الجزء الثالث من روايه غصب عني لشوق المشتاق
... قصتي مع عمي ناصر...
الفصل الاول
بسم الله الرحمن الرحيم
اليوم هو اخر يوم في الدراسه
اخيراًتحررت من الروتين اليومي ورجعت لي الحياه من جديد والحين انا مستانسه مووت لأني خلاص ودعت الدراسه الى الابد.
وعمي ابو طلال رجع وخلاص موب مسافر بيستقر هنى في قطر وجدتي تعافت وكل من اصابه شي مني تعافا والحمد الله المهم .
واناراجعه من الجامعه الساعه 2 الظهر
سمعت عمي ابو طلال يتكلم بلموبايل في الحديقه بصوت وااااااطي ويقول: روحي انتي للبيت وانابجيكم بعد شوي تبين شي .
قلت : ياربي من يكلم ؟؟؟ وبما اني فاضيه قلت خل الروح وراه( اكيد بيروح للمدام الجديده )
وراح عمي والروح وراه قلت: لدريول روح وراه مافي احد معلوم مفهوم
قال:ليش مدام بابا وين روه
قلت :انتا معلوم تراب سوي اكل يالله روح . هاذا الي قاصرني ابو فسيه يحقق معي . المهم لحقت عمي لين وصل بيت حلو في منطقة المطار وهو دخل البيت وانا رجعت للبيت اول ماوصلت رحت بيت عمي ابو طلال ولقيت ام طلال مرتزه في الصاله ويا ام شيخوه (مدري وش مجمعهم ذا الحزه)
سلمت عليهم
قلت: وين عمي ناصر ابو طلال قالت: طلع وياربعه تبيني اقوله شي .
قلت :لا ورجعت البيت و رقدت وقعت الساعه 4
قلت: لبوي اني باروح وياالبنات للكرنيش وبنجي الساعه عشر. المهم رحت لمهوي
قلت: لها شرايس نروح بيت عمي ناصر الجديد
قالت وينه وكيف عرفتي ومتى نروح .
واقولها القصه و وين مكانه فيه
قالت او كي . المهم كشخنا حدنا و رحنى تمشينا شوي في البدع ومشينا على الكورنيش شوي لعل الدبه اللي معي تخف شوي
ويوم جات الساعه 5 ونص رحنى لبيت عمي ناصر
ولقينا بيت مقابلهم تو اهله يئثثونه
قالت: لمهوي خل ندخل واذا سألونامن انتو
نقول جيرانكم الجديدين
ودقينا الباب وندق وندق وندق ذبحنا الحر وذاب المكياج وخرب الشعر وهم مافيهم حيله يبطلون
المهم دقينا الباب وبعد ايش بطلو بطلت لنا الخدامه وقالت: مين يبي
قلت: مدام وين
قالت: سوي........ ورحت وبعد شوي جات ودخلتنا
في لصاله كانت كبيره وكشخه ولونها زيتي وبيج
وشوي وتجي ذيك المره كانت حلووووووووه موت ملاك لابسه جلابيه زرقا وشعرها شلال مخصل باحمر
قالت :اهلين والله
قلت :مرحبا وسلمت علينا بحراره كنها تعرفنا
وقلنا لها انا جيرانكم الجديدين تأخرت علينا السياره قلنا خلى نتعرف عليكم
قالت يا مرحبا والله وقعدنا نسولف ونتعرف على بعض قعدت مهوي تسئلها كم عيالها ووينهم
قالت :عندي 3 بنات سحر في اول جامعه شهوده ثالث ثنوي ودلوعه اولى ابتدائي وولدين فارس يدرس طب وهو الحين طالع ويا ربعه ومشاري ثالث اعدادي البنات طلعو مع ابوهم يتمشون ومشاري مشارك في نادي الريان وراح لنادي لان عنده مباره ويا الغرافه
وبدت مهوي تستعبط قالت شسم زوجس و عايلتكم المره تلخبطت شوي بعدين ضيعت الموضوع وسولفنا لين دق ابو مهوي قال وينكم تورطت وطلعت تكلم برا شوي وتدخل مهوي وهي معصبه و يوم راحت المره للمطبخ قالت لي أنافي ورطه ابوي قالب الدنياعلينا يقول تعالو الحين درا انا نكذب موب في الكورنيش لان الدريول صدم بسياره عند دوار المطار قلت: له انا عند صديقتي
وقطعت الحديث ام فارس كانت جايبه ايس كريم ماخلت شي ما جابته كنها اول مره تشوف ناس وقعدت تسئلنا احنى في أي بيت كنافي تحقيق اسئلتها كثييييييييييييييييييره وفجأة بدون سابق انذار انفتح الباب ودخل رجال ويا البنات على طووووول تغشينى وسلم ورقافوق وسلمو البنات علينا( قلت غريبه من اللي دخل )
قالت مهوي هاذ من قالت زوجي قالت مهوي كيف
قالت هاه قالت :لا بس شسم عايلتكم
قالت:ام فارس اسمنا البندر
طلع الاسم غريب وتوهقنا شكلنا غلطانين واتصل على دريول عمي فيصل مادل واحنى تورطنا ونطلع على اساس انا بروح لبيتنا لين يجي احد ياخذنا
ورحنى مشي لين الخط العام واخذنا تكسي ومهوي طول الطريق تدعي علي وتقول انا الغلطانه وانا وانا المهم ماوصلنا الاالساعه 12 الاوعمي نايف ابو مهوي معطينا ذيك المحاضره يالكذابين ووش عندها ها الصديقه الي ماتبونى نعرف عنها واخذو من ذا الكلام الاوجاي فواز اخو مهوي ليش وليه ومادري وش
قلت: هي انت ترا انت مو ولي امري وش دخلك انشاءالله الروح لمريخ
قال:ا نا ولد عمس والمفروض تحترميني والا والله معاد تمشي مهوي معس
قالت: مهوي هاذ الي ناقصني تختار لي صديقاتي ونقعد نتهاوش وعمي يطالعنا نظرات اسف قال كني موب موجود وطرد فواز واستنسنا وطردني انابعد وقال اول مره واخر مره تسوونها قلت اوكي ورحت وانا مقهوره يعني بعد ها التعب كله والهوشه يطلع موب بيت عمي ياربي واروح لبيتناواحصل اهلي كلهم في الصاله
قال ابوي:ليلى شفيس زعلانه تحاتين النتيجه
قلت: أي والله احاتيها وتعبانه قاعده من الصبح مارقت ورحت ورقت وانا افكر كيف طلع موب بيت عمي وانا شايفته يدخل فيه .
