ديما: تركي والحجز؟
تركي: لالاحجزنا استراليا دبي الرياض ..أنا ابيه لدبي وبعدين نجلس هناك على الأقل لو ليلتين
ديما: ليلتين؟
تركي: الصراحه الفلوس اللي مخليها لشهر العسل ماخلصت وأنا أبيها تخلص بدبي
ديما عقدت حواجبها وجلست : تركي جدك أنت؟
تركي: ايه؟
ديما: طيب الفلوس تقعد لشي ثاني ههههههههه والله انك غريب
تركي: ايه أبي ارجع للرياض وانا مفظي يديني
ديما: غرييب من جد انك مب طبيعي مبذذذر هذا ثاني موقف احكم عليك انك مبذر من بعده
تركي فتح عيونه: ليه وش الموقف الثاني
ديما بضحك: بلندن نسيت؟؟؟
تركي عقد حواجبه: لامتى؟
ديما: يوم تدخل محل ألعاب حق أطفال المشكله وقاعد تشتري ألعاب وكل هذا لان عندك فلوس زياده ابوك مرسلها لك
تركي اللي مات من الضحك :: هههههههههههههههههههههههههههههه!!
ديما: ويقول انا ماابذر
تركي: المشكله اني شاري دببه وأرانب ورازهم بغرفتي يومين وأخرتها وديتها عند عبدالله اخوي يصفها لفارس
ديما: الحمدلله والشكر حاطهم بغرفتك كله متأثر من شباب لندن ههههه معروفه هالحاله
تركي: يووه خلاص لاتذكريني احس اني خبل ذيك الأيام
ديما: وهالمره تبي تخلص فلوسك بدبي
تركي: ايه لاعاد في هذي انا معاي حق ديما كل سنه عندنا شهر عسل؟ ؟؟ ليلتين في برج العرب تكفين تراها أحلامي أروح هناك مع زوجتي
ديما: الصراحه ماقدر اكذب واقول ماابي
تركي: على امرك وانا اقول الحين ديما بتقول ابي اشوف ابوي ومدري ايش ..حلو اللي رضيتي
ديما: مستحيل ماابوافق شدعوه
تركي واهو يطالع بجسمها بخبث: اقول ليت من يحطك بالسرير اللي هناك ..
ديما: بسم الله لاتطالعني كذا خلاص
تركي: لافه جسمك بربع فوطه يشيخه شيليها
ديما: بسم الله !! لالاشكلها جتك الحاله أنا اروح أغير احسن لي
تركي: هههههههههههههههههه
واهي تمشي واهو يشوفها ناداها وأعطاها بووسه من بعيد قامت تضحك وكملت
وطبـــــــــــــعا لحــــــــــــــقها
والليله ليله^_^
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::
<<<<<<<<<مدينة الملك فهد الطبيه
غرفه رقم 141
ام فيصل والوليد ونواف خويه .......
طـاح عليهم فيصل واهم بالطريق ودخلوه للمستشفى (انهيــــــــــــــــار عصبي)
الوليد: خالتي نمشي؟
ام فيصل: ومتى بيطلع؟
د: بكره ان شالله الصبح يكون أحسن خلوه بس الليله هنا
الوليد: يالله اجل ياخالتي نمشي؟
ام فيصل: مشينا يالله
الوليد: نواف؟
نواف: لالاخلني أبرجع بلحالي
الوليد: ههههههههه وش ترجع وماعندك سياره ؟
نواف انحرج من ام فيصل: لالااخوي يشتغل هنا وبيمشي الحين
الوليد فهمه : اللي يريحك
مسك يد أم فيصل ووصلها للسياره
.................................................. .................................................. ......
