واقعد الساعه 7 على صوت الحريم المزعج لأنا معهم في نفس الخيمه وصوت والبزران واغسل وجهي واللبس عند البنات طبعا كلهم راقدين وتوني فاصخه بلوزتي بلبس الثانيه الاورامي ولد عمي سلطان 4 سنوات داخل واول ماطالعته ويروح يركض
ويقول : يعيه ليلى راقده ماعليها ثياب
والطالع مع بابا الخيمه بعد مالبس بلوزتي بسرعه وهويعيد
قلت : رويمي تعال هانا
رامي : يع ليه ماعليس ثياب
والروحله ركض وامسكه واظربه
واقوله : وش مدخلك خيمتنى هاه و يقعد يبكي ويقول ابي شيخه واخذ تراب واحط على راسه واخليه الا وعمي سلطان شايفني
عمي سلطان : ليلوه خير وشفيس عليه هاه
انا :ولدك ياعمي قليل ادب داخل علي وانا ابدل
رامي وهو يبكي : كذابه يبه كانت راقده ماعليها ثياب
وجلس عمي يطالعني بشكل غريب وبعدين ظحك
انا:ممكن تظحكني معك
عمي : بلوزتس مقلوبه هاهاهاا
قلت الحمد والشكر ورحت للخيمه عدلت بلوزتي ورحت للمطبخ وافطرت ورحت قعدت البنات وخليتهم يلبسون
وطلعت برا والجوا كان خياااااالي حلو وبعدين رحت لخيمت الجلوس وقعدو نص البنا ت وريموه وشلتها
قالت جدتي : يالله الركبوخلى نتمشى شوي
على طول البنات ماكذبو خبر و كل وحده ماخذه معها
شي خذينا كوره وورقه بيلوت وانواع الكوافي والعصيرات
واشبس وشلت ريموه ماخذين معهم رشاشات ماي كبيره ومعبينها فل وبعد لميوه ماخذه معهى سي دي فيه انواع الاغاني الي هي تحب ونركب كلنا في سيارت جدي:ستندر
وهوشه على الي بيركب قدام وانا ركيبت قدام بعد هده مدتها 7 دقايق ومهوي بغت تجيها جلطه تبي تركب قدام
وفي الاخير ركبو ورى
.. مهوي ...وشيخوه ..وندوي ...ونوير ..وهنود ...رنود وزحمه على الاخر.... وفي الشنطه ورى
ريموه ...لميوه ..امجاد ..عبير ...نجود ..عهود ...
وبعد زحمه بس عادي محد اشتكاء منالاناسه وتو جدتي تشغل السياره تبي تحرك لاوخلود بنت عمي سلطان اخت شيخوه متمسكه في السياره
جدتي :خير عسى ماشر
خلود :ماشر بس بروح معكم
جدتي :بلا بودي البنات يستانسون
خلود :ليه انا رجال ولا حرام استانس
جدتي :انتي متزوجه اجلسي مع المتزوجات لين امشيهم بعدين
خلود :والله لاخلي زوجي رحومي يطلقني من بكره
لو ماتخذوني معكم
جدتي : بس انتي حامل
خلود :عادي توني في الشهور الاولا وبعدين ماعندي مشكله بروح معكم
جدتي :يابنت النا مالس مكان معني فهمتي
شوي لا جايه جواهر اخت خلود بنت عمي سلطان
جواهر :حتى انا
جدتي الحين طارده اختس الي بلاحامل وماوراها بزران وتجين انتي يام البزران
جواهر: جدتي كنس شاتمتني
جدتي :صارو البزران شتيمه الحمد لله
جواهر :تكفين ياجدتي اخذينا معكم
جدتي :مالكم مكان
جواهر بشكل يكسر الخاطر :حراام عليكم والله دلال بتروح ويا عمي وليد يتمشون ونجلا بتروح مع زوجها عمي فيصل والهنوف بتروح مع مع زوجها خالد اخوي والبنات انتي تبين تودينهم يتمشون وانا واختي خلود من الي بيودينا ازواجنا موب معنى ولاحد معبرنا وحتى عماني كل واحد بيروح ويا زوجته يمشيها ويغيرون جووحنى ويش نسوي مالنا الله ثم انتي ياجدتي الغاليه ترا والله حرام