ثاني يوم قعت الساعه 10 الصباح لقيتهم كلهم راقدين افطرت وقعت اقلب في القنوات ماحصلت شي قلت اخلى اروح بيت جدتي ورحت لجدتي وياجدي حصلتهم يتقهوون في الصاله فديتهم صبحت عليم وقعدت .
قال جدي :شفيها بنيتي من زمان ماشفنا
قلت الامتحانات ياجدي وش اسوي
قالت :جدتي معذوره يابنيتي
قال جدي :جيبي كمبيوتر عمس جاسم وشوفي الاسهم قلت انشاء الله رحت لغرفته حصلته طايح على السرير كنه مرمي والغرفه زباله كا العاده مايحب احد يدخل غرفته ابدا خاصه اذا طلع يقفلها من زود لسرار الي عنده المهم خذيت الاب توب لقيته شغال رحت لجدي وجدتي وقعدت اقرالهم السعار الاسهم قال جدي اذا اسهم الريان الرتفعت الطلبي الي تبين ومن عيوني وقرا ناقلات بعدين اسمنت الخليج بعدين بروه واخيرا وصلت الريان واول ما قلت اسعارها جدي خذا التيلفون ودق على الشركه وقال بيعو كل اسهم الريان وبعد ما خلص
قال:بنيتي الي وجها زين علي وشتامر به
قلت :هياااااااااااااا مايامر عليك عدو بس بفكر وش حدودي
قال الي تحددين
وقعد يسولف ويا جدتي وانا قعدت اتعبث في لاب توب عمي جاسم واطلع الايملات الي عنده واشوف بلاوي عمى بعينه صدق مايستحي صور بنات وصوره مع بنات وفيديووات للخ وهو سكران اعنبوه موب صاحي وش هل المصاخر والله لاعلم عليه ابوي الهايت كل ها البلاوي من سفراته الي ماتخلص بس هين كله من جدي وجدتي مدلعينه زياده بسهين
قلت لجداني: باروح اجيب مبايلي واجي واروح واجيب فلاش مومري وانسخ البلوي المتلتله حقت عمي وارد الابتوب في مكانه واطلع
وانارايحه لصاله اسمع جدي يقول لجدتي :انه بيروح بعد العصرللمزرعه وبيرجع بعد يومين بما ان المزرعه بعيده قلت جدي باروح معك انا والبنات زهقنا من الامتحانات . قال :لا عندي شغل في المزرعه والمره الثانيه باخذكم معي قلت:خلاص واسوي نفسي زعلت واروح للبيت واقعد على الكمبيونر اطالع بلاوي عمي جاسم لين اذن الظهر صليت وجات الخدامه تناديني اتغدى نزلت وعلى الغدى كانويتكلمون عن النتايج قالت ريموه:اذانجحت تبي لاب توب
قال ابوي:انشاءالله
قالت ندوي :اذا نجحت تبي حفله عوووده لها وتبي ابوي يبني لها ملعب حق كورة تنس الاخت رياضيه
اما خالد يبي يسافر برا يتمشى .الخايس يبي يسوي نفس عمي جاسم الخايب
ونصور يبي دباب وبلستيشن ثري
قال ابوي: انشاء الله ولولي شتبي يقصدني
قلت :ابي سلامتك بعدني مافكرت
المهم بعد الغدى رحت لبوي وقلت له ان جدي بيروح للمزرعه واني باروح معه اذا وافق قال اوكي
رحت لغرفتي خذيت شور و بدلت ملابسي ولبست بنطلون جينز وسيع مو حقي حق ندوي ولبست بلوزه كت بيضا ولبست بدي طويل لركبه وردي وفيه كتابات يابانيه لونها ابض وازرق وشحاطه بيضا وريط شعري فوق وخذ موبايلي وكلمت صديقتي منى نص ساعه ثم كلمت مهوي
قلت تعالي الامر خطيييييييييييييييييييييييييييييير بسرعه
وكلمت شيخوه وناديتها وكلمت لميوه لقيته راقده وناديت ندوي اما ريموه ماتستاهل تروح ويانا وقلت للبنات يجيبون خواتهم معهم
وتم الاجتماع في غرفتي قلت ان جدي بيروح للمزرعه وانا قلت بنروح معه وهو قال لا شرايكم نروح وهو مايدري واذا جينا في المزرعه وقال شي ماعليكم انا باتصرف قالت
شيخوه:ياسلام على الثقه وش بتقولين له
قالت هنادي: واهلنا بيفقدونا
قالت نوير: اخاف يزعل علينا
قلت لهم قولو لهلكم انكم بتقولون لجدي اذا وافق بتروحون وجدي موب زعلان وان زعل شوي وبيرضا واذاقال شي وقلت لهم على سالفه الاسهم وان لي عند جدي طلب باقوله يسامحنى وش رايكم قالو اوكي
وكل وحده راحت تجهز اغراضها
اناجهزت اغراضي وخذيت معي بجامه وفرشاومعجون وعطر شورت فوق ركبتي جينز اسود شاريته على الموضه وراحت الموضه مالبسته قلت المزرعه مافيه الا البنات باخذراحتي وخذيت بعد بلوزه كت لونها احمر غامق وبوت اسود وفيه خيوط حمر يعني ريانيه صدق وشحاطه وربطه