ام فيصل: وشلون عرف فيصل؟
الوليد شافه ضايق صدرها ماحب يفصل لها يكفي ان ولدها قبالها طاح بانهيار: لابس عصب ليش اننا ماعلمناه وراح بيجيبك ماطول عندنا
ام فيصل: والله انه ضايق صدري وبالذات من بعد ماشفته يدخن
الوليد: ايه ياخالتي ازمه وتعدي مثل غيرها بالعكس الحين أكثر الشباب لما يصيرفيه مثل فيصل يتزوج غيرها أحسن من انه يعلق مصيره بموافقتها
ام فيصل وكنها اقتنعت: يعني أدور له؟
الوليد رحمها مثل الحريم الباقيات تبي تشوف عياله تدور له مثل غيره اعطاها ابتسامه: الحين اصبري له ولاتفتحين معه هالموضوع وساره تكلمي عنها عااادي كأنه مثل أول لكن على خفيف شوي ... والمسأله مسألة وقت وكل شي يتغير ان شالله
ام فيصل: الله يوسع عليك
واهو يوقف عند باب بيتهم : وسعيها مافيه شي
ام فيصل:الله يعافيك يالوليد ماتقصر
الوليد:افا عليك ماسوينا شي كم ام فيصل عندي انا
ام فيصل: ماتقصر ياولدي انزل معي الوقت تأخر
الوليد: لااخاف امي الحين يضيق صدرها علي عاد نايف مب بالبيت مين بيقدر يعوضها اثنين بوقت واحد
ام فيصل: هههه ياحليلك يالوليد
الوليد: لحظه خالتي أبي دعواتك يقولون دعواتك مستجابه دايم ههههههه
ام فيصل: ايه عاد انت اعزك ودايم أدعي الله يوفقك وييسر أمرك ويفكك من هالبدل ...
الوليد:هههههههههههههه متعقده الخاله اجل ؟؟ ..... عاد كملي ..قولي ويزوجك
ام فيصل: ههههههه ويزوجك ان شالله نشوف عيالك
الوليد: اامين ان شالله
ام فيصل واهي تنزل : ان شالله
قام من مكانه بسرعه وراح جهتها ومسك يدها ودخلها للبيت ومشى
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::
<<<الساعه 2 الظهر
دخلت ساره وسعد بيتغدون فبيت أبو عبدالله ...دخلت معاه ...سلمت على أهلها واخوانها وامها واهو معها بس سلامهم كان باااااااااااارد ولاكنها امس متزوجه واخوانها بالذاات محمد مب عاجبه احد ... ومكشر لها طول الوقت لأنه عارف نيتها من هالزواج ...وعارف ان نهايته مب زينه لكن أهي بغت تتحمل مابيصير لها ...
فنفس الوقت كان حاس أن ابوعبدالله مخدووع فيه ... هذا اللي زاد عليه قهر
كانو ابوعبدالله وعبدالله جاي عندهم وخالد ومحمد وام محمد وسعد وساره بالصاله
ام محمد استاذنتهم واحت لغرفت التلفزيون لحقتها ساره معصبه
ساره كانت كاااااشخه وحده من جد ماصدقت تتزوج بس موصله معها مرره معصبه وهي تدخل عند امها: يمه!!
