الفصل الخامس
........ :بابا بابا رد علي تكفى
بااااااااااباااااااااا يااااااااااااا فواز ياااااااا بودانه
اففففففففف يا ثقل نومك يبه وش هذا ؟؟
اخذت فاين ودخلته باذنه وفأنفه بس ولا كأنها عملت شي
نجود وهي تسحب الغطا وتصايح بجنب اذنه:
بااااااااااااااباااااااااااااااااااااااااااااااااا
قام متخرع فواز : وش فيه وش صار
ابوي فيه شي
نجود نقدت على نفسها بس كل شي يهون عشان نوفه : هاه لا بابا بس بغيت جوالك شوي
فواز : مااقول الا الله يخلف على ابو جابك هذاك هو على الكوميدينا اخذيه واطلعي ،، بس لا تلعبي بالارقام
نجود : ابشررررر ما طلبت شي ،، اصلا ما حفتحهم
//
نجود (ناصر ان شاف رقم ابوي او عمي راح يرد بسرعه)
اتصلت مره اولى ولا رد وثاني مره يسمع صوت جواله :
( بصوت عبدالمجيد : استكثرك )
ناظر في الشاشه شاف (عمي فواز يتصل بك) : ما فكر ان نوف لها علاقه
....... : الوووو
نجود خقت (يا فشلتي لو يسكر الخط بوجهي لا سمع صوتي يارب استر يارب)
......... : الووووووووو
نجود : ناصر بالله لا تسكر الخط
ناصر عدل قعدته : يخرب بيت قلبك يا نجود ماخذه جوال عمي
نجود : وآخذ جوال جدي بعد اذا السالفه فيها دموع نوف
ناصر : نوف ؟ علامها ؟؟؟
نجود : انت اللي علامك ليه تزعلها ؟؟ يااخوي نوف تعزك امس مارقدت
لانها عارفه انك مهموم بسببها
ناصر : حتى انا والله مارقدت ليما قال الله واكبر صليت ورقدت وميت من التعب
نجود حاطه رجل على رجل وناصر يسولف عليها
ناصر : تعالي انا جالس واسولف معك وشبغيتي اخلصي ؟؟ نوف شفيها ؟؟؟
نجود : مافيها شي بس تبغى تحاكيك
ناصر : تحاكيني ؟ (عارف انه لو تقوله اي شي راح يرضى) وانا ماابغى احاكيها اصلا عندي عمال الحين
نجود : ولا هي تبغى تحاكيك هالحين لانها اساسا راقده من التعب
ناصر : وش تعبه ؟ احسك تبالغين يا نوف
نجود : انا موبنوف هذا اولا ثانيا والله ماابالغ لو شايفها كيف تبكي كله من سالم
ناصر : وش دخل سالم بالموضوع ؟؟ وانت وش عرفك
نوف فيها شي جد عاد ؟
نجود : والله تركتها وهي تصيح حتى وهي نايمه وتقول ليه يحبو يضيقو
صدر ناصر بالذات لانه اطيبهم واللي مايرضى بالظلم
ناصر (انحرج مهما عملت نوف ماتستاهل كذا) : طيب وش اسوي اجي الحين عادي ؟؟
نجود : عشان يعلق رقبتك خالد عندك سبب جاي عشانه
ناصر : ايه مشتاق لنويف اقصد نايف زمان عنه من امس ماشفته
نجود : ههههههههه والله انك مفهي
ناصر : وجع
نجود : طيب انا بسبقك وبحاول اطلعها للحديقه بااااااي ولا تعلم ابوي اني
حاكيتك وترا بيت الشعر يا روميو اللي انت كاتبه لها مسحته انا ،، وماقرته هي
ناصر : احسن بعد زين سويتي .. مع السلامه
//
عبدالعزيز جالس في الصاله اللي ما فيها الا جلسه ارضيه وتلفزيون
يفكر كيف يرضي ابوه !!!
عزيز : اقول يمه ابوي ليه ما يحاكيني ؟؟؟
قامت ام تركي وتركته من دون لا ترد عليه بولا كلمه
عزيز بصوت عالي : حتى انتي يمه !!!! افففففف وش ذي النكبه
....
