عرض مشاركة واحدة
قديم 08-07-2009, 07:37 PM   رقم المشاركة : 86
شوووق
طرفاوي نشيط
 
الصورة الرمزية شوووق
 







افتراضي رد: روايه ..يكرهك نصفي....ونصفي فيك ذايب

ام نايف: لاراسي يوجعني شوي تعبانه
تكهرب الجو شوي نايف التفت على خواته حس انهن متغيرات شوي
نايف: وش فيكم فيه شي؟
مشاعل: لالا مافيه شي اللا ماقلت لي كيف دورتكم
نايف: والله حلوه و مرتبه
شوق: كويس
نايف: يالله اجل ابروح اخذ شور وبرتاح وعلى صلاة المغرب صحوني
مشاعل: اووكي

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::
في احد المساكن ...التابعه لجامعة أرامكو ...كان معها ...بأحلى أيام ...يعيشها وتعيشها بحياتها ...انتهى شهر عسلهم كوقت لكن طول عمرهم عايشين ..بتفاهم ....
رح يسكنون بالخبر الا ان تنتهي مدة دراسته ..وبعدها بينقلون للرياض ....
>>>>>دتركي وديما
لكن الآن اهم على طريق خريص ......من الدمام الى الرياض .........
ديما دااايخه وفيها النوم باقي لهم ساعه ويوصلون اسوار الرياض
تركي طفش واهو يسوق فجأه قام يغني
تركي: والأماكن اللي مريت انت فيها عايشه بروحي وابيها .....بس لااااكن مالقيتك ....واااااااااااااااه اه أه أه ...ليه كل ماجيت أسأل هالمكان
ديما: يوه تركي تكفى ابي انام
تركي: مليت من الطريق ابغني عشان مايجيني النوم
ديما: انا لله
تركي: الأمااااااااااااااان وين الاماااااااان وانا قلبي من رحلت وماعرف
ديما واهي نصف نايمه : المشكله صوتك نشااااااااااااز والأغنيه مخررف فيها يعني لو انه زين كان خليناك تغني
تركي: وانتي وش حارقك عادي صوتي لي عاجبني
ديما: تكفى خلني انااام
تركي: واااااااااااااااااااااه اااااااااااااااااه ااه لوتدري حبيبي كيف أيامي بدونك تسرق ....
ديما: تركي !! خلااااااص!!
تركي: هههههههههههههه خلاص طيب ابحط الاف ام
ديما رحمته: لالاصوتك حلو خلاص
تركي: لاانا عاجبني صوتي بس خايف تصكيني بعين
ديما: اقول بس
تركي: خخخخخخخخخ تبين رابح صقر؟
ديما: لالالاااااااتكفى مدري وش عاجبك في رابح هذا حط لنا اغاني غربيه
تركي حط مساري على ريل لوف
ديما: يووووووووه تركي من وين جايب هالشريط؟
تركي: ههههههههه تذكرينه معطيني اياه زايد الله يذكره بالخير
ديما: يااقدم هالأغنيه
تركي: بس لها ذكرياااااااااااااااااااااااااات
ديما: من جد
شوي وقام يغني معاه اهو وياها عند هالمقطع
Irelee cant see mee whith aut you
ديما: ااااخ ياقلبي على هالأغنيه عيدها مره ثانيه
تركي: ديما وش تذكرك فيه؟
ديما: هههههه لندن يوم بالرحله تبع المدرسه
تركي: هههههههههههههه يوم تزعلين
ديما: ايه مره قهرتني
تركي: وش ذنبي انا ؟ كنت ابغيب
ديما: بس اتصل عليك قلت لي ابجي معكم للرحله فجأه انتظرك القاك غايب ...ويوم رحنا عند الجبل بالرحله اشوفك انت وولد اخوك واخوك هناك وشلون تبيني اصبر
تركي: بس شوفي وشلون اهديت لك ريل لوف واخرتها سامحتيني وخليتها لك ذكرى حلوه
ديما: هههههه من جد الله لايحرمني منك
تركي: بعد قلبي والله
ديما: اللا ماقلت لي وشخبار ولد اخوك فارس؟
تركي: والله فارس للحين بالكيماوي الله يشفيه اتوقع طلعوه من المستشفى