ام محمد واهي ماسكه التلفون وتدق الرقم: وشفيه؟
ساره: وش هالعيال اللي عندك؟ هذولي اخوان؟
ام محمد: وشفيك ماسوو شي؟
ساره: ادخل مكشرين بوجه سعد ... وأنا طيب اوكيي انا مب راضين علي بس سعد ليه وش مسوي لهم جاي وخطبني ووافقت ماله ذنب وبعديين لاتنسون ان محمد كان يبيه لغغلا
ام محمد: والله غلا عشان تسترنا وانتي المفروظ حق نايف بس الحظ يعاند
ساره: أدبي عيالك معليش مب أنا اللي أجي واهم اللي يكشرون مب أنا ساره علي هالحركات
ام محمد: يابنت الحلال خليهم عنك مب قادرين يسون شي
ساره: وشرايك بشكلي اليوم؟
ام محمد: تهبلين وش سويتي أمس؟
ساره: امس بس دخلنا للبيت خلاني عند امه وطلع يقول عنده مكالمات بس مره طول
ام محمد: افا هذا واهو بليلة زواجه
ساره: عاادي عارفه مين يكلم ولأني وافقت عادي ماعندي مشكله
ام محمد: الله يهديك بس ..خليني انا اتصل بأم فيصل أشوف وشأخبارها
ساره طارت عيونها تذكرت الموقف اللي صار أمس : وليه وشفيها خالتي؟
ام محمد: فيصل بالمستشفى
ساره: يمه لاااااااتقولين عشاني؟
ام محمد: انهيار عصبي
ساره شهقت ..شوي وقامت تضحك: يااااحياااتي رحمته يمه تكفين يمه اذا تحبيني خليني أروح وأزوره
ام محمد: وش تزورينه أنتي بعد؟
ساره: لالاعجبتني الفكره يمه تكفين
ام محمد: ليه طيب؟
ساره: وليه ماازوره مب دخل للمستشفى بسبتي ؟ ليه مااروح ..؟ وسعد مارح يقول شي
ام محمد: انا ابروح له بس انتي ماله داعي تروحين
ساره: ابسأل سعد وان وافق رحت
.................................................. .................................................. ............................
على الغدا
ابوعبدالله: ياحيا الله سعد نورت البيت
سعد: النور نوركم
ساره: سعد !
سعد: نعم؟
ساره: امممممم ابي أروح اليوم للمستشفى
سعد: وليه؟ عسى ماشر؟
ساره واهي متقصده تخليها قدام اخوانها: ابي ازور ولد خالتي تعبااااان مسكييين
سعد: روحي بس لاتطولين
ساره: توديني ؟
سعد: اوووكي
محمد عصب رمى الملعقه وقام على طول : اقوول ستاذنكم انا
خالد: وين محمد!!
محمد: لالامانيب متغدي معكم اليوم
خالد لحقه وراح عنده
محمد: اختك ذي يبيلها من يأدبها
خالد: ماعليك منها ماعندها سالفه
محمد معصب: خالد تخيل تروح عند الولد ناقصها يشوفها قباله؟ صاحيه ذي؟يكفي امس مسوده وجههي قدام عيال خالاتي
خالد: معليك منها وطيب وبتروح؟ مارح تقدر تسوي شي فيصل بيشوفها اذا مب الحين بأي وقت (مسك يده )اقول بس ارجع للغدا
محمد: لالامانيب براجع مع السلامه
خالد: مالك داعي تعصب صدقني
محمد: ايه انا اللي بنمسح وجههي عند عيال خالاتي مب أنت
خالد: ههههههههههه
محمد معصب: يابردأعصاك بعد سلام
وطلع وسكر الباب
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::
<<<<<<<<<<<<<<في مدينة الملك فهد الطبيه
دخلت فرحااااااااااااااااانه وشايله ورد أحمر وكرت مكتوب عليه الحمدلله ع السلامه
ووراها سعد .وام محمد .... واهم عند الريسبشن كانت تسأل عن رقم الغرفه
ام محمد: وانتي من جدك بتعطينه هالورد؟
ساره: ايه ولد خالتي طايح بالمستشفى ماتبيني أعطيه؟
ام محمد عصبت : والله اني داريه ان هالورد مب لله
ساره: هههههههههههههه دامك داريه أجل ليه تسألين
وشوي ويقابلون فيصل كان بثوبه ونظاراته الشمسيه طالع من عندهم خلاص صحته احسن ومايحتاج يقعد ....
