البــــــــــــارت الثامن عشر
مرت الايام و صلاح و مها قامو يتجهزون للسفر لان الصبح بيسافرون مع عمهم و بودعووون الديرة الي ربو فيها , الي كبرو فيها , الي درسو و اكلو من خييرها , بيوودعون البحرين و بتبتدي قصة الغربة و العذاب
خلت شنطتها على صوووب و انسدددحت على سرييرها الي شاركها همومها و دموعها ووحدتها الي اخر مررررة في حياااتها بتنااام علييه
مسكت تلفووونها بتووعد رغد لانها من ساعة 7 بتكون ماشية
مها و العبرة خانقتها : رغد
رغد : هلاااااا مهووي , شفيييه صووتج
مها : انا بااااجر مساااافرة
رغد بحزن : اييي
مها : مااااابي اروووح و الله مابي
رغد : يلا ياخيييتي هاااااي الي الله كاااتبه شبتسوييين اعرفج انتي قووية و قدها , شعااااد ,, تعرفيي لج ع بحريني اهناااك و حبيه هههه عشان لو عرستو تردووون اهني
مها : هههههههه و الله محد يقدر يكسر لي مودي غيرج .. مادري شلون بعيش بدووونج
رغد : افااا مهووي شهالحجي اكا ع المسسسن و بنتصل لبعض بين فترة و فترة ,, من صجج انتي اهدددج
مها : امممم
رغد : متتتتتى راح تمشيين ؟
مها : الساعة 7
رغد : و الحين ساااعة 12 و للحين قاااااااعدة يلا يلا اجووف رقدي
مها : ان شااااااء الله ماماتي , رغوود تحممممملي برووحج وااايد واااااايد و بلييييز لا تنسييييني , مشكوووورة عمري على كللللشي سويييتيه لي , على طووول واقفة معااااي و بعد في وفاة ابووي الي حتى اخووي مالقيييته صووبي
رغد : افاا عليييج حبيبتي احنااا خواااات مابينه هالكلاااام , و انتي بعد دييري بالج على نفسسسسج عدل و اي وقت تقدرين تزوريينا تعااالي
مها : ان شاء الله , احبببببج رغد
رغد : و انا بععععد حبيبتي
مها : في امااااان الله
رغد : في اماااان الكريييم , بس من توووصلين اتصلي لي عشان اتطمن عليج
مها : ان شاء الله من عيوووني
سكررررت الخط من رغد و قععععدت تصيييح على مخدتها مو عارفة شتسوي شلووون بتعيش في ديييرة غير ديييرتها و بدون ربع بدووون هالشقة الي عاشت فيها احللللى ايام و ذكريات حلوووة و مرة
و ماقدررررت تغفي عييينها طووول الليل
اما عنننند رغد
من سكررررت التلفون و اهي تصيييح على فراااق رفيجتها بس حاولت تصيير جدامها قووية عشان ماتزيد عليها همها
و الا محمد متصل لها
شالته و بصووت واااطي : هلا حبيبي
محمد : هلاااا بقلبببببببي هلا , هلا بوووي
رغد : اهلين فيك
محمد : اوووف اووف الحب اليوووم مو خالية فييها شي , شفييج يابعدهم
رغد : شدرااك ؟
محمد : وييي رغوود , توووني اعرفج انا ؟ تعلميني فيج ؟
رغد : مها راااح تساااافر بكككرة امريييكا تعيش اهنااااك مع عمها
محمد : الله يووفقها حبيبتي , و انتي ليش زعلاانة
رغد : راااح تووووحشني حبيبي و الله مب متعودة ع فراقها
محمد : بس اهناااك احسن لها مع عمها عمممري و بتدرس في احسن الجامعات و تلاقي احد يهتم فيها لا , انتي لانج تحبينها لازم تتمنين لها الخير رغوودتي فاهمتني ؟
رغد : ايي .. بس حمووود ابيها و الله
محمد : بس مابيدنه شي حبيبتي صح
رغد : اممم
محمد : هاااا تعشييتي و لا لا ؟
رغد : امم لا مالي خلق . و انت ؟
محمد : بووو انا شنوووو كليييت اكل اليوم عشا الوالدة مسكت
رغد : بالعاااافية
محمد : يعافيج , الا تعااااالي و انتي مو كييفج ماتااكلين فااااهمة
رغد : مااابي
محمد : و اذا قلت لج عشاني ؟
رغد : مااااابي و الله مالي نفس
محمد : لا مب بكيييفج انا بسكككره الحين و تروحين تاااكليين سااامعة
رغد : امممم ان شاء الله
محمد : يلاااا رغوودتي رووحي , بسكره انا .. تحممملي برووحج
