عرض مشاركة واحدة
قديم 08-07-2009, 06:57 PM   رقم المشاركة : 84
شوووق
طرفاوي نشيط
 
الصورة الرمزية شوووق
 







افتراضي رد: روايه ..يكرهك نصفي....ونصفي فيك ذايب

لمى: كيف يعني؟
ايمان: الشفاء بيجي من ربنا والدكتور وانا والنيرسات سوينا اللي قدنا عليه ...
لمى: والأضرار اللي تركها الكيماوي دكتوره ولدي بينتهي؟ مافيه علاج ثاني ؟
ايمان: للأسف يااخت لمى ... الجرعات السابقه ممكن تكون حجرت المرض فقط غير كذا مافيه أي علاج ممكن ينفع
لمى ظلت فتره سااكته وتبي تستوعب الكلام ....بالعربي كلام الدكتوره يعني ان فارس رح يموت بالبطئ ... ولافيه أي علاج ممكن يجيب معاه نتيجه وكل اللي سووه من قبل رااح هدر ...دمعت عينها يعني فارس رح ينتهي
ايمان: لالاان شالله تفائلي ام فارس
لمى: الحمدلله انها جت منكم الحمدلله اني ماقصرت مع فارس
ايمان: سوينا اللي علينا
لمى: وش أعطيه الحين مااعطيه علاجات؟ اخليه يتعب وانا اتفرج؟
ايمان: فيه حل واحد بس
لمى: وش؟
ايمان: ممكن نشيل الرئه المتضرره لكن مارح ينتهي الضررميه بالميه
كانت لمى بحاله صعبه اما ايمان ماخذه الموضوع ببرودكل يوم تعلم الف شخص عن هالحاله الكيماوي مو كل مره ممكن يجيب نتيجه نسبة الشفاء ماكانت اكثر من خمسين بالميه الكل متوقع هالشي لمى اكثر وحده كانت متفائله لكن تحطم كل شي تركت الغرفه باللي فيها وطلعت منها ودمعتها مافارقتها
قابلها الدكتور المسؤول عن فارس بالممر
د: ام فارس؟
لمى: نعم؟
د: صدقيني ماقصرت مع فارس
لمى: مشكور
د: الرقيه والقرايه ياام فارس مااوصيكم
لمى:
شاف دموعها كيف ملتها وملت جوها سكت وماتكلم لمى ماعاد تستوعب ولاتدري وش تقول او كيف تفكر ..عبدالله بس كيف بيدري...قررت ان عبدالله مايدري عن شي وتعتمد على الرقيه الشرعيه ..والقرايه وتهمل اللي ممكن يسوونه الاطباء
بعد أسبوعين
في إيطــــــــــــــــــــاليــــــــــــــــــــــــ ــــــا

بعيد عن ملكات الحب ..وأوراق الوفا ..كان اللي يجمعهم ..اتفه من الحب وأقل من الزواج ..اللي بينهم ..فقط لمصالح شخصيه لكل واحدمنهم ..الكل راضي بالمقسوم ..متعلق برغبته ....يحاول كل منهم يعاند ويبعد عن عادات المجمتع المحافظ .... عشان يكسب نفسه ...ممكن نسميه ضعف بالشخصيه ....مع الإعتقاد الجااازم انه على الحق وان حياته رح تكون الأفضل .......لهم اسبوعين ..مجاملات ..والكل يعرف هالشي ..ساره وسعد ...يحلقون بدنيا بعيده ومكان بعيد عن عالمهم .الزواج ..كان فقط لإسم الزواج لااكثر واتخاذ الحريه الشخصيه بجانب رضى الأم....هذا من جانب سعد .........اما ساره هدفها الوحيد رفع رصيد غرورها واعتزازها وكبريائها بنفسها .... ولتقدر تاخذ الراحه الخاصه تحت عنوان الزواج ..........ساره ماكانت تجلس مع سعد اللا قليل وبأوقات نادره ....الكل كان يقوم بواجباته صح .......لكن المشاعر بارده ومستحيل رح تنتفح لاحد غيرهم ....ساره تعتبر الحب اهانه .. ومذله ..تستخدمه لتذل به غيرها ........سعد يعيش الحب بشتى أنواعه وطرقه .... وبشكل مخالف لدينه ولعاداته .... ماترك خليجيه بذاك المكان ماعرفها ..ماكان محتاج انه يكون بعش الزوجيه ..... ابد ...واكثر شي اسعده انه علمها عن نفسه والبنت وافقت .. كان يكلم ..طلع ..يتمشى ...مع صديقاته هناك ...........ساره تواعدت مع صديقتها المتزوجه هناك وكل يوم تطلع معها ولا مره راحت مع سعد ........ولو فكرت فيه ممكن تطلب الطلاق على طول
في الفندق ..