ندوي ماخلت شي ماخذته كنها بتسافر جايبه شنطه كبري مرتين كنها شنطت عروس والعطور والمي كب شوي وتجيب قمصان نوم و كل انواع الاغاني الرومنسيه معذبتها الرومنسيه.البنات استئذنو وجاو وكانو جايبين اغراضهم
شيخوه وما ادراك ماشيخوه جايبه ثلاجتهم في الشنطه
13 سنكرس 8مارس 7 ماء 8 بونتي 1 دانينو مدري وشو له 12 كيس شبس 8 مصاصات 6 عصير 12 حليب سعودي 23 بيبسي وكيس مكرونيا 7 تفاحات 4موزات 8توكس 4 جلكسي والباقي ماعرف اسماها
.................................................. ...
اما هنوده مسويه فيها دكتوره جايبه معها صيدليه كامله ماناقص لال تجيب لها روب مستشفى وجايبه كتاب عن الطب كيف تعالج الجروح الطفيفه وجاكيت حق بجامه تقول الشنطه ماخذت البنطال.وكانت لابسه جينز وبالطو ابيض (مصدقه نفسها)
نوير جايبه معها كيمره فيديو و3 افلام هنديه دي في دي وبجاماتها كله كانت وصخه و جابت بجامت فهد اخوها.وكانت لابسه برموده برتقالي وتي شيرت برتقالي مرسوم عليه بنت الاسود ومحدد بلسود
اما مهوي جايبه بجامتها تحت ابطها وجايه ادلي يديهاو كانت لابسه تنوره طبقات طويله بيضاء و بلوزه تركوازولابسه كاب موب كبير من قدام ولافه الطرحه عليه ولابسهاعبايه فراشه
تجمعناوصلينى العصر ولبسنا عباياتنا وقررنا نركب في سيارة جدي سيارت جدي ستاندر اسود ومغيم كاتم ونركب شناطناوتونا نركب شنطت العروس الاوجدي يطلع من الباب حق الصاله طبعا جدي نضره ضعيف لازم نظاره وماكان لابس النظاره وسمعه بعد ضعيف المهم ركبنا كلنا وخلينا شنطت العروس وهي تصرخ علينا حرام عليكم جعلكم المرض.
وركب جدي واحنى كلنا في الشنطه متبطحين وكانت زحمه مووووت الي رجلها فوق الثانيه والي في حضن الثانيه المهم ويمر جدي صديقه ابو محمد ويروح معه وطول الطريق وهم يسولفون يومهم صغار يومه كان يغازل البنات( والله ان جدي زاحف اقول وشفي عمي جاسم رايح فيها) ومشغلين اذاعه صوت الخليج وفيها برنامج اغاني جلسات وانا جاني شد عضلي و البنات مهوي تلعب في الموبايل سنيك وهنوده تقرا الكتاب الي جابته معاها لا ولابسه نظرع طبيه تشبه نظارت جدي وندى عايشه جو السماعات في اذنيهاو مضبطه لها مسار في الموبايل حقها ماخلت اغيه رومنسيه ماحطتها واحشني موت على مودك ايوه ياحبيبي الاماكن مشتاق لي واغنيه هنديه واغاني شاكيرا وبرتني وشيخوه فضحتنا جعلها المرض بصوات لكياس من ركبنا وهي تاكل قطعت قلب نوير وهي صايمه وكل الوقت سبحان الله والحمد لله والله اكبر كنها توها داخله الاسلام المهم تعبنا زحمه. شوي الا ومبايلي يصيح واكتمه على طول واشوف الاسم لا لميوه الخبله وادزلها مسج اقولها السالفه ودزلي مسج
جعلكم المرض يا الخاينات والله لاعلم عليكم وجعلكم الحادث وجدي مايصير له شي والله لايوفقكم والله لايردكم وجعلكم ماتهنون يارب و
ماخلت كلمه ماقالته وفي الاخير بكل برئه حرام عليكم وياويلكم من الله خليتو بنت عمكم المهم قالت مهوي خلى نقفل موبايلاتنا ونحطها كلها في شنطه عشان مانضيعها ولا احد يكلمنى لين ناصل قلنا اوكي وحطيناها وحطينا الشنطه في المكان الوحيد الي فاضي في الزاويه الي صوب الباب المهم اذن المغر وجدي الله يهداه يمشي عشره ويوقف عند المحطه ويروح يصلي وياصديقه قلنا خلى ننزل وننزل والعمال مبطلين عيونهم على الاخر اشكالنا غلط واحنى ننزل ونروح للمصلى ونصلي وجدي توه رايح في الطريق ونرجع ونروح للبقاله ونشترلنا مجلات ودفتر وقلمين علشان نلعب اكس او وشرينا ايس كريم وعصيرات وتوني أسئل ألعامل أقوله عندك أونو راحو ألبنات وخلوني