ديما: ماعاد ينفع؟
تركي: اتوقع لأن ماطلعوه اللا لأن العلاج مايجيب نتيجه ول ماكان طلع
ديما: يااااااااااقلبي رحمته للحين مانسيته يوم يجيني بززواجي
تركي: فارس مايستاهل
ديما: وشلون امه ؟
تركي: الله يساعدها اللا قولي ابوه مسكين عبدالله مهووس في فارس لدرجة ذاك اليوم واهو يكلمني قال لي اشوف ولدي يموت قدامي ماقدر اتصرف وش فيه عذاب اكبر من كذا
ديما: والرقيه والقرايه ؟
تركي: والله جربو جاب لهم خالد الشيخ بس ملو مافيه أي تطور بالعكس ...مازالو مستمرين مع الشيخ بس ان شالله الله يفرج عنهم
ديما: امين
تركي: دخلنا الرياض وماخليتك تنامين شفتي كيف تركي خطير؟
ديما: ههههههههههههه من جد مايعرف لي غيرك انت
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::
<<<بيت ابو عبدالله
تركي وديما توهم وصلو على طول نزلو بيت ابوعبدالله الثاني حق المرحوومه الجوهره
البيت كان منظف ملمع غلا ماتتركه مغبر كانت تروح بين وقت وثاني وترتبه ...ورتبت مكان تركي وديما من زمان كانو ينزلون فيه بس قليل ..لأن مكانهم بالأصل بالدمام الين ماينتهي تركي
تركي واهو يفتح اللمبات : يالله ياذا البيت له ذكريات ياديما
ديما:الله يرحمها
تركي: ربي يرحمها ان شالله
راح بسرعه على غرفة امه حاول يفتحها مانفتحت
تركي معقد حواجبه: وشفيها ؟ مقفله؟
ديما: يمكن غلا قفلتها
تركي: ياحليلها غلا تدرين ماحد يجي وينظف هالبيت غيرها
ديما: ياعمري احنا بس نسكن هنا لازم تجي معنا
تركي: اكيد
راح ينزل الشناط ..وديما دخلت تنظف غرفتهم ....تركي جا يساعدها وقام يساعدها الين ماخصلو انسدحت على السرير بتعب وانسدح جنبها
ديما: تعبت!!
تركي: طبعا متعوده على السكن
ديما: من جد
تركي: وشلون بنجي هنا بعدين
ديما: هههههههههههههه لاابتعود
تركي: اللا انا اللي ابملا البيت خدم
ديما: لاوشدعوه انا ماعندي حيل؟
تركي: مدري شكلك بتعجزين علي ماتسوى علي اعيش مع وحده مكسره
ديما: تركي !!
تركي: ههههههههههههههههه احلا شي انك تعصبين بسرعه ..
ديما: اللا احسن بعد جيب لي خدم خلني استفيد على قولك ماتسوى عليك انا اتكسر
تركي: والله لو بكيفي كان جبت الصراحه احب اخلي زوجتي تتدلع مو تكرف
ديما: الله يكثر من هالمبادئ
تركي: هههههههههههههه
تركي: مليت امشي خلينا نطلع برا
ديما: اوكي بس ابغير
تركي: لالاتغيرين بعيدين
مسك يدها وسحبها
تركي: ديوومتي قومي برا
ديما: وين؟
تركي: مدري خلينا ننزل تحت
ديما: اوك
نزلو على الحديقه القديمه ... الورد بدا يذبل الشجر الكبير المتلوي على الأعمده الممدوده ...بدا يصفر... النخل الكبير اللي معطي المكان شكله ولوحه راائعه ...خف خظاره اللي تعود عليه ....وقف وحط يده على خصره ماعجبه الشكل
تركي: ديما تدرين هالحديقه كانت جنه قبل
ديما: ايه معا الاهمال انا اخليها لك مثل قبل واحسن
تركي اخذ اللي حق المويه وقام يسقي الزرع على خفيف .... ديما راحت تجيب ... صابون بتغسل الأرض
رفعت قميصها الخفيف الناااعم ورافعت شعرها وقامت تشتغل ...تركي طبعا عين هنا وعين هناااااااااااااك مايشتغل بذمه وضمير
تركي: ديما !!
