السلام عليكم ورحمة الله وبركاته
يؤسفني ان اروي لكم حكاية جيل اليوم بس هذا الواقع واكيد الكثير يعرفه بس يتستر عليه
في حاله انتشرت يمكن من قبل خمس سنوات او اكثر والله العظيم قصه واقعيه واحداث حتى اليوم
هي انتشار الأعجاب بين البنات يعني بنت تعجب في بنت وتعشقها و......و.......و.... الخ
شي يشيب الراس وهذي القصه صارت وياي وانا في زواج شفت بنت تناظرني نظرات غريبه
قلت يمكن تعرفني ويمكن مضيعه شي يمي ويمكن مشبهه ومن ها الحكي
وبعد شوي قالت انتي ساره قلت لا غلطانه حبيبتي قالت ممكن اقعد وياك شوي
قلت اخذي راحتك تمت البنت تناظر فيني
قلت في شي لايكون مشبهه ...........
قالت ياليت سكت وقلت خبر اليوم بفلوس بكره ببلاش
قالت ممكن نتعرف قلت اكيد وانتي من وين وانا ساكنه باالحي الفلاني وسوالف بنات
قالت وش رايك باالحب قلت الحب واقع وشي حلو
قالت انتي مرتبطه
قلت وش السالفه لايكون تبي تخطبني حق اخوها ههههههههههههههه
قالت ممكن نجلس هناك بعيد عن الأزعاج
قلت اوكي مشينا ............. وصلنا قالت انا معجبه فيك وابيك حبيبتي
وربي هذا اللي سمعته قلت لعن بو دارك ماتستحين
لايكون تمساح متنكر قالت ليه انتي مستغربه
قلت سمعت عن ذا الشي بس ماتوقعته حقيقه قالت عادي انا بصراحه معجبه فيكي وابيك حبيبتي
وماتحبين غيري وتكوني مخلصه ومدري وشوا
قلت والله ان اصحاب العقول في راحه يابنت الحلال وش بلاك ضارب عندك فيوز اذلفي بس
ورب الكون البنت صاحت يعني بكت قالت اول مره وحده تردني انا مدري وشوا انا وانا
وانا في قمة الأستغراب وذهووووووووووووول
وعلى فكره تفاجئت ان الظاهره ذي منتشره بين الورعان بعد
الله يهديهم ويصلح بالهم
اتوقع العامل الرئيسي لهذا المرض هو فقدان حنان او .............. الله اعلم
الله يهديهم