عرض مشاركة واحدة
قديم 15-07-2009, 06:20 AM   رقم المشاركة : 93
شوووق
طرفاوي نشيط
 
الصورة الرمزية شوووق
 







افتراضي رد: روايه ..يكرهك نصفي....ونصفي فيك ذايب

الوليد برباشه كان مستعجل شوي: بروح بيت خالتي أم محمد
منصور: ليه ؟
الوليد: الآي بود حق ريناد تبيه مزعجتني
منصور: ياعيني صرنا نقولها عيني عينك
الوليد ببرائه: ليه ؟
منصور: خخخخخخ مكشووفه حركاتكم لاانت ولااهي
الوليد: خخخخخخ اييه فهمت فهمت عليك ...يشين تفكيرك بعد
منصور: يحليك تحبها؟
الوليد: غزال ملك قلبي وروحي رمت قلبي وقلبي مارماها
منصور: اخـــس !! وشاعر بعد؟
الوليد: أيــه عذبتنا بنت الخاله
منصوربضحك: مين يصدق ان الوليد يطلع شاعر تبيني أتوسط لك؟
الوليد: لو تدخل انت بالسالفه خربت
منصور: الشرهه علي انا اللي فازع لك
الوليد : جد الوليد ماتفهمني عجزت ألمح لها
منصوربتفكير: حالتك صعبه ارسل لها مسج
الوليد: عجزت فيها مسجات مافيه فايده
منصور: اهديها طيب
الوليد: المشكله تدري وشي؟ ريناد تحسبني بس مجرد مااهدي وانا والله انها معذبتني وأعني كل كلمه أكتبها واهديها
منصورفي نفسه مستغرب: اممممممم اهديلها في عيد الحب
الوليد: لايشيخ احلف عاد ؟ منصور انا اتكلم جد
منصور: خذ الموضوع معها بمزح وهبال وسعت صدراهي بعدين رح تفكر بالكلام وبتستوعب و خلك واضح معها بكلش ولاتجامل واجد
الوليد: يعني اقول لها أحبك مثلن ؟
منصور بضحك: بلاحركات البزران أنت لك اسلوبك الخاص فكر لو احد مسوي لك حركه بعدها قلت اكيد هذا يحبني وش ممكن بيسوي؟
الوليد: على حسب اذا هذا الشخص أنا اعرفه مرره عشان أقدر أعرف قصده
منصور: اتوقع علاقتك بريناد كافيه أنها تعرفك
الوليد: كل يوم لازم أسمع صوتها لو بس عشر دقايق تصور ؟
منصور: لااااالاااا انت لاعب بك الحب لعبته
الوليد: منصور تكفى ساعدني معها
منصور: ليه مب أنا ابخربها؟
الوليد: اضحك معاك والله
منصور: اوكي بس أي حركه ابسويها لاتقول لي ليه
الوليد: اووكي
منصور: اعلمك وشلون تجيك برجولها وتقول لك (يقلد صوت ريناد) الوليد انت تحبني؟
الوليد: اقول اسكت خربت صوت البنت
منصور: ههههههههههههههههه!! وبعذري اقول وشفيه أخوي صاير هادي وذوقه حتى بالأغاني مختلف أثر الدعوه حب مره وحده ؟
الوليد: منصور ماجربت اللي أنا جربته ...
منصور: ايه داري
الوليد بتفكير: منصور تتوقع كل النهايات رح تكون مثل فيصل؟
منصور: لالاموشرط هذا قسمه ونصيب ....تدري وش أعجبني فيك
الوليد: وشو؟
منصور: خخخخخخخخ طمووحك عاالي تبي تتزوجها مره وحده؟
الوليد: اجل وشرايك
منصور: يحليلك امش ابجي معك حتى انا ابروح عندهم(يتهزا) يممكن احب أحد
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::
<<<<<بيت أبوعبدالله
ام محمد: يبوعبدالله بنتك اهي الغريبه أنا مااذنبت
ابوعبدالله: يامره الوضع ماعاد أقدر أسكت له لاتحاولين تبررين ول تطلعيين من المشكله ماسويتي شي أنا اشوف كلش قبال عيني ...انتي تجرحيني قبل بنتي
ام محممد خاافت وسكتت
ابوعبدالله: غلا خبز يدي أنا عارفها أكثر من نفسي .... الناس تغلط عليها ماتاخذ بقلبها ولاتشيل على احد لكن بعد كلمتها ...(يابوي أنا ماقدر أسكت أكثر من كذا ) يوم كانت تبي تقنعني تروح عند تركي ان جا من الشرقيه ان شالله .... غلا ...يانوره ...هذي غلا أغلى بناتي اللي يغلط عليها كأنه يتكلم عنني أنا ..واأتوقع انك فاهمه قصدي
ام محمد خافت وحاولت تخفي ملامح الخوف من عيونها .....
ابوعبدالله عارف لها ويدور وش اللي ببالها ...
ابوعبدالله: اشوفك مستسلمه ؟.... لاتخليني أسوي اللي ضد مصلحتك ومصلحت عيالي منك
طبعا فهمت وش قصده الحين
ام محمد : انت تدري الواحد لازم يختلف مستحيل بيصير سمن على عسل على طول
ابوعبدالله قاطعها: بس مب يعني بنتي اللي تطيح وتاكلها وتسكت .... لازم أصلح كلشي ... واذا الحل بغير الكلام أنا مستعد أسويه
ام محمد: لالاالله يهديك يابوعبدالله هذا الشيطان ...لاتخليه بيننا ..
ابوعبدالله: اتمنى الشي هذا
ام محمد: غلا مثلها مثل ساره وريناد وندى
قطع عليهم صوت التلفون
ابوعبدالله رفع السماعه: الو؟
عبدالله: هلا يبه
ابوعبدالله: اهلين عبدالله
عبدالله بفرح : ابشرك لمى ولدت
ابوعبدالله: ماااااااااااااشااااااالله !! الله يبشرك بالخير وعساها بخير الحين؟
عبدالله فرحااااااااااااااااااااااااااااااااان: ايه الحمدلله
ام محمد: ولدت مرت عبدالله؟
ابوعبدالله: ايه
ام محمد: طبيعي ؟
ابوعبدالله: ولادتها طبيعيه ؟
عبدالله: ايه
ابوعبدالله: ووش جابت ماشالله ؟
عبدالله: جابت بنت
ابوعبدالله: مااااااشاالله الف الف مبرووك ياعبدالله تتربى بعزك ياولدي
عبدالله: الله يبارك فيك يبه
ابوعبدالله: الله يسعدك فرحتني بها الخبر
عبدالله: جعله دوم ان شالله
ام محمد: ماشالله وش جابت ؟
ابوعبدالله: بنت
ام محمد: ماشالله الله عوضهم بفارس
ابوعبدالله فرحان : ايه الحمدلله صوته متغير بالتفلون
ريناد واهي جايه من الحديقه الخارجيه : الله يبه وش هالوجه الحلو ؟
ام محمد: لمى جابت بنت
ريناد تصرخ: اماااااااااااااااااااانه!!
وراحت على طول وحبت راس أبوها
ريناد: يبه ألف الف مبرووووك تتربى بعز أبوها وجدها
ابوعبدالله: الله يبارك فيك يابنتي
ريناد: ابي اتصل على عبدالله
ابوعبدالله: ههههههههههههه بتلقينه مشغول
ريناد راحت ركض بسرعه بتروح تعلم ساره وترسل لصديقاتها حتى
واهي بتتصل على ندى تبشرها
ريناد على طول من غير سلام: مبرووووووووووووووووووك لمووو جابت بنت
الوليد: والله مبرووووووووووووووووك
ريناد: وليد؟
الوليد: ايه؟
ريناد: ههههههههه حسبتك ندى
الوليد: اللا جته بنت أخوك؟
ريناد بفرح: ايه
الوليد: لااجل لازم أجي ابارك لك
ريناد: هههههههه يليت
الوليد: ياليت ليه ؟
ريناد: ابي احد يجي طفشاانه مافيه احد بالبيت
الوليد متحطم : اها اوكي تعالي انا عند الباب
ريناد: والله ؟
الوليد: ايه
ريناد: احسبك تمزح
الوليد: لالاماامزح اجل كيف بيهون علي أطلعك عند الباب وانا موموجود
ريناد: هههههههه اوكي جايه الحين
راحت جري عند الباب مرت على الصاله
ام محمد: على وين؟
ريناد: الوليد بيجي