كان سعد ..لابس بدله ماركت أرماني ..لونها رمادي وتحتها بلوزه أبيض .... حاط الجل على شعره ويتعطر ..اما ساره جالسه على الكنبه طفشانه
ساره: سعد وين بتروح؟
سعد: ابروح على الشارع اللي رحت له أمس
ساره: ليه مواعد احد اليوم؟
سعد: صديق قديم
ساره: انا مليت ومااحس نفسي بشهر عسل
سعد عقد حواجبه: وليه؟
ساره: سعد انا بوادي وانت بوادي ثاني مااعرفك اللا وقت الغدا
سعد: بس تبين تروحين معي؟
ساره: ايه ياليت
سعد: البسي وانا انتظرك
ساره: ثوااني
دخلت غرفتها ولبست بنطلون ...بيج وبلوزه لونها فوشي ...مااسكه على جسمها ... وماحطت حتى حجاب ...سيحت شعرها على اكتافها ....
سعد: خلصتي؟
ساره: كذا كويٍس؟
سعد: ايه ياللا مشينا
انقهرت ساره ليش انه ماغار عليها ولااهتم مع ان لبسها ضيق ومفصل كلش لكن ابد ماعطاها حتى نظره منه
واهم بالطريق وساره كانت مره متضايقه مااهتم سعد ولاحتى سألها
وقفو عند المصعد
ساره: سعد!
سعد: نعم؟
ساره: الحين ماعندك مشكله اطلع كذا؟
سعد: خخخخخ عادي وشفيها؟ هذك لابسه ماتفصختي
ساره: ولو اني مالبست شي ممكن تتكلم وتقول لا؟
سعد: ههههههه يمكن
ساره: يمكن؟
سعد: ساره انا واحد نصف عمري هنا تحسبين تفكيري خليجي ؟ لاانا بالنسبه لي عادي واتوقع انك عارفه هالشي
شافته بقهر ولفت للجهه الثانيه قام يضحك عليها ولاااهتم ابد
كان واحد من المطاعم المشهوره في ساحات ايطاليا ...الواسعه .... المكان مفتوح على بعضه ....
توهم جالسين مع بعض ......
سعد: وش تبين ؟ تحبين اللازانيا؟
ساره: امممم لحظه ابشوف اللي عندهم
سعد: اخبر البنات يعشقون اللازانيا غريبه ماتبينها
ساره حست انه يبي يقهرها بس حاولت تبين انها مااهتمت ابد قالت في نفسها(ياساره انتي تزوجتيه وخلاص...ممكن تعيشين مع واحد يعاملك بأقل من حتى الصديقه ..؟... انا له بس وقت النوم غير كذا يبعدني عن حياته...ولاكانني زوجته .... يعاملني معامله جااامده وبارده هااااااديه...حياتي مالها لون ولاطعم ......أكثر وقتي ..... مع صديقتي ولاكأنني بشهر عسل..مثلها.......؟... ليه انا جبت لنفسي هالحظ ؟؟..... انا ساره بنت سلطان الكل كان يتمناني وعلى راسهم فيصل ..........اااااااااااااااااااااااااااهــ يافيصل لو افكر فيك ابكي دم ..... انت ياللي بعتك برخيص .... والحين اتمناك .....؟...جاك رجال ولاكل الرجال تحت باب بيتكم يطلبك ....تردينه وتاخذين اخس منه .؟..؟.؟. عشان ايش؟؟.. عشان تقهرينه ........اااه ياغبائك ياساره .......... ياحسرتي على حالي كيف ابكمل حياتي معك ياسعد .؟؟..؟؟؟. اللي اعيشه ذل بعينه .....ومااقدر اتصرف .... فيصل وينك يافيصل لو انك اللي جالس قدامي بدل سعد ......وش ممكن رح يتغير فيني في شخصيتي بحياتي ......الناس كلهم بيحسدونني عليك ...فيصل انسان كله مشاعر...دافيه .... ممكن يكون الشخص الوحيد اللي بيغطيني بحبه ...وبيبروز حياتي ..بغيرته ...بخوفه علي ......أما انسان مثل سعد ...سعد؟؟ ووش سعد؟......تافه ...يلعب على هذي ...ويحب اكثر من وحده ....أجانب ...خليجيات ...سعوديات ...يتزوج ويطلق ......فيه اذل من حالك ياساره ..؟
طاحت دمعتها على خدها ... واهي تفكر ....تذكرت كلام امها ..يوم تذكرها انها رح تندم ......ندى .....محمد..اااه بس وينكم ياهلي تحسون فيني تعالو انتشلوني من هالعيشه وهالحال الصعب .......