ديما اللي كانت بعيده حطت يدها على عينها من الشمس: هلا
تركي: حر ؟
ديما: مره
تركي اللي مسك لي المويه وعليها على طول
ديما شهقت: وشسويت؟
تركي: هههههههههههه حر وش تبيني اسوي
دما: هيييييين
وتاخذ المويه والصابون وتكبها عليه المويه كانت بااااااااارده ...
تركي: ههههههههههههههههههه اوريك ديمووه مالقيتي اللا انا ؟
ديما هدت اللي بيدها وراحت جري : لالاخلاص توبه
تركي: مسبحك مسبحك ... بس خليني اصيدك الحين
وجلسو الى صلاة العصر على هالحال
وانتهى الوقت وحتى الطين على ملابسه اهو وياها ....
اخر شي وقفو يضحكون على اشكال بعض .... جنب باب الشارع
ديما تمسح دموعها من الضحك : ياربيييه...شفت وش سويت بملابسي؟
تركي: عادي شوفي بنطلوني كيف
ديما: ههههههههه اما عليك شكل ليت من يصورك
شوي وانفتح باب الشارع .... تنحو كلهم سكتو مين اللي بيدخل هنا
دخل عليهم واحد ابيض عريض سمين شوي ... لابس ثوب ونظارات شمسيه كبييير في السن .... لحيته الخفيفه كلها شيب ...كان ابو عبدالله اللي فتح الباب ووقف بمكانه ونزل نظارته يطالع مستغرب
ابوعبدالله منزل نظارته: تركي؟
تركي: ايه هلا والله ابوي
ابوعبدالله مد له يده بس تركي وراه ان اليد كلها تراب
ابوعبدالله كان ملقي ديما ظهره ولايدري انها موجوده اهي مسكينه خاااايفه ...لايشوفها
وتركي يضحك عليها
ابوعبدالله: متى جاي؟
تركي: اليوم على الظهر وصلت
ابوعبدالله: وديما وين
تركي غمز لها: وراك
ابوعبدالله: هلاديما .... وسلمت عليه ووقفو
ابوعبدالله عقد حواجبه : وليه اشكالكم كذا؟
تركي: تو نلعب بالمويه
ديما عصبت على الأقل يقول نسقي الزرع احسن وش بيقول عنها الحين
ابوعبدالله: نعم؟ الحمدلله رب العالمين
تركي: هههههههههههههههه سعت صدر يابوي
ابوعبدالله واهو يدخل البيت : خبل من عرفتك
تركي يلحقه:ابوي
ابوعبدالله: هلا؟
تركي وتوهم دخلو الفيلا: متى جيت من مصر؟
ابوعبدالله: من شوي
تركي: وشخبار المصريه؟
ابوعبدالله: طلقتها
تركي بصدمه: طلقتها؟
ابوعبدالله: يارجال خلاص مليت
تركي: ليه المره حامل طيب؟
ابوعبدالله تنهد وجلس على الكنبه اللي عند البلكونه المطله على الحديقه: ايه ربك يعوضني بس
تركي: مافهمتك يبه ؟ وش فيه؟
ابوعبدالله: حامل من غيري ياتركي
تركي: جد ابوي ؟ افاا
ابوعبدالله: اهي اعترفت لي على طول ارسلت لها ورقت الطلاق
تركي: ايه احسن ابوي وش استفدت من هالمصريه غير المصاريف
ابوعبدالله بندم: مالنا اللا بنت الديره ياتركي
تركي: وانت الصادق يبه
ابوعبدالله ندمااان : صدقني ياتركي اكثر شي ندمت عليه الجريمه اللي ارتكبتها فيكم
تركي: وليه ابوي انت مو مقصر
ابوعبدالله: انا اعطيتكم فلوس سويت لكم اللي تبيه زوجتكم ...درستو أي تخصص تبونه ... على جلدي رفعتو راسي شف خالد وشوف عبدالله وانت الحين كلكم توفقتو بس حرمتكم اللي اهم من كذا ..انحرمتو وجودي جنبكم ياتركي
تركي:......صحيح يابوي يمكن انحرمنا وجودك ..بس لاانا ولاخالد عبدالله متزوج ..تعودنا على هالشي يمكن اكثر مظلوم غلا اختي.....
