ايه احبك والغلا يجري بعروقـي
ايه احبك موت يالقلب الحنـون
ايه احبك قلتها عاشق صدوقـي
من حنايا قلـب وافـي مايخـون
يالحبيبه وانتي ادرى في خفوقـي
كم يحبك يعشقك حتى الجنـون
يالحبيبـه ماجهلتينـي شفوقـي
في غيابك اشتكي جرح الطعـون
يالحبيبه اسالـي همـي وشوقـي
اسالي صدق المشاعر والشجـون
اسالي ليل المحبـه عـن بروقـي
واسالي همس النسايـم والمـزون
اساليهم يادفا صبحي وشروقـي
من تكوني وغيرك انتي من يكـون
انتي زهره عانقت اطيب عذوقي
لاظميتـي تشربينـي بالغصـون
انتي اجمل ماهتوى قلبي وذوقـي
مسكنك بآخر ضلوعي والعيـون
لولا حبك ماكتبت اعذب طروقي
ويالحبيبه قولي من غيـرك يمـون