وليد : يصير خير
ياسر طلعت من بيتهم مرتاح رغم نفسي اشوفها بس ابي اصبر انا غلطت لما تصرفت بعصبيه هذي هي تنيجتها يا ياسر بس ماقدرت اتحمل الي شفته
يالله ياهذي الدنيا تتعبنا وتظلمنا كثيير
نهي : يانوره البنت متغيره كل ماجي عندها يا سرحانه او متضايقه
نوره : وليش مين مضايقه
نهى : مادري عنها من قبل مشكله ياسر ونوار
نوره غريبه ها البنت مادري ايش صاير فيها
نهى : روحي لها كلميها يمكن تقولك
نوره ماقدر ملك وامها تحت ابنزل اسلم عليهم مع السلامه
ملك طالعه من الدرج ونوره طالعه من جناحها :وينك قلت مو نازله اطلع لك
نوره تسلم عليها : هههه كنت اكلم نهى اختي
ملك : لاتنزلين ابوي تحت مع عمتي خلينا هنا
نوره وملك جلسوا في الصاله
نوره : كيفها نوار
ملك : مشي حالها تعبانه من فراق بناتها
نوره: متى كلمتيها
ملك :اليوم الظهر
نوره : تني صديقتها ايش صاير بينهم
ملك : صدقيني ماقالت لي بس ياسر امس كان عندهم
نور: ايش صاير
ملك : امممم بقول بس سر بيني وبينك
نوره : اوكي قولي
ملك :ياسر امس راح يتكلم مع وليد
نوره : مين وليدووه
ملك تضحك : وليدووه هو العقبه الوحيده بوجه ياسر ياعيوني لو راح لـ ابوها كان قاله خذها
نوره : غريبه معنا اخوها صغير
ملك : صغير بس عن الفين رجال لما لقاها في بيت ابوها طبعا فطووم استفردت فيها ماخلتها لحالها لما شاف وليد الضرب بوجهها عصب واخذها غصب عن ابوها
نوره : المشكله مااحد عارف ايش المشكله
ام يوسف : نوره تعالي خلاص ابو ملك راح
نوره : طيب خالتي الحين نازله
ملك : وين غرفت عمتي ابي اسوي مكياجي
نوره : هناك شوفيها يلا انا بنزل
ملك وهذا الي اناابيه فتحت اول غرفه كانت لناصر قبل لا يتزوج
قفلتها بهدوء اكيد هذي هي فتحت الباب ويه حويسه
فتشت بكل زاويه باالغرفه اوووف وين حطه خسيس نذل
فتحت دولاب الملابس دخلت يدها تحت الملابس ابتسمت مسكته وسحبته وضمته لصدرها الله من زمان فتحته اتأكد من صوري حسبي :الله على شيطانك من ولد
سعود دخل الغرفه وملك ظهرها للباب
سعود: اشوفك بغرفتي
ملك :ممكن تبعد ابي اطلع
سعود: ليه دخول الحمام مثل خروجه
ملك خافت :تبعد ولا شلون سعود ايش بتسوين
ملك :اوووووووف
سعود: إيه علي فكره مبروووك مابغيتي توافقين ومن وافقتي اجلتي الملكه ترا نوار وياسر مطولين
ملك انحطت بموقف محرج: ابي اطلع
سعود ولا كنه سمعها :الله يبارك فيك وبعدين ما علموك إن السرقه عيب وحرام
ملك دفته وطلعت
سعود :وين رايحه تعالي ترا اخذتي شي من ممتلكاتي
ملك : والله ممتلكاتك عيب تخلي صوره بنت عندك
سعود : غير لما تكون البنت خطيبتي
ملك ضغطت علي الدفتر : سخيف
سعود قرب واسحب الدفتر: هذا من ممتلكاتي يلا انزلي
ملك : مابي اعطني الدفتر
سعود: مثل ماضيعتيه تحملي وبعين ماكفاك الطيحه الي بالحديقه قصري عباتك شوي