رغد : و انت بعد
محمد : الله ويااج
و سكرررت منننه نزلللت تحت تاكل لها شي , و امها كانت قاعدة بالصالة تسوي اظافرها , جافتها نااازلة و عيوونها محمرة
ابتسام : يممممة شفيييج عينج حمرة
رغد : و لا شي يمممممه
ابتسام : تعاااالي قعدي صووبي
رغد : برووح انام
ابتسام : قلت لج تعالي لا
راحت قعدت صوووبها و اهي منزلة راسها لان دموووعها راح تنزل
ابتسام : قوليلي ييمة شفييج , انا امج
رغد : مها بياخذها عمممها و بيوديها معااااه امريكا
ابتسام : شنووووو ؟
رغد : بتعيش اهناااك خلاص
و بدت دمووعها تنزززل
ابتسام : لا يمممة افا عليييج شفييج تصييحين
قامت رغغغغد تركض غرفتها و انسدحت على سريييرها بتعب و دموعها تنزل على مخدتها بهدووء , لي ما شوي شوي غفت عيينها
اما عند الجااازي و منال
الجازي : و انتي بتتمين ساكتة لي يعنننننني ويه هالرغد
منال : و من قااااااااالج انا باسكت
الجازي : ماجوووفج و الله سويييتي شي , حاطة لي ريل على ريل و قاعدة
منال : شفييييج انتي انا ناااوية على سااااالفة كبييييرة يا ماما , و مستحييل تفشل مثل ذييييج المرة
الجازي بحماس : شنووو ؟؟
منال : جك جك لا تعرفيني انا هالحركة ماحبها .. خلييني اسوي كلشي بهدوووء و بعدين بتعرفين كلشي لا تستعيلين على رزقج
الجازي : مب مثثثثثثثل ذاك اليووووم .. ابي شيييي اقوى اقوى بوايد فاهمتني
منال : هههههههه و الله انج ضحكتيني , ذاك اليوم كانت مززززحة بس مب من صج , انتي نطري و جووفي
الجازي : يعني اعتممممد ؟
منال : افاا علييييييج , بتسمعييين الاخبار الزييينة
الجازي تطالعها و اهي تضحك بخبث
منال : خييير شفيج تطالعيني ؟ اقول نااامي بس نااامي
الجازي : و انتي ؟
منال : انا بقعد افكر و اخطط ماعلييج مني انتي
في اليوم الثاااني
قعدت رغد من النوووم و اهي تحس راسها يعوورها لانها نامت و اهي تصيييح نزلت تححححت تتغدى معنه مالها خلق بس تحاول تقنع رووحها بالامر و تتعايش معااه لان خلاص مهي يوم و لا يومين
اول مانزلت كانو كلهم قاعدين ع السفرة و توهم بيحطون الغدا راحت و قعدت
ابتسام : هااا يممممممة تووج قاعدة من النوم ؟
رغد : ايي يمة
ابتسام : عساااج نمتي زين
رغد : الحممدلله
ابتسام : الحمدلله , قعدي تغدي يمة
قعدت رغد مكاااانها و حطت لها في صححححنها و قعدت تاكل
جاسم : ول ول توووج قاعدة من النوم و تاكلين .. امحق مزاج
رغد : كيفي كييييفي
جاسم : وي شعندهاااا
رغد تطالعه ماتبي تتهاوش معاه
جاسم : يلللللي تطااااالع و جنك ماتطالعني نظراتك حبيبي ذي لا تكررها
رغد غصبا عنها ضحكت
رغد : هههههه جسوووم بتسكت و لا شلووون
ابتسام : خلااااص انت ويااااها اكلوو و انتو ساكتيين
بعد ماخلصووو راحو يطالعون التلفزيووون
رغد : شهد حطي المسلسل خل نجووفه
شهد : مااااابي ماااابي خليني اطالع سبووونج بوب
رغد : اووووف شهههههد
شهد : اووووف رغغغد , شرييييررررة انتي و لا تخليني اطالع و لا تلعبين معاي
رغد : امممم انزين شرايج نطللللع بره و نللللعب مانبي نطالع التلفزيون
شهد : ايييي ايي يلا
رغد : بس عييل يييبي الكرررة بعد معاج
شهد بفرح : اييي ايييي يلاااااااا
و طلعووو يلعبوون بررره و يغيرون جووو , رغد كانت تحس بوناااسة و اهي تجوف براءة شهد و شلوون حيااااة اليهال حلووووة
اما جاااسم تم دااااخل باحلاااااامه المحطمة الي يحاول يتجاهلها الي يحاول يخفيها و يتناسها ورا ضحكته و مرحه
ليييييش بس ليييييش يوم حبيييت رااااااحت الي احبببها بدوون ردة .. خلااااص ماعاد اجووفها بعد
