عرض مشاركة واحدة
قديم 15-07-2009, 06:26 AM   رقم المشاركة : 94
شوووق
طرفاوي نشيط
 
الصورة الرمزية شوووق
 







افتراضي رد: روايه ..يكرهك نصفي....ونصفي فيك ذايب

غلا: اها اوكي استناك انا
نايف: اوكي سلام
غلا: باي
سكرت من عنده وعلى طول راحت بتغير شافت شكلها توها ماخذه شور ويبي لها وقت على بال ماتلبس
لبست بنطلون ابيض وبلوزه كاروهات ابيض وأسود ومن ايشارب لونه أبيض ومخطط بأسود على رقبتها ... جعدت شعرها وجففته بسرعه وحطت ميك أب خفيف على كحل وجلوس ووراحت تكمل تجهيز
دق تلفون خالد
مسكت الجوال : خالد خالد تكفى قوم فيه أحد يبيك بالتلفون
خالد: صرفيه
غلا: وش صرفيه خالد قووم
خالد: مانيب رايق لأحد اتركيني ورانا رحله
غلا: يووه خلاص ابرد ازعجني هاللي يتصل
غلا: الو
طلال: هلا ...خالد؟
غلا: لالامنيب خالد
طلال: اوكي طيب وين خالد؟
غلا: نايم الحين
طلال: اوكي ان قام قولي له يدق علي ظرووري
غلا: ان شالله
طلال: سلام
غلا: مع السلامه
خالد نايم: ميين؟
غلا: طلال يبيك ظروري
خالد: يووه اقول قفلي الجوال لايزعجني الحين
غلا: انا لله
قفلت الجوال ورمته على السرير وطلعت
شوي ودق جوالها
نايف: وينك انتتظرك تحت
غلا: اوكي جايتك الحين
نايف: باي
غلا: باي
نزلت تحت من مصعد الفندق الفخم تحت عند الريسبشن شافت نايف عند الباب الخارجي ينتظرها كان لابس بنطلون بني غاامق وبلوزته بيج عليها من فوق كتابات بالأحمر والبني على خفيف ...كان شعره مبلل توه ماخذ شاور ... لمحت جسمه من بعيد سحرها كان خياالي طووله وهيبته ول اكتافه وكانه لاعب جمباز ول سباح جسمه كان مرره رياضي ..ومحلي البدل عليه
غلا: اهلليييين
نايف لف على ورا وشافها: هلا هلا هلا والله
غلا صافحته وقربت من عنده تسلم عليه : كيفك ؟
نايف مسك يدها وقام يمشي معها: تماام كيفك انتي؟
غلا: ابد الحمدلله ...ماابي ارجع للسعوديه
نايف: ايييه والله ابفقدك لو انك ماجيتي كان مدري وش حالتي الحين
غلا: لالاهانت مابقى شي
واهو يمشي حجر لها عند زاويه وتم يطاالع فيها على رااحته ألوان الشمس انعكست على عيونها وشعرها خلت شكلها كنها دميه صغيره وده يلعب فيها
حست بيده حول اكتافها فجأه بوسه على خدها ...مسك لها يدها وقام يلعب بأصابعها وكأنه يقول لاتروح ياغلا
غلا مبتسمه له: والله والله رح اشتاق لك مووت
نايف: بتوحشيني مرت الأيام سريعه
غلا: مررره يشين السعوديه من غيرك
نايف: وياشين ألمانيا بدونك
شوي وسحب سوارتها وقام يطالع فيها ...ابتسم وبانت غميزاته عاد غلا هنا ترووح وطي
نايف: حلوه اسوارتك كان مكتوب عليها بالذهب .gala and nayf
غلا: والله؟ خذها منني لك ماتغلى
نايف واهو يلبسها : مافيه أمل تدخل انا عارف وقام يطالع بيدها مستغرب ...غلا ماتاكليين؟
غلا: ههههههههههه انا كذا عظامي رقيقه مرره
نايف بخبث: رقيقه أجل؟
غلا: أي
نايف مسك كتفها وعظها
غلا بضحك: ههههههههههههه نايف خلاص
نايف : يوجع داري صح؟
غلا: المشكله انك عارف
نايف: مافيه احد يعظك مايحبك خذيها منني
غلا: والله
نايف: والله...والله زوجتي وانا حر
غلا: هههههههههه ملابسك عاجبتني اليوم
نايف: عاد جلوي اخوي يقول لي مب مرره لاتروح لها بها البدله قلت عارف غلوو ذوقها زين
غلا: لالاماعليك حتى لو انها شينه جسمك رح يحليها
نايف قرب من عندها اكثر واكثر تسندت بالجدار ماعرفت تتحركت
قرب من عندها وقفت واهي نازله شوي ورجلينها الثنين ملصقتهم مع بعض وموقعهم بين رجوله
غلا منحرجه منه بس ماتبي تبين له
نايف واهو يحط السواره في جيبه اللي بالبلوزه
وماسك يدها باليد الثانيه
غلا: نايف لاتخليني أ......
شوي وشهقت ونزلت دمعه من عينها غمضت ولفت وجهها على الجهه الثانيه