ملك فتحت عيونها للاخير
سعود ابتسم : شفتي وشلون الصدف ياملك جمعتنا بالندن لو خالي مايشتغل بالسفاره وكل فتره بلد ماكان تلقينا هناك ولا كانت الصور عندي ولاكنتي وافقه قدامي الحين
ملك :وانت وشلون تفتح الدفتر وتقراء الي بداخله ها
سعود : انا لااريد انا ارتبط بشخص يعلم مابي داخلي
لااعلم ماهو السبب ولكن لااريده ان يعلم مابي اخلي من الم
يكفي مابداخلي من ضياع وتشتت
رغم جراتي ولكني ضعيفه ضعيفه لدرجه المووت
ملك بغت تموت من القهر كمان حافظ الي كاتبته : نذل
سعود : انزلي يمكن احد يطلع شينه بحقك
ملك وشوي بتصيح : هين اذا مارويتك منهي ملك
سعود : شفتي وشلون انتي كاتبه كلام فاضي هذا انتي تقدرين تسوين فيني شي .. يلا روحي
بعد ثلاث اسابيع
تأجلت طلعه المزرعه عشان حفله رنا وثامر اليوم
انا مارضيت اشوف ياسر ولاهمني
وليد : نوار والله حرام خلاص انا كنت بعلمه بقيمتك لو ماشفت الندم بعيونه ماكنت قلت لك
نوار : انا خلاص استخرت ماراح ارجع له وبناتي باخذهم بالقانون
وليد : نوار والله امس جلست اتكلم مع ثامر حزني يانوار لوتشوفين حالته وكيف متدهوره وعمك زعلان عليه حتى مايكلمه وبناتك
نوار بكيت : ايه هو حرام عليه بس انا لا انا لما رماني عند ابوي وزوجته مافكر فيني حرام عليكم ولااحد فكر فيني
وليد : يانوار انا وين رحت بعدين انا مابي بناتك يعيشون الي عشتيه حرام عليك يانوار
نوار : بس انا ماقدر ارجع خايفه هذي ثانيه مره يصير موضوع مثل كذا حرام عليكم ترا والله انا انسانه مثلكم من لحم ودم لي مشاعر واحساس لـ تحسبني مرتاحه اناعايشه و بناتي لحالي ...... وانا ولانسان الي حبيته نفترق بس ايش بيدي اسويه هذيك المره فطوم والمره سيف والمره الجايه من مين ولا ايش بيصير حرام
وليد : خلاص لاتصيحين انابتكلم مع ياسر ونشوف حل
نوار : وليد قله ينساني خلاص
وليد :طيب بتروحين اليوم تشوفين رنا
نوار مسحت دموعي : انا وعدتها
وليد : يعني رديتي على اتصالاتهم
نوار : لا بس انا زمان وعدتها
وليد :طيب قومي اجهزي عشان اوصلك وبارك لـ ثامر
نوار : طيب بس ساعه اكون جاهزه
سويت شعري مثل العاده غجري سويت مكياج عادي ولبست فستان اشترته لي سمر من السوق لونه بنفسجي
.........................
في الشبكه
رنا :نوار ماجات
نهى :لا ماجات
رنا :اتصلي عليها يمكن ترد الحين
نهى : خلاص لو تبي تجي بتجي يلا ماحد قدك ترا شوي بنزفك عشان تتصورين وتجلسين شوي مع ثامر
.........................
ملك : مشالله عليها محلوه مروه
ليلى : مروه اليوم جات من السفر مسكينه كل يوم جايه ورايحه الله يعينها
ملك : صعبه الغربه ... شوفي رانيا شكلها تعبانه
ليلى : لها فتره حتى خالتي زعلانه تقول يمكن عشان عمي تعبان
.....................................
