفير وكبيره مزرعتهم (يفكر) ايه بس مااقول اللا الله يشافيك يابونايف
محمد: ان شالله
ريناد واهي مقبله على الصاله ....
ريناد: يمه وين الزيت حق الشعر ؟
محمد واهو يطالع فيها واهو يمزح: اللا يمه وذي متى بنزوجها ونفتك منها
ام محمد: عاد ان راحت أخر العنقود منين ينور البيت؟
محمد: افا ومحمد وين راح؟
ريناد انحرجت منه وانقهرت وتبي تغير السالفه : يمه ماقلتي لي وين الزيت؟
ام محمد:في المخزن على الرفوف
ريناد: ايه ايه خلاص عرفت
محمد: يمه ابزوج ريناد
ام محمد: والله انك فاضي
محمد: اللا فيه واحد يبي يناسبني ..قال ابي انا سبك يامحمد وموافق على أي وحده من خواتي أبعطيه ريناد تصلح له كذا على نياتها ..وطيبه وحليوه ولايقه عليه
ام محمد: ههههههههههه صدق ماعندك سالفه
ابوعبدالله اللي كان متمدد على الكنب وماخذ له غفوه ... يسمع شوي من كلامهم وشوي تاخذه النومه ... قام على صوت الجرس
محمد: مين اللي جاينا هالوقت؟
ام محمد: مدري غريبه
محمد: مابقى شي ويأذن العصر غريبه
ام محمد: رح شوف
غلا : يبه هذي الفاكهه
ابوعبدالله: ........
ام محمد: نام شكله
غلا: اوديها ول تبونها؟
ام محمد بنظرات : اول شي ماعرفتي تحطينها وش هالموز ول هالخوخ المعفن
غلا: معفن؟
ام محمد: والله كان ودي أخذ بس خلاص وخريها عن وجهي
غلا شايله الصينيه : ماقصرتي
ام محمد: الحمدلله ان ابوعبدالله نايم
غلا (ايه لو انه قايم كان علمك قدرك ):........
ام محمد تكلم نفسها وبصوت مرتفع ومتقصده ان غلا تسمع: بنت الجوهره تاخذ ولد اختي على أخر عمري
غلا كانت بطريقها للمطبخ وسمعتها لفت على طول: ليه وش فيها بنت الجوهره؟
ام محمد: حسني أخلاقك
غلا: اخلاقي ماله داعي أحسنها الحمدلله متربيه
ام محمد: امحق متربيه ترفع صوتها
غلا سفهتها ومشت درت أنها ودها تتكلم وماصدقت محمد يطلع من الصاله
فتح الباب ودخله داخل الصاله
كان الوليد ولد خالتهم
محمد: غريبه جاي بلحالك
الوليد: مدري عديت عند بيتكم قلت خلني أنزل
محمد: ياهلافيك
الوليد: وش غداكم اليوم تراني جاايع
محمد: والله اكثر ماكثر الله المطاعم ..
الوليد يتمصلح: لابس ابي الجريش حق خالتي أم محمد حلو طعمه
ام محمد: ابشر على غدانا اليوم ولو مب غدانا سويت لك
محمد: مالت على وجهك وليدوه لو انه أنا كان زلبتبي
الوليد: عاد مو مشكلتي اذا خالتي تحبني وكل مااشتهيت أكلها سوت لي
ام محمد: ههههههههههههههههه
محمد: قاط وجهك مرره اليوم
الوليد: بيتي الثاني
ام محمد: ههههههههههههه
غلا وتوها داخله للصاله
غلا: السلام عليكم
ام محمد مبتسمه (تمثييييييييييييييييل): وعليكم السلام
غلا: اهلين الوليد شلونك؟
الوليد: الحمدلله ...امي تسلم عليك
غلا: الله يسلمك وياها
محمد: الا ماعلمتني وشخبار أبوك؟
الوليد: هذيني توني جا من عنده تعبان الله يعينه نايف يقول انه بينقله لألمانيا بس مدري
ام محمد: الله يشافيه
الوليد: الدكتور يوم اني سألته قال مستحيل رح يطلع الحين ..حتى حالته قامت تتطور أكثر ...
محمد: ونايف مايدري عن شي؟
الوليد: نايف حتى الفشل مايدري عنه
ام محمد تأثرت: الله يكون بعونكم معاه
الوليد: امين
ريناد وتوها دخلت ووقفت بمكانها متفاجأه وجود الوليد
وقفت عند الباب ماعرفت تتحرك
الوليد: هلاااااااااااااواللللله
ريناد: متى جيت؟
الوليد: من شوي
ريناد استحت منه ودخلت تسوي نفسها طبيعيه
الوليد: وش حاطه على شعرك كنك سريلنكيه
ريناد: زيت
الوليد: ووع ريحته خاايسه وخري عنني
ريناد: يمه منك مابي
الوليد: حق الشغالات ليه تحطينه
وقام يبالغ سد خشمه بالكاب اللي كان على راسه والمشكله ان الزيت ماله ريحه
ريناد: يمه شوفيه ..مافيه شي شعري
الوليد: لالاشكله شين مرره كنك هنديه وريحتك ريحة سيلاانيه
ريناد عصبت: يمه شوفيه
محمد: تعجبني الوليد كمل
الوليد: خخخخخخخ
غلا تدافع: اصلن يالكذاب مافيه ريحه
ريناد: ايه مافيه ريحه
الوليد: ماتشمينها ياغلا انتي بعيده
ريناد: لالامتأكده ان مافيه ريحه وأذا تروشت بيطلع شعري احلا من شعرك
الوليد: يامسكينه
ريناد: اللا اجل من زين هالسبايكي اللي حاطه كنك أندونيسي
الوليد: اندنيسي ياحظي فيه أحلى منهم ؟ مشكوره رنووده
ريناد: وووع ول هالجينز النازل الوسيع مايناسبك ترا
الوليد : عاد انا الحين طلبت رايك ماطلبته
الوليد: اقول روحي غسليه ولا لاتجلسن جنبي لأن ريحة الزيت أكرهها
ريناد عصب وجت بتقوم
غلا بضحك: لالارنوود اقهريه يبي ينرفزك بس
الوليد: ههههههههههههههه
ريناد انقهرت : ايه وتعال بعدين اتصل وقول ياريناد انا اسف
الوليد: من قال اني ابخسر؟ مارح أتصل
ريناد: هييين يالوليد سهله أانا اردها لك
الوليد: حمستيني أبي اعرف وش بتسويين
ريناد انقهرت واخذت الريموت تطالع بالتلفزيون
<<<<<<<<في الاستراحه جنب شجرة الليمون على وقت متأخر
فيصل: علمني مافيها شي
محمد: فيصل ...انا ادري انك عالي وعزيز نفس ..والله والله يافيصل اني تمنيتك لأختي وودي زوجتك اياها من زمان ..صدقني مانيب راضي باللي يصير .. انت الله يوفقك ان شالله ..بس ساره على انها باعتك وتصرفها لاانا ولاربك راضين عنه
فيصل: .......ساره راحت بطريق وانا بطريق ثاني مجبور انساها يامحمد..............................