رح عنني نايف ...فيصل ضاع من يدي .....ندى كانت تقول لي مب شرط نايف او فيصل فيه غيرهم ......أخذتك ياسعد أقهرك يافيصل لييه ليه انا غبيه بها الشكل ليه..؟؟؟
اما سعد كان لاهي بمكالمه ...ماتدري وش بيدبر وراها .....
كانو جالسين صح المكان حلو والجو احلى ..... لكن وش ينفع ..اذا انت عايش متناقض حتى مع نفسك ...تعيش الهم وهم عيشه وحياة كامله انت محتار كيف بتعديها ..وبتكملها ندماااان ومتحسر
من بعيد لمحت بنت بكااامل جمالها ...مابقى من مكياج ماحطته ...هذا غير نصف الفخذ اللي طالع البنت شكلها عربي لكن مب خليجيه ...كانت تطالع في سعد وتكشر ....وشوي وتقرب اخر شي جتهم جري
(أروى _مصريه)
أروى: سعد؟
سعد لف من الجهه الثانيه ونزل الجوال وشافها : هلااوالله وغلا
أروى: ازيك ياسعد عامل ايه؟
سعد والابتسامه شاقه فمه: والله تمااام انتي وشلونك؟ وأزيك وعامله ايه؟
أروى: ههه بخير الحمدلله
ساره كان الموقف قبال عينها .....وسعد؟؟؟تحسبونه حس انتبه راعى شعورها .؟. أبدن كل همه أروى ولقائه معها ..... كان موقف جنبها ويطالعها بشوووق كبير ...والنظرات متبادله مابينهم ابدن ماحست ساره انه ممكن يكون سعد بها المشاعر ...تمنت انها لها لكن بسرعه حاولت تنهي هالفكره وتقضي عليها وتمنع نفسها من هالتفكير
قطع حبل تفكيرها صوت ضحكة سعد مع أروى يتذكرون مواقفهم القديمه
سعد: اروى لاتوقفين اجلسي جنبي
أروى: بس ماعلمتني من الأموره اللي معك؟
سعد: زوجتي
أروى: امال دي زوجتك؟
سعد: هههه والله
أروى: الف الف الف مبرك
سعد: يبارك فيك لف جهت ساره :ساره أروى صدقتي القديمه سلمي عليها
(الحين كل هذا لصديقه قديمه )مدت يدها وسلمت عليها ببرود ...وكملت تشوف المنظر اللي عمرها ماتوقعت انه بيكون فيها ....كانت مخططه انه بيكون قبال عين فيصل مو عندها ...بها الوقت حست باحساس فيصل يوم تقابله بالمستشفى بس فيصل ماكان حزين مثلها ....
كلها دقايق وتشوف أروى بحظن سعد وسعد يملي خدها بوسات ...والضحك اللي بينهم اقل شي بيقتلها ....
عينها قامت تدمع ....ودها تصرخ قهر ...لكن هذا كان فيه كلام مسبق ...واهي اللي وافقت والحين تتحمل النتيجه ......
ساره: سعد؟
سعدمانتبه لها
أروى: سعد زوجتك!