دخلت القاعه بعد الزفه رنا جالسه على كرسيها كانها ملكه بفستانها الذهبي ومياجها مشيت على الاستيج احاول ازرع الابتسامه والثقه بنفسي رافعه راسي واوزع ابتسامات مجانيه << اعلانات كرست
وصلت لها حضنتها بقووه :مبرووووك ياعمري
رنا : لو ماجيتي كنت زعلت عليك طول العمر
نوار بعدت عنها : تقدرين
رنا : لا
جات خالتي ومروه الي حضنتني ورانيا الي متغيره كثير ونوره وشكلها وهي حامل وليلى وملك انقلبت الكووشه كلها سلام واحضان والكل يطالع فيني
مروه: يلا بنات ثامر بيدخل
طلعت من القاعه بكبرها ااكيد عمي بيدخل وياسر وناصر وفيصل دخل ثامر معاه عمي وناصر وفيصل وماقدرت اخرج وعباتي برا غطتني حرمه بعبايتها لحد مادخلو بنص القاعه وخرجت بسرعه واخذ ت عباتي وطلعت من الصاله الداخليه خرجت بسرعه بس حسيت بايد تمسكني بقوه ..... سحبت ايدي بقوه: سبيبني
ياسر : ابي اتكلم معاك شوي
نوار : سحبت ايدي بقوها : مابينا كلااام فاهم خلاص قالت لك انساني
ياسر : بس هذا مارضي ينساك > وياشر على قلبه << كيف قدرتي تتحملين نوار انا ماقدرت ايش اسوس فهميني مو راضيه ترجعين ولا انا قادره انسااك
رديت عليه :
مجبــور أنا أعيــش .. من بعــد فرقــاك
وأخفـــي جروحــي .. بين نفســــي وذاتـــــي
صدقنـي راح أقـوى .. ع البعـد وأنسـاك
وألقـى أمـــل غيــــرك .. يجــــــدد حيـــــاتي
**
محيــت مــن قلبــــي .. خيــــالك وذكــــــراك
مثلك حــــرام يكــــون .. فــــــي ذكرياتــــي
واصــل طريقـك .. واتبــع دروب ممشـــاك
وانســى في يـــوم إنـي .. وهبتــك غلاتــــــي
وأنا بعيــش العمـر .. من بعد ما أنســاك
وأبقــى مــع حزنــي .. وباقــــي صفاتــــــي
مشيت وطلعت بر لقيت وليد ركبت السياره ودموعي على خدي
وليد : خلاص سلمتي عليهم
نوار هزيت راسي بـ إيوه
.................................
دخلت سلمت على رنا وثامر وباركت لهم وطلعت كان نفسي اسوي اشياء كثيره بس حالتي ماتسمح انشالله بفرحهم اعوضها ياارب
طلعت ولقيت يوسف وسعود
سعود : مبرووك يسوور عقبال بناتك يارب
ياسر ::هههههههه بدري عليهم
يووسف : يارب تجوزهم وتجوز عيال عيالك
......................
وصلت البيت منهاره خلاص تعبت من الكلام الي قلته لـ ياسر حرام عليه ذبحني بكلامه خلاص مصيرنا الفراق
ام وليد :وليد ايش فيها وجهها محمر من الصياح
وليد: حضرت ملكه رنا شافت اهل ياسر
ام وليد :اردي وبعدين
وليد : شافت ياسر شكلهم تكلمو
ام وليد : الله يهديهم بس ام ناصر كلمتني امس وسالتني اذااعرف شي
وليد : مشاكلهم يحلونها مع بعض
ام وليد :ترا ابو ياسرعزم ابوك على العشى بكره بالمزرعه
وليد : بس انا مو رايح ولا رنواراتوقع بتروح
ام وليد : وليد خلها تروح يمكن خواته يعرفون ايش السبب
وليد : مادري احاول معاها
.............................................
ملك : ليلى فرح لينا بعد شهر اشتريتي فستان
ليلى: للحين بكره بنروح الاستراحه تعالي هناك
ملك : ماظن بس اشوف يلا ابوي برا
ليلى : يلا مع السلامه
............................