فتحت الباب ودخل
الوليد: مساء الخير
ريناد: مساالنور
الوليد: لحظه شوي منصور جاي مععي
ريناد: طيب
منصورواهو من ورى الباب عاد منصور ملقوووف ومتعته في الحياة انه يتهزا ويتطنز ول مايصير منصو ر: خخخخخخ زوجها الظاهر اعقلو تغطو من بعض
الوليد: وانت وش دخلك؟
منصور: الجيل الثاالث مافيكم خير
ريناد تنحرج مرره من منصور جريئ ويرمي الكلام عادي :خلاص ابروح
راحت بسرعه ورا البيت ودخل منصور بالمجلس عند محمد
الوليد: ريناد راح تعالي
ريناد: يوه مابغى
الوليد: وشخبارك ؟ ووشلون عبدالله اخوك ؟ ومبروك ماجاه
ريناد: الله يبارك فيك شلونك انت؟
الوليد دخل يده بجيبه : خذي هذا الأي بود
ريناد: عسى حطيت فيه أغاني جديده
الوليد: ايه مليته ففتي سينت ومساري وأفريل واكون
ريناد: ياااااااااااااااااااي رووعه
الوليد يطالع فيها شوي شوي ينزل راسه ..(يالله هالبنت عليها عفويه مب سهله ... على ان حركاتها تطلع عفويه بس تجنن ...أخ منك بس
ريناد: الوليد أفكر اقص شعري
الوليد: لاااالاتقصينه
ريناد: ليه
الوليد: بس كذا أحلى عليك
ريناد: صدقني أنا القصير علي بيطلع أحلى
الوليد اعجبه وأستغرب انها تبي رايه : امممم طيب ليه تسأليني ؟
ريناد: ليه أخذ رايك مافيها شي
الوليد: اهاا لالاالطويل أحبه
ريناد: تتحداني أني ابخليك تحب القصير؟
الوليد: ابووك يالثقه
ريناد: ايه طبعا أنا ريناد مارح اعجبك
الوليدماوده يبين لها أساسا مستحي ومب عارف مالقى غير انه يناقض: اما يعجبني واهو طويل ويالله ممشي حاله
ريناد: هيهي مسكيييين أنا اوريك يالوليد ان ماحببتك بالقصير ماكون أنا ريناد
الوليد : مسكينه مدري من حلاته كنه شعر هنديه طايح على وجهك حتى تجعيد مايتجعد
ريناد: مسكين ياحبيبي هذا الجمال الحين اللي انت ماتفهمه
الوليد على انه خق على حبيبي بس حاول يتجاهل : البنات الحين تطورو يجعدون ويغيرون وانتي نفسه مايتغير من عرفتك وانتي بنفس الكشه ههههههههههه
ريناد: من زين شعرك عاد الحين
الوليد: المهم أنا ابي اوريك شغله بتحبينها
ريناد: وش؟
الوليد: افتحي الآي بود رح تلقين أغنيه اهدااء خااص لك
ريناد: طيب حقت مين؟
الوليد متحمس: راشد الماجد الحل الصعب
ريناد: اوكي حلوه ول شينه أنت يعجبني ذوقك بالأغاني
الوليد: افاا عليك رح تعجبك صدقيني
ريناد: اوكي أروق عليها الليله
الوليد: اوكي ابطلع انا الحين تبين شي لاسمح الله ؟
ريناد: خخخخخ لامابي شي لاسمح الله
الوليد واهو بيطلع واهي عند طرف الباب ماسكته وشوي وبتسكر الباب اللي مسكه
الوليد: اقول ريناد غلا وخالد أخوك متى بيرجعون؟
ريناد: على كلام غلا بعد مامددو فترتهم لهم الحين تقريبا اسبوعين على كلامها بيجون قريب
الوليد: اها
ريناد: ونايف اللا متى بيرجع أبي احظر زواج اختي صراحه
الوليد: الحين انتي خلي أبوي يتعافى وبعدين يحلها الف حلال
ريناد: ايه صح الله يعافيه
الوليد: يالله اجل ابمشي
طلع من البيت ودخل للسياره ...شغل الأف ام طلعت له أغنية راشد الماجد (لمني )
طول الصوت على اخر شي خلى كل الحاره يسمعونه
أما ريناد واهي بتخل داخل الفيلا وصلها مسج بنفس الوقت من الوليد
(رنوووده الأغنيه المشغله اهداااء خاااااااص لك ...ليتك تسمعينها روحي قريب عند باب الشارع )
ريناد عقدت حواجبها ورجعت قريب عند باب الشارع سمعت الأغنيه ...
لمنى في محجرعيونكـ حبيبي وخلني ........خلني أشوف نفسي في عيونكــ وأطمئن
دامكـ ان سلهمت بالرمش الظليل تفلني ......نعنبو ذاالرمش كيف اني من أسبابه أجن

كان يشوف ظلها عند الباب وعلى الله هالمره تستوعب انه يقصدها وجااد بإهدائه
اما ريناد ..أكيد ان الرساله واضحه والغبي رح يفهمها ...الأغنيه كانت بالنسبه لها نقطه تحول بتفكيرها ...قامت تتذكر مواقفها معااه ...تذكرته يوم يتصل عليها ويشكي لها ...
ريناد: الوليد انت مضيق صدرك بزياده صدقني
الوليد: ريناد أوعديني ماتعلمين أحد انا مارتاح اللا لك وماحب أشكي لأحد غيرك انا ابتكلم وبسكر ولاحد يدري بالكلام اللي أقوله
ريناد: اوكي ماحد رح يدري

تذكرت الموقف اللي كان على شواطئ الهوليدي ان
مسك يدها : ايه هذي زوجتي ))))))))))))))!!