نايف اكثر مايهزه دموع غلا مافيه شي يهزه كثرها
نايف: غلا تبكين؟
اعطته نظره حزينه : والله والله مااتحمل انك تطول خلاص مابي ارجع للسعوديه وانت مو معي
حست بيده رفعت راسها ومسحت دمعتها مد لها منديل وتم يطالع فيها بهدووء
نايف: وانا ماارضى لنفسي اخذك وانا اقل مستوى ومن غير شهاده حتى
غلا: بس
نايف: نصبر مو الدنيا علمتنا كذا؟ ...انا والله بس ابوي ان شالله يطيب ويقوم بالسلامه أخذ شهادتي وأرجع للسعوديه أبقى لك طول العمر
غلا:.............
نايف ابتسم وبانت أحلللى غميزات : حبيبي مافيه شي يستاهل تنام وخاطرك زعلان
ولابه شي يستاهل تنام وقلبك بعاني
غلا ابتسمت له: والله والله رح اشتاق لك
نايف يهمس: وانا اكثر والله
غلا: احبك
نايف قرب وطبع على جبهتها احلى بووسه
غلا: مارح انسا كل المواقف الحلوه وشريط الذكريات اللي كان بيننا هنا
نايف: اعوضك باللي احسن منه
غلا: الله يشفي ابو نايف ويرجع لي نايف
نايف: ويخلي لي غلا ولايحرمني منها ولايبعدني عنها شي
غلا: بااي نايف
نايف: انتبهي على نفسك
غلا: قبل لااروح حبيت أسألك عن اختبارك
نايف: مابقى تقريبا غير اختبارين واخلص توني مخلص الأول
غلا: عسى الدرجات حلوه؟
نايف: والله لك عليها
غلا: شد حيلك وربي يوفقك
نايف: ان شاااااااااااااااااالله
لحقها الين ماوصلها عند باب الغرفه شاف خالد معاه الشناط ويدفونها له
خالد: هلاااااااايبو سعود
نايف: هلاوالله خالد شخبارك؟
خالد: ابد الحمدلله وانت وشلونك وشخبار الوالد؟
نايف: بخير الله يسلمك وشخبار الصفقات والتجااره معاك؟
خالد: الحمدلله ربنا كريم
نايف: يالله اجل وحط بالك على غلا تراها (غمز له) عاد انت افهمها
خالد: ههههههههههه فاهم عليك
نايف: حلوو ...أروح الحين لاأتأخر على جلوي قلت له اني ابوصله للمطار
خالد: يالله اجل انتظركم هناك
نايف: ان شالله مع السلامه
خالد: مع السلامه
.................................................. ..............
طلع وسريع دخل للمستشفى قابل جلوي عند الباب
نايف: تأخرت؟
جلوي: لا
نايف: وشفيك؟
جلوي: ابوي تعبان
نايف : اماانه وينه ؟
جلوي: تعب ووأخذوه الحين لعنايه ... سكره ارتفع والكلى تضررت
نايف بضيق: افااا
جلوي: الله يساعده
نايف: وماطلعو من عنده؟
جلوي: لاللحين له الحين نصف ساعه داخل
نايف: اخ ليتني كنت موجود
جلوي: يالله الله يعينه نايف ماوصيك بأبوي
نايف: توصيني على نفسي ؟
جلوي: حط بالك هذا واجبي والمفروظ اقوله
نايف: توصيني وانا اخاف عليه اكثر من نفسي
جلوي: ودراستك نايف كمل اختباراتك على الأقل ولاتترك الهدف اللي انت جاي عشانه
نايف: ماتهمني كثر ابوي
جلوي: بس مو يعني تسحب
نايف: ماعلينا الحين المهم أبوي
جلوي: سألت الدكتور قال لي بعد كذا ساعه على بال مايرتاح بيطلعونه
نايف: يقوم بالسلامه الحين خلني اوديك عشان لاتتأخر وأرجع له بسرعه
جلوي: قداااام
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::
<<<<<<<<<<<<<<بعد مرور اسبووع كامل
فيصل انولد من جديد وبدا ينتعش قلبه واحساسه ويرجع فيصل العاطفي الحساس مب المحطم ... المكسوور .. مها حاولت بقد ماتقدر تعووضه عن الأيام اللي راحت وكأنها تعرفه من زمان ماتفاتحه بموضوع ساره أكيد لكن تحاول تنسيه وتلفت لها انتباهه ... فيصل صحيح خلاص نسى كابوس ساره ... وقلبه ظل بحالة هدووء وبروود مايملاه أحد لكن اتوقع ان ماحد بيقدر يستاهله غير مها ... كان وده عرفها واخذها من زمااان لأن نفسيته تغيرت وحياته صارت مثل الخياال واهو معها ... عرف ان اليأس مصيره بيرميه ويتركه بين أسوار الظلام والحل الوحيد ان الواحد يواجه ويغير من داخله عشان يتغير كل شي حوله