سعد: أي هلا ساره
ساره: ابروح لدورة المياه واجيكم
سعد: اوكي
أروى شافتها حست انها متضايقه وان سعد ماعبرها
أروى: حرام
سعد: أروى أنا علمتها وكان بيننا اتفاق ماحد اجبرها توافق
أروى: حاجه صعبه ...لما تشوف نصفك الثاني مع حبيبه
سعد: ماعندي مشكله دامها راضيه
.............................
ومن جهه ثانيه .... راحت بعيد عند جسر وتحته ...موية وغير البط والوز المتجمع ...كانت تبكي بقوه وبحزن ع اللي يصير لها ... ومتكيه على الجسر كانت بيدها كسرت خبز رمتها على البط
لقفها البط وحطها بفم زوجته .....
المنـــــظر ممكن يكون بسيط لكن معانيه قويه .... يكفي انه صوره لحب .... بكل معانيه كان قبالها حتى بين الحيوانات ....كملت بكي بحررقه .... وبأسف على نفسها ....لفت من الجهه الثانيه ...تشوف سعد يمكن جلس بلحاله يمكن يفقدها يسأل عنها ....شافته جالس من بعيد وحوله تقريبا 4 بنات بعضهم خليجيات وبعضهم اجانب
تذكرت فيصل ونايف وهالإسمين كيف عذبوها غلا غلا الحين وش حياتها على انها بعيده عنه لكن كيف الغلا يجمعهم مع بعض وانتي ياساره بشهر زواجك ...هنا وحيده ...ااااخ يافيصل
أبــــــــســـــــــألـــــــــك؟
هـــــــو أنـــــــا أســتــاهــلــك؟
أستـاهـل الـدمـع الـلــي جـــرّح وجنـتـيـك؟
أســــــتــــــاهــــــلـــــــك؟
أســتــاهــل انـــــــي أعـــشــــق؟
ابـسـألـك عـــن حـالـنـا انـتــي وانــــا
يــالــلــي احـــس..انــــك انـــــــا
حـالــنــا مـــــا هـــــو غــريـــب
انـا نكـون متأكديـن ان الفـراق مـا هــو بعـيـد
بـالـرغــم مــــن جــــرح الـسـنـيــن
عـشــقــنــا دايـــــــم يـــزيــــن
ماهـو غريـب .. انـي لــو مــرة فــي هـمـي
نــســيــت وبـكـلــمــة جــرحــتـــك
قبـل مـا تتألمـي .. الـلـي يـنـزف هــو دمــي
ابـسـألـك مـاهــو غـريــب .. اسـتـاهـلـك؟
ابسألـك لـو قلـت لـك ان الحنـان اللـي فـي قلبـك
ينـبـت مــن الصـخـر الـزهـر .. بأستـاهـلـك؟
وان النهار اللي في خدودك يخلي النسمة عطر..بأستاهلك؟
وان العذاب اللي في عيونك يعلم الناس الشعر..بأستاهلك؟
ولـو قلتلـك انـي احبـك اكثـر مـن همـوم البشـر
وكثـر الجفـاء وكثـر السهـر ... لـو قـلـت لــك
وانـك اقـرب مـن عيـونـي للنـظـر.. أستاهـلـك؟
لــــــــــــو قـــلـــتـــلــــك؟
كـــــل الـــــذي اقـــــدر اقــولـــه
والــلـــي مـــــا اقـــــدر اقــولـــه
أســــــتــــــاهــــــلـــــــك؟؟
حـــــبـــــيـــــبـــــتــــــي
بــــــــأجـــــــــاوبـــــــــك
لـلاســف مـــا بـــه احـــد يسـتـاهـلـك

كانت تطالع بالناس تدور أي شي يلهيها ....فجأه سمعت صوت يناديها
.........::هلاااايااااحلوو
ساره: لفت من الجهه الثانيه : مين؟
كان ولد سعودي نافش كشته ولابس الجينز والبوزه أزرق وأصفر وأسود وغير السلاسل اللي على صدره ....والبريسز ...اللي على أسنانه ...ابتسم لها ...واهو عارف قد ايش اهي حزينه من دموعها

.....: هلاهلا بالجمااال
ساره لفت وطنشته
..........: شدعوه؟نظره ع الأقل بس نظرررره
ساره: لو سمحت !!