وألهندي مافيه حيله يفهم ماخليت كلمه هنديه ماقلتهاله ولافهم يومعجزة قلت له (شفت دجاجه أنتا سيمسم وعنز أنتا سيمسم ) وجلس يهز راسه ... ورجعة اركب ورجع جدي ومشى ولعبةانا ومهوي اكس او ونوير تقرى المجله وندوي تقرا مجله وشيخوه تقرطب اصابعها جعلها المرض بغت تفضحنى الفضيحه وملينا متى نوصل ونجي نبي نشوف الساعه ندور الموبايلات مافي امل شكلها طاحت يوم نزلنا ياالله وتضايقنا
مهوي قالت: ياحرام ماكملت لعبتي
وندوي قالت:الرقامي وصوري والله قهر
هنود قعدت تصيح تقول الموبايل جايها هديه من خاله اما شيخوه كل الي قاهرها الرصيد
نوير قالت:تو ابوها شاري لها رقم مميز والله قهر كانت شوي وتصيح
انا قلت: اول الغيث قطره الله يستر المهم واخيرا وصل جدي المزرعه وقف السياره عند البوابه مالت المزرعه ونزل ويا صديقه وراحوصوب غرفت الناطورو
قالت :مهوي خلى ننزل نروح من ورا البيت ونسوي لجدي سبرايز قلنا اوكي وننزل ونزل شناطنا معنا شويشوي علشان لايحس جدي ولا ابو محمد وكانت المزرعه ظلااااااااااااااااااام ووصخه( مادري وين العمال )المهم على مالفينا من ورا البيت كان كبير والمكان اللي وراه كله قراطيس وزباله والاشجار كانت كل شوي تلمسنا واحنى كنا خايفين مووووت وصلنا من ور اءالبيت الا وجدي مشغل السياره ورايح وش السالفه ياربي شفيه راح المزرعه كانت هدوء موت يمه تخوف وين جدي ووشفيها مزرعتنا كذا المهم رحنا نبي ندخل البيت لقيناه مقفل والجوكان غريب ونجيب صطل وتركب مهوي وتدخل من الدريشه وادخل انا ثم الباقين وابطل اليت الا والبيت موب بيتنا يمه يعني احنى موب في مزرعتنا وندور تيلفون مافيه والبيت كان كبير ودرايشه كبارو على البوابه على طول يعني الي عند البوابه يشوفنا ونشوفه البيت شكله من زمان محد دخله كله غبار وحشرات يمه صراصير تلحقنا وخنافس وعناكب في الزوايا المهم
وش نسوي قلنا يمكن يرجع جدي بس مافيه امل شكل جدي يبي شي وراح ها وش نسوي ياربي سياره
البنات الي تصيح والي حالتها حاله وكلهم يدعون علي بذات نوير دعت علي من قلب كانت
تقول :الله لايوفقس جعلس المرض جعل ربي ياخذس انا انا الغبيه ولا ليش الروح وتصيح من قلب
المهم مرت ساعتين على ما عتقد قالت نوير انها تبي الحمام وتونا بندور الحمام الا نطالع من الدريشه وليت ذيك السياره لاوالله الاسيارات طبعا انحنى نشوف نور السيارات قبلنشوفها يعني هم مايشوفونا قلنا يمكن اهلي ونطفي الليت وندخل في غرفه فيها دريشه على البوابه ونورها طافي ونطلع السيارت داخله في المزرعه و مجموعه شباب نزلو بطلو الباب ودخلو في الصاله واحنى ونراقبهم مع الباب حق الغرفه طبعا هم مايشوفونا ويدخلون وشكلهم صيع قلنا رحنى وطي قالت مهوي اخاف يمسكونا شنسوي شي فكنا منهم يالله ياربي وش رايكم ننحاش قبل يصيدوناونطلع وتطيح شحاطي من الدريشه انا والبنات طلعو بسلام وتنشب تنورت سندرلا مهوي نسحبها لا منشقه التنوره وطايحه مهوي على الارض هي وبجامتها واول ماوقفت الا التنوره من شقه من اولها الى اخرها بطول من قدام ياسلام طلع البكيني كان اصفرعليه قلوب خضرى كان يشجع البرازيل على ما اعتقد ماشفته زين كانت ظلما بس القمر كان طلع كنا 15 الشهر يعني فيه شوي نور ونروح في الظلمه ما كان فيه غير المزرعه كانت بروحها وفيه طريق صغير يودي لها قلنا خلى نمشي بعيد عنه لاحد يشوفنا ونتورط مشينا والجو كل ماله ويغبر المنطقه كانت شبه مقطوعه يالله يالله نطالع نور الدوحه نمشي ونجلس طبعا شناطنا معنى خفنا يصيرلنا شي ندوي ماكانت خايفه كثيييير كانت طول الوقت اذا احد قعد يلومني تقول هاذ الشي كان مكتوب وقدر الله وما شاء فعل وكل شوي مسببه لنا رعب شوي اطالع صوت وشوي تروح تركض كن احد يلحقها و بذات نوير ذبحتها وارعبتاه المهم مهوي قطت التنوره ولبست البجامه و ضيعنا الطريق لانا كنا نمشي بعيد عنه وتعبنا وتعبت اعصابنا المهم توقعت ان العشا اذن وصليناكلنا وخلين ثنتين يحرصونا لين نصلي