؛ عيد ماما .. هذا اليوم يوم عجيب وايد , يعني بهذا اليوم كم تمنيت أكون ام وعندي عيال كبار اشوي عشان يعطوني هدايا !! البنت تحب الهدايا المهم ذاك اليوم أخواني احتفلو بماما وجابو الكيك و الورد والهدايا . وأنا جيت لها فرحانه وبالاحضان كالعادة وقلت لها أمنيتي اللي قلت لكم من قبل إني اصير أم ويشترون لي عيالي هدايا ويصير لي يوم نحتفل به غير عيد ميلادي طبعاً ماما ضحكت على أمنيتي ودعت لي , عشان احصل على هدايا !! بقول لكم شيء بس لا تعلمو أحد أنَا ما أشتريت لـ ماما هدية , بس سألت ماما سؤال يمكن تضحكون علية بس بعدين بعطيكم الزبدة لسؤالي !! بعد السلام والمعايدة قلت لها: ماما إنتي راضية عني ؟ قالت: اي راضية عنج كل الرضا. قلت لها: هذي أكبر هدية .!! خخخخخ صج يمكن السؤال يضحك وجوابي بعد يضحك بس انك تخلي أمكَ أو باباكَ رأضي عنك فهذا شيء صعب شوي , وبما أنه ماما راضية عني فيعني أنا بنت حليوة وماني شقية وأسمع كلامها , فهذا يعني أني أعطي ماما كل يوم هدية مو بس يوم عيدها وكل يوم والامهات بأجمل حلة