يتبع الفصل الخامس
ناصر بهالليله ما قدر يرقد ماهو من التعب لا من الفرحه كان يحس بشي غريب كنه اول
مره يناظر بنوف وابتسامتها اللي ماعمره ناظر زيها .. ! حتى
حبة الخال اللي على خدها تطلع له في المنام ههههه هالبنت لاعبه فيه لعب
هم وانزاح عن كتفه ،‘ بس باقي سالم ... لا لا سالم اخوي ماهو
بــ هَمْ ،، هذا تاج راسي وحتى لو غلط يبقى اخوي انا متأكد ان كل اللي صار صدفه
//
~~صبآح الخيــر يآ أجمل صبآحآتي على الإطلآق ~~
الصبآح هذآ ممتع وما يتنسي ،، بهاليوم قرر سامي يسافر لواحده من صفقاته ،، مع رجاله في الشركه
بس ماهي هنا الوناسه ،، الغريب ان البنات اقنعوه يروحو معه ولوحدهم بعد من دون اهلهم
الاجازه قربت تنتهي بعد اسابيع وهم ما سافرو هالصيف !
//
فارس : ههههههههههههههههههه
بتول : نشوف من يضحك بعدين ؟
ناصر : يا فارس لا تستغرب شي والله هالبنات قامو يخوفوني
انا ؟ كل شي يبغونه يوصلهم .. حنا اللي طايح حظنا
فارس : ياليتني بنت
هههههههههههههه
ناصر وهو يضحك بقوه : اتخيل شكلك هههههههه يا انه عليك
شعر طويل مره هههههه احسك بتطلع قروي شكلك يحوم الكبد
والله لو انك بنت ما اناظر فيك
هههههههههههه سديت نفسي عن الفطور هههههه
بتول : ههههههههههههه ههههههههههههههههههههههههههههههههه
فارس ساكت ويناظر باخوه : يا شينك لا زودتها يا نويصر
ناصر وهو ياكل زيتونه : وش اعملك انا انت مشتهي تصير بنت ،، كفوك
بتول : يا شينكم ويا شين لعبكم يالرياجيل ثقيل مره ،، انا طالعه جاو يا حبوبين
ناصر : وين وين ؟؟
بتول : بابا سمح لي اروح لنوفه والماس
ناصر : ياحبيبي بتجتمعون مع الراس الكبير نوفه ،، احيانا
احس نوفه بهالافكار تقدر تحرر القدس
بتول : هاها ضحكتني ترا ما اسمح لك
ناصر وهو يتمغط ويناظرها : انا اللي ما اسمح لك اقول يله بس تقلعي
بتول طلعت وهي معصبه
نجود فبساطتها ونعومتها جالسه بجنب عمها راشد في بيته
ابو خالد (راشد ) : كيفك مع الجامعه يا نجيد ؟؟
نجود : كل شي تمام يا عمي ،،
نايف : اي سنه نجود ؟
نجود تناظر في نايف نظره مالها داعي من الربكه : ثاني سنه
نايف : عاد تاخذي مواد مع نوف والا ما تصادفتو لسى ؟
نجود : لا ما صادفتها بولا ماده بس كل يوم مع بعض
نايف : ما اشتقتي للكليه
نجود : لا وع ماصدقنا تخلص
نايف : ههههه الله يعين
نجود بهدوء غي معتاد: عن اذنكم بطلع اصحي نوف والماس
نايف & ابو خالد : اذنك معك
//
الماس واقفه على باب غرفة نوف وبالغصب تفتح عينها بجامتها مرتفعه لفوق
الماس : انتي هنا؟ انا اشوف الازعاج
نجود : لا وماشفتي شي تبوله بالطريق
نوف منسدحه على سريرها ه دافنه وجها في المخده : تكفين
لموووو خذيها والله ازعجتني قال نايف وقلت انا قال نايف وقلت
انا كنها اول مره تشوفه
نجود انصدمت من حالها انا قلت كذا ؟ : انا ؟؟؟
نوف : اجل عمتي ؟
نجود : ولا كلمه نوفه ،، ليه ماعمري سولف لك قالي خالد والا سالم ؟؟
نوف تعدل جلستها : وانا كمان ما قلت حاجه بس قلت زودتيها حبتين
نجود لما حست ان محد حاس بشي : بس ليه تقولي كذا لهالدرجه
انا مزعجتك ،، مو بأنتي اللي قلتي تعالو في الصباح عشان نطلع