بعدين احنى نحرصهم وبعدين مشينا يمكن 3 ساعات ولاشفنا نور ولاشي بعدين مشيناوالدبه قضت على الاكل والخبله الثانيه نويرتصورنا بالكمره وتسجل ذكرياتها وتقول الى من يجد هاذ الشريط الرجاء ايصاله العائلتنا يمه يبه سامحوني انكنت اخطيت وترى اسباب الي صاروتقوله كله من ليلوه وترا ني متسلفه من خالتي سلمى خمسين ريال ردوها لها وتراني زعلانه على اختي نجود علشانها ما طيعني ولاتسمع كلامي وادعولي ان الله يدخلني الجنه وتقول القصه من ناديتهم الى اخرشي وقالت انافي منطقه مقطوعه الحين وهي تسولف شفنانور بعيد رحنى له جري كان بعييييييييييييييييييييد موت بس كان املنا مشينا ومشينا لين وصلنا لقينا سياره همر اصفرسبور كشخه مبطل بابها الي عند السكان و مافيها احد ليتها الداخلي مبطل استغربنا وخفناالمهم ركبنا فيهاكانت اااااااااخر كشخه من داخل كاروهات اسود واصفروفيها كرتون بيبسي وكرتون ميرندا وكراتين فواكه وكرتون ماء اما الجو برا كل شوي يغبر زياده المهم بطلت اليت حق السياره الي برا ابي اشغل السياره الاوكنه واحد طايح على الارض قلت خاف مسوي لنا كمين شافنا واجد وهو بروحه قال خلى اصيدهم ونقعد نطالعه وضرب عليه هرنات وتاخذ مهوي تفاح وتقط عليه بس مايتحرك وتاخذ شيخوه علبة بيبسي وتقطها لاطايحه على كتفه ونسمع صرخت الم من قلب
قالت هنوده ياحرام كنه مليان دم
قالت ندوي انا باروح اشوف وشفيه قالت هنوده خلى نروح كلنا علشان مايقدر علينا ونزلناوقربنا منه شوي شوي قالت نوير هي انت انت حي ولا ميت(سوال جدا غبي) وقربنا منه لقينا شاب طايح على ظهره ويالله نسمع انينه كان شكله مضروب كدمه تحت عينع ودم سايل من ثمه وكم مشخ على خده وصدره كله جروح ويده مجروحه من عند الكف وهوماسكها بيده الثانيه وكانت ساقه يسيل منها دم يعني رايح فيها على الاخر وكبت عليه مهوي ماء تقول يمكن يصحى بس كان شكاله تعبان مررررره
المهم كثر الخبار يعني صار عج قلت خلى نحطه في السياره قالت نوير ياسلام السياره يالله تاخذنا وين نحطه في حظني قالت شيخوه بنات خلى نحفر له قبر خاف يموت نخليه معناوهوميت قالت هنوده خلى نركبه وانشاء الله بعالجه. و وصفطنا الكراسي مالت السياره كلها الا الي عند السكان ولادرينا كيف نشيله اول مامسكت يده بدى يصيح وان مسكنارجله قعد يصيح وش نسوي له ذا قالت الدكتوره شلوه يصيح ولامايصيح وشلناه وهو يصارخ وندى تقول حرام عليكم عورتوه وركبناه مددناه في وسط السياره واول ماركبناه شفنا شكله على النور كان شعره طويل الى تحت كتفه بشوي كاريه واسود ناعم وعيونه كبار وسود وكانت بشرته بيضاء كان حلومووووت كان لابس جينز كحلي وجاكيت ابيض عليه تي شرت برتقالي سبور كان مقطع المهم وبدت الدكتوره هنوده تشوف شغلها واحنى كنا خايفين ومستحين بعد كان يتألم بشكل فضيع قالت الدكتوره:رجله مكسوره لازم عصى نربطها عليها وانزل اجيب عصى اول مانزلت شفت شي اسود بعيد شوي عن السياره خفت وركبت وقفلت السياره زين قالو البنات شفيس قلت شي اسود يخوف كنه ذيب قالت مهوي موب احنى في الشمال قلت على ما اعتقد لأن مزرعتنا في الشمال قالت :ما اذكر ان الشمال فيه ذيابه ونقعد نطالع وهنوده مصدقه نفسها امسكو المريض الربطو المريض شويشوي على المريض واحنى كنا نراقب الذيب بخوف شوي ويتحول الذيب الى ذيب يمشي على رجليه نفس الرسوم ويجي صوب السياره ونروح احنى كلنا للجزء الثاني من السياره ويدق القزاز واحنى خايفين مووووووت الا ويتحول ويصير يشبه شيخوه يمه ونتلفت ندور شيخوه مالقيناها اف طلعت شيخوه حرام ناسيينها برا ونبطل وهي معصبه حدها قالت لها ندوي شفيس برا قالت:جعلكم الممرض نزلت ابي الحمام وسببتولي رعب الله لايوفقكم وكانت معصبه ومن حرجه موووت واحنى استلمناها تعليقات مهوي قالت :افيه غسلتي