وش يقصد ؟؟ الوليد يلمح ول يرسل لي اشارات قلبه ؟ ول يمكن يكون مجرد مافضلني وصارت بيني وبينه

صداقه قويه ؟... الوليد من خبرت نفسي وانا بهواش معاه ..الحين تغيرت الموازين بسرعه ...؟...نزلت عيونها وطاحت على الآي بود حقها فتحت الأغنيه وشغلتها
اسقني حبــــ أو اسقني فرقــــــــا ان صبرت أشقى ....أوهجرت أشقـــــى العمر يمضي والجروح تبقى
أختر الحل الصعب ـ ياتفارق ياتحبــــــــ ................ ياتفارقـــ ياتحب
لاتحد للي مراحل لالا........ابتسامي دمع وسكوتي كلامي ,,,,,,,
هذي ورده للهوى ...هذي جروحك ........اعطني روحي سيدي .. أو خذها روحكـــ !!
وش بقــى ضاعت سنيني .........يابعد قلبي وعيني ...........
لاتردد في غـــــــرامــــــــــــــــــــــي للا ابتســــــــــــــتامي دمــــــــــــــع وسكوتــي كلامي

جلست تفكر وتروح وتجي الأفكار فيها مع هالأغنيه ...ودها تتصل على الوليد ول تفتح قلبه تدري وش معنى كلامه وهل اهو يعنيها ...قبل لاتطيح بالحفره وتندم ولاتقدت تملكه
قطع عليها اصوات محمد ومنصور طالعين يسولفون بالحوش

ريناد: محمد!!
محمد: ريناد؟
ريناد: خله يوخر لأنني ابدخل للبيت
منصور: منذي؟
محمد: هههههههه ريناد مين يعني
منصورينادي: ايه يااااااامرت اخوي !! ياحرم الوليد

ريناد خافت ..وانحرجت من كلامه ..
محمد بضحك يستانس على ريناد لما تنحرج : اقول منصور اعقل ووجنب شوي خل البنت تدخل
منصور وصوته حتى ريناد تسمعه: طيب وراها انطرمت ماتحاكيني
محمد: اقول اهجد بس تبي تقول لها ياحرم الوليد ترد عليك؟
منصور: ايه وليه بتعطيها لغير وليدووه ؟
محمد: لاطبعا
منصور: خخخخخخخخ حلو لايروح شغل أخوي عالفاضي !!

منصور متعمد يبين لها وكأنه يقول (افهم ياحماار) اسلووبه وااااااااااااااااضح والغبي بيفهمه
ريناد تنحت ودها تستوعب الكلام ..أكيد ان الوليد موصي منصور بشي عشان انا ادري ...يالله يالوليد كل هذا عشان تعترف لي .؟
مسكت الجوال وأرسلت له
(هاااي الوليد الأغااني مرره حلوه والحل الصعب أعجبتي حيييييل مررره مشكور وحتى لمني أبروح احملها الحين من النت ...وليد مشكوووووووور مررره وكلك ذووق ...^_^)
<<بيت ام فيصل
تعمق ...كثير بالبحر هذا ...فكر لدرجة انه غاص لأعمق محيط فيه لقى انه يطلع بنفس النتيجه ...وكل ماغاص فيه أكثر لقاه مظلم ...صحيح اهو الآن متمرس بالبحر هذا وأكثر شخص يعرفه ويعرف كل طرقه وممراته ....لكن لأول مره يحس بالحيره قدامه ...حس انه مستحيل رح يوصل لنتيجه ...وان البحر العميق الكبير هذا ماااحد ممكن يوصل معاه او مايغرق فيه ...تعوذ من ابليس وطرد هالأفكار من باله ...أي غرق ..؟ اذا انا غرقت مره ماكررها مره ثانيه ....مااضعف ثانيه خلاص ...لازم أتخلص من هالشعور الميت بداخلي .... لازم أعطي غيري حقه ... ساره راحت ومات كلشي يعني ساره بقلب فيصل .....لاكن حتى مها لها الحق فيني ...مستحيل أقبلها ان مها تنتظر على حساب ساره ...آآآآآه من همك ياسااره ... ااخ ...قتلتيني حتى وانا مرتبط وبعدي عنك ؟

ام فيصل قطعت عليه تفكيره وحيرته: فيصل وشفيك؟ مسرح؟
فيصل: يمه مدري افكر بموضوع ملكتي
ام فيصل: حلو ؟.
فيصل: بس مدري متردد
ام فيصل: ليه ؟
فيصل: تعرفين ...مها اخاف ماتفهم موقفي أنا طولت عليهم يكفي اني أخرت الملكه كثير
ام فيصل: لالاماعليك مها بنت حلال وعقلها مب صغير فاهمه كلشي انا شارحته لها البنت مابتبيعك على طول
فيصل: يعني اتوكل يمه؟
ام فيصل: توكل ايه والله يوفقك
فيصل: وساره؟
ام فيصل: قسمه ونصيب ياولدي كلشي قسمه ونصيب مالك نصيب بساره الله يوفقك بغيرها
فيصل : اهي مستعده وموافقه ؟ يعني كلشي الحين متعلق فيني ؟
ام فيصل: ايه مها مخلصه
فيصل : والزواج؟
ام فيصل: عاد هذا بيدكم أنتم متى مابغيتوه حطوه ..
فيصل: مارح أخليه كبير ولاحتى الملكه
ام فيصل: اللي يريحكم انت بس شاور أبوها ومايصير اللا الخير ان شالله
فيصل: يمه أبيك تكلمينهم لو نخلي ملكتنا على الأسبوع الجاي
ام فيصل: ولايهمك صار ان شالله
فيصل: الله يخليك لي ولايحرمني منك يااغلى ام بها الدنيا
ام فيصل: ولايخليني من سندي فيصل
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
نااااااايف وغلاااااااا
كان الوقت على قبل نصف الليل بشوي ...الجر رهييب هناك ...لايوصف ...كله مشااعر واحاسيس ...كان يمشي معها بين الممرات
نايف: غلا وين تبين تتعشين؟
غلا: مدري اللي يريحك
نايف : اووكي لحظه شوي
أخذ جواله وأتصل له اتصال اخذ له بالخمس دقايق وسكر
نايف: غلوو عندي لك مفاجأه بتعجبك
غلا ابتسمت له ...لف يده حول جسمها وقربها لجهته ..أعجبت برومنسيته ..وحنااانه ...
كانت لابسه فستان أحمر قصير ورافعه شعرها بتسريحه بسيطه ..وحاطه ميك أب خفيف مطلها ملاااك لاايوصف ..
اما نايف كان لابس بنطلون جينز فاتح وبلوزه مفتوحه من عند الصدر لونها أبيض ... انجنت عليييه غلااا
كان يهمس بأذنها بأحلى كلام انقال عن الحب مابقى من بيت شعر مااهدااها ...
حتى نايف مستغرب من نفسه مستحيل يشوفها مايعطيها كلمه حلووه ومهما سوى يحس انه مقصر ..بها الملاك البشري ...
استأذنها بيدخل محل
نايف: ادخل هنا واجيك انتظريني ثواني مارح أطول
غلا: اوك بس وش هذا المحل؟
نايف: اممممم اعلمك بعدين
دخل وطلع ومعاه كيس ... واهو يمشي معها قابله لبناني ..أخذ منه الكيس وراح كل هذا وغلا ماتدري وش الساالفه خلاها مثل الأطرش بالزفه