في المزرعه الكل موجود حتى انا وامي وسمر ولاء حتى عمي ابو وليد جاء
الجلسه كانت فله بمعني الكلمه حتى مروه وتحكينا عن مواقفها مع البنات في المجمعات والمغازل
قمت ولبست عبايتي وطلعت من الباب الخلفي جلست اتمشى شوي الجو قريب المغرب مرره حلو وهو الغرروب
واللله ماقدر ... انت مجنون ... أكيد ماقدر .... طيب ايش اسوي قولي ......اووووه خلاص بعدين نتفاهم
نوار وقفني الصوت الباكي
قربت منها :رانيا ايش فيك
رانيا : مافيني شي بس
نوار : رانيا تكلمين مين
رانيا : وحده كانت معاي بالجامعه
نوار : بس انتي تكلمين ولد مو بنت
رانيا بكيت قربت منها وحضنتها :خلاص لاتصيحين
رانيا : نوار انا بمشكله كبيره
نوار : رانيا ايش عندك
رانيا : طيب بتسمعين لي ولا تلوميني
نوار :قولي اسمعكي ترا اشغلتيني
رانيا: ان سجلت بكذا منتدى واحد اعجبني كثير استمريت فيه وحده من العضوات كانت فرفوشه وعجيبه صرت اكلمها على الماسنجر ومره كنت احكيها عن حفله الشبكه حقتك انتي وياسر ورسلت لها صوري و
نوا ر: و ايش صار
رانيا : طلعت ولد
نوار : ايييش
رانيا : بعد كل الي صار طلع ولد قلت له ماقدر اخون اهلي واكلمك على الماسنجر بس هددني بالصور والحين يبيني نتقابل بمجمع
نوار : ياويلي يارانيا ايش الي سويتيه
رانيا : كفايه الي انا فيه لاتزودينها على يانوار
نوار :والحل
رانيا : مادري خلاص لي اسبوع كل يوم بعذر بس اليوم عصب وعطاني مهله ثلاث ايام
نوار:قلتي لااحد غيري
رانيا : ماقلت نوار والله خايفه
نوار : خلاص انا باحاول اتصرف عطيني رقمه اخذت رقمه وجلست اهديها شوي وافكر ايش اقدر اسوي
ولا ء معصبه : هيه انتي وينك ا م ناصر تبيك بسرعه
نوار : طيب انا رايحه لها لقيت مروه وخالتي جالسين دخلت وطلعت مروه حسيت بايش راح تكلمني خالتي سكت ولا تكلمت
ام ناصر : نوار انا ناديتك ابي اعرف ايش صاير بينكم
نوار : خالتي انا مالي دخل هذا ولدك عندك كلميه
ام ناصر : ترا تعبنا معكم لكم شهرين ونص ياسر يقول اسالوها وانتي تقولين اسالوه ترا تعبنا معاكم
دق الباب وشفت ياسر دخل تحجبت وكنت باقوم بس خالتي مسكتني
ياسر فرحت لما شفتها جلست حتى بدون مااسلم
ام ناصر : انا ساكته لكم بمزاجي فاهمين ابي اعرف ايش صار بينكم بالتفصيل
نوار : خالتي الي عندي قلته
ام ناصر : لا انا ابي اسمع منك كلكم
ياسر : خليها تقولك
نوار عصبت منه : وليش ماتتكلم انت
ام ناصر بعصبيه : انت وياه خلاص بس ياسر قولي ايش الي صار
نوار : لا انا الي بتكلم ياخالتي بس اعرفو شي واحد رجعه لـ ياسر مو راجعه وبناتي باخذهم
ام ناصر : طيب تكلم قولي شي
نوار:واحده من البنات الي بالجامعه اتصلت على تقول تعبانه وانا علاقتي مو مره معاها قلت لـ ياسر باروح لها ورحت مع السايق وصلنا لبيتها بحاره قديمه دخلت عليها وسلمت و <صوتي صار مخنوق < وجسلت عندها
ياسر قاطعتها : جاني اتصال من وحده قالت لي ان نوار في بيت وقالت لي الحي من سمعت اسمه وصف البيت رحت على طول سالت عن البيت رجال كبير باسن قالي الله يهديك ياوليدي خاف ربك ومن هالكلام عرفت انها بيت مشهور بالمدينه بادعاره