ولا لا نوير قالت : عسا قبرتيه اخاف يقوم الرجال ويشوفه فشله وكانت معصبه حيل المهم الخت هنود كانت عايشه جو واشتغلت وصدقت انها دكتوره وحنى اذا صاح ابعدنى عنه والاخت سوو كذ وسوكذا وتنضف جروحه وتلف عليها وقالت بسرعه جيبولي عصاء واروح ادور انا ومهوي وانا ادور طاحترر جلي في شي حار ولزج وريته خاااايسه واشوف وشذاه واقعد اصيح وادعي على شيخوه وعييييييييييييييييييييييه ويجيبون لي كلينكس وماي وناديت شيخوه تجي تنضف رجلي من جريمتها وعيت قالت احسن تستاهلين ليتكم رحتو كلكم ادورون عصى واجيب عصا وتلف الدكتوره على رجله وتبنجها شوي كنه رقد المسكين كل هاذا وندى كانت طول الوت فاتحه ثمها واطالعه مطالع مغرمه قلت لها هي انتي شفيس قالت بصوت ناعم ورومنسي يهبل يجنن احلى من جون براهبم الله ما اقدر اشل عيوني عنه كلنا انصدمنا وبدينا نضحك عليه وكنه موب جايها نوم الفجر بيطلع كنا كلنا تعبانين نبي نرقد بس قالت نوير اخاف يعد واحنى رقود ويسوي لنا شي قلت خلاص خلى نربطه قلنا اوكي وسكرناعيونه بشاش بعدين شليناه وقعد يصارخ ويألم ندوي تسمي عليه وتقراء المعوذات المهم ونحطه على الكرسي الوحيد في السياره عند السكان وربطنارجليه في الوطايات وانا اربط رجله عجبني جوتيه احسن من شحاطي الي مليانه رمل والبس جونيه والبسه شحاطي غصب علشانها صغيره طبعا كانت شحاطه وحده لأن الثانيه طاحت يوم نزلت من الدريشه عليه شوي ونربط عليه حزام الامان واربط يده في حزام الامان واليد الثانيه ربطها في رجله في فخذه وربط صدره في الكرسي زين علشان مايقدر يقوم (مع اني ماعتقد انه يقدر يقوم )طبعا كنا مربطينه بلفات من صيدليه هنوده شوي وبدو البنات كلشوي ترقد وحده اخرمن رقد انا ونوير ورقدنا كلنا بلعرض عشان نوسع كراتين الفواكه والعصيرات حطيناها مان الكرسي الثاني الي قدام وقعدت الصبح اعتقد الساعه 9 لقيت نوير عيونها حمرا من الارهاق تقول ماجاها النوم ومهوي توها جايه من الحمام وشيخوه قاضيه على الثلاجه الى هي جايبه وكل وحده ماسكه قطعه من كرتون مسويتها مهفه من الحر لأن الجو كان حر مووووت ورطوبه وضباب اشو ان السياره مغيمه المهم افطرنا من ثلاجة شيخوه اقصد شنطتها وكلينا شوي فواكه وقعدنا شوي وقررت مهوي تفحص السياره من برايمكن تمشي وحصلت التانكي ما البترول مشقوق والبترول سايل على الارض كن احد قاصد يسوي فيه كذا المهم بعد ساعتين على ما اعتقد قعدو البنات الباقين من الحر والرطوبه شوي ورحنا نفكك الرجال ونرده وراء علشان نحاو في السياره يمكن تصير معجزه وتشتغل اول ماحطينها قعد وتغشينا كلنا اول مابطل عيونه كان شكله حلو موووت ندوي شلت الغشوه وسوت لثالم علشان تعاين على راحتها
قال بصوت المريض:انا وين
قلت:في سيارتك في المكان الي لقيناك فيه
قال :انا مدري شلون اشكركم علىالي سوتوه معي
الاوتنط ندوي وتقول:هاذا واجبنى وماسوينا شي واذا كان شي يعورك ترا معنى دكتوره
قال:اسف تعبتكم
قالت:تعبكراحه وبصوت واطي كفايه انك حلوثم
قالت: الاوش اسمك
قال:فارس
قالت عاشت الاسامي والله اسمك حلو الا وش سالفتك
كل هاذ واحنى منصدمين من الاخت الي راحت في خبر كان
قال:انا اسف مااقدر اقولكم
قالت :لالازم تقولنا هاذ جزانا
قال:اول انتوقولو ليش هنا وشسالفتكم ومين الي جابكم
قالت هنوده: احنى اختربت سيارتنا وماعندنا موبايل بس يالله قول سالفتك
قال:انا متهاوش وياشباب وكنت رايح لشباب في البر
قلت:الشباب في البر ولا في المزرعه هاه
قال :لا والله انهم في البر وجوني وكانو كثير وسووفيني كذا وشقو المخزن حق البترول واخذومبايلي وخلوني مثل ما انتو شايفين
وقالت: ندوي تبي تاكل او تشرب باجيب لك حليب بس حارشوي
قال:لا مشكوره
قالت الخبله:عشان خاطري
واعطيها ذيك الكمه على ظهرها وكانت قويه شوي واطيح على رجله ويقعد يألم وحالته حاله