......: اللا ابسألك انتي زوجت الحقير اللي جالس هناك؟
ساره ماعطته وجه لكن مايأس
........: زوجته ول خويته؟ اشوفك من شوي جالسه معاه
ساره:سعد؟
.....: ايه
ساره: زوجته
.............: حلو خذي اجل هذا كرت دعوه منني اليوم ميلادي وابيك تجين في المرقص تلقينه أخر الشارع
مد لها الكرت وساره تطالعه باستحقار
ساره: احترم نفسك
........: ياحلوه وشلون تبيني أحترم زوجت سعد ...انتي داريه بابلاوي اللي مسويها هنا؟
ساره: ايه لو سمحت اتركني خلاص
..............: غبيه ...وسعي صدرك مثل مااهو مسوي ...خخخخخ اجل مابقى من بنت بإيطاليا ماتعرف سعد تجين انتي يازوجته تحترمين واحد مااحترمك
ساره حست ان فيه مجال انه يتكلم عن سعد اكثر
ساره: تقدر تعلمني وش سوا ؟
......: تتعشين معي على حسابي واعلمك بكل شي
ساره: مستحيل !!
.........: يووه طيب شفتي هالبنات اللي بها الشارع كلهم يعرفونه ايطاليات مغربيات روسيات خليجيات أي ديره تبينها يتجمعون هنا وسعد حبيب البنات اسمه ههههههههههههه وحظرتك مدري كيف تزوجتيه وتحرمينه بعد خخخخخ والله دنيا
ساره تبكي: لو سمحت اسكت خلاص
.........: المفروظ تسوين مثل مااهو يسوي مارح يقول شي وان تكلم قولي له هذا انت نفس الشي
ساره:..........
........: طيب خذي هذا رقمي انا ماجد وهذا الكرت حق حفلة الرقص الللي اليوم وتراني انتظرك
وسحب رجوله ومشى على طول واهو يضحك على شكلها مع ربعه
راحت بخطوات متثاقله تجر وراها خيول من الأسى ...من الهم ...من الندم ...وش ينفع الوسيم ان ماكان لي ولامن نصيبي
الحمدلله المكان مافيه غير سعد ووحده ثانيه معه شلة البنات كلهم مشو
سعد: سوير وينك من زمان
ساره: اشوفك جالس مع أروى !!
سعد: لاراحت عندها موعد الحين ...شوفي اليوم ابيك مععي بحفلة رقص
ساره طارت عيونها: رقص؟؟؟؟؟؟؟
سعد: ايه رقص والله الله بيضي الوجه بالملابس كل البنات يسألوونني عنك عن زوجتي يعني
ساره: سعد انت من جدك؟
سعد:ههههههههه اللا انتي اللي منجدك ماتجين ؟ المهم بتجين؟
ساره: لاماابي
سعد: اوكي انا ابروح وانتي وين بتكونين .؟
ساره: بالأوتيل وين ابروح يعني؟
سعد: هههههههههه جايتك حفله فرصه ياساره تفوتينها؟
ساره: مااحضر حفلات خلاص!!
سعد: يالله حتى هنا تحسبيننا بالسعوديه لاكلشي فري هنا وسعي صدرك
ساره استغربت كلامه لكن مب أول صدمه تمر فيها .:ماابي خلاص
سعد: طيب مااكلتي شي
ساره: شبعاااانه
سعد: كويس ابروح انا الحين للحفله وابوصل للأوتيل على الليل متأخر ..ساره تعالي معي ترا بتملين
ساره: قلت لك ماابي ومارح أمل خلاص يالله باي ابروح الحين
سعد: باي
راحت جري بسرعه قبل لايشوفها احد ويعرف انها زوجة سعد مثل الشاب اللي ينشب فيها
شافت شلة شباب خليجين يلعبون بالسكيت .... شوي وصفرو كلهم
.......:أوووووووه ياسعوديه
ساره اعطتهم نظره ومشت
..........: اذوب انا ادوخ عالنظره القتاااله ...شباب هذي مرت سعد اللي اقول لكم عنها
ساره خاافت والشباب تركو لعبتهم وجو وراها
ساره: وش تبون نعم؟
...........: مرت سعد وسعوديه هههههههههه حلالنا يعني اللا على فكره وين الرقم مااشوفه معك؟
الكل: ههههههههههههه
ساره: لوسمحت بعد ول اعلم عليك .........