ام محمد: شوفوه هناك فيصل
ساره: افاا طلع وانا مالحقت عليه
سعد: الحين هذا كله فيصل؟
ساره: ايه؟
سعد: وانا احسبه ولد اخوك التعبان؟
ساره: ههههههههههههه لالاهذا ولد خالتي وبعدين التعبان اسمه فارس موفيصل
سعد: كان قلتي من أول
ساره: طيب خليكم هناك وانا ابروح عنده
ام محمد : ساره تعالي لاتروحين
ساره: يووه يمه واجب هذا لازم أسويه ههههههههههههه!!
سعد: خليها تروح ياخاله كله ذوق فيها
ام محمد في نفسها والله من اللعانه لاذوق ولاشي
كان عند الباب الخارجي بيطلع ... واهي وراه مانتبه لها
بصوت عالي : فيــــــــــــــــصل
فيصل لف على ورا ورجع وبعدين رد نظره لمكانها
كانت بعبايتها اللي مابقى من لون مب فيها حاطه روج أحمــــــــر جرئ والكحل الأزرق مالي عيونها ... شكلها كان ملفت
ساره مبتسمه بخبث: الف الف الف الحمدلله على السلامه
فيصل واهو يشيل نظارته ببرود اعصااااب : هلا الله يسلمك
ساره واهي ماده الورد: يعني مارح تاخذه منني ؟
فيصل واهو مب مستوعب ان اللي قباله سااااره : مشكوره
ساره: الهديه لاترد
فيصل واهو ماد لها يده : ماقصرتي
ساره: امممم وسلامتك وشفيك؟ منوم هنا يقولون؟
فيصل في نفسه معصب ...ماوده يصرخ عليها ويقول لها ابعدي عنني خليني أنســـــــــاكــ .. ولاوده ياخذها بنيه سيئه ...
فيصل: ايه لالاالحمدلله احسن الحين يالله اجل انا امشي الحين امي تنتظرني بالبيت ساره
ساره ضحكت : طيب ماودك تسلم على سعد
وقبل لايتكلم لف على جنب الينه سعد اللي مانتبه لوجوده
سعد: هلافيصل
فيصل ووده ذبحه اهو مع زوجته: اهلين شخبارك؟
سعد: تمام وانت؟
فيصل: بخير الله يسلمك
سعد: ماتشوف شر
فيصل: الشرمايجيك
ساره كانت تعطي فيـــصل نظرات من بعيد وقصدها واااضح البغض من نظرها ... الورد اللي منها مايشوفه أحمر يشوفه أسود .... حس وردها سبب جــــــــرح بالنسبه له (حتى الورد خليتيه يجرح؟!)... وده يعطيها كم من كلمه بس بعد اهو لازم يحشم خالته ... وماينزل عقله لمستواها ...ماكان يعيرها أي اهتمام..!! وماخذ بكلام جلوي مصيـــــرها بتندم ومتمسك بها الكلام اهم شي انها رح تندم ...حتى لو ماكانت لي !! لكن مجرد انها بتندم هذا يكفيني !!
ام محمد اللي كانت تخفف الجو بسوالفها مع فيصل اللي منشغل باله وتفكيره في ساااره بالحلم الضايع قباله !!