قالت: ندوي سوري ماكان قصدي
قال :عادي ماصار شي
قالت: اجيبلك حليب
قال :خلاص علشان خاطرج بس ماي
وجابت الماي وطبعا اهو يديه تعوره يالله يقدر يمسك الدبه حقت الماي شسوت الاخت مسكت له الماي وهويشرب وكلنا قاعدين نشوف الفيلم الهندي
المهم قالت: له مهوي:شسمك كامل
قال : فارس ناصر خالد
قالت :ندوي عندك خوات
قال:عندي ثلاث
قالت:انت متزوج
قال :لا انتو شلي جابكم في ها النطقه المقطوعه وليش كلكم بنات ولامعندكم مبايلات
قالت:شيخوه شي مايخصك
قلت :ياالله شلون نرجع لدوحه انت ماعندك مبايل
فال :ذكرتيني واحد من الكلاب قطه بعيد يسار السياره
ماصدقنا على الله انتشرنا مع ان الجو كان مايساعد حر مووووت حزت قايله واحنى كنا شياطين خذينا على مااعتقد ساعتين ونص شوي الا ونوير تصيح لقيته لقيته نروح نركض لها ونبيه يشتغل مافي امل ونرجع لسياره خايب املنا ونوير قعدت تبكي
وتقول اكيد بموت وتاخذ الكميرا وتكمل تسجيل الوصيه وتكتب كل الي صار وكل الي قلناه بلحرف الواحد واني انا الي مورطتهم المهم
قال فارس: نزلوني برا الجو كنه برد عشان تاخذون راحتكم
قالت ندوي:لا والله ما تنزل
قال :بليز الله يخليج عشان الرتاح
قلنا خلاص بنزلك كرسي من كراسي السياره جينا نبي نفك الكرسي( قال الكرسي تخسون انزل)
ولاقدرنا نفك الكرسي وندورفي شناطنا مالقينا شي نحطه عليه مالقينا الا بجامة فهد وعطينها الجاكيت بما ان تي شيرته مقطع
وخذاه بيد وحده هي الوحيد اللي يقدر يحركها وفي عيونه علامات تعجب من وين جبنا البجامه المهم
قال :عادي حطوني على الرمل وبدا يحاول ينزل
عاد انا ماهان علي قلت:خلاص عندي الحل
قالو:وشو
قلت:لازم نربط عيونك بعدين خاف وضح على وجهه بعدين قال:اوكي
ونربط عيونه واتبرع بعبايتي ومهوي تبرعت بفراشتها وشيخوه تبرعت بشرشف حقها الي لابسته عساس انه عبايه ونفرشها كلها برا جنب السياره ونزله ونحطه على العبايات ونفك عيونه ندوي الي فكتها علشان عليها عبايه وتحط عنده فواكه وماي وبيبسي حااااااار ومهفه اقصد قطعت كرتون مع انه (يالله يتحرك)
طبعا اهوخلاص مايقدر يطالعنالأنه جنب السياره ولأن السياره مغيمه ونقط عباياتنا والبس بجامتي عشان الحر ونقعد نتعبث في الموبايل
الاو ندوي مسايفه الباب وقاعده تسولف معه
قالها :الا انتو من أي عائله
قالت: شيخوه وهي في اخر السياره
شدخلك
قال: اسف
وتطلع نوير فوق السياره تجرب كن الموبايل يشتغل وتعد تصيح ابشركم اشتغل شتغل
قالت: من اكلم باكلم ابوي يجي
قالت :مهوي لا خلى نكلم لميوه بس كم رقمها وندق على بيت جدي ويرد الخبل خلود ولد عمي فيصل قلنا وين لمياء وراح وناداها وجت
قلنالها احد فقدنا
قالت:لقينا شنطه برا ى بعدين
قالت باكلمكم من موبايلي شوي واتصلت
قالت جاء عمي ابو خالد البارح وسأل جدتي عنكم قالت ان جدي كان رافض انكانه وافق مدري وبعدين جاو اعمامي كلهم وتعشو عندنا واليوم كلم وكانت جدتي راقد ه والحين انتو وين وكيف تفاجئ جدي واقولها السالفه كلها وانا تورطنا قالت:محد يدري انكم موب مع جدي وقاطعتناندوي
قالت: ان فارس يبي يكلم اهله يجون
قلت خلاص بنتصرف واذ ماقدرنا كلمانس
ويكلم فارس ابوه ويقوله انه بخير وتوه يقوله المكان خلص الشحن
ويعصب ويقول كله منكم الحين احنى تورطنا وتقعد نوير تبكي وتصيح وادعي علي المهم غابت الشمس واحنى انا وشيخوه نلعب اكس او والدكتوره هنادي تقرا كتابها ومهوي ترسم على الرمل طبعا احنى منتشرين في الجهه الثانيه من السياره والرومنسيه ندوي جعلها المرض فضحتنا كل شوي رازه وجها عند الرجال تسولف عليه
قالت: هم شفيهم عليك
قال: هواش ماهواش وانا كنت متوقع نتهاوش بسا توقعت انهم يلحقوني ويسوون فيني كذا
قالت:ليه ماجبت احد من خوانك ولا ولدعمك معك ولااحد من الصدقائك