ابوعبدالله : الندم ياتركي صار ينهيني
تركي:................
ابوعبدالله: غلا كانت تقول لكم شي ..كانت تشكي؟ ...؟
تركي بنفسه ماتوقع ابوه ممكن بيتكلم بها الموضوع انتهى وقته خلاص لكن شاف الندم بعيونه ماحب يزيد عليه ول عن نفسه يقدر يقول كلام كثيير: لاماكانت تشتكي اللا يمكن من ...زوجتك
ابوعبدالله: ام محمد ؟
تركي: يمكن ابوي لازم تنكسها شوي
ابوعبدالله: ياما شفتها تتكلم بغلا قدامها ومن وراها كان يحز بقلبي بس تعرف الحريم
تركي: بس مب اختي اللي تاكلها
ابوعبدالله: اخليها تلحق المصريه؟
تركي: ابوي لاتفكر بشي الحين انت يمكن محطم واي فكره تخطر ببالك بتتهور فيها...بس اللي بغيت اوصل لك ان ام محمد مب اللي تاركه غلا بحالها حتى من بعد ماملكت وانا خايف على غلا اكثر من أي شي ثاني ودي اجي للرياض اليوم قبل بكره بس عشان غلا ... انا مااقول انها تستاهل من يطلقها ...بس حبيت اوصل لك ان ام محمد مب مثل ماتوقعت او توقعنا كلنا
ابوعبدالله: انا اللي ابكلم غلا وابعرف منها كلش
تركي: يبه لاتفتح اشيا قديمه يكفي ان غلا صارت منهم وبتاخذ ولدهم ان شالله
قعد شوي عند ابوه الحااااااااااااير سااكت ماتكلم طول الوقت
دقايق وقام يخليه مع نفسه شوي وراح عند ديما
دخل الغرفه اللي ريحتها عطـر باربري هالعطر يشمه لازم يذكر ديما ..دخل لقاها مقابله المرايا ولابسه فستان أبيض عليه على الجنب رسمه صغيره بالذهبي ....
توه داخل واهي تحط الكحل
تركي: الله وش هالريحه الحلوه؟
ديما: عطرك هذا ذوقك
تركي واهو موقف يطالعها : شكلي طولت مع ابوي
ديما: لاشدعوه خذ وقتك
تركي: هههههه ووراك ماسلمتي عليه؟
ديما: من جد تفشلت ... يشوفني كذا وغير كذا ليه تقول له اننا نلعب الحين يشك بعقلي يقول وش هالبنت بدل ماتعقل ولدي طيرت عقله
تركي: واهو يقرب عندها منبهر: ايه والله انتي طيرتي عقلي جد
لفها على ورا وقام يطالع بجسمها النحيف ... وجهها الأبيض ول عيونها الوساااع ... شعرها كانت فيه مويه شوي ... رافعته على سريع معطيها شكل رااايق
ديما: هههههههه تركي لاتوسخني
تركي: اقول اروح اتحمم اطلع لك الحين
ديما: هههههههههه مافيه ابروح عند خواتك الحين
تركي: بكيفك اذا تقدرين تأجلينها
ديما: انا عارفه انك داري بس ابترجاك بعدين
تركي: ههههههههههههه يالله بس لاتجبريني ماوديك عند خواتي اليوم
ديما: هههههههه هونت ابروح عند خالي شوي وابلبس عبايتي بسم الله علي
تركي: يالله ياااااااااروحي ياااديووم (قام يغني )شفتك مثل بسمت امل اااااااااااااااه شفتك مدري وش حصل
ديما واهي تطلع بسرعه: اقوول مع السلامه قبل محمد عبده والحين عباس ابراهيم ابجلس مع خااالي
تركي: هههههههههههههههههههههه!!