محمد: فيصل ساره ماتستاهلك ماتستاهل قلبك صدقني اقول لك اياها اختي واهي اختي ماتستاهلك
فيصل: لاتقول هالكلام ساره مثل اختي وانا مانيب بشايل شي هذا موضوع قديم وانتهي
محمد: تدري يافيصل ساره لازم أطلقها من سعد
فيصل: تطلق؟
محمد: ايه فيصل ماتكمل مع سعد مستحيل
فيصل عقد حواجبه : وليه صاير شي؟
محمد: شوف سعد وانت عارفه
فيصل: سفرات وداج وماعنده في احد لعااب درجه أولى
محمد: حلو انك عرفت ...فيصل اختي تعاني منه كثيير كثيير يافيصل وانا كل ماشفتها انجرح احس اني انا الغلطان وأنا المسؤول ..ماعاد ادري وش السواة معه اهو لازم مطلقها ولااعيشها مع سعد بقية عمرها بس
فيصل يفكر: يعني مافيه امل تكمل معاه
(فيصل من الذوق والأخلاق اللي عنده مافكر يسأل ويتدخل ويقول ليه او وش سوا لأن سعد بلحاله معروف بحركاته ... فهم كل اللي بقلب محمد كيف بيجبر سعد يطلقها واهو زوجها ؟؟)
محمد : انا مستحيل أخليها مع هالرجال لو على رقبتي بس ماتقعد على ذمته
فيصل كان يفكر ...وبعدين ابتسم له : محمد خلها علي وانا اخوك
محمد: عليك؟؟
فيصل: انا احلها لك يامحمد
محمد: ووش بتسوي
فيصل: اعتمد بعدين بتعرف كلشي وبتشوف ورقة الطلاق بين يديك بس انت ولايهمك
محمد مستغرب: فيصل وش في بالك
فيصل: خلك واثق ليه منتب واثق فيني؟
محمد: افاا عليك بس انت ماعلمتني وش يدور براسك
فيصل: قلت لك ان شالله ابقدر بس انت لاتهتم وخلها علي
محمد: فيصل الله يريح بالك بس ماعلمتني
فيصل: ان شالله بيصير اللي يرضيك وان طلقها سعد اشرط عليك هالشرط الوحيد
محمد: ؟؟؟؟؟ أمر
فيصل: مماابي ساره تدري اني تدخلت بالموضوع يكون طلقها سعد وبس
محمد: ليه
فيصل: تسويه ؟ ول لا؟
محمد: ابشر يافيصل
فيصل: مايهون علي اشوف ساره منذله مهزومه وأنا ساكت بس ان شالله رح تتطلق ساره منه ..لكن مابيها تدري وهذا للي يهمني
محمد: خلاص اللي يريحك
فيصل:الله يعافيك مشكور
محمد: الله يعافيك انت
.................................................. .................................................. ........................................
<<<<<<<<بيت ابونايف
....................................كان منصور نايم على الكنب وام نايف تطالع تلفزيون وجلوي طالع من البيت والوليد فاتح النت
الوليد ينادي: مشاعل تعالي
مشاعل: وشو؟
الوليد: ابوريك شي بالنت بسررعه
مشاعل: اصبر قاعده اكلم امي...هاه يمه وش قلتي
ام نايف: لاتروحين لهم اليوم
مشاعل: يمه تكفين
ام نايف: لالاوش يوديك ابوهم واخوانها موجودين
مشاعل: يمه تكفين
ام نايف: انا قلت لك لا خلاص
الوليد: اقول مشاعل بسرعه
مشاعل جايه عنده : وشتبي؟
الوليد: هههههههههههه مايمديك علي يامشااعل
مشاعل: ليه ؟
الوليد: دخلت على ماسنجر نايف
مشاعل: احلف
الوليد: والله شوفي كل شوي يطلع لي واحد
مشاعل: حرام عليك
الوليد: والله عمي موسع صدره هناك خليني اوسع صدري انا وش علي
مشاعل: طيب مين متصل الحين؟
الوليد: مافيه غير تركي أخومحمد وغلا وايميل ثاني مدري حق مين
فجأه
الغـــــــــــــــــــــــــــــــلا
اهلييين نايف
الوليد: ههههههههههههههههههههههه مشاعل أكلمها؟
مشاعل: مين هذي؟
الوليد: مدري عنه
مشاعل: لاحرام
الوليد: بطقاق
رد النــــــــــــــــــــــــــــــــــــــــــظر
هلاوالله
الغـــــــــــــــــــــــــــــــــــــــــــــلا
شخبارك ؟
رد النــــــــــــــــــــــــــــــــــــــــظر
بخير وانت؟
الغـــــــــــــــــــــــــــــــــــــــــــــــ لا
الحمدلله ...كيف زوجتك
الوليد: بعد شين وقوة عين وشلون زوجتك اقطع ابو الميانه
مشاعل: حرام عليك قل لها انك مب نايف
رد النــــــــــــــــــــــــــــــــــــــــــــــظ ر
أنا مب نايف
الغـــــــــــــــــــــــــــــــــــــــــــــــ ــــــلا
أجل مين؟
رد النـــــــــــــــــــــــــــــــــــــــــــظر
أنا اخوه
الغـــــــــــــــــــــــــــــــــــــــــــــــ ــلا
اها اسفه على الازعاج
رد النــــــــــــــــــــــــــــــــــــــــــــــظ ر
مافيها ازعاج بس قوليلي انتي مين؟
الغـــــــــــــــــــــــــــــــــــــــــــــــ لا
ليه ماله داعي
رد النــــــــــــــــــــــــــــــــــــــــظر
عشان اقول لنايف
الغـــــــــــــــــــــــــــــــــــــــــــــــ ـلا
قل له الجوهره
الوليد: الاسم ماتلاحظين
مشاعل: يحليلها بريئه لاتقول لنايف شي
الوليد: لالامارح اقول شي
مشاعل: دردش معها
الوليد: اخاف يذبحني نايف عاد كلشي عنده ولاالخصوصيات على قولته
مشاعل: ايه والله سكره
رد النـــــــــــــــــــــــــــــــــــــــــــــــ ظر
يالله ابسكره لايذبحني الحين
الغـــــــــــــــــــــــــــــــــــــــــــــــ ـــــــــلا
اوكي باي
رد النـــــــــــــــــــــــــــــــــــــــــــــــ ـــــظر
سلام
الوليد: ابضيف بنات وش معنى نايف؟
مشاعل: تلقاها من المعجبات بقصايده ماعليك منه
الوليد: وياسلاام أبسرق من عنده واجمع معجبات
مشاعل: من زين هالسبعة ايميلات اللي عندك كنها فاضيه الحين؟
الوليد بضحك: اللا تولد بنات ايميلاتي
مشاعل: هههههههههههههههههههه
جلوي توه داخل: السلام عليكم
الكل: وعليكم السلام
جلوي: يمه ...توني جاي من عند أبوي من المستشفى
ام نايف: عساه أحسن؟
جلوي: اكذب ان قلت ايه
ام نايف تنهدت وسكتت
مشاعل والوليد تركو الجهاز وراحو للصاله
جلوي: يمه رايي من راي نايف خلينا نرسله برا
ام نايف: يعالج هناك؟
جلوي: احسن له من هالمستشفيات اللي هنا مايدرون وش السالفه
ام نايف: مدري ياجلوي
جلوي: يمه داريه عندهم مثل المدينه الطبيه اطباء متخصصين ودارسين صح ... حاطين ابوي على جنب وهالغسيل اليومي وبس؟ هذي حياة ول عيشه ؟ يمه لازم نسوي شي ابونا
ام نايف: والله لو بيدي شي سويته
جلوي: خليني أرسله باسرع وقت هناك عند نايف نشوف يمكن يصير عندهم علاج شي غير اللي هنا
ام نايف: والله ياولدي ضايق صدري على أبوكم اكثر ...وودي انه يتعافى بأي طريقه بس السفره برا بتغير ول نفس اللي هنا؟
جلوي: يمه مستحيل معروف ان الطب هناك أحسن خليني أوديه يمه وعلى الله ان شالله يتحسن ع الأقل
ام نايف: ................