.............: ههههههههههههههههههههه!! والله موتتيني ضحك بتعلمين مين .؟سعد.؟ خفت الصراحه خوفتيني ...
ساره: لوسمحت خلاص فك عنني اتركني......قامو يضحكون عليها شوي
قامت تبكي بشكل يقطع القلب ورجعت بسررعـــه للأوتيل ...
دخلت وتنهدت ...بحزن خلاص كلشي صار ضدها ....كلشي يهزمها .....ضعيفه وأول مره تحس بحالة الضعف ...دخلت غرفتهم ...اللي بأفخم اوتيلات ايطاليا لكن مازالت ماتحس أي نوع من السعاده دامها مكسووره ...غيرت ملابسها ولبست بيجامه لونها سماوي فاتح ...عاديه وحقت بيت ...حطت راسها على السرير واهي بقمة حزنها ...تتذكر كل المواقف اللي صارت اليوم أو قبل اليوم البوسه .......والضحكه ...غمضت عينها بقوه ونزلت دموعها الكاويه ...مدت يدها على جهت اليمين وطاحت على جوالها مسكته وقامت تقرا رسايل قديمه وأشعار مخزنه ...تحاول تلهي نفسها شوي ... طاحت عينها على رقم ندى اختها اتصلت على طول

ندى: اهلين ساره
ساره كانت تبكي وبالأساس ماودها ندى تدري عن شي لكن على طول ماقدرت تقاوم
ندى: ساااره؟
ساره: .............
ندى: الوو سوير؟!!وينك؟
ساره: ندى؟
ندى: ساره وشفيك تبكين؟
ساره: ايه
ندى: افا ليييه؟
ساره: ندى انا تحطمت انا خلاص ابذبح نفسي
ندى: سوير وش هالكلام ووش صاير؟
ساره واهي تمسح دمعتها: اقول ندى فيصل وشخباره؟
ندى: فيصل؟ وليه ومن متى وانتي تسألين عنه؟
ساره: وشلون فيصل قلت لك علميني
ندى: الحمدلله تقول امه ان كان مره ضايق صدره لكن الحين عادي كل شي صار مثل أول
ساره تبكي بصراخ : لالالامااابي لاليه يعني موب متأثر أبد؟
ندى اللي من سمعت بكي ساره تذكرت ملكة غلا نفس التحطيم اللي تعرضت له قبل: ساره لايكون حبيتي لي فيصل وانا مدري؟
ساره تبكي: ندى انتي عارفه ان الحيوانات صارت تعيش احسن من عيشتي؟
ندى اللي من كثر مااستغربت قامت تضحك حست ساره بحالة جنوون مب طبيعي
ساره: ليه تضحكين؟
ندى: اذا متمشكله مع سعد ترا عاادي كلنا كذا بأول أيامنا
ساره: ندى اليوم بيروح حفلة رقص ندى انا امشي الناس تنأضر علي شوفو هذي زوجت سعد ندى الكل ينادي باسمه الكل يعرف سعد ...ندى انا مااعيش معه زوجته انا منذله ...ندى اليوم بالمطعم تطيح عليه بنت ويستلمها تبوس ...وسواليف وذكريات وانا موجوده ...ندى انا الشباب قامو يركضون وراي لأن السند ضعيف سعد !! هذا مب مب ....مو (شهقت ) ...فيصل ...ندى ابي فيصل يسامحني أنا غلطت بحقه كثير ندى اعترف اني مستحيل رح اعيش بسعاده مع أي شخص غير فيصل
ندى: توك تحسين ياساره؟
ساره:...............