لجدي مع بعض ونحاكيه ؟؟؟
نوف : ايه قلت ،، بس مو 11 الصباح
نجود : صبحك غير عن صبحنا !! يله عاد تراي من عرفت
فكرتك البارح وانا ماجاني نوم ؟؟
نوف : يلا هذا انا قمت
نجود تسحب الريموت كنترول وتتربع على الصوفا : لا تطولي بليز
//
//
نوف بتنورتها القصيره ،، مع البدي الجابانيز ،،
مع ميك اب خفيف ،،
نوف : يلا نجيد امشي
نجوود : اففففففف يالتقليد وراك لابسه زيي ما غيرتي الا الالوان
نوف : مالت بس ،، ليه ناسيه انا شارينهم مع بعض
الماس بلبسها السبووور الناصع البياض وجزمتها الخفيفه
الرياضيه : يلا بنات جد اتأخرنا
نوف : البيت بجنبك عند انفك وتقولي اتأخرنا امشي بس امشي خلينا نهجد جدي
فبيت سامي كل حفيداته حواليه على طاولة الطعام البيج اللي
نقشتها فخمه وكانها من العصور الوسطى
سامي يناظر فيهم من اولهم لآخرهم مستغرب هالزياره: دانه وينها
،، مااشوفها معكم علامها ؟؟ انتن مضايقاتها ؟
نوفه بهدوء : لا والله يا جدي بس هي ما تحب تجلس معنا عندها
صديقاتها الخاصات
سامي بغترته ورزته رغم كبر سنه: حتى انتن عندكن صديقاتكن
الخاصات بس تجلسن مع بعض وش سالفتها هي ؟؟؟
بتول : خلها على راحتها يا جدي ،،
سامي يناظر فبتول : صادقه يا بتول
نوفه تنزل ملعقتها : اقول جدي حنا بغيناك في موضوع
سامي : وشو ؟
نوفه: لا خلص اكلك بالاول
سامي وهو يشرب مويا : خلصت اكلي سمي
نوفه تناظر بنجود يعني احكي : سم الله عدوك نجود قولي لك كلمه
نجود وتوهق نوف كعادتها بنذاله: افا انتي الكبيره يا بنت عمي
سامي : بتحكون والا اطلع للشركه تراي متأخر بسببكن ربع ساعه
نوفه مقهوره كل الكلام اللي حفظته للبنات راح : جدي من الاخر
انا سمعت من بابا البارح انك مسافر بعد بكره لتركيا ؟؟
سامي : والمطلوب ؟؟؟
نجود بابتسامه تافهه : نبغى نروح معك :>
سامي : انا رايح للشغل ماني رايح العب
نجود بخيبه امل : والله ما نزعجك جدي تكفى
الهنوف : هالسنه ما سافرنا ياجدي تكفى
العنود : تكفى يا جدي والله انا طفشنا من الرياض ومولاتها وشوارعها
بتول : ما يصير الصيف اللي طاف في النمسا والسنه هذي في الرياض ماهو عدل
سامي : لا العدل تروحو معي يعني ؟؟
نوف بدبلوماسيه : انت براحتك اذا تبغانا ننبسط خذنا معك حنا نحب السفر معك
سامي يرن جواله : وش مكتوب هنا ما عدت اناظر زين
نجود متعمده بذكائها : بابا يتصل ... جدي جدي تكفى لا تعلمه عن الموضوع والله ما يسمح لنا اعرفه
سامي ناظرها من فوق لتحت وقال بثقه : عاد راح تروحو معي
وهو بيدري كمان وخلي حد يفتح فمه
البنات كلهم صراخهم واااااااااااحد ومع بعض : هياااااااا يسسسسسسسس عاش جدووووو
الماس تبوس يده : فديتك جدي انا طالعه ازين شنطتي
سامي : بشرط
الماس توقف بمكانها تناظره
نوف : وشو ؟
سامي : كلمو سالم والا خالد والا ناصر والا نايف يطلعو معكم انا
هناك ماني فاضي لكم ولتمشيتكم
نوف : لا ياجدي والله صعبه
سامي : ليه انتن رخيصات عندي عشان ما احد يجي معي ينتبه لكم ؟؟؟ تركيا كلها مصايب نشالين
وخطافين دولة ماهي بطبيعيه كلها مافيات ،، عاد انا علمتك وانتي كيفك ،، زي ما اقنعتوني اقنعوهم ..
