[إحسآإس قآإتل]

اللهم صل وسلم على محمد وآل محمد

- شو المشكله اللي تعاني منها جعلك تحط تقويم ؟؟

عندي تقدم بسيط بالاسنان العلويه وحبيت أحسن مظهرهم

وطلعت لي مشاكل أخرى وهي طلع عندي سن ناب متخبي حسبي الله على بليسه مو راضي يطلع
لان اللبني ماشاء الله محافظ عليه أحم وهـ
طلعته بالجراحه المفتوحه وصابني نزيف متقطع تقريبا سنه والى الان أعاني
من نزيف خفيف والحل هو الصبر طبعا والحمد الله طلع خجلان مستحي من أخوانه
شلون سويت الجراحه ومفتوحه عاد هذه ماا اقدر اقولها اخاف أحد يغمى عليه
لاني كمان عانيت من قلع سن خلفي و ...
. كم عمرك يوم حطيت ؟؟
العمر كله فوق العشرين
.وين حطيت التقويم ؟؟
مدينة الدمام - عيادة أبن سينا
.بكم ؟ تقسيط ولا كاااش ؟؟
حاولت أدفع كاش ولكن نظام العياده كان الدفعه مع العلاج
والدفعه تاتي شهريا مع العلاج حبيت تعطيهم مبلغ معين أو حسب قيمه العلاج الاساسي
وهو الي يخصصه لك الدكتور من بين 300-400ريال شهريا
والاسعار تختلف على حسب الحاله وهي بالكثير مابين 4-5 ألف
بس انا حالتي أكثر لاني سويت جراحه والان يا كثر العيادات وأسعارها مره رخيصه
ولكن على حسب النتائج ومهارة العلاج من الدكتور
.كم صار لك من حطيتيه ؟؟
من 2007 والباقي عليك
.وشو المعاناه اللي حسيت فيهاا في الفتره كلهاا ؟؟
معاناتي بدت مع الجراحه المفتوحه بالفك تقريبا سنه كاملـه نزيف متقطع
صداع بالراس المزاج متعكر التخاطب بالاشارات أكثر وقتي
ياشين لي يتفلسف عليك ويسالك كل يوم متى تخلص من التقويم تقول كنه دافع من جيبه
وهالمشكله وجدتها مع كل شخص يسالني ههههه
ولي يقهرك أكثر لمن شخص وده يخفف عليك يقولك والله أنت بلشت عمرك بهالتقويم
ياليتك ماحطيته ..

أسكت بس ليكون أنت لي تعاني عني وأنا مدري
كثرة شراء المناديل

.شو ماركة فرشاة التقويم والفرشاة العادية ... وأحسن فرشاة في نظرك ؟؟

مافي ماركه معينه طلما الفرشه شعراتها مرنه أفضل شي علشان تتمكن من تنظيف أسنانك

. المُسكن اللي تستخدمه اذا ألمتك أسنانك؟؟
فيفادول - بنادول - النوم العميق ياسلام ينسيك كل شي
. وش تاكل ؟ ... الأكل اللي تبتعد عنه ؟؟

كل شي يخطر علبالك وتحبه أكلـه

بس أهم شي مايكون خشن (صلب)
علشان مايكسر قاعدة التقويم لانه متمسك بالسن بماده صمغيه
وتقريبا الاكلات هي اللحوم والمكسرات الخشنه لانها راح تتعبك بالتنظيف
. شو الالوان اللي اخترته وليه ؟؟
بلو بلاك يعني ازرق اسود واحيانا ازرق غامق لوني المفضل الازرق
.اذكر لنا موقف طريف اومحرج مريت فيه خلال فترة التقويم ؟؟
الموقف أممم والله محرج بعد الجراحه واثناء النزيف رحت الصيدليه اشترى دواء ومسكن
طلبت من الصيدلي بالاشاره على المسكن ماعرف شو ابي اشرت له كمان ماعرف
طلبت منه قلم وورقه هههه مسكين أنا طلع القلـم خلص مايكتب حسيت مره بالاحراج بدل هو ينحرج

لاني كنت اتالم ودموعي عشر وفشيلـه أبكي أمام الاخرين كح وبث
دعواتكـم لنا بالشفاء العاجـل

مرسال كلامك قديم مغبر الان نفس خسارتك ويمكن أكثر
لو تحسبها حق السفر والسكن تطلع عليك دبل
أكثر من هنا والان عرفوا لـ أهل الخليج وأصبحت أسعار هناك أكثر من هنا

زهره تؤكلي على الله وحطي لك أصبح التقويم موضه بدل العلاج
ورود يعطيك العافيه وعساك على القوه يقولا أنك متقصد طآيب
شاكر لكـ موضوع رائع تحيآإتي القلبيـه