ام ناصر حطت ايدها على صدرها
نوار : طلع لي واحد من وحده من الغرف وبنفس الحظه دخل ياسر
ياسر : ماقدرت اتحمل لي شفته يمه انتي لو مكاني ايش رده فعلك وديتها بيت ابوها
ام ناصر :ايش مصلحه زميلتك يانوار تسوي لها شي
ياسر : يمه ابوي قال لك انت نوار كانت متملكه على اخو زوجة ابوها
ام ناصر : إيه اذكر
ياسر : هو سبب المشكله هو الي دبرها يمه ايش ذنبي انا بكل الي صار
نوار: انا ذنبي ايش حياتي تحت رحمت زوجة ابوي واخوها مو اول مره يصير مثل كذا مره ارسلو لـ ياسر صوري يوم الشبكه مع اخوها صارت مشكله وحللينها انا كنت ابي الطلاق بس ياسر رفض
ام ناصر : وتتكلون ولا تقولون في ناس اكبر منا نستشيرهم
ياسر: يمه انا ماقدر اقول اني مو غلطان لا اناغلطان بس عندي عذر يمه
نوار:انا خلاص ياخالتي ماقدر اتحمل ابي بناتي وعيش مرتاحه
ام ناصر: لا الموضوع ماينسكت له وهذا اخو زوجة ابوك لازم ياخذ جزاته وانت ياسر قول لـ بوك خله يشوف لك حل مع الرجال ذا
ياسر :يمه خلاص اخذ جزاته واكثر بس نوار موراضيه
نوار: خلاص انا قلت كلامي وماعندي غير عن اذنك خالتي
طلعت لـ برا وصرت امشي بهدوء ومابي افكر بشي جاتني مروه معصبه
مروه : انتي وياه ماتستحون ومولانكم خلاص تزوجتو تحسبوون انفسكم كبار خلااااص وبعدين الطلاق مو حل وانتم عندكم طفلتين ايش ذنبهم
نوار : الطلاق هو الحل الوحيد انا طلبته قبل واخوك رفض
مروه : ويش قصه المشكله الصور ذي بعد ومتى صارت وليش مااحد منكم تكلم
نوار : صارت وخلاص
موره : ايه خلاص صارت واخلاص لا مو خلاص لما تكون مشكله كبيره مثل كذا لاتنسوون ان فيه اناس اكبر منكم وافهم واعقل منكم
نوار ماسكه ضحكتي : خلاص بعدين نتكلم
مروه عصبت زياده : وليش مبتسمه ها
نوار : ههههههههههههه والله مالي نفس اضحك والله مو لايق عليك العصبيه
مروه بصراخ : نوار انتي عارفه حجم المشكله الى احنى فيها ابوي زعلان من ياسر مايكلمه وبناتك بيضيعون
نوار : مروه خلاص بناتي باخذهم وبربيهم
ياسر : وليش مو بانتي بعد ابي اربيهم ويكبرون قدام عيني
مروه : يعني النفصال مو حل يانوار
ياسر :مروه ممكن شوي بتكلم معاها
مروه : انت وياها بتجيبون لي جلطه<وراحت
ياسر بعد ماراحت مروه : وبعدين ويش الحل
نوار : خلاص ياياسر انتهينى
ياسر : يعني ماتبين ترجعين
نوار : خلاص مابي غصب يعني
ياسر : طيب جود وحلا
نوار : باخذهم ولي حق الحضانه
ياسر :بس اقدر اغيب عن كل الجلسات بالمحكمه وتضلين الي يصير عمرهم 7 سنين ويكون الحق لي
نوار : ماتقدر وبعدين انا ابي اربي بناتي انت ويش عليك
ياسر : اوكي خذيهم بس بشرط
نوار : انا موافقه
ياسر : ماتتزوجين واذا تزوجتي باخذهم
نوار : قلت موافقه خلاص
ياسر : هذا انتي وافقتي وانا موافق
نوار : جلست على الارض وظهري للشجره وياسر راح وهذي هي نهايتنا
دخلت بعد ماخذت راحه شوي من الصراع الداخلي خلاص انا وياسر صعب نكمل الحياه مع بعض وخلاص هذا قراري صليت المغرب وطلعت عند بناتي مو كل يوم بحصل فرصه اجلس معاهم
.........................................