بعدين على فكره ترا تركيا مافيها اماكن للتمشي كلها مناظر طبيعيه حتى اسواقهم عاديه
العنود تحاكي الهنوف بصوت خفيف : والله من كثر روحاتك لها حافظها
الماس نست حالها : اهم شي انها تركيا ديرة مهند آآآآآآآآآه
سامي : من ؟
نوف ترقع لها : طيب عادي فارس ؟؟
سامي : عشاني ما قلت اسمه يعني ؟؟؟ انا من رايي كلكم تجو معي حتى اهاليكم
نوف : انا احاكي امي تسألهم وارد لك الخبر
سامي : اليوم الخبر عندي فمان الله
الكل : بحفظ الله
//
نجود : نوفه اقرصيني انا بحلم والا حقيقه
نوفه : اللي يسمعك يقول مشفوحه
الهنوف : ماكنها لفت العالم
نجود : على هوى ،، انا مو مصدقه بمشي على ارض مشى عليها
مهند آآآآآآه يا مخي
نوف : مالت عليك وعليه والله لو اناظر فيه ما عبره ولا اعطيه اهميه
العنود : لانك خايسه وماعندك ذوق
نوف تحذف العنود بالـكوشيه : قليلة ذوق
بتول : كيف الحين يا بنات ؟؟ من بيعطينا وجه ويجي معنا ؟؟؟
نوفه : خالد ان راح انا بجلس ،، يازين الرياض ويا زين هواها ،،
روحه مع خالد والله ما اروح ،، رايحين نتمشى والا نتعذب ؟
بتول : وسالم لو يموت ما يترك الشركه توه اول سنه يدخلها عنده
طاقه يا حرام ـ ما قرب يطفش منها
الهنوف : نايف عنده مكتبه وشغله ،، لا يمكن يترك صديقه الحاله !!
نجود بخيبة امل : ونويصر ما يحب السفر ،، وملتزم مع اصدقاه بالعزايم والطلعات ما صدق يرتاح شوي من جامعته
نوف :من بقى يا حظي ؟؟
الماس : اففففففففففف شكلنا ما راح نسافر هالصيف !!
نوفه : وفارس مارح يتركه جدي يجلس معنا ،، او يعتمد عليه
الريم جالسه تاكل بدفاشه : انا محرم معكم والله اضبطكم هناك
نجود : اسكتي انتي ، عاده حالها من الشبيبه ،، الله يخلف على امي وابوي بس
الريم : نجيد تراي محترمتك لانك اكبر مني عيب
نجود : اكرمنا بسكوتك طيب
نوفه واقفه بجنب نجود : والحل ؟؟؟
//
//
عبدالعزيز بصوت عالي مره : ليه بكل مكان لازم يكون فيه ظالم ومظلوم ؟ وليه حنا المظلومين ؟؟ ليييييييييييه
ام تركي بهدوئها المعتاد : احسن من نكون ظالمين يا عزيز
عبالعزيز : دام الظالم بتجي معه فلوس مستعد اصير ظالم ؟
ام تركي بصوت يعبر عن الصدمه في ولدها : افا يا عبدالعزيز ما اصدق ان هذا انت ،، !!!!
انا عارفه هالكلام جاي من غضب ،، من متى نحب الظلم يا وليدي ؟
عبدالعزيز : اقول يمه واللي يرحم والديك لا تبدين برنامجك الديني ،، انا
عمري 19 سنه ولا عندي سياره اروح فيها لكليتي الزفت اللي ياليتني ما
دخلتها اصلا الناس تستغرب لا قلت لهم اسمي وشافو حالتي وش ذي الحياه اللي تطفش
على دخلت تركي اللي يسمع صراخ عبدالعزيز وهو برا
تركي ينزل الاكياس من يده ويناظر بعزوز : لو انت رجال ما صايحت
على امك يا قليل الاصل ،، انت لوان فيك ذرة رجوله ما قلت هالكلام لامك
اللي متحملتك 19 سنه بغثاك وقرفك
دايم اشوفك قدامي حقود وحاسد بس من تحت لتحت
تركي وبصوت اعلى والعصبيه باينه فوجهه : انت يالنتفه (ويأشر عليه) تقول هالحكي لا ولمين ؟ لأمي يا كلب
عزيز يتظاهر القوه: تركي اسمعني أ
تركي : وشو كمان ؟ تبغى تغلط علي ؟؟ ما الومك لانك غلطت على امك قبلي انا ؟
عزيز يوقف من مكانه : انا ما طلبت شي يا ناس افهموني واللي يرحم والديكم
تركي يجلس ويفك زرايره : عبدالعزيز اطلع لا ارتكب فيك جريمه اطلع يا ولد بو تركي اطلع
(ام تركي ماله داعي اقول كيف كانت حالتها ،، ابنها يغلط فيها بدون لا
يحس ،، يسمي صبرها برامج دينيه ،، وفوق هذا يصايح فوجهها وكأنها
عندها كنز ما تبغاه ياخذه )
الجوهره : اقولك اتركيني بشوف هالنذل وش يقول ؟ ابغى اشوف وجهه الخايس
ساره : اسكتي انتي ؟ تبغين تزيدن الطين بله ؟؟ اهجدي
الجوهره : والله ماني تاركته (فكت نفسها من اختها)
:
الجوهره واقفه على السلم : هيه انت وش شايف نفسك عليه لو انت رجال قل هالكلام عند ابوي اللي قدامه .....