مشاعل: يمه صادق جلوي انا رايي معاه ..صدقيني مايسون شي ول نسيتي فارس ولد عبدالله
ام نايف: فارس هذا سرطان الله يكفينا شره مب أي شي ... بس ابوكم غير
مشاعل: مو يعني مانوديه ابوي لازم يسافر يشوف صادق جلوي
ام نايف سكتت تفكربكلامهم
جلوي: يمه أفكر احجز على أقرب طياره؟؟؟؟؟؟؟؟
ام نايف بحزن: وتروح انت وابوك؟
جلوي: ودعواتك معنا
ام نايف سكتت :.......................
جلوي: هاه وش قلتي يمه ؟
ام نايف : اللي تشوفه
جلوي: انتي متحمسه ؟ ول ماودك ؟
ام نايف: اذا بيفيد ابوكم اقول ياليت
جلوي: ابكلم نايف وأودي أبوي
مشاعل: بتعلمه عن الفشل ؟ خل نايف يكمل دراسته قبل
جلوي: لامارح أعلمه اللا ان وصلنا هناك..
ام نايف بتفكير: انت تروح وابونايف ونايف من بيقبى بالبيت
جلوي: وش دعوه يمه وان صار شي رجعت انا وخليت أبوي عند نايف هناك
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::
<<<<<<<<<<بيت ام فيصل
ام فيصل خطبت(مها) بنت عمت فيصل لفيصل وطبعا مها عارفه كلشي عن فيصل وانه كان يحب ساره وكل قصته عارفتها كويس ..فهمتها ام فيصل كلشي ...مها طبعا عاهدت نفسها انها تعوضه بكلش ... خطبها فيصل واتفق مع أبوها انه يخليها خطبه ... وبعدين بيملك ...
ام فيصل: ولدي يافيصل أبيك توديني لبيت خالتك
فيصل: الحين؟
ام فيصل: مشغول؟
فيصل: عندي مبارات
ام فيصل عصبت اكثر شي يقهرها المباريات: يعني ؟؟
فيصل: ههههههههههه لالارح اوديك والله
ام فيصل: بسرعه لاأفصل فيش التلفزيون الحين
فيصل: لالاكلش ولاام فيصل تعصب
ام فيصل: ايه استعجل
فيصل: ان شااااااااااااااااااالله
.................................................. .................................................. ...........
بالسياره
فيصل: يمه عندهم أحد ؟ ول انزل أسلم؟
ام فيصل: عندهم ول ماعندهم انت الحين من أهل البيت تعتبر
فيصل مبتسم: والله اشوفك فرحانه
ام فيصل: ماتدري وش كثر انتظرت هالايام
فيصل: يمه وابومها موجود؟
ام فيصل: مااتوقع
فيصل: يووه خساره كان ودي اشوفه اليوم
ام فيصل: وقبل لاانسى جيب معاك خبز وزبادي للبيت
فيصل: ان شالله
ام فيصل: وين بتروح انت؟
فيصل: ابروح للتحليه ابشوف المباراة هناك
وصلها ونزلت ..دخل معها بيسلم على عمته (بدريه
بدريه وام فيصل جلسو لهم ساعه يسلمون على بعض واهو يبي يخلص عشان يطلع
ام فيصل: وشلونكم ووشخباركم؟
بدريه: ابد الحمدلله بشرينا عنكم
ام فيصل: والله الحمدلله
بدريه: فيصل ادخل ماعندك احد
فيصل : هلاعمتي هلا
بدريه: اهليين فيصل شخبارك
فيصل: بخير الله يسلمك انتم وشلونكم ووش مسوين؟
بدريه: الحمدلله
فيصل: وشلون عمي عساه بخير؟
بدريه: الحمدلله
فيصل: الحمدلله .
ام فيصل: وشلون مها عساها بخير؟
بدريه: الحمدلله هذيهي تحضر للماجستير
ام فيصل: ماشالله
بدريه: والله مشغله نفسها اقول لها يابنتي لاتتعبين نفسك خلاص تضغط على حالها
ام فيصل: ماشالله الله يوفقها
فيصل: من بقى لها الحين ؟
بدريه: مابقى لها كثير بالشهور وتخلص
فيصل: ماااااشاالله
بدريه: وانت وشلونك مع الشغل؟
فيصل: ابد الحمدلله ماشي الحال
بدريه: قهوه ماشربتها ؟
فيصل: لاوالله ابطلع ياعمتي عندي مشوار
بدريه: مشوار؟ لالااقعد كمل فنجالك
فيصل: مستعجل والله
بدريه: فيصل لاتخليني أحلف كمل فنجالك انت مانشوفك اللا بالسنه حسنه
فيصل جلس بمكانه: وشدعوه ياعمتي
بدريه: ايه تراني شارهه عليك وانا عمتك ماتنشاااف
فيصل: افااا ياذا العلم عمتي تزعل ؟لاولايهمك اخليك تملين منني
بدريه: اجل اجلس الحين وخلص فنجالك كله
فيصل: تامريني كم عمه عندي انا
طبعا مها من بعيد كانت تسمع كل اللي يدور بينهم ....لأن غرفتها قريبه من عندهم ...