بعد العشى وكان متاخر كل واحد راح ينام امي وسمر ولاء بغرفه وانا وبناتي جود وحلا بغرفه ورنا ورانيا مع بعض ام احمد ونهى مع بعض ام ناصر وام ثامر مع بعض ونوره وام يوسف
بعد مانامو البنات نزلت مالقيت احد جلست اتمشى بالمزرعه رغم الجو ظلام ومخيف جلست على المسبح افكر برانيا ومشكلتها اتصلت على نفس الرقم بس مارد
وليد:للحين مانمتي ايش تسويين
لفيت عليه : اهلين وليد مانمت
وليد : ماجاني نوم انتي ليش مو نايمه
نوار زل لساني : والله ماجاني نوم مشكله و < انتبهت لنفسي وسكت
وليد : ايش مشكلته
نوار : ولا شي وليد لا تشغل بالك
وليد: يعني ماتثقين فيني
نوار : وليد لاتضغط علي خلاص
وليد يجلس بجنبي : يلا قوولي عادي طيب يمكن اساعدك ..... طيب وعد راح ساعدك
جلست افكر شوي صح وليد مايصير لها يعني لااخوها ولاء ولد عمها ولا ولد خالها يمكن يساعدنا : طيب بشرط تساعدنا
وليد مستغرب : اساعدكم ليش الموضوع مايخصك
نوار : لا يخص رانيا اخت ياسر
وليد لف عليها : ايش صاير
نوار : بس وعد توعدني يبقى سر طول العمر
وليد : اوكي سر طول العمر
نوار حكيت له كل شي قالته لي نوار وعطيته رقم الولد
وليد معصب : وليش هي غبيه ما تعرف جاهله
نوار : خلاص وليد البنت ندمانه ولا تخليني اندم
وليد : والمطلوب مني اساعدكم وشلون
نوار : مادري بس لازم نلقى حل
وليد بعد فتره طويله سكت فيها : خلاص انا بحل الموضوع يصير خير
نور : الله لايحرمني منك
وليد: ولامنك <سكت وليد مره ثانيه
نوار : وليد ايش فيك لو ماتبي تساعدنا خلاص
وليد : لالا مو كذا .... تدرين كويس انك قلتي لي
نوار : ياسلام وليش انشالله
وليد : ههههه بس كنت ابي اخطب رانيا لحد ماتوظف وبعدين نتزوج بس مشكلتك انتي وياسر خربت علي بس كان فيه امل بس الحين لا
نوار ندمت كثر شعر راسي ليتني مااقلت له شوهت صورتها قدامه : وليد كل انسان يغلط وهي غلطت وندمت
وليد يقوم : خلاص انا باشوف لي حل مع الي تكلمه وقولي لها تكلمه عادي
ياسر وثامرنايمين جنب بعض ويسولفون
ياسر : وقلت لها شرطي وافقت
ثامر : يالظالم وليش دام انها مو راضيه ترجع خلها تعيش حياتها
ياسر : ثامرمره تخيلت ان نوار متزوجه غير بس تخيلت ماتحملت كنت بنجن اجل لو تزوجت انت فاهمني ياثامر
ثامر بقلبه ها انا عشت هالاحساس ياياسر بس الحمد لله صارت لي بالنهايه
ياسر : وين رحت كل ذا تخيل
ثامر :حاول معاها تعال لها بالطيب والحب يعني كم حركه وكم دمعه وينتهى الموضوع صدقني
ياسر : تقول مالي مكان بقلبها
ثامر : مثل ماكنت تقول قبل زواجك نوار مالها مكان بقلبي شوفها الحين كل قلبك
ياسر : بكره نرجع من المزرعه واحاول معاه
ا
رجعنا كنا من المزرعه وعمي الي عجبته كثيررر طول الطريق يسولف عنها وعن عمي ابو ياسر
جانا بعد يومين وليد من برا وعلى وجهه ضربه صاير لونه ازرق على موف
كلنا قمنا ام وليد : ايش فيه وجهك مين ضاربك
سمر : واااو وليد شايف شكلك وشلوون
وليد معصب : اووووووف فكوني اول مره تشوفوني مضرووب خلاص
