[زهرة اللوتس]

،

شخباركم بونيات .؟

أهو خليني أجرب حظي وأسولف وياكم شود يطلع لي حلاوة أو شي

أجل موضوعكم عن دلع البنات ...


إيوه حلاوة البنية بدلعها وغنجها بس عاد دلع عن دلع يختلف ...

فيه بنات هاليومين فاهمين الدلع غلط ـ تمطط في الحروف وتحول الدال و الطاء إلى تاء بدون سبب وتعمّق العين و الحاء بزيادة

و الإشباعات في كلامها واصل ألف وغير إنها تفخم وترقق في الحروف على كيفها >> لا تلوموني مجال دراستي هههه


بس صج أهم شي موول إذا قالت لاء عاتي ، وما أستغرب من الدلع إنها تقول ياي ياي شمخني الماي ههه

ما أقوى أنا عليها شوي شوي وتطيح الشفايف وكله على أساس الدلع شرقاوي !!!


هي الفلانة الله يستر عليها بس عزمّت تصير دلوعة غيّرت حتى اللهجة ما شفناها إلا ترطن إماراتي ...

صج ما تدروا ليش هاليومين تحوّل الدلع من الحكي النجدي إلى الإماراتي ؟؟؟!! مالسر في ذلك يا ترى

حلاتها ظلت على الانجليزية وربي نبلعها بس عاد مثل كذيه ... أبد ما مقبول

وكله كوم والبنية اللي تتدلع وهي تكلمني ماسنجر ـ علي شذه ذه

في الحرف سطعشر ألف حركة / و هالرموز اللي ما أدري من وين تجيبهم من قندهار أكود

عاد تعالي فسري هالكلمة اللي كاتبتها ،يمديني أحضّر لي درس على ما أفك المرموز .!



بس ترى في بنات يضبطوا الدلع صح و يخلوش غصب طيب تستسيغي دلعهم

عاد شسمه و ذاك إنتو عارفينهم


يلا سلام نشوفكم نابة فانية