ساره....اللي استبشرت كثير من بعد خبر طلاقها من سعد ... وضيق عليها فكرة زواج فيصل ولد خالتها كثر ندمها لكن كل اللي تذكرته فيصل يوم يجي يشوفها بيوم زواجها .... حاولت تكبر بعين نفسها على الأقل وصارت تشارك في جمعيات خيريه وتحفيظ قرآن ...مالها غير ربها ...وأخرتها ...الأيام الصعبه القويه اللي

مرت فيها علمتها كثير علمتها اللي ماقرته او حفظته بدراستها ...

تركي وديما ..بدت الدنيا تحاول تفرقهم لكن حبه لها أكبر من كذاا واكبر من سالفى عيال وظنا تركي ألوم ماعليه كانت ديما مااخفي عليكم وش كثر يتمنى العياال لكن القضاء والقدر يربطها في اللي يصير ...ولايفكر بحل غير العلااج كان يحاول يعالجها ويسأل عن اشيا تنفع ..وحتى ولو ماجابت له عيال يكفيه انها بقربه ... مايبي عيال من غير ديما مستحيل !!
اما ديما خوف وحرص عليه لأن أكيد مع الوقت رح يمل ومافيه احد مايبي عيال فكرت في ابوه وفي اهله اوكي اذا تركي راضي اهله مارح يسكتون واهم بعد يبون العيال ... حرام تحرمهم كلهم !! بها الطريقه بتصير مشاكل بينه وبين اهله وهذا اللي خايفه منه .... تدري اهي وش كثر تركي يحبها واهي اكثر منه وموتها انها تشوف من تشاركها فيه لكـــــــــن !! بدته على نفسها مين بيشيل اسمه بكره اذا تم يقول أنا مايهمني غيرك .؟؟... كل افكارها الحين انها تدور له وتخطب له ولو كان فيه موتها

الوليد وريناد ...الحب البريئ والقوي اللي يبدا من ريعان شبابهم ... كان حبه لها يزيد يوم بعد الثاني ... كل ماحاول يعترف يخاف يتحطم ...اعتمد على اسلوب التلميحات عل وعسى تفهم ..يعجبه فيها برائتها وجمالها واخلاقها وذووقها الرفيع ... الوليد مثل الورده اللي تكبر يوم بعد الثاني يزيد حبه لها والموضوع ماصبح بيده ابد
أما ريناد اللي شكت وشوي وتتيقن من الموضوع لكن ماحبت تبين له هالشي وبيني وبينكم حتى ريناد صارت تميل للوليد من غير ماتحس بنفسها .. ولاتحب تفكر بها الموضوع عشان لاتطيح بالحفره اللي مابتقدر تطلع منها

خالد والبتول ... عشقها له كبير صح وحاولت يمين يسار تتعرف على خالد ومين خالد اللي كل الرياض تتكلم عنه وانا اعرفك من يوم كنت صغير؟.... ودها تدري وش اللي بقلبه .؟. ملامحه الجامده البارده هذي شوي وتذبحها ..لكن بالها طوووويل ومستعده تسوي أي شي المهم ان خالد توصل له ولو اخر شي تسويه بحياتها