ساره كانت ماسكه بيد سعد ...وتكلمه شوي وتضحك وأكثر الوقت (نـــــــظراااات)) احتقار ....سخريه ...غرووور عن الغرور زااايد ... .... فيصل حاول يتجاهلها لكن البنت زودتها حبتين
ساره: امممم يمه ماقلتي له ان بكره بنروح لإيطاليا
فيصل يبي يقرها(كان يتظاهر انه فرحاااان لها وانه ماعاد يهتم): والله بكره بتمشون؟
سعد: ان شالله
فيصل ينااظر بساره: ماشالله الله يسعدكم
ساره: متأكد انك فرحان؟
فيصل: انا اكثر واحد فرحان
ساره (مصره تلمس الجرح ): وليه مب كنت تبيني قبل؟
فيصل انقهر من جرأتها الزايده وقابلها ببرود أعصاب وكأن الموضوع طبيعي الكل كان مستغرب من المسرحيه اللي قبالهم لامن سعد ولاام محمد
فيصل: كنت ابيك وماصرتي لي من حقي أفرح لك
ساره: جد؟ ياعيني عالأخلاق النبيله
فيصل: ايه فيه ناس يدعون على غيرهم حتى ولو كانو أخواتهم تصدقين عاد الحمدلله اني منيب منهم
ساره بقهر : ايه الدنيا عجايب
فيصل: وانتي اكبرها
ساره: ايش؟
فيصل: ابد اللي سمعتي
يامعذبني لاشمس لافي ظلال
ولاشك تقطعه العلوم اليقينه
كأنك تحسب الحب في هرج الأمثال
ماكان ذاق الحب طعم الغبينه
وماكان ابن زيدون يوقف على الجال
يكتب في ولادة قايده ثمينه
الحب مش جلسة فناجيل ودلال
واحدن يفق له وواحدن يدينه
مليت من كذب المشاعر والأقوال
ياواحسافه حب ضاعت سنينه
جيتك غرام وجيتني شبه تمثال
حسبي عليك وشلون قلبي تهينه
من رحت عنني عافك الفكر والبال
ماعاد قلبي ينطق اليوم وينه
لاصار في حبك مسافات وأميال
أرجوك لاتجدد مشاعر دفينه
ميت أنا من جد في كل الأحوال
دام العيون اللي تشوفك حزينه
خلكـ مثل ماكنت مغرور مختال
واتركني غرقان البحر والسفينه
اتركني جثمان وتناهيد واطلال
واحبس دموع من عرفتك رهينه
واقرا على الحمد في مت واجلال
واطلب من المولى الغفورالسكينه
واكتب على در الوفى كان رجال
شهم وكريم ماترده يمينه
لاقال حاضر فز فارس وخيال
تكرم على شانه عيون المدينه
وان قال تمت ينهي الأمر بالحال
دايم مع الطولات مطلق يدينه
وان قال عاشق عشقه جنون ووصال
عشقه ماصابيح السما في جبينه
هذاك فيصل طيب الذكر والفال
اقفى وقفا الحب بيني وبينه
اقفى عزيز النفس والروح والحال
وخلف وراه الشعر ذكرى لحنينيه
باكرتقول الناس ياليت لو قال
اسم الذي كان السبب في ونينه
لكن عريب الجد والعم والخال
مايكشف المستور وسط الخزينه
قلبه عليه جيوش من ختم واقفال
ومايعلم الأسرار حتى قرينه
ساره تضاااايقت يكفي انه حطمها قبال سعد وام محمد فيصل ماكان وده يقول لاكن اهي اجبرته وأحلى شي في ساره ان كل اللي بقلبها تفضحه ملامحها
عقدت حواجبها: سعد يالله مشينا
وهدت يد سعد وراحت بسرعه
سعد: لحظه ساره وشفيه؟
ساره: اقول لك بسرعه للسياره مالي قعده هنا
شافوهم الين ماراحو عند الباب الخارجي وطلعو من المستشفى .... كانت ام محمد موقفه تتأمل بفيصل اللي متكتف والوضع ماااشي عااااااااادي عنده
ام محمد: فيصل سامحها ساره بنتي طيبه
فيصل:ما اقول اللا يا خالتي انتبهو لساره من ذا السعد ترا سمعته بالتراب انا مدري كيف اعجبكم
ام محمد: المصيبه سااره مب سعد
فيصل: ايييه قسمه ونصيب خلاص ماعاد يهمني شي انا
ام محمد: لاتضيق صدرك زياده
فيصل مبتسم: ظنك ياخالتي اني ابفكر بساره مره ثانيه؟ خلاص حب قديم وانتهي من أمس ليه افكر فيه اليوم
ام محمد: والله صدقني يافيصل مثلك مارح نلاقي وبنندم عليك
فيصل: قسمه ونصيب ياخاله مثل ماقلت لك ..مايهون علي اشوف بنت خالتي تضيع حياتها وانا اتفرج بس الشكوى لله
ام محمد:ان شالله تمشي حياتها معه انت بس قل امين
فيصل: خالتي وش ورا هالعبايه ؟؟ مايخاف عليها ؟؟مايغار ؟؟ انا اقولها لك من الحين حياتها دمااار وابذكرك
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::
<<<<<<<<<<<<<<في مستشفى الملك خــــالد
فارس طبعا مع أخر جرعه بدا يتعود على جرعات الكيماوي ...وتعود كثير على ججو المستشفى والنرسات كلهم عرفهم وعرفوه ....