قال: ماعندي الا اخو واحد صغير واصدقائي كانو طالعين قبلي للبر صار لهم يومين مايدرون اني باجيهم
وماعندي عيال عم اصلاًماعندي اعمام
قالت :خوال
قال:عندي خال بس مسافر
المهم
الظلم الليل ونصلي المغرب ونركب فارس على الكرسي الي قدام ونركب وراء فارس كان تعبان مووت كل شوي يغمى عليه
قالت :شيخوه الرجال شكله بيودع وحنى كنا خايفين موت من الظلام شوي ويقوم فارس شافنا كنا خايفين ويقعد يضيع الوقت ويقعد ينكت علينا وكل ماضحك قعد يتألم ويقولنا اللغاز طبعا هو قدام ما يشوفنا واحن شالين المرايه الي قدام عشان مايشوفنا المهم قال:وش الشي الي السود وطويل ونقعد نفكر ونفكر
قالت:ندوي زول طووووووويل
قال: خطاء
قالت:نويرحيه
قال: خطاء
قالت:ندى الشارع
قال :صح يعجبني ذكائج الاشسمج
قالت على طول نداوي والرتزت قدام مالت عليه الحمد الله انه ما يدري انها اختي بس تدرون كله مني كل شوي اوريها فيلم هندي رومنسيه لين خربت البنيه
قال عاشت الاسمي يا نداوي
قالت:عاشت ايامك قولنا لغز ثاني
قالت :مهوي ما عتقد اتعيش ايامه ولا ايامنا
قال:خلي املج في الله كبير"كانت اساعه على ما اعتقد 11
قالت ندوي يالله قل لغز ثاني
قال: وشوالشي اللي مامنه فايد
قالت شيخوه مايبيله انت
وسكت شوي وكنه تضايق وقال انا اسف المفروض انا الي اتصرف بس شاسوياتمنيت التقي فيكم في ظرف احسن بس الاقدار شوي ونشوف نور سيارات جايه استانسنا قلنا احد بينقذنا
اول ماقربت شافها فارس
قال :عرفت السيارات قلت :ياربه ابوك قال :لاهذولا الشباب الي تهاوشت وياهم اهو قال شباب واحنى انصدمنى وش انسوي؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
قال خليكم وراء وفيه تحت الكرسي الي انا عليه مسدس
قالت :مهوي باخذه واذا جاونا برميهم قال:فارس لا طفو كل اليتات وتعالي جنبي وخلي يدج كنها يدي واول ماينزلون ارميهم اوكي
الا وتنط ندوي انا بجي جنبه وبارمي قلت كنها زودتها (قالي ضميري انتي اختها الكبيره ادبيها وش بيقول عنكم الرجال)
ومسكها من شعرها واقول كنس مصختيها واضرها وادزها لاصاقع راسها في القزاز ومغمى عليها واقعد اصارخ ونبكي انا والبنات وتوقف سيارات الشباب كانت سيارتين وياخذ فارس المسدس وينزل ويوقف على رجله الي موب مكسوره واحنى في حاله يرثى لها نوير تصيح وتبكي وماسكه يد ندوي وتقول :تكفين لا تموتي لاتموتي جعل ليلوه المرض جعلها الموت
ومهوي تكب عليها ماي بسمافيه امل
الشباب نزلو وقعد فارس يرميهم وصوب واحد منهم في كتفه خافو منه وخذو صديقهم وراح وقال واحد منهم راجعين هين وراحو وطاح فارس على الارض وبدى يبطل عيونه ويسكرها كنه بيغمى عليه واغمى عليه نزلت مهوي عنده قالت :تكفى لايغمى عليك كفايه ندوي ماتبي تقعد وشوي لاوندوي تبطل عيونها واستانس واضمها واقولها انا اسفه واول ما بطلت عيونها قالت:وين فارس
وهوكان
يسمع قال :انا موجود يانداوي
ويغمى عليه برا جنب السياره وننزل نكب عليه ماي بس ها المره ما قعد الابعد ايش وكان تعباااااااااااااااااان موت ندوي كانت قاعده في السياره وانا ومهوي والدكتوره كنا عند فارس الاونور سياره وخاف خوف قعدنا كلنا نبكي وفارس يقول عطوني المسدس ولا يهمكم ويحاول يوقف ويطيح قالت:شيخوه ياخي استر ح خلهم انا بداويهم وتوالسياره في الطريق قعدت الدبه ترمي في السما تقول بترعبهم لين خلص الرصاص وقربت السياره ونركب كلنا في السياره وجينا نركب فارس بس مافيه وقت قال الركبوانتو وخلوني وكل وحده معها غرشتين بيبسي وحده مكسوره عشان تكون تجرح ولفينا شيالنا ولا تغشينا عشان نشوف زين وقفلنا السياره
هل قدرنا ندافع عن انفسنا يوم جاو الشباب
وكيف كان موقف فارس وهل قدر يتصرف ويحمينا
ولا من اللي بينقذنا
ولا هلي بيصدقون انا رايحين مع جدي
وكيف بيكون عقابهم لنا