نايف: ودك نروح على البحر؟
غلا: أي مكان معاك بيطلع حلو
نايف كان يمشي معها وقربو لجهت الشاطئ ...كان الوقت على الغرووب ..الرمال الممتده ول العشب اللأخضر المغطي المكان ول ألوان البحر المنعكسه من السما ...الأصفر على الأحمر والأورنج ...المكان كان أشبه بالخيال من الحقيقه ....
كان ماسك أصابعها يلعب فيها اما اهي بس ودها تتخيل مكانها ول وجودها هاللحظه جنبه ..على طول تجي على بالها الأوقات اللي اشتاقت له فيها يوم كانت بالسعوديه .... تذكرت ياما انتظرت هاللحظه
نايف:غلوو وين رايح بالك؟
غلا: حبيبي اتعبني
نايف: ممكن اعرفه ول اتعرف عليه؟
غلا: بس كيف اعرفك عليه؟
نايف: اوصفي لي اياه
غلا: هذا الانساان ياماا وحشني وذبحني غلااه وشوقي له بس ...مشكلتي لايمكن أصدق اني اعيش بقربه حالات أحس انه من المستحيل ..والخياال ولايمكن يصير بالحقيقه
نايف: تحسين ان الوقت يمشي معه مثل الدقايق؟
غلا: واقل
نايف: شعور صعب لكن عذابه لذيذ
غلا: نايف مازلت أحس انه حلم مستحيل
نايف: شعوور متبادل
غلا: توني ادري ان اللي يصير بالقصص الأسطوريه وألف ليله وليله حقيقه ...أتخيلك الأمير اللي أخذ سندريلا
نايف: وانا اشوفك سندريلا اللي ااعجبت الأمير
شبك أصابعها بيده وابتسم لها
نايف: تدرين ياغلا أول ماشفتك حسيت أنك رح تكونين شي كبير ومهم بحياتي
غلا استحت : حتى انت يانايف
نايف: الصراحه من أول ماشفتك تعلقت فيك ...انتي أحلى بنات الكون هذا كله ..ماصدقت اني ممكن ألتقي بمثل هالجماال ...
غلا: الصراحه حتى أنا اكذب عليك ان قلت لك نايف كان مثله مثل الشخص العادي ..تعلقت بأخلاقك وفيك أكثر من غيرك......نايف تتوقع هذا كله ممكن يزول؟
نايف: مايبعدني عنك غير الموت غلا
غلا: الدنيا تفرق ان كننا قراب من بعض اليوم بكره يادوب نذكر أسماء بعض
نايف: غلا وش هالكلام؟
غلا: هذا اللي تعلمته من هالمدرسه الكبيره
نايف: لاتخلينها قاعده
غلا: اللي خلا الأخوان يفترقون والأصدقاء يختلفون والأقارب يتمشكلون يخلي .....
سد فمها وأشر لها بمعنى (لاتقولين هالكلام)
نايف: لاتكملين
غلا:..............
نايف: مايفرقني عنك غير الموت
غلا: دنيانا مافيها خير يانايف
نايف: الأمور مشيها بصالحك مو اهي اللي تمشيك
غلا : ان كان الكل ضدك
نايف: يكفيني ان غلا معاي
غلا طول سكوتها ..قامت تفكر بس ليه هالاحساس يطاردها .... ردت هالكلام كله بابتساامه حلووووووووه نايف ضاعت علوومه معاها
وقفت بعد ماكانت جالسه جنبه
غلا: ابروح اتمشى على البحر لأن الجو مايتفوت
راحت مشي على البيج ...الجو يسحر .... وشكلها طالع كيوووت ...
نايف طول الوقت قام يطالعها أخر شي قام يمازحها بالمويه واهي تهرب من عنده ... الين وقفت من التعب وملابسها من تحت كلها مويه ونايف نفس الشي
على طول تمددت على ساحة العشب الأخضر وجلس جنبها
غلا تضحك: اناابردها لك
نايف بضحك: الأيام بيننا
غلا: تعبت من الجري
نايف: جعتي؟ترانا ماتغدينا؟
غلا: عشا مره وحده
وقف ومد لها يده ... وشالها وراح يتمشى معها ويكلمها شوي يهمس بإذنها وتبتسم .....وصلو عند مكان قريب من البحر تماما
نايف : الحين ماابيك تفتحين غمضي عيونك
غلا: ليه؟
نايف: تشوفين الحين
غلا عقدت حواجبها واهي تطالعه ...شكلها ساحره اشعة الشمس البرتقاليه منعكسه على شعرها ومعطيته لون ذهبي ومغطيه لونها سمار أكثر ومخليها عيونها تلمع بشكل خيااالي
نايف ابتسم: غمضي وابتعرفين
حط يده على عيونها ودخلها وخلاها تمشي واهي ماتدري وين بيوديها
حست رجولها استقرت على مكان أقرب من الخشب وريحة العطر ماليه المكان وعلى أصوات الموسيقى الرمنسيه ...
غلا: أفتح عيوني؟
نايف بعد يده ...وفتحت علينها على طاولة أكل يغطيها المفرش الأحمروتنورها الأنوار الخاافته ... كان المكان داخل بخت كبير ... ول ريحة المكان المعطره
نايف: وش رايك بالمفاجأه
غلا منبهره: رهييب يانايف
راحت جهت الطاوله قربت منها أكثر كان فيه ألبوم وجنبه هداياا مغلفه بنفس اللون مابين الأحمر والبينك ..
كان متكتف وراها عاجبته حتى واهي منبهره
غلا لفت جهته وابتسمت له : احبببببك
نايف: أنا بعد أحبك ..أعجبتك المفاجأه ؟
غلا: روووعه
راحت على طول جهت الألبوم الموجود أكثر شي أثار فضولها ..أول صوره طاحت عليها يوم كانت جنبه بالملكه ..وبعدين صورها يوم كانت صغيره ...الجهه الثانيه كانت صورته معها يوم كانو بالسعوديه ...والباقي كله أيامهم الحلوه بألمانيا ..على البحر ول في أسواقهم ..ول جنب قصورهم ول بين غاباتهم وخضارهم ...
نايف: هذا اهداك لك
غلا: الله لايخليني منك
نايف: ولامنك
وقامويتبادلون أحلى كلام وكل واحد يعبر للثاني عن حبه بطريقته
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::
<<<<<<<<<<<في المستشفى طبعا لمى الحين لها يومين من ولدت .... عبدالله كان يزورها بين وقت وثاني ولايطول لأن الحريم اللي يجونها كثار
الساعه 4 العصر
عبدالله وتوه داخل عليها : السلام عليكم
لمى: وعليكم السلام هلا عبدالله ...وينك طولت من زمان انتظرك
عبدالله: موتقولين مرت تركي بتجيك ؟
لمى: لالاموالحين بتجي
عبدالله: وانا على بالي انها عندك
لمى: عبدالله الله يعافيك قل لهم يجيبون البنت مارضعتها
عبدالله: من شوي رايح هناك نايمه
لمى: معليه خلهم يجيبونها
عبدالله: اوكي
مسك التلفون واتصل عليهم ...
لمى كانت تتأمل فيه (ياربيه وش كثر انت فرحاان ياعبدالله الله لايحرمك منها ولايحرمها منك ... من زمان عن هالابتسامه ماشفتها منك ....)
دق جوالها
لمى: الو هلا
ساره: اهلين لمى شخبارك؟
لمى: الحمدلله وانتي ؟
ساره: تمام ..عندك أحد الحين ول نجي؟
لمى: لالامافيه غير عبدالله
ساره: ووش اخبار الحلوه؟
لمى: الحمدلله
ساره: اوكي اجل جايينك الحين
لمى: اوكي باي
ساره: باي