كان عبدالله جالس جنبه ولمى جالسه على الكرسي ...ونوف ماسكه قصة اطفال تقرا فيها وفارس مرره تعبان وحاطين له جهاز التنفس
فارس: بابا خلاص ابشيله
عبدالله: خله حبيبي باقي شوي وينتهي
نوف: عمتي لمى
لمى: نعم؟
نوف: انا ان كبرت ابصير دكتوره تدرين ليه
لمى: ليه؟
نوف: عشان اعاللج فارس واخليه يرجع ويلعب معاي مثل قبل
لمى ابتسمت وحبتها: حبيبتي والله ان شالله تصيرين دكتوره انتي وفارس
نوف عاشر مره تسأل هالسؤال اللي ماله اجابه : خالتي انا يوم ماما تجيبني تقول ماما بس جلست ثلاث ايام ليه فارس يجلس كثير؟
لمى: حبيبتي لأن فارس تعبان ومايطلعونه عشان مايتعب زياده
نوف رفعت عينها البريئه المستغرربه مو مصدقه كلام لمى وتحس انه طول وكل مره نفس الكلام اللي تقوله ... شافت فارس واهو يكح وتعبان وابوه يعطيه مويه
لمى انتبهت لها وحاولت تلهيها
دق جوال عبدالله
عبدالله:..اي هلا خالد...جا الحين؟ .......معك هو؟......طيب طيب خلاص انا انتظرك ...اييه نفسها ماتغيرت ...يالله اجل ...سلام...
لمى: جا؟
عبدالله: ايه جا الشيخ الحين تغطي
لمى: اوكي
فارس: اللي يقرا قرآن ودايم يجي مع عمي خالد؟
لمى واهي تعدل غطاها: ايه
فارس ودمعته شوي وبتنزل: لالاماابيه لا
عبدالله: ليه؟
فارس: يضايقني يابابا اذا جا الليل اسمع ناس يجون ويكلمونني اخاف منهم والسبب هذا اللي يجي قرا علي بابا الله يخليك قول له لايجيبه
عبدالله: فارس هالمره نجرب وان تضايقت علمني طيب؟
فارس: وتخليه يروح على طول
عبدالله: ان شااااااااااااااااالله
خالد طق الباب ودخل مع الشيخ
حط له كرسي وجلس... جنب فارس ..... عبدالله وخالد والشيخ كلهم حوله لمى كانت بعيده ونوف جالسه جنبها
الشيخ من بعد ماسلم على عبدالله : شخبار فارس؟
عبدالله: ياشيخ يقول انه يتعب مع القرايه وش السبب
الشيخ: يتعب؟
عبدالله: ايه
الشيخ: تعب عضوي؟
عبدالله: لانفسيته تتعب ويصيح اكثر الوقت والليل ماينام
الشيخ: فارس
فارس ويطالع بالشيخ ودموعه داخل عيونه وماوده ان الشيخ جنبه فارس صار يحس الكل يكذب عليه لامن أطباء ولاأمه ولاابوه ولاالشيخ صار يشوفهم متعاونين يضرونه بزعل: نعم؟
الشيخ: وش تحس فيه؟
فارس سكتت واهو معصب وضايق صدره اول مره لمى وعبدالله يشوفون هالانفعال الغريب منه
عبدالله كان يطالعه باهتمام ومستغرب منه
عبدالله: فارس حبيبي قل للشيخ وش تشوف بالليل
فارس انفجر دمووع مكبووته وقام يصيح حط يده على وجهه وجلس يبكي بيأس