اعجبت بطريقة كلامه معهم حسته هاادي وبسيط ..على انه تحسبه من قبل مغروور وشايف حاله لأن علاقته بعمته مب قوويه مرره...لكن ارتاحت لأسلوبه
.................................................. .................................................. ........................................
في الكوووفي
نواف: هلا فيصل وينك فاتك قولين
فيصل داخل ومستعجل وبتحمـــــــــس : امانه سجلو؟
نواف: فاتك
فيصل: ون كوفي بليز
نواف: وينك صدق تأخرت
فيصل: رحت أبوصل أمي لبيت عمتي
نواف: طولت مره
فيصل: تعرف كمل وقهوه وأخذني الوقت
نواف: تدري مين شفت ؟
فيصل: مين؟
نواف: سعد
فيصل: بالله عليك؟
نواف: ايه
فيصل: وينه؟
نواف: الشله اللي على اليمين
فيصل واهو يدقق بين جموع الشباب اللي يسولفون ويضحكون بصوت عااالي !! هذا غير الشيشه اللي مخليه جوهم يكتم
نواف: وش تفكر فيه ؟
شوي وسمع صوت سعد يسلم عليهم وراح بيركب سيارته ....سعد كان يكلم واحد من ربعه
سعد: هلا والله ....ايه ..لالاوالله تعبان اليوم ...خلها وقت ثاني ....توني طالع من الكوفي ... ابروح اريح بالبيت ....أشوفك بكره ......باي
فيصل شافها فرصه لاتعووض انه يصيده
نواف: فيصل لايكون اللي ببالي
فيصل: ايه
نواف: خلها بكره مب اليوم
فيصل: ظنك؟
نواف: ايه بكره الصبح أحسن
فيصل: أخاف يصرف مثل عادته ماصدقت ألقاه
نواف بعد تفكير: خلاص اجل رح والله يوفقك
فيصل: انا اوريه
.................................................. .................................................. .......................................
لحقه بالسياره الين ماشافه يدخل البيت .. جلس بالسياره له فتره ودق جرس بيتهم
سعد يشوف الساعه: يمه مين بيجينا على الساعه ثمانيه ونص ؟
ام سعد: مدري؟
سعد: اروح أشوف
فتح الباب وتفاجأ بفيصل (طبعا كانت بينهم علاقه قديمه لكنت انقطعت ..)
سعد طبعا عرف ليه فيصل جاي لبيته ... وتذكر ساره على طول ..
سعد: السلام
فيصل: مابيني وبينك سلام
سعد: عسى ماشر؟
فيصل: مب جاي أسلم ول انتظر منك تقلطني ببيتك ...
سعد:..........
فيصل: طلق البنت تطلق بنت خالتي يعني تطلقها
سعد: مانيب مطلقها وش بتسوي ؟
فيصل: اما تطلقها ول احووسك حوس وأجرجرك مع الدوريات والشرطه ياسعد
سعد: وخير ؟
فيصل: ماسك لك بالمسكه القديمه ياسعد اما انت تطلقها ول أفضحك ...عندي كل الأشرطه الفيديو حقتك ..وتسجيل الأصوات وأعرف مخابئ المخدرات اللي تبعك ..واقدر أفضحك ..
سعد انصدم ...حس بدمه كله تجمع بعروقه ووقف خااااااايف وسكت ماعرف يتكلم ونزل راسه
فيصل: ساره اعلى منك مب أنت اللي ياخذ ساره ومشكلتك انك ماعرفت ساره ولاعرفت قيمتها وانا اللي ابقدر أعلمك قدرك وشو
فيصل: وشفيك ساكت ؟ ماحب اللي قدامي يكون ساكت وينه سعد؟؟ اللي اعرفه ؟؟
فيصل: خيرتك ياسعد اما السجوون ول الطلاق ...وتفك البنت يعني تفكها وتتركها
سعد:..............
فيصل تكتف : الأشرطه والأدلات اللي مصورك فيها وانت توريني مكان الجريمه عندي ..وأقدر بدقيقه أجمع الدوريات حول بيتك وأفضحك عند الله وخلقه ... واذا مقدر نفسك ومعطيها قيمه طلق ساره ومابيصير شي
سعد: لالاخلاص ماله داعي
فيصل: يعني؟
سعد وعلامات الخوف على وجهه : اطلق ساره
فيصل: بكره على المغرب ورقة الطلاق توصل محمد ول ابشر بعزك يااااااسعد
سعد: ورقة الطلاق وكل اللي تبيه بيوصلهم بس انت ماتفضح بسالفة المخدرات وغيرها
فيصل: انا قلت لك ان ماتركت البنت وأرسلت الورقه بكره المغرب ..أنسى انك تكون بخيرلأن كل الأدله عندي الحين
سعد: لاخلاص ورقتها واصلتها بس وعدتني ماتعلم
فيصل: وعدت وانا عند وعدي ...اانتظر الخبر بكره ...مع السلامه
سعد: مع السلامه
سكر الباب ودخل لبيتهم مكتئب ...الحين حريته بيد فيصل ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
بيت أبو نايف
ام نايف: يعني خلاص اليوم رحلتك
جلوي: ماصدقت المستشفى وافقو وغير كذا الحجز يالله طلع
منصور: ونايف علمته
جلوي: قلت له أبجي هناك عشان أبوي علمته ايه
ام نايف: انتبه على ابوك ياجلوي أي شي يصير علمنا فيه
جلوي: ابشري يمه
الوليد: ولاتنسانا بالبدل ترا يمدحون ماركاتهم
جلوي: وانت هذا اللي هامك؟
الوليد: ههههههههه امزح معاك يمه بغا ياكلني
منصور: محمد بيروح للاستراحه اليوم ول اخليه؟
الوليد: لامااتوقع يقول مانام أمس اللا على الفجر
منصور: المهم مشاعل ول امي ول أي احد ابروح أنام وان اذن المغرب صحوني
ام نايف: تقوم بسرعه مب تطفشني مثل كل مره
منصور: ان شالله ابنام في المجلس
جلوي: يمه ابي كل الأوراق حقت أبوي وينها؟
ام نايف: اخبرها في الدرج الأخير حق التسريحه بس مدري عن نايف يمكن عنده شي
جلوي: لااللي عند نايف أخذتها
ام نايف: خلاص اروح أدور في الغرفه تعال معي
راحت ولحقها
مشاعل : الوليد رح اشتر لي من القاله تكفى
الوليد يطالع التلفزيون: لامافيه