سكرت الجوال واهي تحطه على الطاوله عبدالله: مين؟
لمى: ساره تقول بنجيك الحين
دخلت النيرس عليهم تدف البنت من السرير ..عبدالله على طول شالها وقام يبوسها
لمى: يوه عبدالله خف عليها توها صغيره
عبدالله: باللهي هالملاك أنا اقدر أخليه ول اخف عليه ...واهو يحبب فيها ..ياعيوون ابوك انتي
لمى: لالاانا اغار كذا
عبدالله: هههههههههههه ياما غرت من فارس قبل ماتعبريني تقولين لاتقارن نفسك بفارس انت زوجي وفارس ولدي
لمى: وياسلام الدعوه رد اعتبار
عبدالله يضحك عليها: ههههههههههههههههه يعني أهدها؟ حرام والله مقدر أصبر
ويكمل يبوس بالبنت
لمى: انا ابخليك لأن اهلك بيجون الحين وراحمتك مارح تاخذ راحتك ول كان ماخليك
عبدالله: موووووووح!
شوي وقامت تبكي
لمى: ياربيه شفت وشلون هذي النهايه
عبدالله: لالايابابا لييه لالاخلاص ياماما خلاص ماتبكين .....لف جهت لمى ......يالله أجل الله لايهينك سكتيها
لمى: يكلمها كنها أم عشر سنين هههههههههه هاتها عنك
اخذتها وقامت ترضعها ... شوي ودخلو
ام محمد وابوعبدالله وديما وساره وريناد
ام محمد: السلام عليكم
عبدالله: وعليكم السلام
ابوعبدالله: مساكم الله بلخير
لمى: يمسيك بالنور خالي
ابوعبدالله واهو يجلس: وشخباركم ؟
لمى: الحمدلله
ابوعبدالله: لالااليوم شكلك أحسن من أمس كنتي تعبانه
ام محمد: وين الصغيره وشخبارها
لمى: ابد الحمدلله
ريناد من جهه ثانيه كانت تكلم عبدالله : لاياسلام وش شايفيني بزر؟
عبدالله: مافيه تشيلينها لأ
ريناد: تكفى عبدالله والله دقايق مارح تطيح
عبدالله: لاقلت لك لا بنتي موشغلك
ريناد: احسن من زينها وتعالو لي بعدين حطوها بالبيت وسافرو مثل أول
عبدالله: بعدين بتصير اختصاصك بس الحين تشيلينها انسي
ساره: اعطني اياها عبدالله
عبدالله مدها لساره
ساره شايلتها: يووه ماشاالله قمر طالعه على عمتها
عبدالله: لايشيخه
ساره: هههههههههههه ايه شفها نفس عيوني
عبدالله: قمر على امها مو عمتها
ريناد: تحطييييييييييم
ساره: اقول اسكت انت بس هذا جزاي اللي أمدح ببنتك
ديما اللي كانت تصب القهوه لأبو عبدالله
ابوعبدالله: لالاالله يعافيك خلاص
ديما مدته لأم محمد: خالتي ؟
ام محمد: الله يعافيك
عبدالله: يالله أجل استاذنكم
ابوعبدالله: بحفظ الله
ديما: اعطيني الصغيره
أخذت البنت وقامت تطالع فيها : يووه يالمى تشبه لك مررره
لمى: لاعاد أنا اقول كلها على ابوها
ديما: تقاطيع الوجه ماخذه من ابوها بس كلها عليك انتي
ريناد: ووش بتسمونها الحين؟
لمى: للحين ماحددنا شي أفكر بالجوهره
ساره: عاد عبدالله أخوي بيسمي الجوهره؟
لمى: هذا أخر كلام على انه وده بأسم غريب
ساره: يووه عاد عبدلله اخوي ذوقه بالأسماء مرره شييين
ديما: ههههههه ليه ووش يبي يعني؟
لمى: هديل ول عهود ول خلود هذا قبل والحين ناشب لي في أسم زان ول جل نار
ريناد مستغربه: جل نار؟؟؟؟؟؟؟؟؟
لمى: ههههههه ذوقه كذا شسوي به؟
الكل قام يضحك على الاسم
لمى: قلت له خلنا نسميها على المرحومه بلاجل نار وبلاخرابيط
ديما: طيب انتي وش ودك فيه
لمى: انا أي شي بس لايعقد بنتي مع هالأسماء
ريناد: تذكرون عبدالله أخوي اول ماجاه فارس وش كان بيسميه ؟
ساره معقده حواجبها: الاسم غريب بس ماذكره
ديما: وشو؟
لمى: كان يبي يزن ول المغيره ول القعقاع
ديما مستغربه : القعقاع؟
لمى: ههههههههههههههه
ساره: ماشفتي شي
ديما: يووه لامن جد غريب ذوقه كلها أسماء تاريخيه
لمى: ايه فارس انا مختاره الاسم ول لو عبدالله كان تعقدو عيالي في حياتهم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::
<<<في الاستراحه
محمد نايم وفيصل ونواف ومنصور والوليد كانو هناك
نواف: ايه وانت الصادق من زمان عن طلعات البر
الوليد: لاروقونا ..تونا خالصين من نايف وجلوي كل اسبوع للبر الحين تجوننا انتم
منصور:مالك اللا البر اقول اهجد بس وش يعني عاجبتك هالاستراحه
فيصل: متى نمشي طيب العزبه جاهزه؟
نواف:ايه افاا عليك بس
فيصل: بنفقدهم نايف وجلوي
منصور: جلوي بيجي يقول
فيصل: لااليوم انا مكلمه
منصور: اللا مكلم امي اليوم
فيصل: وأبوك؟
منصور: لاابوي بيقعد عند نايف هناك
فيصل: وشخباره الحين ماتحسن؟
منصور: لايقولون نفس كلشي ماتغير حتى الكليه لازم وقت عشان يتعود الجسم الشغله مطووله
الوليد: وجلوي متى بيجي؟
منصور: على مايلاقي حجز يمكن بيجي مع طيران البحرين مالقى حجز
نواف: ونايف طول هناك مب المفروض انه خلص دورته؟
منصور: لاباقي له شوي
نواف: الله يعينه هم زواج وابوه ودراسه
فيصل: ايه مضغووط مرره نايف
الوليد: المهم نرجع لمحور حديثنا البر مافيه

