عبود طلعت الفضايح هاااا هههههه مستحيل انسى موقفك اللي الاستاذ طقك وطلع دم وبغعى الاستاذ يصيح من خوفه هههههههههههههههههه
انا مررررة من المرارير كنا طالعين بالفسحه ولا انتبهنا ان الجرس رن كنت بأول ثانوي .. المهم ونمشي عادي الا ننتبه ان الساحه بدت تفضى رقينا ركض على فوق لان كان علينا كيميا والمدرسه متخلفه فينا
رقيت اركض انا وبنات فصلي يمكن كنا خمس او ست بنات
المهم ولا نوصل الا المدرسه دخلت والبنات جالسين . قلنا لها ابله ترى ما سمعناه الجرس بس ما غفرت لنا ووقفتنا برى .. واقفين ونتحلطم الا شوي وتجي زيكو ... مدرسه احياء معمره بهالمدرسه ونحيييسه ولسانها طويل المهم انها جات وعطتنا كلتين مالهم داعي ودخلت لمدرسه الكيميا تقول لها دخليهم الحصه المهم انا التفت على البنات واقول للي جنبي بصوت واطي البنت اللي جنبي نفسها ما سمعته .. هذي وجايه تساعدنا تسب وجع ..
الا تلتفت علي زيكوووو وتقول وجع حيوانه ادخلي اشوف انتي وياها قدامي ولا تعاودونها
انا هنا وجي طااااح اعوذبالله اذان خفاش مو انسانه ابد ...
الموقف الثاني كنت بثاني ثانوي وكنت انا ومجموعه من بنات الفصل مشاركين بمسابقه رسم تابعه للوزارة كان موضوع المسابقه النظافه الشخصيه وحشرات الجسم اكرمكم الله القمل ..ذالمهم وانا والبنات نتفنن برسم اطفال متضايقين من القمل اللي راسمه طفله تحك راسها .. واللي راسمه ام تفلي شعر بنتها وهلم جر
المهم سلمنا رسوماتنا في الحصه الرابعه وبعد ما طلعت المدرسه اللي عندنا وظلينا نص ساعه قبل لا تبدأ الحصه اللي عقبها .. جالسين حصه فراغ ونسولف ..
عاد انا مكاني كان آخر كرسي بالفصل البنات جالسين 3 صفوف وكل صف بنتين الا انا آخر صف لحالي ما جنبي ولا احد تحت المكيف الزبده اني جلست قدام على وحده من الطاولات واسولف مع صديقاتي عن رسماتنا .. ( القمل )
ونضحك ونسولف وعاطيه ظهري الباب .. المهم وانا في قمه السالفه اقول للبنات بصراحه كله كوووم وقمله ايمان كوم اول مرة اشوق قمله كيوت واضحك الا البنات ساكتيييييييين كلهم .. ولا التفت الا مدرسه الكيميا وراي فااااااااااااااااااطسه من الضحك .. عاد انا من الإحراج مدري وين راح وجهي ..
وجاتني هستيريا ضحك .. قمت ورحت مكاني وبدت الحصه وبدى الشرح وانا وجهي احمر وفاطسه من الضحك اضحك ضحك متوااااصل مو قادرة اسكت ..
بس يومها بعد الحصه رحت لإيمان وكفختها كله بسبب قمله الفلس حقتج ههههههههههههههههه