مشي بيطلع غرفته ناداني بدون مايلف علينا < نوار تعال فوق ابيك
ولاء : شكله متضارب مع ياسر
نوار : الله يستر بس< طلعت له فوق بغرفته فتحت الباب لقيته واقف
وليد يرمي ذاكره الجوال خذي عطيها خليها تكسرها وتتوب
نوار : رحت له اليوم
وليد: خلاص رحت له وكسرت راسه هو وجهازه وقولي لها تتوب مو كل يو بساعدها
نوار :خلاص تعال خليني اشوف الضربه اح شكلها تعورك
وليد : ايش رايك تجربينها يمكن بارده
ابتسمت :حتى وانت متعور رايق يلا بد ل ملابسك ونزل صلي المغرب
ثامر يكلم رنا : طيب خليها قبل المدرسه
رنا : لا مافيه وقت ياثامر كلها ثلاث اسابيع خلاص بعيد الفطر
ثامر: شوف اقولها بعد اسبوعين تقولي شهرين خلاص انا حجزت القصر وانتهى الموضوع
رنا عصبت : طيب خلاص دور لك عروسه يزفونها انا قلت لك ماعندي وقت اسبوعين مستحييل
ثامر : طيب خلاص بعيد الفطر مو بعدين تقولين خلها بالصيف
رنا : طيب خلاص انا عند وعدي
جلست اسولف مع ملك بعد ماطلع وليد للمسجد
شوفي مليكووه انا وياسر خلاص وصلنا لحل مو راجعين افهم خلاص انتي وسعود تزوجو ملك خلينا نفرح
ملك : انا قلت لا يعني لا
نوار : خلاص انا وياسر انفصلنا افهمي
ملك : وهانت العشره يانوار وبناتك حرام عليكم ولاتحرمين بناتك من حضن ابوهم انت حسيتي بالضياع
تذكرين ياماقلتي مستحيل اسامح ابوي عشانه طلق امي ومستحيل اسامح امي تركتني لحالي تبين بناتك يقولون لك احنى ماراح نسامحك فرقتيناعن ابونا ماقدرتي تتحملينه
نوار : ملك انا خايفه
ملك : تحبينه صح
نوار : لا
ملك : كذابه تحبينه
نوار : ويش ينفع حبي له وانا كل يوم والثاني جايبه له ولي مشكله
ملك : لا ترجعين له لما يحط حد لهذي الشاكل
نوار : انا قلت له قراري وانتهينى
في المجلس
ياسر : قلت ابي اشوفها ولا ادخل لها جو
وليد : ليش انالله البيت مافيه حريم
ياسر : طيب خلها تجي ولا تنسي اني
وليد يقاطعه : انك طلقتها طلقه وحده وتقدر ترجعها بس هي ماتبي تشووفك خلالاص
ياسر : قولها ياسر يبي يتكلم معاك اخر مره
وليد : يااربي ايش الي بليتني فيه ياربي
ياسر : تكفي وليد خلاص قلت اخر مره
وليد : وليش فرحان واثق انها بتجي ولا بتسمع لك
ياسر : اووه انت للحين ماتفهم يلا روح خلها تجي
نوار دق باب الغرفه فكيت الباب والجوال بأذني نعم
وليد:تكلمين مين
نوار :ملك ايش تبي
وليد:ياسر يبك تحت بالمجلس
نوار :ماني نازله له
ملك: ياغبيه نزلي وشوفي ايش يبي
وليد : انزل احسن لك
نواروليد وملك كلهم بنفس الحظه يتكلمون: اوووص واحد منكم يتكلم
وليد : قفلي الجوال وكلميني
ملك : انزلي له ولا ازعل عليك
نوار : طيب مع السلااامه
وليد: بتنزلين
نوار: ايش رايك
وليد: انزلي
نوار : طيب < لبست عباتي ونزلت له
دخلت المجلس سلمت وجلست
ياسر : وليد ممكن تخلينا شوي
وليد قام وانا اقول له لا براسي بس غبي مايفهم طلع
ياسر قمت وجلست عندها :نوار
نوار: وانا اطالع قدام :نعم
ياسر : طيب طالعيني شوي
نوار : قول الي عندك خلصني
ياسر : انا بكره باروح المحكمه
نوار : مابغيت الحمد لله