نواف: انا ابي اعرف انت وين تبي تروح؟
الوليد: الناس الحين تسافر تروح وتجي وانتم قاعدين بها الرياض مدري وش عاجبكم بحرها وبر ومابر ساافروو طيب
فيصل: لالامعلييش وراي ملكه وزواج ومصاريف تبووني افلس
منصور: خخخخخخخخخخخخ وشايل هم هالزواج من سنة عممي يارجال تزوج وفك عمرك
فيصل: هذيني الحين أمس كلمت أبوها بالموضوع
نواف: يعني خلاص بتعقلها وتتوكل؟
فيصل: ان شالله
الوليد: طيب متى حددتها؟
فيصل: على الاسبوع الجاي
منصور: ماكلمت أحد بها الموضوع أبد؟
فيصل: مابي الموضوع يتكلمون فيه العالم وااجد خلاص مكله بسيطه وانتهى الموضوع
نواف: ايه يشيخ افتك لاوجع اللا وجع الضرس ولاهم اللا هم العرس
فيصل: وانت الصادق اهي بس ملكه وبعدين كلشي بيهون
الوليد: طيب وزواجك متى ؟
فيصل: افكر اخليه بعد الملكه على طول بيوم أو يومين بس مااتوقع بيوافقون على حسب المداام
منصور:
ىواعيني ع المدام اللي من زماان انتظرناها
فيصل مبتسم بانهزاام للواقع : ماكل مايتمناه المرء يدركه
نواف: ايييه هذي دنياك مافيها خيير
الوليد: يالله وش قلتو وين بتروحون؟
نواف: لايالوليد مالنا اللا البر
الوليد: ااف ياشين البدو ان اشتغلت عروقهم
منصور: اقضب لساانك وكلن يرجع لأصله
الوليد: خخخخخخخخخخ !!

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
<<<ألماااااااانياا
جلوي: يبه سم
ابونايف: سم الله عدوك ياولدي
جلوي:هاه يبه وش تحس به الحين؟
ابونايف: حاس بمراره
جلوي: انادي الدكتور؟
ابونايف: لالاماله داعي ارتاح
نايف وغلا توهم واصلين وطق الباب..ودخلو
نايف: مساك الله بالخير يابوي
ابونايف بلهفه: يميسك بالنور ياولدي
نايف: شخبارك الحين لالاوالله الوجه محلوو ومتغير يبه صحكتك عا العال
ابونايف: اييه خلاص ماعاد تنفع الصحه مع هالعمر
نايف: افاا عليك يبه توك شباب
ابونايف بضحك من زماان ماشافوه عياله عليه: الله يالشباب بس
غلا: وشلونك خالي؟ وشخبارك؟
ابونايف: وغلا موجوده ؟ سمي يابنتي ابد الحمدلله وشخبارك انتي مع نايف؟
غلا: تمام الحمدلله
ابونايف: عساك مرتاحه وانا ابوك
غلا: ايه الحمدلله
جلوي: نايف رحلة ابوي نأجلها ول لا؟
نايف: ودي انه يقعد هنا أحسن من انه يروح للسعوديه انت تقدر ترجع وتخليه عندي
جلوي: ودراستك نايف انا لو اضمن انك بتحرص كان رحت
نايف: قلت لك روح ويسهلها الله
جلوي: لأن خالد يقول مافيه حجز اللا على طيران البحرين الرحلات بعيده
نايف: رح انت على طيران البحرين لايفوتك وابوي خله هنا
جلوي: احجز خلاص؟
نايف: احجز ايه
غلا كانت جالسه جنبه تحاكيه وطبعا متغطيه من جلوي
شوي ودق جوالها
غلا: نايف الله يعافيك مد لي الشنطه شفها جنبك
نايف: اوكي
غلا واهي تطلع من الغرفه: الو ...ايه هلا ....أمااانه ؟...جدوالله؟؟؟. طيب جابت ايش؟......... الحمدلله مبرروك ......يحليله عبدالله عساه مبسوط؟....أيه اششوا .....وينهم انا ادق ماحد يرد علي ...أاها ؟...اي أي طيب...متى ؟....الحين.؟...الحين بالمستشفى عند خالي .....اوكي ..استناك ...اللا لحظه اسمعهم يتكلمون عن الرحله متى بنمشي؟.....أووكي ... باي

دخلت وقعدت شوي وجاهم خالد
خالد: مساكم الله بالخير
الكل: يمشيك بالنور
خالد: وشخبارك يابو نايف
ابونايف: الحمدلله وشعلومك انت ؟
خالد: ابد الستر ...
نايف: وكيف الصفقات والشغل؟
خالد: ابد ماشي الحال توني متعاقد معهم ومخلص
جلوي: ماشالله
خالد: يالله اجل استاذنكم الحين
جلوي: بدري
خالد: تعرف بكره بنمشي من بدري
نايف: متى بتروحون ؟
خالد: على الظهر ...ممكن أستلف غلا اليوم؟
نايف: ههههههههههههه
خالد: يالله ماودك تطلعين
غلا: طيب دقايق واطلع

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::