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::
<<<<بيت ام محمد
رينادو غلا
ريناد: اشوفك تكشخين لي طول اليوم؟
غلا: مدري يختي خايفه يجي بأي وقت
ريناد: هههههههههههه حالتك صعبه
غلا: اللا تعالي رنود الحين فارس طلع اليوم؟
ريناد: ايه بيجون اليوم دريتي؟
غلا: اماااااانه
ريناد: والله
غلا: ياقلبي فارس ودي اشوفه
ريناد: من جد ...
غلا: وساره متى بتجي؟
ريناد: يمكن بكره بتجي مابقى كثير
غلا: يحليلها
ريناد: وحظرتك الا متى وانتي تغايريني انك رح تشوفين نايف اليوم؟
غلا: هههههههههه الين مايجي
ريناد: مشاعل تقول انه مارح يطول بس ست ايام
غلا: داريه بس ع الأقل اشووووفه يابنت الحلال ابي اشوفه اشتقت له
ريناد: ههههههههه
غلا تغني واهي تحوس بالدرج تدور اسوارتها : تشتاقك روحي بكل لحظه ...تتعبني بغيابك عنني ...قلبي وهو قلبي يحبك يامحبوبي أكثر منني
ريناد: ياعيني ع الصوت
غلا:ايه طبعا صوتي حلو مايبيلها كلام
ريناد: لاوالله جد صوتك مره حلو قولي اغنيه ثانيه
غلا: اممممممم تضيق بصدري الأنفاس اذا غبتي وغاب الضي واحس اني وسط هالناس مثل طفل يدور شي ....هواك بمهجتي ساكن ....كثر هذا الفضا والكون....ودونك عالمي ساكن بلاطعم وبليا لون
ريناد: رهييييب جد جد مرره حلو غلا ورا ماتغنين
غلا: نجم الخليج وروتانا وستا ر اكاديمي كلهم يبوني بس تعرفين زحمه
ريناد: هههههه اقول انطمي
غلا: وشرايك يعني ؟ اغني عليك سؤال هذا؟
ريناد: ابي شف للغلا
غلا تغني : شف للغلاشي قبل طول غربتنا أخاف كثر الغياب وتصعب الجيه .....بالله في البعد قل لي وش حاجتنا مادام اخذنا الزعل حاجه طفوليه
ريناد: اشوف عاجبتك اغاني راشد
غلا: فديت اغانيه انا
ريناد: عارفه ان كلها اهدائات ول من عرفتك ماتحبينه
غلا: ههههههههههههههههه
ريناد: طيب ابي مقطع ثاني من نفس الأغنيه
غلا: نبغي نموت ببعض مادام مامتنا .....يازين خل الأمور تصير عفويه .....لاتفرح الحاسدين بطول صدتنا ......لاتنزع القلب وتقطع مجاريا
فجـــــــــــــــــــــــأه سمعت صوت احد يبيها
غلا: الله يفظحك سمعو صوتي
توها بتطلع من الباب اللا وتلاقي نايف بوجهها ....... تنحت ماصدقت شي ...