مشاعل: الوليد يابايخ انا لو انك قلت لي ماعييت
الوليد: انتي مشاعل انا الوليد
مشاعل: وليد بلامصاله وبسرعه روح
الوليد: انا قلت لك لأ
مشاعل: ترا والله بكره مافيه فلوس وتعال تشحذني بثلاثين ول بخمسين
الوليد: لاتحلفين مشاعل ناوي أخفف اليوم
مشاعل: لاتجربني أحلف
الوليد: خلاص خلاص اروح بس انتي وش تبين
مشاعل: ببسي
الوليد: بس؟
مشاعل: ايه
الوليد: وبتطلعيني اروح على رجلي عشان ببسي استحي على وجهك
مشاعل تبي تقلبها عليه: لاتخليني أحلف
الوليد: لالااروح لو انها على علك
................................بعد ثلث ساعه
جا موعد سفر جلوي .. وسلم على امه وجا بيطلع
جلوي: خلاص اجل يمه اشوفكم على خير
ام نايف: انتبه لأبوك ماوصيك
جلوي: لاتوصين
ام نايف: ماقلت لي متى بترجع
جلوي: وقت الأشعه والتحاليل يمكن أخذ لي بالاسبوع او خمس أيام مارح أطول
ام نايف: انشوفكم بالسلامه
جلوي: وهذي فلوس توني ساحبها من البنك يمه قولي للوليد لايلعب بالفلوس لعب مثل كل مره
مشاعل: خله علي انا
جلوي يحب راس امه ويدها: يالله اجل فمان الله
ام نايف ومشاعل: مع السلامه
توه طلع ودخل لها الوليد مره ثانيه
مشاعل تطالعه باستغراب: وين االلي وصيتك؟
الوليد: مالقيت
مشاعل: اكذب في كلشي اللا هذي وشلون مالقيت ببسي؟
الوليد: مالقيت بقاله مفتوحه كلهم مسكرين أذن وانا في الطريق
مشاعل: اجل اعطني فلوسي
الوليد مد لها عشره
مشاعل: عشره يالنصااب معطيتك عشرين
الوليد: بجج خلصت
مشاعل: وينها؟
الوليد: اعطيتها شحاذه بالشارع
مشاعل: كذاااب
الوليد: احسن لاتصدقين
ام نايف: اقول الوليد رح وصل لايفوتك الصف الأول
الوليد: ان شالله يمه
مشاعل مطيره عيونها: منصوووووووووووووووووور ماقومته يصلي
الوليد: خخخخخخخخخ ابروح أتوضا على بال ماتقوميه
مشاعل كانت ناويه تطلع مع صديقتها بعد الصلاة دخلت على منصور اللي مستحيل بيقوم ... نومه مره ثقيل ...جا على بالها انها تتبع معاه طريقه ثانيه مختلفه عن قبل
مشاعل دخلت وبخت العطر وحطت الروج الأحمر وفكت شعرها وكشخت عشان يقوم بسرعه
رحت جهته ... وقامت تدلعه عشان هذي نقظة ضعفه
مشاعل: منصوور!! منصور حبيبي قووم يالله يكفي نووم .....حبيبي أذن المغرب لاتتأخر ..يكفي ..منصووووووور وش هالنوم اليوم ؟ حبيبي قووم والله يكفي ...
نايم ماتكلم ... (شكلك غارق في أحلامك الورديه منصورووه أنا اوريك وانا مشاعل )
دخلت يدها داخل المفرش وحركت له شعره
:منصوور قلبي قوووم يكفي نوم .. حبيبي عشاااني بس عشااني قوم منصووور
(كانت تتمنى انه تشوف شكله لما تصحيه بالطريقه الجديده بس طول لها الحين ربع ساعه ماتكلم )
مشاعل: منصوووور حبيبي أذن المغرب لاتتأخر عن الصلاة منصوور حـــــ....بــ....يــ...بـــــ........ـــي
جمدت بمكااانها مو مستوعبه شي ... تلعثمت بالأخير لأنها عجزت لاتستوعب ...
.............فتح المفرش: والله أنا مب منصووووووووووووووووووووور والله انا محمد
مشاعل طاايره عيونها وراحت جري براا المجلس ....
.كان محمد ولد خالتها اللي نايم ولاتدري انه ببيتهم الحين ...
مشاعل من الروعه وقفت بمكانها لها مده وبعدين راحت جري ... وقامت تبكي من الفشيله ..أنا مالقيت أسوي نفسي أدلع اللا اليوم ...ياربييييه !! وش بيقول عنني الحين ؟؟ دخلت يدي وحركت شعره وحبيبي ومدري ايش .... والله اني خبله بعد ماحطيت حساب لشي وعلى طول كشخت وغير الميك أب والروج الأحمر الله يفشلني بس عسى مايقول محمد لمنصور ول نايف أروح وطي انا
اما محمد ...أللي استغرب واستحى أول شي بس بعدين استااااااااااااااااااااااااااااانس .... من قده أحد يقومه بها الدلع ..على انه كان صاحي بس يسوي روحه نايم (عاجبته الحركه ) ... استغرب انها مافهمت بالأول لكن توقع انها ماتدري انه موجود ببيتهم ...(يلعن ابليسك يامنصور أجل انت كل يوم تقوم من النوم كذا؟؟ وانا اتكفخ واتهاوش عشان أقوم ...يالله يالدلع ..ذووق ماشالله انا ورا مااعلم ريناد ..وساره وغلا يتعلمون يدلعونني شوي ) ضحك في نفسه ... وراح يصلي
مشاعل قابلت منصور بالطريق
منصور: مشاعل عاجبك كذا تأخرت ليه ماقومتيني؟
مشاعل:اووه نسيت وينك نايم فيه؟
منصور: في غرفتي لقيت محمد بالمجلس ماحبيت أفتح عليه اللمبات...عسا رحتي هناك؟
مشاعل: لالامارحت نسيتك اصلن
دخلت غرفتها واهي ترتجف خووف يووه لو يدري منصور الحين ؟؟ بيروحون يصلون مع بعض .... على طول مسكت جوالها وجت بترسل لمحمد مسج
(اهلين محمد آآسفه والله أحسبك منصور ماتوقعت ولو اني داريه كان مادخلت ...بلييز محمد لايدرون أخواني عن شي بليييييز..........مشاعل)
ترددت اذا ترسلها ول لا ....فكرت شوي بعقلانيه ..لالاماينفع مب حلوه أرسل له أحس اني جريئه مره
ابعلم ساره تكلمه
مشاعل: هلا ساره
ساره: هلا
مشاعل: شخبارك
ساره: الحمدلله وانتي؟
مشاعل: الحمدلله ..سوير الحقي علي
ساره: ليه؟
مشاعل: ((طبعا قالت لها كل السالفه ............)))