<<<<<<بالمستشفى
تركي وديما
الدكتور: الموضوع مو بيدنا هذي اشيا بالمغيبات لكن ان شالله مع الهرمونات والعلاجات
ديما: الى متى ؟
الدكتور: والله انا ماقدرر احدد حتى اذا ممكن بتجيب نتيجه ول لا لكن باذن الله الامر بيد الله
تركي: طيب وش الحبوب اللي تحذرها من استخدامها؟
الدكتور: فيه عندك حبوب الروؤكتين لاتاخذها باستمرار امممممم هذا اكثر شي وان شالله تجيب نتجيه اعلاجاتي وانا رح اكتب لكم كل الحبوب
ديما: بس لنا الحين ست شهور ماجابت نتيجه الأدويه يعني ممكن بعدين ول لا؟
الدكتور: بعضهم يقعدون بالعشرين سنه وتطلع النتيجه وبعضهم بثلاث شهور بس بعضهم ماتجيب نتيجه ابد
ديما: اهاااا
تركي: يالله اجل نمشي
ديما:اوكي
تركي واهو يصافحه : مع السلامه
الدكتور: بالتوفيق
واهم بالطريق
ديما: تتوقع انا من أي صنف
تركي: لاتتشائمين تفائلوبالخير تجدوه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
<<<<<بيت ام محمد

ان تطبخ بالمطبخ ومنشغله فجأه دخل عليها محمد
محمد فتح غطا القدر: الله وش الريحه الحلوه يام محمد
ام محمد: محمد وخر عن........
قطع عليها صوت الغطا يطيح
محمد: ااااخ حاار
ام محمد: كان مسكت شي وشلته مب علطول
محمد مسوي نفسه دلووع: يدي احترقت ياماامي ياااااااااااي
ام محمد: محمد وخر عن النار خلني اشتغل
محمد: طيب قولي بسم الله عليك شي دلعيني يمه
ام محمد: بسم الله عليك ماتشوف شر وش تبي اقول بعد؟
محمد: خخخخخخ ايه هذي ام محمد اللي تدلعني
ام محمد: خل الدلع على زوجتك
محمد: اللا على طاري الزواج ترا فيصل يقول انه بيقدم زواجه بعد الملكه علطول
ام محمد: يحليله فيصل ايه اللا تأخر ماخذ البنت
محمد: يمه ابي اتزوج
ام محمد: توك صغير
محمد: وتركي؟
ام محمد: تركي حبها وأخذها غيرك انت
محمد: مشوواار تبوني احب عشان اتزوج
ام محمد مبتسمه: ايه
محمد: طيب وان حبيت وتعذبت قلتو كمل دراسه الين ماتروح البنيه
ام محمد: لالاان حبيت اوعدك رح تتزوج علطوول
محمد مازال يلاحقها: يمه تكفين ملييت ابي اتزوج
ام محمد: حلا اهو ول لعبه ؟
محمد: يمه مابقى غيري افرحو فيني
ام محمد: قلنا لك توك صغير
محمد: لالايمه ابتزوج فيه ناس يبون يزوجوني
ام محمد: يامحمد حنااان واجعت راسي
محمد: ههههههههههههههه!! فديت روحي انا يمه والله اتكلم جد
ام محمد: ازعجتني محمد زواج توك صغيير
محمد: يوه هذا وانتي امي منزعجه اجل كيف ربعي
ام محمد: الله يصبرهم بس شف خالد اخوك هذاهو ماتزوج
محمد: والله عمي خالد الله يسلمه مسوي له شركه وموسع صدره ومن اجتماع لثاني هذا غير الرزق ماشالله وش يبي بالزواج اما انا منتف ياحسره بس اتشحذ
اام محمد: ويقول زوجوني
محمد: ابوي مب مقصر
ام محمد: ابوك يبيك تكمل دراستك اول
محمد: اف بس وش هالدنيا طيب دوري لي خلاص؟ أي زواج أي مناسبه روحي عشان تخطبين لحموودك
ام محمد: هههههههههههه ان شااااااااااالله
محمد طلع من المطبخ طفاان وماعنده شغل ... ودخل للصاله قابلته ريناد
محمد: تعاالي تعاالي انتي
ريناد: وش تبي؟
محمد: ابيك اخوك انا يوه ؟ ماتجين؟