تركي منسدح على سرير الجوهره وحاط يديه ورا راسه ويتفرج على المسلسل التركي اللي محطمها واللي ما تسول فا الا عنه
الجوهره : صوت صوت جا جا مهند
تركي : الحين وراك تسميه مهند والمسلسل اسمه نور
الجوهره : هههههههه وطلعت من متابعينه ،، حتى انت ؟؟
تركي : لا والله اني مااناظره الا اذا كنت عندك هني
ابشوف وش هالمسلسل اللي خليتيني اشتريلك تلفزيون غير اللي تحت على شانه!!
الجوهره : البطله تجنن ياخوي تهبل تطيح الطير من السما بشرتها روعه ولو ن شفايفها دمار و طولها عجيببببب (ما تقصد نور تقصد مهند)
تركي وفهم على اخته : آهآ ،، طيب متى بيعرسون ؟؟
الجوهره : الله يسمع منك المشكله انهم متهاوشين
تركي : لا ااااااااا لا تقولي ،، زعلتيني يالجوهره !! مالت بس
الجوهره : تعال وين رايح ؟
تركي : والله لو اني انقل عقلي بيدي اشوف هالمسخره ،، الجلسه مع مبارك ومنيره تسوى مهند ونور هههههههه
الجوهره : ايه كثر منها ههههههههههههههه
//
......... : ( ههههههههههههههه والله انك نكته يا ولد عمتي طلعت خبل بنات )
نجود وهي تحاكي سالم ولد عمتها ساره على الماسنجر
نجود : هههههههههههههه ممكن اشوف صورتك شكلك شين !!
المهاجر (سالم ) : مستعد اوريك صورتي بس اخاف يغشى عليك من الصدمه ،، ترا مزيون :>
نجود ( بقلبها عارفه والله بس الشين طبعك ) : يلا خلني اناظر
سالم وهو ينزل صورته .. هنا نجود عجزت تسكت من الضحك
ههههههههههههههههههههههه جاي من الاخر سالم مابقى شي في الدولاب مالبسه
نجود : ماانت بشين عادي
سالم : نعم ؟ انتي اول وحده تقول كذا ،، اكيد انك جيكره و طايحه فكبد اهلك
نجود : اسمالله علي صدق انا طايحه في كبد اهلي بس بمزاجي ،، وانا مو بشينه
سالم : الا اغلب البنات اللي في النت يا عوانس يا مطلقات يا محبطات هههههههههههه
نجود انقهر ت هي دايم تشبك بس هي ولا وحده منهم : آه بس لو انت عندي كان قتلتك ،، ياليت عادي تشوف صورتي والله ما تصدق
سالم (المهاجر ) : حنا فيها خليني اناظرك شوي وشيليها بعدين
نجود : والله حلم ابليس بالجنه تبغى اخواني يقتلوني ؟؟؟
(اي اخوان يا كذابه هههههههههههه )
سالم : الا ماقلتي لي وش اسمك
نجود : مااسرعك نسيت والله من كثرهن اللي عندك
سالم : طيب ذكريني ؟
نجود : انا الجازي يوووه كم مره اقولك : (
سالم : طيب انا ودي اشوفك ،، مادري حبيتك من اسلوبك احسك لايقه لي
نجود ههههههههه يا خبلك : عاد ما ارتحت لك
وفجأه تدخل نوف بعباتها وتبوس نجود
نجود : برب برب
نوف : كيفك نجيد ؟؟؟
نجود : وش جايبك انتي ؟؟
نوف : : ( انا ضايقه انتظرتك تنفذي طلبك وما جيتي قلت اجيك
نجود : والله ما نسيت بس ناصر يقول بيتأخر ساعه وقلت عاد ارجع لبيتنا
آخذ شور و ارتاح
نوف : ترتاحي والا تشبكي عالنت ؟؟؟ بعدين ناصر كلمك ؟ وش قال ؟
نجود بكذب : يقول يقول انا ابغى اشوف نوف شكلي زعلتها وبيجي بعد
ساعه بيتكم بيكلك في الحديقه يقول اريح واحسن
نوف : افففففففف وش اقوله يا نجود ؟ ماهو مصدقني اعرفه
نجود : والله مدري يانوف ،، هيه وش تناظرين انتي وجعه ؟
نوف وكانت تبغى تسحب اللاب توب : تخبين عني شي ؟؟ افا
نجود : انا اقولك السالفه ،، والله لتضحكي ضحك السنه بساعه
ههههههههههههههههههههههههههه
//
//
في المكتب اللي كل اثاثه زيبرا .. و الفخامه طاغيه عليه
الجد سامي بصوت عالي : هذا انت دايم كذا يا خالد ؟
خالد بتوتر : يا جدي توك كاسب كم مليار ،، وش فيها لا خسرت لك كم الف
سامي وهو يوقف على رجوله بصعوبه : كم الف ؟؟؟
وهالثروه هذي كلها وشلون جات ؟؟؟ هالـ كم الف اللي ماهم بعينك شي هم اللي وصلوك هنا
خالد : انا اقصد لا اتعب حالك عـ ....