ساره ماتت عليها ضحك : هههههههههههههههههههههههههههههههههههههههههههههههههه ههههه!!
مشاعل: انا متوتره وانتي تضحكين؟
ساره: والله انك غبيه
مشاعل: ساره تكفين خاايفه كلمي محمد
ساره: ووش أقول له؟
مشاعل: لايدرون اخواني
ساره: وش دخلني انا ؟ لالا مارح أكلمه
مشاعل: ساره بلااستهبال
ساره: انتي مهتمه واجد والموضوع ماايستااهل
مشاعل: وش مايستاهل وانا مسويت له فلم مكسيكي
ساره بضحك: الله والله ودي أشوف شكل محمد الحين تلقينه خاااق
مشاعل: سوووير !! تصرفي ..وكلميه
ساره: مارح يقول لأخوانك وشفيك انتي
مشاعل: معليش قولي له اني ماادري
ساره: فاظيه لك انا الموضوع بايخ صدقيني
مشاعل: ساره
ساره: مالي شغل
مشاعل: تكفين ساره اول مره أترجاك
ساره: مدري عن محمد خلي ريناد ول غلا انا مالي خص
مشاعل: اوكي مشكوره
ساره: باي
مشاعل: باي
.................................................. .................................................. ...
ساره: الو
غلا: هلا ساره
ساره : اهلين كيفك؟
غلا: تمام الحمدلله ... كيفك انتي؟
ساره: بخير الحمدلله ..غلا طالبتك طلبه لاترديني
غلا: امري
ساره: بعد ماعلمتها باللي صار غلا ماتت عيها ضحك
ساره: ياربيه لاتضحكين
غلا: هههههههههههه منتيب بصاحيه
ساره: تكفين غلا الحين تكلمينه وتردين لي خبر واللي يسلمك
غلا: ان شالله ... يحليله محمد أكيد ماوده قام من الحلم
ساره: يالدبه لاتعلقين علي والله اني متفشله
غلا: ههههههههه لالامحمد خليه علي الحين أقول له وأرد لك خبر
ساره: استنااك
غلا: ان شالله سلام
ساره: باي
اتصلت على محمد على طول ..مارد عليها ..دقت مره ثانيه
محمد: هلاغلا
غلا: محمد وينك؟
محمد: عند الباب ابدخل السياره بس ليه تبون شي؟
غلا: لاابي اكلمك بشي
محمد: اوكي ابدخل الحين دقايق بس
غلا: اوك باي
محمد: باي
دخل البيت واهو يغني عشان الحب واللي بيني وبينك ...
غلا واهي طالعه من المطبخ: الله الله وش هالصصوت الزين
محمد: اصلح أغني مع راشد؟
غلا: بتغطي عليه
محمد: وشفيه؟
غلا: محمد علمتني مشاعل باللي صار معها اليوم
محمد مبتسم: طيب؟
غلا: بس تقول لك لاااااااااااااايدرون اخوانها وانها مسكينه ماتدري على بالها منصور
محمد بضحك: لالامارح يدرون اخوانها عن شي وش دعوه داري انها ماتدري بس سعت صدر قايم انا من قبل لاتدخل يوم شفتها تقومني كذا قلت يلعن ابليسك يامنصور دامك كذا تقوم كل يوم ... موسع صدري وساكت
غلا: ههههههههههه حرام عليك مسكينه البنت مستحيه ومتفشله
محمد: لالاشدعوه عادي
غلا: اخوانها مابيدرون عن شي
محمد بخبث: بشرط
غلا: وش الشرط؟
محمد: تزوجووووووووووووووني !! ول ابعلم
غلا: هههههههههههههههه بس خلاص نزوجك
محمد: اااخ اجل كذا يقومون المتزوجين أبي اتزوج مليييت
غلا: من تبي أزوجك اذا احد على بالك
محمد: أي شي المهم انها بنت
غلا: ههههههههههههه الحمدلله والشكر الله لايبلانا
محمد: مملكه حظرتك وش عليك
غلا: عن العين ...والمهم اخوان البنت لايدرون
محمد بابتسامه: انا قلت لكم شرطي
غلا: اوكي أعلمها
محمد: وعلى فكره ترا جلوي راح اليوم بيدري نايف
غلا: امااانه متى طيارتهم؟
محمد: بقى لهم اتوقع ساعه ويوصلون
غلا: اجل نايف بيدري عن ابوه اليوم
محمد: ماوصيك
غلا: افاا عليك لاتوصي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::
نايف جهت ابوه وجلوي بالمستشفى : هلاجلوي
بعد السلام الحاااااااااااااااااااااااااااااااااااااار
جلوي: اهليين نايف شخبارك ؟
نايف: الحمدلله ووشلونك انت وابوي؟
جلوي: ابد الحمدلله
نايف: الله يهداك ماقلت لي انكم وصلتو أجيكم بالمطار
جلوي: لاماله داعي أخذت تاكسي وجيت هنا على طول
نايف: بشر وش قالو بعد التحاليل
جلوي نزل راسه وسكت
نايف عقد حواجبه: جلوي؟ أبـــ...و...ي ي ...فيـــه ش ش ش ...ي ؟
جلوي: فــ...ش..ل ..فشل كلوي
نايف: نعم؟
جلوي: اللي سمعت
نايف: ومن زمان؟
جلوي: مابغيت أعلمك عشان دراستك
نايف واهو يروح لغرفة أبوه ومن غير شعوره : لالامستحيل
نايف: يبه؟
جلوي: توهم مسوين له الغسيل أبونا تعبان يانايف
نايف: يابوي كلمني
جلوي: خله يرتاح نايف
نايف: المفروظ قلتو لي من قبل
جلوي: وان قلنا لك وش بيصير؟
جلوي كان يتكلم بلسان المهزووم اللي فاقد الأمل ومب عارف يتصرف
نايف: فيه شي اسمه تبرع ..فيه مستشفيات مره كويسه أعرفها هنا ..فيه على الأقل دكاتره أعرفهم بالرياض أبوي تاركه تعبان ماتعلمني
جلوي: ودراستك؟
نايف عصب: وش فايدة الدراسه ان كان ابوك بها الحاله وانت تدرس؟
جلوي:...........
نايف طلع بسرعه منفعل وان ضاق صدره عصب ..هذا عيبه .... جلوي حاس بموقفه سااكت مب قادر يتكلم
حس بنفسه وراح يشوف نايف وينه ..شوي الينه دخل لقسم الفحوصات .. والأشعه والتحاليل
سأل النيرسات عنه ..قالو ان نايف دخل يشوف الكلى اذا تطابق حقت أبوه أو لا
جلوي استغرب كيف راح من غير ماحتى يفكر ... جلس على الكرسي اللي قبال أبوه يفكر ..لو ان نتيجة نايف طلعت مب مطابقه لكلية أبوه أكيد نايف بها الحاله بينهاار ..عاد نايف يحب أبوه حب ماحد يعرفه كثر جلوي ...حبه لأبوه ماينوصف ...عنده كلشي اللا أبوووه ..أكثر شخص يبديه على الكل ...