فارس: بابا الله يخليك خله يطلع
خالد يبي شوي يهدي فارس عشان ابوه : وليه فارس مارح يطول
فارس: كلكم كذابين كل يوم تقولون لي ابطلع بكره وبكره وكل يوم يجيني الشيخ ويقرا علي وتكذبون علي تقولون انه عشان تطيب كذااابين كلكم انتم ماتبووني أطلع انتو تبغونني أجلس في المستشفى ليه ؟ طيب انا ابي اطلع واروح للبيت وأروح للروضه تعبت ياعمي لاتخليه يقرا علي اليوم ابي انام ماابيه يجيني الرجال اللي بالليل
مااخفـــــــــــي عليكم حـــــــــالة عبدالله ........الصعبــــــــــــــــــه ... عمره ماسمع فارس يتكلم بها الشكل أو منفعل لها الدرجه ... وش بيقدر يقول له ..؟....كان مثل التمثال بمكانه مصنم ...يطالعه مستغغغغغرب
لمـــــــــى تعودت على كلام فارس بالأيام الأخير صار يقول لها هالكلام كثير ...يضيق صدرها لكن ماتحاول تبين لعبدالله أي شي .... انتهى فارس واهو يبكي ...لمى على طول حطت عينها على عبدالله المحــــــــــطم
حست انه يتلاشى بها اللحظه قدامه ملامحه تغيرت ... ووده يكلم فارس بس مب عارف ولايدري وش يقول ... حاول يكون قوي لكن ماقدر يتكلم بالرغم من القوه اللي بناها ...حراام تشوف طفل يتعذب من دنياه أجل كيف لو كان ولدك وأنت متكـــــــــــــــــتف ...ومب عارف كيف تتصرف ...فارس هذا ظناااه ...فارس دنيته ... كل شي بالنسبه له ....
الشيخ وخالد حاولو يتداركون الموقف بس مافيه فايده
الشيخ: تبوني أبدا؟
خالد شاف عبدالله وأشر له يوافق ...كان وده بالرقيه والقرايه لكن ع الأقل مايكون اهو اللي يطلب من الشيخ يعني يشوفها من عمه ولااابوه
خالد: ايه الله يعافيك
الشيخ: بسم الله يالله اجل فارس قل بسم الله الرحمن الرحيم وحط راسك
فارس: شاف عمه ببغض طفل صغير رح يكون باين عليه ..وقوي على غيره ..لأنه طفل صغير
خالد: فارس عشان تطيب
فارس يصرخ: كم مره قلت لاحد يكذب مره ثانيه
عبدالله ولمى ماكان بينهم غير الحوار بالعيون والكل فاهم الثاني ... الشيخ بدا يقرا عليه وفارس يبكي ..وخالد جالس جنب فارس ...مرت نصف ساعه والكل ساكت على صوت الشيخ اللي يخشع القلوب ...
عبدالله ترك المكان وطلع ... ...
لمى سكتت بمكانها وكانت تلاحظ فارس اللي بكى له نصف ساعه وبعدين ناام بحظن خالد ...
حوالي ساعه ونصف وانتهى الشيخ
الشيخ: صدق الله العظيم
خالد: الله يعافيك ياشيخ ماقصرت
الشيخ: ماسوينا اللا الواجب ...