عبدالله ولمى........ حياة من جديد بعد ماطال الهلاك ...والظلام طول ...اشرقت شمسهم ... وانولدو من جديد ... فارس ظناهم ماحد بيعوض مكانه ...لكن الله رحيم وعوضهم ...بغير فارس ... بنتهم الجوهره اللي خلت للحياة لون وطعم جديد الله لايحرمهم منها

نايف وغلا ...... حب أسطوري ... خالد .مايزعزه لاطول غياب ولاظروف عنيده ...كان مثل التوأم لها مرتبطه فيه بأشرف واقوى علاقه ممكن تربط بين اثنين ... غلا حاولت تبين له انه كل شي بالنسبه لها وان قلبها مثل الورده اللي تحترق ان ابعد عنها وتذبل ... وتشوفه وينتعش من جديد ..ماحاولت تخفي عنه أي شعور بقلبها له وهذا اللي خلا علاقته فيها كبيره وقويه ... اصبح يبادلها ولايخفي عنها أي شي بيخبيه عنها ...غلا الوحيده اللي قدرت تاخذ مشاعره ..وتتملكها ... الكل مستغرب !! حتى نايف ماتوقع انه ممكن بيكون عاطفي لها الحد ... يمكن غلا اللي قدرت تغيره لإنسان عااطفي جدا ويعبر عن مشاعره بكل سهوله لأنها مبينت له هالشي ويعاملون بعض بنفس الأسلوب وعنده غلا الوحيده اللي بتستاهله وتستاهل حنااانه ... فداء لها الحب والمشاعر النبيله لازم تشوفه مثل ماتمنته وبقد مستواها ... لازم تشوفه نايف الكبير اللي بيعزها وبيعز عيالها وعياله ...ايه نايف من واجبه انه يرفع راسها ويخليها تفتخر فيه ..هذا حقها عليه اللي لازم بينفذه ....وهذا الشي الوحيد .اللي يصبره على غربته ..
ابونايف..اللي حالته الصحيه كل مالها وتزيد وتصعب أكثر ....ويتعب نفسية نايف معاه لدرجة انه ماصار يحظر محاظرات أو دروس يختبر ويطلع ويرجع عند أبوه ايه كان عند أبوه طول الوقت .