سامي بعصبيه : اسمعني يا خالد،، هالغلطه ما ابغاها تتكرر ،، وابغاك
تعرف لي من اللي سرب هالمعلومات للشركات المنافسه فاهم والا لا
خالد : ابشر ابشر ياجدي
سامي : ابو سالم وينه ؟؟
خالد : مادري والله يمكن للحين في البيت
//
نوف : هههههههههههههههههه يا خبلك يا سالم والله انك مانت بصاحي ،،
نجود : يعشق الحريم اكثر من امه وابوه حسبي الله على عدوه ضحكني
نوف : طيب انتي وش عرفك في ايميله هذا مدري وش تسمينه ؟؟
نجود : من جدك انتي ؟؟؟ الله يسلم لي تبوله اخته ارسلها لجهاز فارس
وتطلع لي كل ايميل شباب جماعتنا ،، خبرك فارس خبل يترك جهازه
مفتوح
نوف باهتمام : يعني ناصر عنده ؟؟؟
نجود بتأكيد : وش رايك ؟ اكيد عنده حتى اخوانك عندهم
نوف بغت تغص: من جدك ؟؟؟ خالد عنده ؟؟؟
نجود : مدري والله عن خالد بس الاكيد نايف
نوف : كيف ؟؟؟؟؟ نايف من هالشباب ؟؟؟ لا لا يمكن ؟؟
نجود بسرعه : لااااا بالعكس ماهو من راعين هالسوالف
نوف تعدل جلستها : ايوه وانتي وش عرفك ان شاءالله ؟؟؟
نجود : انا اقول يعني مبين ان نايف مو من راعي هالسوالف
دق جوال نجود
نجود : ناصر نااااااااصر
نوف ترتجف وتوقف وتجلس : قوليله انا مو هنا ما ابغى اكلمه
نجود تأشر لها تسكت : وعليكم السلام هلا ناصر ..
نوف : .......
نجود : نويف فبيتنا .. ايه ؟ خلاص خلاص الحين نجي دقايق بس سلام
نوف : انا خايفه
نجود : انتي ما غلطتي خلاص عاد ،، مصختيها انتي وياه صكيتو على
مهند ونور
نوف : وع اذكري شي فيه خير
نجود : والله الوع انتي وهالناصر
نوف بزعل : الله يسامحك انا الحين وع
نجود : يوه يا نوفا الولد تحت اخلصي
نوف : يلا امشي ولا تحسبيني بطوف لك سالفة نايف
نجود : مافيه سالفه اصلا ،،امشي بس امشي
//
نوف تدخل من باب الحديقه ونجود تدخل لجوا بيت عمها راشد
ناصر جاي بثوبه الابيض مع الكبك طالع شكله روعه ،، وبدون غتره ولا
شماغ ،، وتارك شعره على طبيعته الاسود الفااااحم اللي لا هو قصير ولا طويل
جالس على نصف الطاوله اللي في الحديقه ،، ويتعبث فجواله
( هالمكان بالذات من الحديقه يعشقونه هالاثنين ،، لان اغلب هواشهم وضحكهم على هالطاوله ،، لها ذكرياااات مره مؤثره )
نوف جات من وراه بس ماهي عارفه وش تقول وقفت وراه وهي ساكته زي البلها
ناصر التفت لها واستغرب حركتها وقف : انتي من متى هني ؟؟ ليه ما تعرفي تسلمي ؟
نوف بدون اي تأثر على ملامحها ( والله ان بكيتي يانوف لتطلعي قدامه هبله قوي قلبك شوي) : السلام عليكم (وجلست على اقرب كرسي ببرود)
ناصر وهو يجلس قبالها : اسمعيني يا نوف لا تطلعين لي بعذر زي كل مره والله تعبت وانا اسمعك
