مشكور اخوي حربي هجر على المشاركة الحلوه
وانا لازم اشارك دامك انت اللي حاطها
وانا اعطيكم كم بيت شعر
بعنوان
انا حضي
سألت الدار عن حظي علامه طول الغيبه
علامه ليش ياداري من العالم مجافيني
وقال الدار تسألني هذا حظك ولادْريبه
تجمّل وابتعد عني ترا مـــابي مكفينـــي
وسألت الليل عن حظي وقال الحظ ماليبه
أنا مالي بها الدنيا سوى جمع المحبيني
ألم العاشق المغرم مع المعشوق واجيبه
وَلِم الشمل لو طالت على فرقاهم سنيني
وسألت الصبح عن حظي وكثر في مطاليبه
وعافت نفسي القشرا جواب منه يشفيني
وسألت الغيم عن حظي وزاد القلب تعذيبه
نزف دمع الحزن يبكي واظن الغيم يبكيني
وسألت الشعر عن حظي ولاكمل مواجيبه
يشيب القــاف مايقدر على همي يواسيني
انا حظي مثل رملٍ رياح الكـون تجريبه
سرى في ليلةٍ ظلما وتاهت به عناويني
هذا حظي هذا حظي وانا اللي كنت اماريبه
ألا ياحيف كيف اصبح سراب ومسكنه عيني
والله يعطيك العافيه
تحياتي