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::
<<<<<<<<<<<<في الشركه
كان طلال داخل على خالد في مكتبه
طلال : ايه وبعد ووش قالو؟
خالد: ابد بس بيرسلون لي الأوراق بالفااكس وسلمت المبلغ
طلال: حلو الله يكتب اللي فيه الخير
خالد: امين
طلال: ايه وبعد علمني وش سويت هناك؟
خالد: ابد بس اللي قلت لك
طلال: طولت
خالد: مالقيت حجز جيت بطيران البحرين
طلال: اها اللا ماقلت لي وش صار على سالفة سلمان؟
خالد: ياذا الواسطات قولو لهم خالد مايتعامل بالواسطه
طلال: بس قويه اللي ماتوظفه
خالد: ان اجتهد وحصل اعطيته حاله حال غيره وش فرق سلمان يعني؟
طلال: مدري براحتك
خالد: ووين نواف اليوم مااشوفه؟
طلال: ماخذ اجازه يقول عنده زواج بالشرقيه
خالد: اهاا
طلال مبتسم: خلوود اللا نسيت اقول لك
خالد: وش فيه بعد؟
طلال: امي لقت لي بنت الحلال
خالد: لاعاد؟
طلال: والله
خالد: ماااشاااللله ومن متى ؟ وكيف ووشلون وتوك تقول لي؟
طلال: انا كنت ابفاجئك
خالد: وخطبتها؟
طلال: لا للحين ماصار شي ..الفال لك انت
خالد: اقول فكنا من وجع الراس
طلال: اااااخ بس لو اتزوج ياخالد
خالد: خخخخخخخ الله يرحم حالك انت
طلال: والله جد خالد متى رح تتزوج تراك بتكبر والبنات مابياخذون شياب
خالد: عزوبي طول عمري
طلال: ولنفسك عليك حق
خالد: والله ومن حقها علي اني افكها من المشاكل وبيني وبينك (يغمز) مرتاح كذا
طلال: ومين بيخلف أملاكك بعدك مافكرت؟
خالد: املاكي تروح للتبرعات ول اخواني واهلي والباقي لك انت وعيالك
طلال: الله يصلحك بس
خالد يشرب بكوب الكبتشينو اللي عنده: وان شالله ناوي تملك بدري ان مشت امورك؟
طلال: والله للحين مابعد شفتها ابي اشوفها قبل
خالد: ياخوفي تنصدم بس على هالفرح
طلال: فالك ماقبلناه
خالد: هههههههههههههه امزح ..منهي تعيسة الحظ منهي بنته ماقلت لي ؟
طلال: مسكين ان شافني ابوها حلف علي انه يزوجني
خالد: روقنا ماقلت لي منهي؟
طلال: تعرفها انت
خالد: اقول تكفى مسوي لي حماس خلصني
طلال: نواف اهو اللي متحمس ويبيني لها
خالد: يارجال خلصني
طلال: ههههههههه البتول بنت راشد اللي تصير اخته من امه
خالد شرق بالكبتشينو وقام يكح
طلال: اوف سلامات
خالد شرب له كاس مويه ولف عليه باهتمام استغربه طلال: قصدك اللي تجي هنا تستلج علينا وتعيب على اجهزت الشركه؟
طلال: اييه
خالد: بنت جارنا راشد؟
طلال: ايه
خالد: لاعاد؟
طلال: امي تعرفها شافتها وبتخطبني لها
خالد هنا حس دمه كله متجمع بعروقه صحيح مايبي يتزوج ولايفكر اصلن وفرحان لطلال بس ماتوقع انها البتول ولا مايبي احد ياخذها حاط له حساب انه اذا ممكن بيتزوج مارح ياخذ غير البتول جميله مافيه اجمل منها
طلال: وشفيك مسرح؟
خالد ببرود: لابس ماتوقعت انها هي
طلال: اها
خالد: ومتى الخطوبه والشوفه؟
طلال: اليوم ان شالله
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::::
<<<<<<<<بيت ابوعبدالله
تركي: المكيف مب كنه حار؟
ديما: اللا يعني شوي
غلا: وش يعني بتصلحه مثلا؟
تركي: ليه طايح من عينك أنا؟ ايه اصلحه
غلا وديما: ههههههههههههههه
ساره: تركي تكفى اليوم طلعنا من زماااااان عن الطلعاات
تركي: وين محمد؟
ساره: تكفى يامحمد اللي بيعطيني وجه اصلن راح بيودي ريناد لبيت خالتي ام نايف
تركي: اشوف مطيح عندهم هناك لااهو ولااخته؟واكيد غلا بالطريق بس خله يجي نايف يفكنا منها
غلا منحرجه : دب ..اسكت بس ماعلينا المهم طلعنا
تركي كان موقف على الكنب يتحسس هوا المكيف: اووكي وين تبون أوديكم؟
ساره: أول شي انزل من الكنب لاينكسر لأنك صاير دب ماشالله والشي الثاني المكيف لايشفطك مالنا خلق مشاكل
غلا: ههههههههههههه اجل تخيلي يشفطه المكيف وين ظاطور وانا مدري
تركي ماهمه من الكلام غير انها قالت انه سامن: أنا دب؟
غلا: لابس غير عن أول كنت عصاقييل
ساره: ايه
تركي: والله ديما الله يهداها ماخلتني بحالي
ديما: هههههههههههههه والله ووش ذنبي أنا؟
تركي: مدري يقولون ان تزوجت زاد وزنك عاد انتي خبيرة فيزيا وأدرى بها الأشيا
ديما: لاوالله ؟ احلف وش دخل الفيزيا ؟
تركي: هههههههههههههههههه
غلا: خلونا نرجع لمحور حديثنا وودنا لكوفي على الأقل
تركي: لالاوش تسوون بكوفي اروح أطق مشوار بها الزحمه عشان كوب قهوه؟
ساره: اقول ديما انتي وشلون عايشه مع هالخبل
ديما: احتسب الأجر
الكل قام يضحك
تركي: والله حريم مايندرى عنكم اليوم كلام وبكره كلام ثاني
ساره: المهم بتودينا ؟
تركي: مدري عنكم دورو لي مكان أحسن
ساره تمزح: اللا تركي بمناسبة مهرجان الزهور ومدري ايش ورا ماتروح مع ديما لذاك الشارع
تركي: أي شارع ؟ ووش فيه؟
غلا: مدري يقولون قريب يم حق الحوامل
تركي: وطيب وش اروح أسوي بشارع؟
ساره: ورد يبعون ورد وغير كذا زارعين المكان
تركي: روقينا انتي وياها وش اروح أتفرج على ورده خبل أنا؟
غلا: يووه الله يعينك على نفسك خذ الموضوع بوناسه ورمنسيه
تركي: لالاالله يعافيكم دورو لي صرفه ثانيه أحسن قالو ورد قالو مالقيتو اللا تركي