ريناد: طيب اهد اللي بيدي واجيك
محمد: رنود ماتبين تتزوجين؟
ريناد: لا
محمد: افاا ليه
ريناد: اخااف تحسبنا مثلك تبي تتزوج وبس
محمد: ايه طبعا دوري لي يااختي حتى لو انها بزر مثلك بمشي اموري
ريناد: خخخخخ الحمدلله والشكر بعدين انا منيب صغيره ابدخل ثاني ثانوي
محمد: ايه طيب طيب ! وليه ماتبين تتزوجين؟
ريناد: بس ابي اصير بلحالي في البيت واتدلع على كيفي
محمد فااضي وماعنده ساالفه قام يفرك اصابعها : طيب ابي اتزوج يشيخه
ريناد تبعد يده : وخرر طيب انا شسوي لك اوجعت يدي
محمد: سوي لي حلا رنوده
ريناد: محمد يشينك ان صرت فاضي وبالك مروق
محمد: لاوالله ابي طبخ يدك
ريناد: هههههههههههه ماعرف اطبخ ولاابي اعرف
محمد: تعاالي وين رايحه؟
ريناد: وقتي ثمين
محمد: تعالي
ريناد واهي راجعه له: وشتبي
محمد: اجلسي جنبي
ريناد: وجلسنا
محمد: ابي اوديك للمطعم
ريناد: هيهيهي العب على غيري
محمد: شوفي جتني فكره تحل هالطفش عنني وعنك
ريناد: وشي؟
محمد: بس توافقين
ريناد: وشو اول
محمد: اوديك للمطعم بس كلشي على حسابك
ريناد: ياااسلااام؟
محمد: مطفر والله
ريناد: وانت من متى وانت جيبك ملياان
محمد: تعرفين خالد مب فيه ول ابوي بيعصب لأنني امس خلصت الفلوس
ريناد: عاد مشكلتك اذا انت تلعب بالفلوس وماتنعطى وجه
محمد: ريناد لازم تتعلمين فنون التدليع وتصيرن على اخوك
ريناد: نعم ؟؟ نعم؟؟ شوفو مين يتكلم
محمد: شفتي شلون انتي ماتدلعين ابد ... المفروظ يوم اقول لك ابي حلا تقولين من عيووني يوم اقول لك ابيك تعزميني تقولين ماطلبت شي ... مب تشوفين نفسك وترفعين لي خشيشتك القشرا ...وانا اخوك
ريناد: ليه بايعه فلووسي انا ؟ انت من يوم ماصار لك ذاك الموقف مع مشاعل وانت فاقد حنان
محمد: هههههههههه ذكيه اختي بس ماتعوضيني عن هالحنان اييه صيري زيها ذووق ... طيب حبيبتي انا ابعزمك وجيبي معاك كل من يعز عليك
ريناد: صديقاتي عاادي؟
محمد: ايه عاادي
ريناد: والله؟
محمد: احبذ انك تجيبين لي اشكال بنات مب صديقاتك اللي خبري الناطحه والنطيحه كنهم بوكيمون
ريناد: محمد لاسب !! مالك اللا البوكيمونات على قولتك
محمد: هههههههههههههه لالااجل هونت ابروح أنا وانتي بس
ريناد: توديني ؟ اوكي اروح معاك
محمد: البسي لك ثلاث دقايق ان ماجيتي ابروح
ريناد: قال ابدلعك قال ......طيب مارح اطول
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::
بعد ثلاث ايام
خلاص قرر فيصل الحين بيكمل نصف دينه توكل واعلنو ملكته ... جامعاه محمد ونواف ومنصور والوليد وتركي.... وخالاته ام محمد وام نايف .... طبعا البنات كلهم جو معاهم
::<<<<<<<ملكة فيصل
بعد ماوقعو على أوراق الملاك
ابومها: الف مبروك يافيصل
فيصل يسلم عليه: الله يبارك فيك خالي
كلهم قامو يسلمون عليه واحد ورا الثاني
من جهت الحريم
والناس كلهم يسلمون على بعض ويباركون لمها وامها وام فيصل
ساره وندى من بعيد
ساره: قهر !
ندى: والله انتي اللي ضيعتيه بيدينك
ساره: بس انا احلى منها
ندى: لامعليش البنت تجنن
ساره: بس مب أحلا منني
ندى: بس انها حلووه بنت عمته تصير
ساره: امممممم توقعتها أحلا من كذا
ندى: هههههههههه غايره يالله معليه
ساره: بتسلمين مارح أسلم عليها
ندى: اقول استحي على وجهك وقومي سلمي
من بعد ام محمد جايتهم
ام محمد: بنات وينكم تعالو اجلسو مع البنت استحو على وجيهكم
ساره: لامنيب رايحه
ام محمد: ساره
ندى: اوكي انا ابروح
ساره: وش يوديني ماخذه مكاني
ام محمد: رجعنا للسالفه القديمه
ساره من غير نفس: طيب طيب ابروح
ام محمد: بسرعه قدامي اشوف
راحت وسلمت عليها
ساره: مبروك
مها: الله يبارك فيك
ام محمد: هذي بنتي ساره
مها على طول لفت وركزت تطالعها ودها تشوف ذوق فيصل من زماان واهي تبي تشوفها اللي عذبته عذاااب طوويل اخذت نصف عمره واهو بعيد عنها (لاوالله البنت حلوه ..بس مغروووره وشايفه حالها مرره ... اوعدك أعوضك كلشي يافيصل ...والله ماتستاهل قلبه ..على انها جميله بس مغروره ومتكبره بزوود)
لاحظتها كانت جالسه على مكانها وداايخه وفيها النووم ولارقصت ولاتفاعلت مع الجو وكأنها بعزا مب ملكه .... استغربت دامها ماتبي فيصل ليه تحزن لما جا بيملك ...؟..
شوي ونادوها تدخل عند فيصل بالغرفه كانت لابسه فستان بيج ومطرز بالذهبي ماسكه بوكيه الورد الأحمر رافعه شعرها بتسريحه مطلعه ملامحها الهنديه الدقيقه ..
كانت منحررجه صح لكن مها وعدت نفسها انها تعوض فيصل ومستحيل تخليه يذكر ساره ويذكر ايامها
فيصل: مسالخير
مها: مسالورد
فيصل: كيفك مها؟
مها: الحمدلله شخبارك انت؟
فيصل: عاال العاال
مسك الهديه وفتحها لها كانت طقم ألماس مرره فخم وعلى ذوقه
مها: مشكور تسلم لي يافيصل
فيصل: الله لايحرمني من هالضحكه تستاهلين كم مها عندي
فيصل تم ينااظر فيها وكأنه أول مره ينولد ويفتح على الحيااة من جديد ..كانت جميله ملامحها هنديه خشم طويل وعيون وسيعه وسماارها محليها هذا غير شعرها الغجري ....اعجبتها واعجبها
اما فيصل الأبيضاني عريض شوي وطوويل واكثر مايميز فيصل خشمه الطويل
فيصل:: ايش الحلاوه اليوم؟ احلا ماخلق ربي ماشالله لايله اللا الله
مها: كله من ذوقك بعد قلبي
طيبك مكفي يابعد قلب مغليك
يكفي وجودك في حياتي مكفي
ليت العمر يهدى والله لاهديك
لحظاتي الحلوه واسكر ملفي
اعاهدك بالي خلق ماني مخليك
لين قلبي النابض احسه مطفي
اخذ الوعد مني بحبي اغطيك
وعدي واذا قلته تراني موفي
.................................................. ...........................
ساره: يوه يمه طول كل هذا عند زوجته؟
ام محمد: وشفيك انتي؟ مملكين تبينهم هنا عندنا؟
ساره: لابس مرره طولو قلنا الملكه صغيره
ام محمد: الملكه صغيره بس بيقعد معها خلاص زوجته رسمي الحين
ندى: اللا جد بيخلي الزواج قريب ول لا؟
ام محمد: لالاالبنت الظاهر ماتبي
ندى: اها
ساره: مستعجل مرره فيصل
شوق: اللا خالد متى بيجي ؟ لأن جلوي بيجي معاه
ندى: يقول على بكره بيوصلوون
شوق: يحليلها غلا طولت
مشاعل: اشتقنا لها والله لاهي ولاجلوي ولانايف
ريناد: وانتي الصادقه

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::
<<<<<<<<ألمانيا
جلوي: على وين؟
نايف: أبروح اسلم على غلا وخالد قبل لايروحون
جلوي: وبتمرني ول اروح معك؟
نايف يطالع بالساعه: تونا الحين على الرحله أبروح أسلم عليهم وبعدين ابجيكم بس انت جهز أغراضك وانا جايك
جلوي: طيب
ركب سيارته ودق على غلا على طول
نايف: الو هلا غلا
غلا: اهلييين صباح الخير نايف
نايف: صباح النور كيف اصبحتي؟
غلا: والله ماودي ارجع ايامي كانت مثل الأحلام هنا
نايف: ولااحتى انا ... غلوو متى بتروحون للمطار؟
غلا: مدري عن خالد أقوم فيه مب راضي يصحى على اني جهزت الأغراض وخلصت
نايف: طيب ابجيك انا الحين؟
غلا: الحين ؟
نايف: ايه
غلا: قريب ول بعيد؟
نايف: لاابمر المدرسه وابكلم المدرسين شوي وابجيكم يعني مو على طول رح اجي

 

 

 توقيع شوووق :
شوووق غير متصل   رد مع اقتباس