[زهرة اللوتس]

سندس

ذكرتيني بذيك البنية اللي تقول كل شي ممكن أستحي منه إلا طلب شهريتي

كثير من البنات تتناقش مع زوجها بخصوص هالموضوع من أيام الزواج الأولى أو حتى من أيام الخطوبة وهذا اللي المفروض

يصير حتى يكونوا على بينة و ما تصير بموقف مثل موقف صفية أو عالية ،

والرجال أكيد عارف حكم النفقة بس يمكن مو ملتفت أو ما أحد نبهه لهذا الأمر فما مُو مُشكل لو نبهته زوجته

ومثل مانعرف في الغالب والمشهور .. إذا طلبت الزوجة النفقة من زوجها يتقبل وما يخالف ويعطيها ، وطبعا نسبة العطاء

مختلفة ومتفاوتة كلٍ على حسب ظروفه.فشسمه أنا أقول " الكلمة اللي تستحي منها بدها " بس لازم يكون طلب النفقة بأسلوب

يعني مو تقوله هاه بتعطيني وإلا بيننا المحاكم يعني خذوه فغلوه من أولها

شي ثاني .. يُفضل أن يكون الطلب من الزوج مباشرة بدون تدخل أي وسيط .. حتى لا يكون للموضوع توابع

و يكثر القيل والقال وهو الأمر بسيط.

بالنسبة لسجى ... هالنوعية من البنات أسميها استغلالية / زوجش ماعليه و أكيد ماراح يقصر بس لا تستغلي هالنقطة

على حسابه ، أنا أشوف أفضل طريقة للتعامل مع الزوجة اللي من هالنوعية ... أن يحدد الزوج مبلغ معين ويعطيه زوجته

كل شهر أو كل أسبوع و إلا عليها وعلى إسرافها مايريسها الرجال على قولة الشياب

أخير عاد ,,, يعطيش ألف عافية خيه سُندس