غلا: يووه ديووم الله يعينك عليه
تركي قام يطاالعها ينتظر ردها
ساره همست لديما: دلعيه عشان يودينا الحين
ديما: تتحديني أخليه يفز للسياره بدون ولاكلمه؟
ساره: اتحداك
ديما مبتسمه: ابشري بس ترا بسوي نفسه ماتاثر
ساره: سعودي شدعوه عارفين حركاته
تركي: انتهت الجلسه ؟ ول عندكم أسرار زياده
ساره: يالقفك انت بعد ....ديما من جد الله يعينك على هالمهبول
ديما: فديت هباله ورجته أنا
غلا: وملقوف بعد يعني مافيه أي صفه تنهضم
ديما: لالاعاد هذا حبيبي لو فيه عيوب الدنيا اشوفها على تروك حلوه
تركي خق معاها على انه حاس ان ساره مخربه شي بس ولو ماقدر يتحمل وحاول يسوي نفسه طبيعي وممشيه مثل أي كلام
ساره قاهرها ماقال ولاكلمه
غلا: يالله تركي بتطلعنا؟
تركي: لا
ديما: يووه ترووك !! عشان خاطري
تركي قام يطالع فيها وشوي وقام يصرف حط عينه على الالماس اللي لابسته : اللا ماقلتي لي هالطقم من متى شاريته
ديما: هذا اللي من أبوي وريتك اياه
تركي: طالع عليك حلو
ساره : تركي بتتغزل في البنت اجل حركاتك للبيت ماصارت حاله هذي
تركي: نعم؟؟ انا الملقوف ول انتي الحين ؟
ساره: انا الملقوفه بس طلعنا
تركي واهو توه بيقول لها لا
ديما بس حركت شفايفها عشان يقراها : تركي فديتك عشاني
تركي وقف : يالله استعدو أنتظركم أنا
غلا: والله ؟
تركي يقلد صوتها: والله
ديما: خخخخخخخخخخخخخخخخخ
ساره: مابغيت
تركي: ترا ابهون أنا ناوي امشي ديما بلحالها بس عشانها ول مب لسواد عيونك انتي وياغلا
ساره: عن وجههي شاف نفسه علي لأنه بيطلعني

غلا: هذا صوت خالد شكله جا
ساره تطالع الساعه: ايه اللا غريبه تأخر اليوم بالشركه
تركي: ديما تغطي بيدخل خالد
غلا: شوف بننتظرك بالسياره على بال ماتسلم على خالد
تركي: طيب مارح اطول
تركي :السلام عليكم
خالد بضيقه: وعليكم السلام
تركي: وشخبارك ووشلونك؟
خالد: ابد الحمدلله بشرني عنك؟
تركي: الحمدلله بخير..وشفيك شكلك تعبان ويقولون متأخر بالشركه
خالد: تعبان شوي ..وين بتروح؟
تركي:ابطلع البنات غلا وساره يبون يطلعون

