[إشراقة أمل]

{..

اقتباس المشاركة الأصلية كتبت بواسطة kaha هي مع الخيااااال : لبى أخُوي لـآجيتَ طالعٍه منّ البَيت يرفع حاجَبه ويقُول : ♥ ~ حصني نفسك ياقمر ~ ✗̶ لحظه لحظه .. هًذا مُو أخوي ؟!! >: هذي هي الحقيقة : ............ لبى أخُوي لـآجيت طالعٍه من البيَت يرفعَ حآجبَه و يقُول : تغطي لـآ أفقعَ وجهكٍ !! هههههههههههههههه الله يعين

يا لبى اخواني ..
لاجيت أطلع .. يقولون لي أغار من الشارع اللي بتمشين فيه ..

فدييتهم .. جعلني ما أنحرم منهم

>>> عااد لا احد يحسدني في اخواني

ويا خوفي بس انت من ها النوع اللي الوحدة اذا طلعت معه تتحسف .!

وللأمانة ..

هذا طبع أغلب الرجال الشرقيين ..
يخنقون ها الحرمة لاجات تطلع ..

بس أقدر أقول ان الكلام هذا قبل 5 - 10 سنوات مضت ..

الحين الحرمة تمشي في الشارع .. لو انها ما تلبس عباية ولا تتغطى أحسن لها بوااااجد ..
والأدهى ..
ها الرجال اللي يحكمهـا .. سامح لها تطلع بها الشكل المخزي .!

وبالمناسبة ..
أذكر موقف أنا انا نفسي انحرجت منه .!

يوم القرقيعان .. طلع أخوي يوزع القرقيعان بره في الشارع ..

دخل وقال لنا - وهذا هو صغير - ..

أنا أبي أعرف .. ذولي البنات اللي يلبسون عباية و يتغطون ، لإيش ؟

مغطية وجهها من فوق .. والرجول والسيقان تبيّن .!

وفعلا هذا اللي نشوفه ..

تلبس ذاك البرقع اللي نص وجهها يبين منه .. و ترفع العباية من تحت - طبعا بعد ما ترصها على خصرها - الرجول والسيقان أحيانا طالعة .!

صارت الناس تلبس عباية و تتغطى بِ [ الاسم ] .!

ما دروا ان العباية الزينبية .. الكف هي اللي ممكن تبين بسسسس .!
والوجه بس مو في مجتمعنا .!

استغفر الله العظيم من كل ذنب عظيم ..
استغفر الله العظيم من كل ذنب عظيم ..
استغفر الله العظيم من كل ذنب عظيم ..

ربنا لا تؤاخذنا بما فعله السفهاء منا .!

..}