جاها كف طاير على وجهه وقعد يسحب فشعرها
عزيز : اكلي تبن انتي ! جايه تعلميني الصح والغلط ؟؟ (وظل ماسك فشعرها وهي تحاول تفكه)
تركي ال ما سمع صوت صياح الجوهره فز من مكانه ( معقوله احد ينضرب فهالبيت ومن من ؟؟ )
تركي يركض : هدها يا غبي تضرب اختك لانها قالت الحقيقه ؟ شاطر والله يا عزيز الورع زيد زيد من حركاتك واثبت رجولتك
(تركي ماسك الجوهره اللي واقفه مصدومه تنضرب من عزيز ؟ وكف كمان؟ قويه مرره امها وابوها
ما ضربوها وهي صغيره عشان تنضرب وهي كبيره والله ما توقعتها منك يا عزيز )
الجوهره اللي ماعمرها بكت بهالشكل ،، بكت وبزياده كمان
عزيز اخذ اغراضه وطلع من البيت يصايح ويهدد
.....
البيت هادي مره ما ينسمع فيه الا صوت بكي الجوهره
ام تركي وبنتها نايمه على رجولها : بس يا حبيبتي بس
الجوهره تبكي : حسبي الله ونعم الوكيل النذل
ام تركي : لا تحسبي على اخوك ،، هو معصب والا ماكان مد يده عليك هو يحبك
الجوهره : ايه مره ،، مابيه الحب اذا كان كذا ,, وتكمل بكيها
تركي : الجوهره خلاص وانا اخوك ،، انا ما الومك على البكي ،، بالعكس ابكي على كيفك وارتاحي ،، بس هدي اعصابك انتي معصبه لا تقولي كلام ماودك تقوليه اذكري ربك
الجوهره: لا اله الا الله
ساره : خلاص يا عمري انتي تعالي معي للغرفه
الجوهره : لا ابغى اجلس عند امي ..
تركي : خليها على راحتها هذي الجوهره حبيبة اخوها ،، بكره بوديها المول تشتري اللي بخاطرها
الجوهره تبتسم وفقلبها تقول ( انت وشو يا تركي ؟ والله انه يخجل اللي قباله والله مابي منك شي وجودك فحياتي اكبر هديه واكبر نعمه الله يخليك لي )
.........
............
نوف تحاكي نجود بالجوال وراسها فيه مليون خطه ،، أهم شي يسافرو
مافيه حل عن الطفش الا تركيا مع انها مو بالعين شي بس نعمه ..