نوف بقوه : اسمعني ناصر ،، والله كنت احسب اللي داق علي انت مو سالم والله
ناصر وبنرفزه : نوفه اكره ترا تستغفليني و تتريقي علي ؟؟ الحين اسمه
يطلع لك سالم وتقولي احسبه انت ؟؟؟ كيف تصير هذي بالعقل
نوف : اجل انا ارد على سالم ؟؟ من جدك انت ؟؟ انت موصيني ما ارد
عليه بس جت سالفته مع المسج ومن لقافتي احسبه انت
ناصر ويرفع حاجبه : لا والله احلفي ؟ انا ماعندي جوال عشان ادق عليك
من جوال سالم والا هو لعب عيال ؟؟؟؟ نوف انا مثل ماني متأكد ان اخوانك
وعمامي مايعرفو حبي لك ،، انا متأكد ان سالم اخوي يعرف ودايم يحاول
يستفزني فيك متى بتفهمين انتي ؟
نوف بقهر وتضرب على الطاوله : طيب انا وش دخلني ،، عمل فيني مقلب بايخ وحب يقهرك انا وش ذنبي
ناصر : صادقه والله انتي وش ذنبك ،، انا انقهر وانتي وش ذنبك
نوف حسي في كلامي لو مره وحده ،، حطي نفسك مكاني
تخيلي الماس اختك تحبني وميته علي رغم معرفتها انك تحبيني وش بيكون موقفك ؟؟
نوف : شتقصد !! سالم يحبـ.... !!
ناصر ويناظر في الشجر وبابتسامه كلها قهر : صباح الخير يا نوف ،،
تعملي حالك مو عارفه ،، انا ما يقهرني الا انه اخوي والله لو حد ثاني
عرفت كيف اوقفه عند حده ،، بس ماهو حارق قلبي الا انه اخوي ليه يعمل كذا
نوف اوجع قلبها شكل ناصر اول مره تحسه ماله قدره : ناصر والله ما كنت
عارفه انك ماتبغاني ارد عليه عشان كذا ،، انا اقول ليه يــ .. .؟
ناصر : ليه وشو بعد ؟؟ وش عامل بعد ؟
نوف : ولا شي طيب انت لا تشيل بخاطرك وربي كنت حاسه انه انت ،،
لاني ارسلت لك المسج من هنا وهو اتصل من هنا ،،
ناصر : ما شفتي شكلي كيف كان والا رحمتيني ،، قهرني يا نويف والله قهرني
نوف بخجل : ولا يهمك لا تحرق دمك ،، اقول ناصر ؟؟
ناصر : عيونه
نوف تناظر يمين ويسار ماتبغى تحط عينها بعينه : السالفه اللي البارح اللي
ماقدرت اقولك عنها تراها تفركشت الحمد لله بسبب بابا ربي يحفظه
ناصر : من جدك انتي !!!! يعني جد كان فيه سالفة خطبه ؟ احلفك بالله مو
من تحت راس اخوك خالد ؟؟ وش اسمه بالله ؟؟؟
نوف انبسطت : ما علينا يا ناصر اللي فات مات والله انك تسواه وتسوا شباب الرياض كلهم ..
ناصر بابتسامه عريضه ترد الروح : حتى اخوانك ؟
نوف بسعااده : ممممممم حتى اخواني : ) (وقفت ورمت شيلتها عن
شعرها ودخلت لجوا البيت وتركت وراها ناصر حاط يده على خده ويقول :
مابقى لي قلب اعيش فيه خذيتيه كله يا نويف )
..أقسم بـ ربي و رب الـــ ع ـــالم وربكـ !!
يا أول إنسان أح ـــبهـ قبل ما أشوفهـ !!
.
.
لو ح ـــبني شـــ خ ـــص واح ـــد ربع ما أح ـــبكـ !!
لـ أح ـــط كل البشر في راح ـــهـ كفوفهـ .. !!!!..,,.. "