سمع صوت الباب يفتح ..وطلع نايف ...
جلوي تم يطالعه ومب عارف يتكلم ونايف نفس الشي ساكت
جلوي: وش قالو لك؟
نايف: تو الناس مب الحين بتطلع النتيجه
تمو ساكتين كل واحد يفكر بجهه جلسو لهم تقريبا بالنصف ساعه كل واحد يفكر بطريقته ... نايف مكتئب وضااااااااااااااااااااااااااااايق خلقه الدميا كلها ضاقت به من بعد ماسمع هالخبر
أما جلوي ..اللي عارف قد ايش نايف بينهار أن ماتحسن أبوه ..وقد ايش بيأثر الموضوع بكلشي حتى على دراسته وهذا اللي كان خايف منه
نايف بعد هالصمت : جلوي تعال مععي للشقه أكيد انك تعبان الحين
جلوي: اترك أبوي هنا؟
نايف: انا ابجلس عنده وانت رح لشقتي اللي هنا
جلوي يوقف : لا خلني انا عنده وراك دراسه بكره
نايف: لاابو الدراسه ولا اللي جابها دام أبوي مريض
جلوي: نايف الله يهداك خلني أنا عنده
نايف مد له مفاتيح السياره : مستحيل
جلوي: ودراستك
نايف: قلت لك انا ابجلس عند أبوي
جلوي تنهد وطلع
جلس عند أبوه فتره ..شوي ودقت عليه غلا
نايف: هلاغلا
غلا: اهلين نايف
نايف: شلونكم؟
غلا: الحمدلله بشرني عنك نااايف وش هالصووت؟
نايف: .............
غلا: جد نايف صوتك متغير وش فيك؟
نايف: ابوي توه واصل من الرياض
غلا درت أنه توه عارف سوت نفسها ماتدري عشان مايعتب عليها ويقول ليه ماقلتي لي: الحمدلله على سلامته وش مضيق صدرك؟
نايف: تدرين عنده فشل كلوي
غلا: فشل؟ أماااااانه؟
نايف: .............
غلا: لاحبيبي ماتضيق صدرك ...ان شالله يتحسن أو يتعالج اهو مب سرطان عشان مايتعالج أكيد عندهم زراعه عندهم علاجات ..وعليك بالرقيه
نايف: غلا له فتره وانا يانايف أخر من يعلم ..أبوي انا كل الناس يمرضون ويتعبون بس ابوي لا تجيني بلاوي الدنيا بس ابوي يبقى طيب ..
غلا: نايف لاتفاول على نفسك ..اوكي انت ماعرفت متأخر كله عشانك ولمصلحتك تخيل لو علموك بيضيع جهدك كله على الفاضي ... انت الحين كل اللي عليك انك تتقبل الموضوع هذا أول شي ثاني شي الرقيه وهذا اللي تقدر عليه ..وغير كذا الأطباء بيقومون بواجبهم
نايف: سويت تحاليل ادعي انها تكون متطابقه واتبرع له
غلا: ان شالله
نايف: اااااخ بس
غلا: نايف وشفيك حبيبي وسعها لاتتضايق ... نسيت عبدالله أخوي عاد هذاك سرطان خبيث مره وحده ...وأخرتها مات ولده ..شوف كيف المصايب عند غيرك تهون مصيبتك
نايف: ايه وانتي الصادقه
حاولت غلا تاخذه بالسوالف والكلام عشان ينسى ...
نايف وكنه ارتاح شوي: تدرين تعالي ودي أشوفك هنا
غلا: هههههههههههه خالد أخوي يقول انه بيجي عندكم عننده صفقه ومدري ايش مع طلال ابجي معاه
نايف: جد والله !! تعالي
كانو يدرون ان هالشي مارح يصير بس ينكتون مع بعض
غلا: بس البس عبايتي أجيك مالقيت اللا خالد يجي ياخذني اتحداه لاومع مين مع طلال مستحيل بيرضى
نايف: ههههههههههههههههه
غلا: يالله أجل تصبح على خيـــــــــر مااطول عليك
نايف: وانتي من أهله
غلا: وسع صدرك عاد مااوصيك عشااني على الأقل اذا لي خاطر .
نايف: ان شالله الله يوسع عليك بالعافيه غلوو
غلا: ماسويت شي شدعوه باااي
نايف: فمان الله
سكر تلفونه وراح وغير ملابسه بينام وقبل لايغمض عيونه ... سمع صوت نغمة مسج
(حبيبي ...الله يخلي لك خالي وابوك ... ويطول بعمره ويشفيه ... ويكشف مافيه ...انت الحين نام وتطمن وان شالله اللي تبيه رح يصير .. وتتبرع له ..ويكون مثل قبل وأحسن ..حبيبي اهم شي انت لاتضيق صدرك وارتااح ....بااي ....غــلا نايف )
ابتسم وقفل جواله ونام
بيت أبوعبدالله الساعه 8 الصبح
غلا وساره وريناد ماحد نايم كلهم سهرانين ... وخالد نفسهم مب قادر ينام وجالس معاهم بالصاله واهو داايخ
غلا: وليه معذب نفسك رح ونام
خالد يطالع ساعته : باقي لي نصف ساعه وأروح
ساره: الشركه تسوي كل هذا؟
خالد: بيجي الافتتاح ناس كباريه مب أي احد وانا وطلال بنفتتحها تبيني اخف ؟
غلا: ههههههههههه يحليلك خلوود اجل وبتصير مدير الشركه ؟
ريناد: ابي احظر الافتتاح
خالد: لاوشرايك تطلعين بالتلفزيون مب أحسن؟
ساره: مب شينه
خالد: غلا الله لايهينك اكوي لي شماغي خليني أكشخ عندهم
غلا: ان شالله
ساره: خالد حرام عليك رح ارتاح لك لو ربع ساعه نام فيها
خالد بتعب: منب قاادر على اني دااايخ
ريناد: روح تحمم والبس الحين
خالد: المشكله بنطول هناك
ساره: متى بتخلصون؟
خالد: على الساعه 11 الليل
ساره: اووف
خالد: الله يعيني والله اني مدرووخ مرره
ريناد: وطلال راح؟
خالد: طلال متحمس بالشكره اهو الحين
ساره: والصفقه حقتكم؟
خالد: مابقى عليها اللا ايام ابروح أنا وطلال بيقعد هنا
ساره: بيبدا الكرف المضبوط الحين الله يكون بعونك
شوي وشافته غمض عيونه ونااام
ريناد: هههههههههههه خارج التغطيه
ساره: روحي قوميه لايتأخر
ريناد : خالد قوم مابقى شي وتطلع
خالد وكأنه يهلوس: ريناد تعالي جنبي سووولفي عشان ماانام
ريناد: هههههه نايم انت الحين من قال انك صاحي
راحت عند التلفزيون وطاحت على كليب سلمان حميد (حرف العنيد ) وعلت على الصوت الى الأخير
خالد: يوووه قصري عليه راسي بينفجر
ريناد: خخخخخخ لالاعشان لاتنام
خالد عصب: اووف الواحد مايرتاح بها الصاله
ريناد: ههههههههه لامايرتاح
وقف واهو معصب ... بيروح يتحمم
ساره تتهزا فيه : ايه رح وتحمم عشان لاتنام مين يفتتح الشركه بعدين
خالد طنشها وراح فوق
غلا قابلته واهو راقي
غلا: هذاهو شماغك
خالد: حطيه على سريري أبروح اخذ شور
غلا: خالد ابروح معاك
خالد: اصلن لكم دعوه خاصه انتم
غلا: جد؟
خالد: بس تجون على العصر ... مع محمد وتركي بيجون كلهم
غلا: اووكي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::
<<<<<<الساعه 6 بتوقيت المانيا
نتيجة نايف طلعت مطابقه لكلية أبونايف واول ماطلعت النتيجه فرح فيها ..وحس ان امل ان ابوه يتحسن بدا يكبر ..... وعلى طول بدون تفاهم ومن غير مايشاور أحد دخل للعمليات ... بيتبرع له ... بس ارسل مسج لغلا
(دعوااتك لأبوي غلووو انا ابدخل الحين ..))