ندى: ياماقلنا لك ياماحاولنا فيك مب فيصل اللي مايستاهلك الذليل الضعيف ؟؟..الحقير ...ساره يئسفني اسمع هالكلام منك ..لكن خلاص الحين فيصل عايش حياته واتوقع انه بيتزوج اذا ماخاب ظنني ...ساره انتهى الوقت اللي تندمين فيه انتي تأخرتي وكثثير ياساره ...فيصل بطريق ثاني الحين
ساره: لاندى لاتحسسيني بالذنب اللي فيني مكفيني
ندى: لكن حذرتك ياساره ومو بس أنا كلنا حتى غلا اللي انتي حاقده عليها كانت مرره ضايق صدرها عليك وحتى بزواجك ماحد راضي وعلى راسهم محمد وفيصل عارفه ان فيصل حذر امي من سعد قال حتى لو ساره ماكانت لي انتبهو لها من سعد بندر قال لي عنه ...محمد ...الكل ياساره انتي عاندتي وهذي النتيجه ...وتوك تحسفين؟؟ الحين ؟؟...مب وقته ياساره تحملي مايصير لك ولاااااااااااازم تحسين بالذنب ....ساره غلا واهي غلا اللي ياما كرهناها ودعينا عليها حتى بملكتها ..كانت تقول لي حااسه ان ساره متضايقه او مارح تتوفق ماكان ودها انك تاخذين سعد لمصلحتك اللي انتي ماعرفتيها الصراحه كبرت بعيني وحبيت غلا ...عارفه اليوم خالد ومحمد على الغدا جالسين يتكلمون عنك مادافع عنك غير فيصل يقول ساره حتى لو اخذت غيري اتمنى لها تعيش سعيده اهي تكرهني اوكي لكن مو يعني ان نسبة الفشل اكيده
ساره: ندى تكفين يكفي خلاص خلاص ..ماعاد اتحمل ياندى خلاص بااي
سكرت الخط وقامت تبكي ....جتها شبه الحاله النفسيه الصعبه ...كانت ماسكه المخده بقوه وظامتها لصدرها ..... وتبكي ...شوي وجاها اتصال من غلا اقطعته بوجهها وكملت بكي
فجأه وقفت دموعها وكل شي وقف ...رمت المخده على الأرض ...كانت صور كثييييييييييره ...بمكان تحت المخده محطوطه بعنايه ...لفتتها شكلها وألوانها رفعتها
الينها صور لسعد مع حبيبتـــــــــــه صوره ضامها ...بحضنه ...وصوره راسها على صدره ....صوره يبوسها ...وكل صوره أقوى من الثانيه ....سعد طالع وسيم وجميييييييلل بالصور ....اخذتها وشقتها بقوه واهي تبكي ورمتها بالزباله .... جلست على حالتها ساعتين بعدها راحت بالنوم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
>>>>>>>>بيت أبوعبدالله
دخل محمد البيت ماكان فيه غير غلا وريناد يطالعون التلفزيون وخالد منشغل باللاب توب .....
ريناد: لاكم مره قلت لك
غلا: والله ماعلي منك انا جايه قبلك
ريناد: غلا حرام عليك أتااابعه
غلا: وانا وش دخلني؟
ريناد: اوف اكره المسلسلات المصريه
غلا: وانا اكره الخليجيه خلاص؟
ريناد: مسكينه ماعندك ذوق
خالد: يوووه خلاص الواحد مايعرف يقعد مروق بها الصاله
غلا: اسأل اختك
خالد: ورا ماتتفاهمون؟
ريناد: تخيل انا اتابع المسلسل تجي تغيره تقول مااحب التمثيليات الخليجيه
خالد: ماعلي منكم المهم اسكتو
غلا: وانت وليه ماتروح لمكتبك أبوي مسوي لك مكتب أكبر منه مافيه جاي تقلقنا هنا ؟
خالد: وش دخلك والله المكتب الغرفه الصاله اللي يعجبني
غلا: احسن اجل تحمل
شوي ودخل
عليهم محمد ...ماسك شنطة الرياضه توه جاي من النادي
محمدبصوت هادي: السلام عليكم
الكل : وعليكم السلام
سكتو وقامو يطالعونه لامحمد متغير اليوم لاشكل ولااسلوب ..
خالد: محمد وشفيك جاي من بدري اليوم؟
محمد: مالي خلق نادي
خالد: وليه؟
غلا: ايه والله محمد وشفيك ؟صاير شي؟
محمد: غلا الحقيني شوي الموضوع بيهمك
غلامعقده حواجبها: خير؟
محمد: خير ان شالله
راحت جهته وجلست جنبه
محمد: تدرون اليوم وانا بالنادي وطبعا عيال خالتي ام نايف معي ...