نايف مبتسم ومستغرب وقوفها عند الباب: غلو وشفيك؟
غلا: نايف:؟
خالد: مسكينه رحمتها
راحت عنده بسرعه وتسلم عليه ويحبها
نايف: وشلونك ووشخبارك؟
غلا مبتسمه: الحمدلله انت شلوونك ؟
نايف: بخييييييييير بشوفك
غلا: ومتى جيت ماتوقعتك وصلت
نايف: انا قايل لك سبرايز
غلا: هههههههههههههه ياحبي لك ...يوه نايف مره تغيرت
نايف: جد؟ احلا ول أشين؟
غلا: لالامره طالع أبيض ...والبشره صااافيه ... ماشالله بس نحفت
نايف: ايه مافيه مراصيع غلا
محمد: مراصيع ول شي ثااني؟
نايف: اقول اسكت انت ... لاتقرب المتزوجين حدك
محمد: ههههههههههه اقول بس ... خالد الظاهر لازم نتركهم الحين
خالد: لالاانا مشتاق لنايف
محمد: انا مشتاق للكناري
نايف: يابلشه ...وانتم مثل العظمه بالحلق
غلا: العظمه تهون عندهم
نايف: هههههههههههههههههههههههههه
نايف على طول قام يشعر:
جيتك بقايا حي كل اكثرة مات
وصلت لك با اخر رمق من حياتي
جيتك خوي الخوف في رحلة الذات
بين الرجا وظروفي القاسياتي
جيتك من الفرقا كثير التلفات
جيت انتحر في نجلك الناعساتي
جيتك مزيج جروح ودموع وأهات
- نديم لعيون الاسف والشماتي
جيتك شظايا تشتعل شوق بسكات
ما ادري حزن مدري سعادة اسكاتي
جيتك لوانتي سابع المستحيلات
اللي يحبك يصنع المعجزاتي
جيت استجيرك من شمس المتاهات
عيت تظللني تحتها عباتي
وابي... أتعافى عقب عذاب المعاناة
على رصيف اشواقك الدافياتي
تلقفيني من ايدين التشتات
صيري بحلاة الروح قارب نجاتي
هلى غلا يمحى كدر كل مافات
يامزنت افراحي ومنبع هناتي

غلا استحت: صح لسانك حبيبي
محمد: اووف اشتغل عرق البدااوه
خالد: يووه كل المتزوجين لازم اقول لزوجتي قصديه اول مااجي طيب لو سفراتي كثيره وش اسوي؟احظر قصيده كل شوي؟
غلا: هههههههههه عاد انتم سعوديين ياما تعانون من هالرمنسيه
محمد: معذبتنا مرره
غلا تتهزا: ملاااااااااااااحظه
غلا:بس ليت كل العيال مثل نايف كان الدنيا بخير
محمد: ياربييه اعصابكم
نايف واهو داري وش كثر ينقهر محمد: ذووق ياغلوو كلك ذوق
خالد: ماشالله حلو شعرك ومن متى تكتب الشعر؟
نايف: يووه من زماااااااان سنين
خالد: اعطني من شعرك احب الشعر
نايف :اممممممم عندك هذي بس ماكتملت توها

من بلاه الله تصبرواحتسب
عادة المسلم على الشده صبور
أتلمس للخوي عذر وسبب
لي لحقني من بعض ربعي قصور
وآتحمل زلة كحيل العرب
وآتحاشا عضة الكلب العقور
أعشق الغالي ولاهوب الذهب
وانزل واالعالي ولااهيب القصور
في هجير العمر خاويت التعب
فوق رمل البيد أوموج البحور
كل حي في حياته له طلب
ذاتهياله وهذا في دبور
لاتعجب ماعلى الدنيا عجب
حكمة الرحمن خلاها تدور

خالد: صح لسااانك ماشالله
غلا: ورا ماتروح لشاعر المليون؟
نايف: مستعده تتحملين اربع شهور زياده؟
غلا: لالالاتكفى هونت خلاص
نايف: ههههههههههههههه
خالد: ومتى تبيني أحجر ع الهوليدي ان
نايف: على بكره الله لايهينك
غلا: ليه؟
نايف: اهلي بيروحون وخالد متوسط لي هناك ..وطبعا انتي اولهم
غلا: اماانه؟
نايف: ههههههههههه اكيد تبيني اروح معهم لحالي
غلااستحت ونزلت راسها
نايف: وش هالجمال اليوم؟ مذهله كلشي فيها طبيعي ومو طبيعي اجمل من الأخيله .... شكله قايلها فيك
غلا: ههههههه لاتحرجني
نايف قام يطالع ويطالع فيها استحت اهي خلاص
نايف: غلا ابطلع معك اليوم اوكي