راح عن تركي ودخل للسياره ووداهم كوفي وشارع الورد والسوق ومابقى من مكان ماراحو له
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::
<<<<<ألمانيا
أبو نايف زادت حالته كل يوم عن الثاني بتطورات مفاجئه وسريعه ... نايف كل اللي بيده انه على الأقل يترك دراسته هالوقت ويجلس عند أبوه ..وهذا اقل شي ممكن يسويه بحق ابوه ...أما ابونايف اللي كان بالعنايه المشدده عندهم لحد ماتتحسن حالته
دخل للغرفه لابس الكمامات والملابس الخاصه لأن هالمكان مب أي احد ممكن يدخله
شاف ابوه اللي متغير من بعد سفرته لألمانيا وجهه الشاحب .. وعيونه الكفيفه ..مايقدر يحرك رجوله ....الشيب اللي ملاراسه ... ول الدنيا اللي اهلكته ..والعمر الطويل اللي عاشه وخلا منه رجل مسن ضعيف ....
نايف من وعى على الدنيا وهذا اهو ابوه ...ماقدر شاف أبوه بصحته اللا من يوم ماكان صغير عمره تحت العشر سنوات ...وكان دايم يذكر شكله وصحته وكيف كان ....
واهو جالس يشوف ابوه اللي كان نايم وتعباان مرت عليه ذكريات كثيره عليه ....
الدله اللي كانت بالمجلس ...ول مجلسه ومكانه اللي مستحيل يكون فاضي ...دايم ملياان ...ضيوفه كثار ..حتى وابونايف بالمستشفى يجون يشوفون أبوه ..نايف ماعزه شي كثر سمعت أبوه بين القبايل وقبيلته بالأصل ... ابوه كان كلشي لنايف ونايف أقرب شي لأبوه ...
اول ماجا على باله هالذكرى ..كان تقريبا بثالث ابتدائي وأبو نايف مابعد يهرم ويكبر كثير
نايف واهو جاي يبكي من المدرسه
نايف بدموع طفوووليه كلها برائه: يبه
ابونايف: هلا هلا بولدي هلا بنايف جيت من المدرسه؟
نايف يشهق: ايه طلعت أبوي محمد ولد الجيران ضيع لي الحمام اللي صدته أمس
ابونايف: افاا ضاع الحمام حقك؟
نايف يشهق : ايه ابوي انا ماحبه بس كل انا اللي اعطيه واهو يضيع ومايعطيني دايم كذا محمد
ابونايف: وانت وش سويت ؟
نايف: زعلت عليه كنت بطقه بس اخاف يعلم ابوه ويسوي لي سالفه
ابونايف: تسامح منك؟
نايف يشهق بعدين حرك راسه وبعدين نطق: ايه
ابونايف شاف دموعه الهماايل وكلها دموع قهر طالع عزيز نفس على ابوك يانايف ... ابستم له ببساطة وجهه وملامحه المعهوده ..ومسح له دمعته
ابونايف: انت سامحته؟
نايف: لالاانا مانيب مسامحه
ابونايف:ليه ؟
نايف: لأنه ضيع الحمام اللي انا صدته أمس
ابونايف: نايف ...خل قلبك كبير وطيب ياولدي الدنيا ماتسوى ..كلنا بنروح بها التراب ومارح يبقى غير ذكرنا خلهم يقولون نايف كان متسامح عقله كبير وان زعلت ازعل على الاشيا اللي لها وزن وقيمه ... دنيانا هذي بس ممر بنمر فيه اليوم بكره بينسونا اللي فيه وبتخوننا حتى ترابها ... ياولدي خل تفكيرك اكبر من هالأمور
ابونايف عارف ان الكلام كبير وأكبر من نايف لكن الدرس هذا رح يستوعبه بوقت من الأوقااات..................
تذكر صوت بكيه واهو صغير يشبه بالضبط صوت آلامه ... صورت الطفل الصغير اللي يصرخ بجوفه مازالت .... ومتى بعيش هالطفل واهو يشوفك يالوالد بها الحال ؟؟... علمتني دروس بالتسامح بس ...ماقلت لي كيف ابقدر أسامح هالدنيا اللي بتاخذك عن عيوني يايبه .... جعلي ازور اللحد قبلك ولاتزوره ...
حرك ابوه يده نايف على طول ضم يده بين يدينه ...ويترقب ابوه اللي شكله على وشك يقوم جلس فتره ..وبعدين حاول يكلمه
نايف: يبه؟
ابونايف بتعب: هلا هلا ولدي
نايف: وش تحس به ؟ وشخبارك أحسن ان شالله
ابونايف: الله كريم ياولدي ربك رحيم
نايف: والنعم بالله
ابونايف: وينك مارحت لمدرستك اليوم؟
نايف جلس فتره سااكت
ابونايف: نايف؟
نايف: ايه جنبك يبه
ابونايف: مارحت؟
نايف: لالامارحت
ابونايف: وليه؟
