جاني واحد و قال : بسأل كم سؤال,,
وقبل يسأل قلت : أنا ماني خبير
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال ..؟
قلت :
خَل هالكلمهـ
فـ البيت الأخيـر ..!
القهــر: إن شفت دمعـات الرجال..
والوطن : ( إنسان ) .. مِتغيِّر كثير,,
والطفل : لعبه على شاطـي الرمال..
والأمل: إحساس في عين الضرير,,
الوفا : [ قلبين ] .. يجمَعهُم حلال..
والرَجُل: اللـي علـى أهلـهـ يغير,,
والرجا : لا قلت : للواطـي تعال..
والفشل : مدري .. ولكنـه مرير,,
والشعر: في وقتنا .. بدر وطلال..
زين وأوَّل : حيـل يعجبنـي جرير ..!
والغلا
: إحساس إلى حَـد الخيال,,
والعِشِق : لا شفت مَعشُوقِك تطير..
والجفا
: إعكس مفاهيم / الوصال,,
والوَصِل: يعنـي تأكَّـد فيكـ خير..
والعقل : تِسْفَـه أقاويـل الجهال,,
والجهل : إن قلت عن نفسكـ كبير..
والخطر : لا صار ما عندكـ مجال,,
والبلا : إن صرت معدوم الضمير..
والعجب : لا صرت تسأل منهو قال,,
والتعب : إن كنت تِبْحَثْ عن مصير..
الغنى: بالنفس ما هو راس مال,,
والفقر : من كان .. بأعمالهـ فقير..
يكفي يكفي .. أسئله إنهي الجدال,,
ويالله علمني عَن .. السِّر الخطير
..
ما أبي تضرب لي في غيركـ
مثال,,
قول : عنِّك وإعتبر سِرِّك في بير..
جات طعنـه مِن جنوبك والشمال,,
يعني وضعِك بين مِن حُولك خطير
..
صاحبـي وإن ضاقت بعينك ليال,,
لك فرشت القلب مفروش الحرير..
في [ بلاد الحلم ].. ممنوع
العقال,,
والمصيبه الشعب ما أختار الأمير..
وما ألومكـ .. كان شدِّيت الرحال..
دام بيتكـ جرح / وفراشكـ حصير
,,
و هذا تعريفي إلى كلمة : مُحَال..
شي ودِّك فيه ولا يمكن يصير ..!