جلوي اول مادخل للمستشفى بعد كذا ساعه ...مالقى ابوه ولانايف بالغرفه عرف انه دخل لأن هذا طبع نايف ان اقتنع بسوي الشي على طول
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::
فـــي أكبـــــــــــــر صاله في شركة خالد وطلال
كان صوت التصفيق يملا المكان على قص الشريط الأحمر .........لكن ماكان التصفيق أقوى من اللي بعد كلمة مدير الشركه خالد ..... والكل قام يصفق له بحراره وأولهم ابوعبدالله وعياله ... وطلال اللي وقف بعده يقول كلمته ...
ابوعبدالله خنقته العبره يوم يشوف خالد كيف كبر وصار رجال يعتمد عليه ومن كبار رجال الأعمال ... سوا الشراكه ... اللي الكل متخوف من هالخطوه الجريئه لكن خطوته استبقت بعثرات وبتعب ...وقت الدراسه .... وهذا اهو يقوم وينطلق بقوه للأمام
نزل خالد من المنصه وقف له أبوه وسلم عليه وبعده اخوانه واحد ورا الثاني ....
ابوعبدالله: الف مبروك
محمد وتركي: مبرووك ياخالد
عبدالله: تستاهل والف مبروك
خالد: يطول لي باعماركم الله يبارك فيكم
تركي: ماشالله الشركه مابقى احد ماتكلم عنها ماشالله
خالد: الحمدلله
شوي واصوات التصفيق على فلاشات الكاميرات ماليه المكان ...
راح مع طلال يباركون لبعض
غلا وندى وساره وريناد من بعيد يأشرون له
أشر لهم ابتسم لهم
غلا دقت عليه على ططول: الف مبروك خالد
خالد: الله يبارك فيك
غلا: ماشالله صوتك حلو اليوم مرره فرحان
خالد: هههههههه
ساره من جنبها: اجل وطار النوم
خالد: ههههههههه
غلا: الله يهداك اضضحك للكاميرا مو باين عليك انت مستانس
خالد: اقول بس اضحك كنني خبل وقت التصوير
غلا: ههههههههههههههههه لالاتضحك ارتاح
خالد واهو يكلم اللي جنبه: لالايوقفون جيبوه الحين ....لالاايه مثل ماوصيتك
غلا: شكلك مشغول يالله كمل تصوير الوعد في الجرايد
خالد: ههه سلام
.................................................. .................................................. ..................
محمد طبعا قاعد يصور المكان بالجوال وتركي بالكاميرا ...وخالد منشغل مع طلال فجأه من بعيد شاف نواف خويهم
نواف من بعيد : السلام عليكم
خالد: هلاااوالله
طلال: وعليكم السلام
نواف: الف مبرووك خالد وطلال
خالد: يبارك فيك
نواف: شوفو هذي بمناسبة افتتاح الشركه
كان جايب لهم كيكه كبيره
طلال: الله يسلمك نواف
خالد: كلفت على عمرك وجودك في الافتتاح هديه
نواف: الله يسلمك
طلال يمزح: ول عشان الوظيفه
نواف: انا سكرتير خالد ول لا
خالد: هههههههههههه الله يقطع شرك
نواف: وعلى فكره عمي راشد يبي يسلم عليكم وملزم عليك خالد
خالد: منهو أبوك؟
نواف: لازوج امي عمي راشد
خالد واهو يتذكر: ايه
وراح عند زوج ام نواف وتفاجأ انه نفسه جارهم القديم راشد ... سلمو على بعض سلام حاااااااااااااااااااااااار
راشد: انت اللي وشلونك ووش قالت بك الدنيا ولدي ياخالد
خالد: ابد والله ياخالي الحمدلله شوفت عينك
راشد: ماصدقنا قالو اسمك بالجرايد عشان نجي ونشوفك الله يهداك من زمان ماشفناك
خالد: والله دوم على البال ياخال بس تعرف الدنيا تلهي
راشد: ماشالله ماشالله مبروك هالافتتاح الكبير
خالد: الله يبارك فيك ويطول بعمرك
راشد بضحكة عجوز مسن : انا قايل من زمان ان خالد مب سهل وبيسوي اللي ماقدرنا نسوي
خالد: شدعوه ياخال ... اتشرف بكلامك
راشد: وخذ هذا رقمي ولاتقطعنا
خالد: ان شالله ياخالي
راشد: انشوفك على خير وفرصه سعيده
خالد: سعيده بشوفك الله يطول بعمرك
راشد: فمان الله
خالد: بحفظ الكريم
نواف: اجل تعرفه من زمان؟
خالد: كان جارنا
نواف: يووه والله ان الدنيا صغيره
خالد سكت ...وجته نفس الحاله اللي يوم يشوف بنت جارهم ... من بعد ماسلم على خاله راشد ... لمحها من بعيد كانت ماسكه يد أبوها وجلسته على كرسي على الطاوله ...وراحت جهت غلا واخواته تكلمهم وتسولف