[إشراقة أمل]

{..

بقول لكم موقف صآر اليوم ..~

اليوم جلست مع بنات ، عندهم اليوم اختبار ..

كانوآ 3 بنآت .. و عندهم نفس المادة ..

تخيلوآ ..

الاختبار من 50 درجة .. والدكتورة جابت لهم 50 فقرة .. يعني كل فقرة عليها درجة ..

اختبار موضوعي .. اختاري و صح وخطأ ..

كل اللي حلووه .. 5 فقرات من اصل الـ 50 ..

5 فقرات هي اللي متأكدين منها .. لأنها من الكتاب نصًا ..

والـ 45 فقرة .. تعتمد على الفهم والتخصص والخبرة السابقة .!

المووهم ..

يمكن بالبداية منصدمين ومنقهرين على التعب اللي تعبوه وبالأخير على 5 فقرات بس متأكدين منهآ والباقي ضربة عمي .!

بس بعد ما تعدوآ مرحلة القهر والصدمة .. قآموآ يسولفون ويضحكون وكأنه العيد ..

والله يرحم أيآم المدآرس ..

فَ اللي أبي أوصله لكم ..

لِ طآلبات المدآرس ..~

اذا لسآتكم بنآت بالمدرسة تدرسوآ .. حللوآ دموعكم على الربع درجة والنص درجـة ..

لأنكم بتفقدون إحساسكم بقيمة الدرجة في الجآمعة والكلية ..

في المدرسة نبكي على الربع درجة لما تنقصنآ واحنا تعبانين في المذاكرة ..

وفي الجامعة نضحك على الـ 5 درجات والـ 10 لمآ تنقصنآ ..!

صآر الوضع ايزي .. و تعودنآ ننظلم .!

إما بمزآج الدكتورة ، أو بأسئلتهآ التعقيدية اللي تتجآوز مستوى طآلبة جامعية تدرس البكآلوريوس ، أو بتفهميها الخآطئ للطالبات ..

،

أنا مرة أكلتهآ في حل الوآجب ..

كآن وآجب طويل و تجميع معلومات .. وضرب و حسابات نهائية .. يعني يبي له شغل جآمد ..

قبل ما أبدأ فيه .. رحت للمحآضرة .. وسألتها عن الطريقة عشآن أتأكد قبل ما أبتدي فيه .. وبعدين خطوة وحدة خطأ تروّح الدرجة كلهآ ..

قلت لها بعد ما نسوي كذا وكذا .. نسوي كذا .. و نقسم على كذا لو صار كذا .. و و و ..

قالت لي ايه .. يعني خطوآتي تمااام ..

سويته وأنا متأكدة .. و سلمته ..

رجعته بعد ما صححت .. و نقصتني درجة ..

رحت أستفسر .. قالت انتِ سويتِ كذا والمفروض ما تسوي كذا ..

قلت لها بس أنا جيتك وسألتك وما حليته الا بعد ما تأكدت من الطريقة من عندك .. وقلتِ كله تمام ..

الحين تنقصيني .؟!

قآلت .. مآ أدري يمكن أنا ما فهمت قصدك صح !!!

،

وش يفيد طيب .؟!

يعني لو اني ما سألت .. تغاضيت عن الخطأ .. بس أسأل وتفهمني خطأ ، وش ذنبي أنا أنقص !

:

فَ يآ حبيباتي ..

طلعوآ مخزون دموعكن كله على أعتاب المدرسة ..

في الجآمعة ودآعًا لِ الدموع ، و أهلا بالابتسآمات والضحكة .!


..}