نوف : هاي بطه
نجود : هايات نوفه وش عملتي ؟
نوف : كلهم رفضو وجلسو يتريقو علي ، امي حاكت خالد وانا حاكيت نايف
نجود : نايف رفض ؟
نوف : ايه رفض وانتي وش عملتي فابوك وامك ما يفكرو يجو معنا
نجود : ضحكتيني ههههههه ابوي يتركني ولا يترك الشركه على قولته ( تقلد صوته)هذي امانه وامي وراه طبعا
نوف :اف اف اف أملنا بتبوله واخوانها ،، اللي تقهرني لمو حنا للحين ما تأكدنا وهي تجهز في هالشنطه اللي اكبر منها
نجود : ههههههههههه يا حرام يا لمو بس تعجبني ثقتها فحالها
/
تبوله داخله فصينية حلا على اخوها .. وكلت اخوانها غصب اليوم
تبوله : مرحبآ يا احلى اخ في الدنيا
سالم بتريقه : مراحب يا احلى اخت بالدنيا
بتول وكالعاده مافيه اسلوب بالمره : انت تحب تركيا ؟
سالم : انا احب كل شي متصالح مع نفسي هاهاها
بتول فقلبها (يا ثقل طينتك) : ههههه وش رايك تجي معنا ومع جدو تركيا ؟
سالم : الباب وينه ؟
بتول بحسره : افا ،، الله يسامحك
//
بتول تتمشى بالقصــر وحاطه يدينها ورا ظهرها وتفكر
: راما راما وين ناصر
راما : غرفه
بتول : طيب روحي
::
بتول تغني بجنب غرفته : فديته فديته نصوري فديته (تقول فقلبها كل هالهبال عشان مهند والله اني هبله)
ناصر : ههههههههه وش تبين يا فتوش ادخلي
بتول تركض وتقفز على السرير : من الاخر نبغى نروح مع جدي تركيا ومافيه الا انت املنا الوحيد لا ترفض تكفى
ناصر ببرود يقهر : ماراح ارفض لكن ماراح اوافق
بتول : طيب واذا قلت لك عشان نوفه
ناصر يصطنع العصبيه : عيب عليك ،، وش دخل نوفه // عشان نوفه ماني برايح طيب ؟ وروحي علميها ،،
بتول بتقهره : احسبك رومانسي
ناصر : هههههههه عاد مالقيتي الا انا ..
بتول : تكفى تكفى
ناصر : سفره والله ما طرى فبالي يا عمري ،‘ وقولي لنوفه تعقل يلا غرفتك
بتول : محد يساعد في هالقصر ،، بس تفكرو بنفسكم
ناصر : مو زيك نفكر بالامه الاسلاميه ، قال تركيا قال يلا مناك بس
..............
بتول بغرفتها شوي وتكسر جوالها من نوف تقهرها
بتول : اقولك ما وافقو ما تفهمين افففففففف
نوف بجرأه : محد بيحلها الا انا وانا بنت ابوي روحي لسالم وحطيه سبيكر اركضي
بتول ماتدري وش السالفه بس نفذت اللي تبغاه نوف : يلا حطيته
نوف برقه : احم سالم ؟
سالم ميز صوتها : لبيه
نوف : طلبتك يا ولد عمتي قول تم
سالم انقهر لازم يرفض وش يوديه تركيا : اذا اقدر اكيد
نوف : افا بس ،،انا اقولك تكفى !
سالم (كل يومين يا ابن الحلال ) : تم وانا سالم آمري
نوف : نبغاك تروح معنا تركيا والله يومين وما نطول انا وعدتك والله والله
سالم : بس بس لا تحلفي انا موافق كم نوفه عندي انا ، اقصد عندنا
بتول من الفرحه سكرته فوجه نوف
بتول تبوس راس سالم : فديتك مع اني مفروض ازعل بس ماهو بوقته
بتول وهي طالعه تركض لناصر تبغى تقهره : سلومي جهز نفسك ترا بكره السفره
نوفه فقلبها : يا جعلك الموت يا بتول الهبله كيف تسكرريه فوجهي ؟
،،،،
بتول تفتح الباب بشويش وناصر يناظر بحليمه بكل هدوء بس صوت
بتول عكر جوه كل ما يشوفها يقول ان فيها لمحه من نوف بس دايم
يقولو نوف احلى انفها اصغر وعيونها اجمل وشعرها الاسود الطويل
ناصر يرسل لبرنامجها مسجات بس عشان يشارك معها ويقهر نوفه
بتول : ممكن ادخل ؟
ناصر : يا تبوله بالله عليك والله ما ابغى ازعاج اخاف تتصل حلومه ،
بتول لما ضمنت السفره : هههههههه تتصل فيك انت ؟ ليه وين عقلها ؟
ناصر : وش هالفرحه وبنفس الوقت وش قلة الادب هذي هاه ؟
بتول : اولا انا مو قليلة ادب انا جالسه اقول واقع ،‘ ترا فيه ازين منك لا تنغر
ثانيا بدلع : بكره تيارتي لتركيا
ناصر يزين جلسته : بالله ؟ كيف ؟ من هذا اللي بايع نفسه
بتول : سالم فديته ،‘
ناصر ويقاطعها بسرعه : نوفه بتسافر ها ؟
بتول : اكيد هي الراس المدبر هههههه
ناصر بصوت عالي : اطلعي برا واقفلي الباب وراك هين يالسوسه يا نويف