خالد : وش تقول بكلامه
الشيخ: فارس؟
خالد: ايه يجيه من يتكلم معه؟
الشيخ: هذي العين ياخالد ... هذا اكبر دليل ان اللي أصابه عين ماترحم ويكفيك انه ينام مع القرايه هذا أحد الشواهد
خالد: طيب كيف نقدر نوصل للي نظله؟
الشيخ: انتم اخذتو غسال الأقارب؟
خالد: كلهم ومافيه نتيجه
الشيخ: لالاان شالله قرايه ورقيه شرعيه وقوو عزيمتكم وثقتكم برب العالمين حالات أصعب اشوفها يوميا تبكي العيون ...صدقني يااخوك كلها رقيه شرعيه ..والحمدلله ..بس الثقه ياخالد خلو عندكم ثقه برب العالمين
خالد: ونعم بالله
الشيخ: واذا فيه أي شي ياام فارس تقدرين تعلميني الحين
لممى: لابس اشوفه يتعب ويقوم الليل متضايق من بعد مااقرا عليه
الشيخ: ايه هذي عين ماترحم ... والله الشافي ان شالله
لمى: يعطيك العافيه ياشيخ
الشيخ: الله يعافيكم ويقوم الصغير بالسلامه
سلم عليه خالد وطلع معاه
لمى جلست بالغرفه .... تنتظر عبدالله يرجع ..ماجا الوقت تأخر ...الحين الساعه 11 ونصف وماجا للحين
دخلت عليها وحده من النيرسات والدكتور معها ...لمى استغربت جيتهم ... عندها هالوقت
دخل وكشف على فارس ... حطو له المغذي ...
لمى: خير ان شالله دكتور فارس فيه شي؟
كان يطالعها بأسى وحزن مابغى يتكلم اشر لها : ام فارس ابيك عندي شوي
لمى عقدت حواجبها: خير؟
د: خير خير ان شالله ...عبدالله موجود؟
لمى: لاطالع
د: تبيني اقول لك ول انتظره؟
لمى: تكفى علمني ولدي وشفيه؟ حرقت اعصابي
د: تفضلي عندي بالغرفه
لمى: ان شالله
طلع من عندها وراح ...قلبها يرتجف اكيد فارس فيه شي الحين ... وجههه وكلام الدكتور ماطمنني ... تمنت ان عبدالله يكون معها لكن اهي تدري كيف انه ممكن يتأثر وأكثر منها بكثير لأنها تدري قد ايش اهو يحب فارس
كان الممر طويل لغرفة الدكتور..تمشي بخوف ...للمجهول شي يتعلق بفارس وبصحته بحياته ..........فارس ......ليتني اعرف اذا انا ابفقدك ول لا....لالا يومي قبل يومكــ
كانت يدها ترتجف وجهها اصفر ...النيرس جنبها خوف على اللي ممكن بيصير
دخلت عليه وكان معه دكتوره مصريه .....
لابسه النظارات ...الكبيره ومنزلتها تطالع بالأوراق وتقراها
خلت لمى على أعصابها ... عشر دقايق والمكان هااادي
لمى: عفوا دكتور فارس وشفيه؟
د واعطى لمى نظره مكسوره وطلع: فارس بخير ان شالله الدكتوره ايمان تعلمك
لفت لمى عليها: السلام عليكم
د: ايمان: وعليكم السلام ازيك ياام فارس؟
لمى: الحمدلله ...
ايمان: عامله ايه؟ وأخبار فارس؟
لمى: والله الحمدلله علميني عن فارس وشفيه؟
ايمان رجعت مره ثانيه لأوراقها تقرا فيها ..اربكت لمى مضبووط ...
ايمان: مافيش حاجه جديده بيشكي منها ؟
لمى: كتمه والربو وهذا اللي من قبل شي جديد مافيه
ايمان: اها كويس...فارس ماشالله صحته كانت ممتازه .. وجرعات الكيماوي ماشيه معاه
لكن للأسف اقول لك هالوقت ماتنفع له أي جرعت كيماوي وكل الجرعات اللي قبل انتهى مفعولها