جدتي :خلاص خلاص دورو لكم مكان وركبو
ماكذبو خبر وبطلو بيبان السياره
جواهر :يالله زحفو لنا
مهوي :يالله لقينا لنا مكان عشا نزحف لكم موب لازم تروحون معنى
ندوي :ياليل جده روحي وخليهم مالهم مكان
وتوهم يدورون جات دلال مسرعه هي والهنوف
دلال :ياحرميات تبون تروحون وتخلونا
الهنوف :حديناكم
خلود :ياليل ويش بيفكنا فيهم
الهنوف :ليه انشاء الله لايكون بتودينا على راسس
خلود :لا بس مالكم مكان
مهوي حتى انتي مالس مكان وسكرو البيبان البنات وقفلو
انا :جده روحي وخليهم
جواهر :والله لاتخلوني ان اتعلق معكم ورا
جدتي :يابنات بوديكم بعدين مالكم مكان بلابتئخرونا
جواهر :لا اخذونا معكم
دلال :ايه نبي نستانس
الهنوف :صدق خلونا نروح معكم
خلود :دبرولي مكان انا لحالي بمائني اصغر ذولا
وتبطل شيخوه الدريشه
شيخوه :العن ماعندكم كرامه مانبيكم ومالكم مكان يالله اذلفو وتحرك جدتي ونروح وهم يطالونا وهم منصدمين بعد ماهزئتهم شيخوه
ورحنى اول ما ابعدنا عن الخيام قطينا شيالنا وبطلنا الدرايش السياره وشغلنا السي دي حق لميوه واول اغنيه الواوا وجلسنا نغني معها وجدتي تسوق
انا: جده علميني كيف اسوق مثل مهوي
جدتي :طفي المسجل واعلمس السواقه
على طول طفيته انا يالله جده خليني اسوق وتوقف جدتي وتنزل وانا رحت اسوق علمتني كيف الشغل السياره وجلست اسوق بشوي شوي والبنات يصايحون وراي فحطي فحطي وتهورت واسرعت بس ...
مهوي :انا بسوق ياجده تكفين ذي ماتعرف تسوق
انا :اكلي تبن بتعلم وبصير احسن منس
لميوه :امانه ليلوه خلي مهوي تسوق عشان تفحط
انا :لوا انا بفحط
جدتي :لاحد يقلبنا
انا :افا عليس ياجده
شيخوه :انا بسوق ذي بطيئه ماتعرف تسوق
جدتي :هاذي السرعه كلها وتقولين بطيئه
شيخوه :وين السرعه ...وتبطل الباب شيخوه وتنزل والسياره تمشي وتجي تركض قدامنا وسبقتني عاد انا حسيت بلأهانه وضغط على البنزين بكل ما اتيت من قوه والسرعت السياره سرعه فائقه وجدتي كانت تصارخ تقول
جدتي :شوشو ياليلى
انا :كيف
جدتي :شيلي رجلس جعلها الكسر من البنزين
واشيل رجلي من النزين الاوقفت السياره
جدتي وهي معصبه انزل جعل امحق سواقه وتوني نازله الاومهوي راكبه عند السواق
انا :جده شوفي مهوي
جدتي :خليها تعرف تسوق احسن منس
انا :لاوالله علموني السواقه وعرف السوق
جدتي :لاتعلمتي خليتس تسوقين
انا :والله لقول لبوي يدخلني دورة سواقه ولا مهوي احسن مني
جدتي :الركبي عاد
وجات شيخوه وهي فاحه من التعب
شيخوه :ليلوه جعل ربي ياخذ روحس ويش ذي السرعه خليتيني ورحتي
انا :احسن يالله الركبي
شيخوه :الركبي انتي قبلي
انا :لاوالله انتي الركبي عشاني ابي اجي عند الباب
شيخوه :حتى انا
جدتي :خلصوني
انا : جده شوفي شيخوه عيت تركب
جدتي :شيخه الركبي عشان خاطري
شيخوه :انتي تامري امر يالغاليه
وركبت شيخوه وانا ركبت عند الباب
ومشت مهوي
مهوي :افحط
الكل :اييييه
جدتي :لاااااااا
انا :تكفين ياجدتي خليها تفحط عادس احنى في بر