غلا: وين؟
نايف: أي مكان بس انا وانتي لحالنا
محمد: احم احم
نايف: يوووووووه
خالد: مالنا حشيمه ابد
نايف: هههههههههههه
غلا: مايمدي الواحد يتكلم اللا طبيتو عليه
نايف يهمس لها: صوتك حلو من شوي حسيتك تناديني
غلا: من ذوقك
محمد: ممكن نسمع؟
نايف: لا
غلا: ملقوف
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::

<<<<<<<<مطار الرياض ...ألساعه 9 بالليل كانت موقفه وحاطه يدها على خصرها ... واهو واقف جنبها وبرود اعصااب يكلمها
ساره واهي تبكي : خلاص انا ابتصل عليه
سعد: ترا فيه ليموزين
ساره: قلت لك خلاص ابخلي محمد ياخذني
ساره: الو
محمد: هلا؟ساره؟
ساره معصبه: ايه
محمد: شخبارك؟
ساره: الحمدلله ...محمد انا بالرياض الحين
محمد: نعم؟ الرياض؟
ساره: ايه تونا واصلين محمد تكفى تعال وخذني الحيييين من هنا ورجعني للبيت
محمد: وشفيك معصبه
ساره: مالك دخل تجي تاخذني بسرعه ول مشيت بلحالي
محمد: هههههههه لالاخلاص جايكم الحين
ساره: ولو سمحت لاتجيب معك احد انت بلحالك
محمد: وين سعد؟
ساره: هذا هو جنبي
محمد: جيبيه ماتحمدت له بالسلامه
ساره: مب لازم تعال الحين
محمد: لاوالله؟ اللا لازم بسرعه هاتيه
ساره: محمد!!!!!!!!
محمد: ترا مارح أجي
ساره: اوووووووووف خذه .......سعد كلم محمد
سعد: هلا ...الله يسلمك.....الله يعافيك.......ماتقصر ...والله الحمدلله بخير ... ابد ساره انا ماعندي مشكله ... ههههههههه...يالله اشوفك.....مع السلامه
ساره: متى بيجي؟
سعد: الحين ...وراك تصيحين كل هذا عشان الطلاق؟
ساره: بس كذا ماارتحت
سعد: بس كذا؟ ياماما هذا زواج مب لعب !! مافيه بس كذا لازم يكون فيه سبب وانا ماشوف اني قصرت معاك
ساره( مره سويت اللي عليك واكثر ماقصرت ....اللي يشوف هالمناظر يقول مسوي الواجب مره )
سعد: ماشوفك تتكلمين
ساره: بعدين المكان مايصلح اتكلم معك بها الأشيا
سعد: اوكي براحتك ...بس يبي لك جلسه انتي ماارح اخليك كذا فيه شي مضايقك وانا حاس
ساره(مبروك مابغيت تحس)
سعد: يالله شوفي هذا اخوك جاي
ساره ماصدقت شافت محمد طااارت له بسرررعه ..سلمو على بعض وشال لها شنطتها ..طبعا الأخ سعد ماتكرم يشيلها ... ركبو السياره كانو سااااكتيييين محمد حاس ان بينهم هواش هذا اللي جا على باله على طول ساره طول الوقت تصيح بالطريق ....سعد مستــــــغرب ليه تصيح ...بس مافكر يسألها
ووصله محمد بيتهم
سعد: تعبناك يامحمد
محمد: لاشدعوه ماسوينا شي
سعد: ماقصرت وتصبح على خير
محمد: وانت من اهله
سكر الباب ونزل
محمد ماصدق يطلع سعد: ساره وشفيك ؟
ساره تشهق: مافيني شي
محمد لف على ورا وشافها انصدم أول مره يشوف ساره بها الدمووع ..ساره دمعتها دمعة رجاال.......ماقد شافها بها المنظر اجل اكيد صاير شي كبير
محمد: خذي هذا منديل ...وعلميني وشفيك
ساره خيول الندم اللي هدمت اسوار الصمود وانفجرت : محمد .....!!تكفى الحق علي يامحمد تكفى الحق علي ... محمد واللي يخليك سامحني والله مااقصد والله ماتوقعت هالنتيجه
محمد: هدي هدي ياساره وشفيك ؟ روقي وعلميني بهدوء وش صاير ؟ووش دخلني انا
ساره رفعت له راسها : ابيك تقول لفيصل يسامحني هذا اول شي
محمد قاطعها: وش يسامحك عليه؟
ساره: اني رديته قبل

 

 

 توقيع شوووق :
شوووق غير متصل   رد مع اقتباس