غلا: طيب؟
محمد: منصور والوليد رجعو بيتهم من بدري قعدت انا وجلوي ... دقايق واتصل منصور بجلوي وعلمه عن أبوه
غلا: ابوهم بالمستشفى صح؟
محمد: ايه من فتره ...الحين صار عنده فشل كلوي
غلا بصدمه: فشل كلوي؟ لاحول ولاقوة اللا بالله !!!!
محمد: منصور علم جلوي .. بسرعه رحنا عنده بالمستشفى ..جلوي حالته ماينحسد عليها ابوه تعبااان وشكله يكسر الخاطر ...طبعا جلوي مستحيل رح يتفرج على طول سوا لنفسه تحاليل وصارت الكليه ماتطابق كلية أبوه المسكين بالموت قدرت أطلعه من المستشفى ... شكل جلوي مااقدر اوصفه
غلا: لااحول ولاقوة اللا بالله
غلا خنقتها العبره : ووش بيسوون؟ طيب؟وخالتي؟
محمد: الحين جلوي ومنصور عندها المهم بيعلمونها ..مسكينه خالتي مدري وش حالتها الحين ...والأدهى من هذا كله ناااايف مايدري عن شي
غلا: لاحد يعلم نايف يامحمد
محمد: والله هذا كلامهم نايف على عماه الين مايخلص دراسه
غلا: عاد نايف يعز أبوه
محمد: الله يكون بعونهم والله قلبي عليهم كلهم
غلا: محمد!! نروح له الحين
محمد: الحين؟
غلا: هذا وقتي يامحمد
محمد: بس غلا
غلا: لابس ولاشي اذا مارحت له الحين متى بيجي وقتي قلت لك توديني الحين وانت معي
محمد: خلاص اجهزي اجل
غلا: افا عليك بس دقايق وانا مخلصه
.................................................. .................................................. ...........................
>>>في المستشفى
دخل محمد وغلا على ابونايف ماكان عنده احد ....
محمد: مساك الله بالخير يبو نايف
ابونايف بتعب: مساك الله بالنور
محمد: انا محمد ولد سلطان
ابونايف: والنعم ياهلا ومرحبا
محمد: وهذي غلا مرت نايف
ابونايف: ياهلا ببنتي هلا وشلونك؟
غلا: الحمدلله خالي بشرني عنك
ابونايف: شوفت عينك يابنتي وشخبارك انتي ؟
غلا: ابد الحمدلله ياخالي ماتشوف شر
ابونايف متحسر: اييييييه الشر مايجيك
محمد: ووشلونك الحين؟ بعد الغسيل ان شالله احسن؟
ابونايف: ماعاد بقى شي يامحمد العمر يمشي
الكلمه أثرت في غلا ومحمد كثيير لكنهم سكتو
ابونايف: بنتي ياغلا
غلا: سم
ابونايف: وشلون نايف معاك؟
غلا : والله الحمدلله دايم يسأل عنكم
ابونايف بحزن: ايه يانايف كل يوم اذكره واهو يدخل ويسلم علي ... بها الوقت كان دوم يجيني ... على اني ماشوف بس فقدته كثييير
محمد: يرجع ان شالله بالسلامه مابقى له كثير
ابونايف: ليت بس اقدر ارجع نظري دقيقه اشوف فيها نايف وزوجته وبعدها ياخذ الله روحي
غلا: لاتقول هالكلام جعل عمرك طويل ان شالله
محمد: الله يطول بعمرك
جلسو فتره ساكتين غلا مره خايفه من كلام ابونايف تدري وش كثر يعز نايف ومنهو نايف بالنسبه له ..واكثر شي كدر عليها ناااااااااااااااااااايــــــــــــــــف كيف رح يدري ان ابوه بها الحاله ..بالفعل تغير ابونايف شكله وكلامه كله صار عن نايف حتى بالأحلام يشوفه

 

 

 توقيع شوووق :
شوووق غير متصل   رد مع اقتباس