نايف: ماعندي محاظرات اليوم
ابونايف بلهجة مختلفه: ولدي يانايف
نايف: سم طال عمرك سم يبه
ابونايف: ابطلبك
نايف: افااا عليك بس تامرني أنت سم وش بغيت
ابونايف: هالكلام أبيك تحفظه وتنفذه من بعدي ياولدي
نايف حس جسمه كش ودمه تجمع بعروقه من طريقة أبوه : عسى عمرك طويل يبه
ابونايف: يعلم الله ياولدي وش كثر أنا راضي عنك رضى تاام ...رااضي عنك ياولدي الله يوريك الخير بعيالك ويرضا لي عليك
نايف بعد ماارتاح شوي من كلام أبوه وماعرف بايش يرد كل اللي يبيه ان ابوه الحين يكمل :
ابونايف: ماوصيك على امك واخواتك واخوانك مشاعل والوليد ......
نايف: بعيوني كلهم يبه ..لاتحاتي ..ارتاح ..انت توصيني على اهلي
ابونايف: والله اني مخلف ذيب بيخلفني من بعدي ... ولدي يانايف الأرواح بيد رب العالمين وكلنا مصيرنا مثل التراب واحقر ...الدنيا ملعونه لاعنها الله بالكتاب ... الدنيا ماتستاهل من يضيق عشانها ياولدي الدنيا هذي بنحاسب عليها وبس ....
نايف حس انه يبي يعلمه انه مايكتئب بخبر وفات أبووه ماحب يتكلم من كثر ماهو مصدوم ووده يستوعب وياخذ من ابوه أكثر قلبه قام يرجف من الكلام ..
ابونايف: ادري اني حملتك اللي كان أثقل من ظهرك ... كنت صغير ماعشت شبابك مثل غيرك.. كل امور البيت انت اللي ماسكها الحين انت تزوجت ومازلت ماافتكيت من همي انا
نايف: يبه انا بايع كلشي عشانك يبه ...
ابونايف : ماوصيك على صلاتك وهذي الوصيه اللي انقلها من بعد أبوي لك يانايف ...احرص على حق ربك وعلى صلاتك وعبادتك خلها دنيااك اللي مستحيل بتتركها..
نايف انا ابي اروح واخلف بعدي سبع ولاكل السبعان أبي اللي اشوف نفسي فيه ..ابيك نايف اللي الناس تطلبه ..كل الناس تعرفه أبي اسمك وصوتك عند كل الناس ..ابيك تكون للناس مب الناس لك ... وانا والله شاهد انك الوحيد اللي اشوف فيه هالكلام .....
ياولدي العز والرفعه لاهو بشرف ولابحسب ولابنسب ..الفلوس مصيرها تروح .. والعمر يفنى يوم ورى الثاني ومايبقى غير الدين وكرم الأخلاق وهذا اللي ربيت ولدي عليه ..وعلمته عليه ... انا ادري وحاس ان الكلام قوي عليك بس اخاف يفوت الوقت وانا كلام كثير ابي اقول ماقلته
نايف ودمعته متحجره بعيونه ... وده يقوم وده بأنه حلم ... لكن ..لكن ..لازم يرضخ لمصير ابوه المحتوم
نايف: يبه يابعد عمر طويل يبه نايف اللي انت ربيته وشفت نفسك فيه ماخذ كل النبايل منك يايبه ...كل ماربيتني عليه مايتغير ..ولاحتى لو ...يــ..كــ..ون ..غــ...يــ.......ابــ...ك
ابونايف: والنعم والنعم بالخلف ...يشهد االله اني ماربيت اللا سبع
شوي وقام يكح أبوه بقووه ونايف حاول يهديه ويعطيه مويه الين مااستقرت حالته شوي حس بأبوه وده بكلام يقوله
ابونايف بتعب: نايف ... هذا ماعلمت فيه اللا انت لأنك انا وانا انت ...وصيتي ..اللي كاتب فيها أملاكي وموزعها عليكم ...بتلقاها في الصندوق الموجود بالدرج حققي ومفتاحه عند أمك ...بعد ما ...(وجته نوبة التعب من جديد)
نايف يحاول يجلسه عشان لاينكتم ...
نايف: يبه ارتااح ابوي ريح الحين
ابونايف بتعب قام يدعي : يارب ياكريم عفوك ورضاك يارحم الراحمين
نايف دايم ان شاف أبوه قام يدعي يعرف انه يحاول يهدي نفسه بلحاله رجع لمكانه وتم ساكت وباله متضااااااااااااايق
ابونايف: ماابي الفلوس أكبر همكم ..والمشاكل تصير من بعدي عشان الفلوس والورث أبي عيالي أكبر من كذا ... اكبر من فلوس ودنيا لأن دنيانا ملعونه وانا ابوك
نايف: تربية سعود ابونايف ... !يابوي المشاكل مارح تصير بين اعيال ابونايف تطمن

 

 

 توقيع شوووق :
شوووق غير متصل   رد مع اقتباس