ليش لما بتفاتحها في الموضوع رغد صادف القدر بموت ابووووها
ليييييش كل هالوقت تمييينه ساكتين و في الوقت الضاااايع زادت مشاعري لها
لييييش ياااااااااربي ليش يصيير كل هذا
صج كما تديييين تدان .. يما خليييت بنات تحبني و لعبت بقلوووبهم
بس يه من يلعب بقلبببي و يحرقه و يبعد عني الي احبببها
راحت من يددددك ياجااااسم رااااحت .. لا تنتظرها بععععد
ضرب بيده بقووووة على الطاولة الي صوووبه بقهر
ابتسام الي كانت مندمجة في التلفزيون : وي شفييييييك يمة
جاسم : هاا يمة , لا لا مافيييني شي بس رقعت يدي بالغللللط
ابتسام : بسسم الله عليك و على عمرك , تعورت ؟
جاسم : لا يمممممة ماتعورت شدعووة كلها رقعة
ابتسام : اووك عيل
جاسم في قلبه : اااااه يايمة بلااااج ماتدرين ان الالم و العوار بقلبببي مب بيدي
اما مها كانت قاعدة مع اخوها و عمها و اهي تسمع النداء الاخير للطيارة
قامت و اهي تجر شنطتها عشان يدخلون الطيارة و اهي تحس انها تجر امالها و احلاااامها و ذكريااااتها معااااها و بدخوولها الطياااارة خلت كلشي على ارض هالديييرة و ما اخذت الا الذكريات
قعدت صوب اخوها و عمها في الطيارة و طول الوقت و اهي تطالع بره يالله .. شلوون هالدنييييه كبيييرة بس تحسسسها على كل هذا ضايقة فيها
قعدددت تفكر بحياااتها اليديدة شلووون بتصير و شلون بتعيييشها لين ماغفت عييينها من التعب لان من امس مو نايمة عدل
و طووول الوقت تقعد و تناااام
بعد شووي يات بنننت تكلم صلاح
البنت : لو سممممحت اخوي بس لو تقدر تبدل معاي في المكان لان مخليني صوب ريال و انا بقعد صوب الاخت
صلاح : ايي ايي ولا يهمج تفضلي
البنت : مشكووور و الله ماتقصر
قعدت صوووب مها الي على طوول سااااكتة و تطالع من الدريشة
بعد فترة .. لاحظت البنت ان مها مو طبيعية مبين انه فيها شي
البنت : مسامحة بس شلنه اخوج من صووبج
مها و اهي تبتسم لها : لا عااادي افا عليييج
البنت : اممم شسممج ؟
مها : انه مها , و انتي ؟
البنت : عاشت الاسامي , انا فايزة
مها : عاشت ايااامج , بحريينية ؟
فايزة : لا كويييتية بس ياية من البحرين كنت ازور اهلي و راح اروح الحين امريكا و انتي ؟
مها : بحرينية , تدرسين اهناك ؟
فايزة : ايي , و انتي ؟
مها تغيرت ملامحها : اممم لا , انننننه
فايزة : اذا ماتبين تقولين عادي
مها : لالا مب عن , انا راح اسكن في امريكا
فايزة : وي لييش ؟ شالله حادج البحريين شحلاتها
مها قعدت تقول لها قصتها و ان ابوها توووفى و عمها بياخذهم
فايزة انكسر خاطرها على مها : امممم انا لله و انا اليه راجعون .. البقى برااااسج حبيبتي ماتستاهلين
مها : تسلمين حبيبتي
فايزة : جم عمرج انتي ؟
مها : 17 و توووني مخلصة ثانوية
فايزة : العمممر كله و الله و انا عمممري 21 , مقررة تكملين دراستج اهناك ؟
مها : اييي اذا الله كتب
فايزة : شنو ناوووية تدرسين ؟
مها : محاسبة ان شاء الله
فايزة : اوووه يعني مثل تخصصي , ان شاء الله عيل نصير مثل الجاااامعة و نلتقي
مها : ان شاء الله
و عمممم السكووت مابيييينهم و مر الوقت الى ان حطت الطائرة على ارض امريييكا
نزلوووو من الطائرة مها و اخوها و عممها وودعت فايزة و خذت رقمها عشان تتواصل معاها
من اول ماطللللعت من المطااار استقبلتهم سيارة فخمة عند باب المطااار عشان توصلهم الى فيلا عمهم ركبت السيارة و اهي تتلفت على المكااان , اهي اول مرة تيييي امريييكا , تحس اهننني حياااااة ثانية عالم ثاني و حيااااة حلووة بس ماتضن انها بتكووون احلى من حياتها في ديرتها
نهـــــــاية البارت