ياسر : لهذي الدرجه تبين الفكه
نوارسكت مارديت
ياسر: تعرفين سيف وينه
نوار لفيت عليه
ياسر : بالحجر الصحي
نوار : الحجر الصحي لا يكون
ياسر : مصاب بالايدز ... وفاطمه ماعاد لها وجه تطلع من بيتها بعد الي صاب اخوها وطلاقها
نوار صدمه وراء الثانيه : ابوي طلق فاطمه
ياسر : إيه من اسبوع نوار خلاص شوفي كل الي يكرهونا ابعدهم ربي عن طريقنا بمشئيته يانوار لا توقفين انتي بعد بطريقنا خلينا نكمل
نوارساكته
ياسر قمت وجلست قدامها :نوار اسمعيني هذي اخر مره اجي لك وقولها لك احبـــــك فاهمه يعني أحبــــك
انتي لي علمتيني كيف احبك يانوار انا وجود وحلا نبيك معانا ابوي حلف بيظل غضبان على لاخر يوم بحياته دام مارجعتك وبصراحه انا بدونك مااعيش بابنت الناس افهميني
نوار ساكته ومارديت عليه
ياسر تبين ترجعين ولا لاء
نوار ساكته
ياسر : بكره اجي اخذ ردك
طلع ياسر من هنا وجلست اصيح كللام ملك للحين بذهني وكلام ياسر والايام الي عشتها معاه كل شي مر بلحظات ماحد فاهمني احبه بس خايفه ليش ماتفهموني
وليد : ايش صار
ياسر : بكره اخذ ردها
وليد : ياسر لاتتعب نفسك دامها رافضه ماراح تغير رايها صدقني
ياسر : تعبتني معاها مادريت ان بيوم من الايام ان نوار قلبها قاسي دايم تقول انا مابي عيالي يعيشون حياتي ابيهم اسعد ناس بالدنيا وهذي هي تخلف وعدها معاي ذبحتني نوار بصدها ياوليد اختك علمت قلب الين وعلمت قلبها القساوه
خلتنا نحبها وتركتنا
مادري ايش بسوي بعد فرقاها اسبوع واكمل ثلاث شهور ولا يوم قدرت انام واحس بالذنب لاني ماقدرت احميها من زوجة ابوها واناالي وعدتها بالامان وعدتهااخليها اسعد انسانه بالكون وخليتها اتعسهم
نوار سمعت كل كلمها بقلبي وعقلي هذا ياسر اناالي احبه هذا ياسر الي خلى الدنيا لي طعم ولون
هذا ياسر اول واخر حب بحياتي
وليد : نوار
رحت له مستحيل اعيش بدنيا ياسر مو فيها
هوحياتي وهو قلبي وعمري وكل شي بحياتي ياسر
ياسر لفيت لها بس كنت خايف خايف تقول خلاص روح مابيك
وليد انسحب بعد ماحس ان وجوده خطا خليهم يتفاهمون على راحتهم
ياسر : نوار
قربت منه ورميت نفسي بحضنه
ياما حاولت الفراق وماقويت
كنت ابي انساه لكن مانسيت
ماعصاني قلبي بعمره ولكن
الاكيد اني انا الي ماشتهيت
نوار : موافقه ارجع
ياسر : عشاني ولا عشان بناتك ولا عشان ابوي < كنت اتمنى اسمعها
نوار : عشانك انت ياياسر انا برجع عشان ياسر وبس
&&&&&&&&&
بعد اشهر صار يوسف ابو احمد ونوره ماحد قدها بالدنيا مبسوطه كثير
رغم قهرها على تلك التصرفة مع يوسف هي ضحيه ذالك الاخ المدلل كانت ترا حبه لـ رنا وترا بنفس الوقت خيانته لـ رنا اصبح عندها شك حتى في والدها حتى بااخوانها بياسر وناصر وفيصل
....
ناصر ذالك الشاب الطموح الهادي ينتظر طفله بفارغ الصبر
ليلى وجدت الراحه بعد رجوع ذالك الاخ الغائب بندر من سفره وقرر يترك الغربه ويكمل حياته بين اهله
..........
رنا البنت الهاديه التي عانت بسبب احمد ذالك الشاب المتهور
وثامر الي انتظر ومل الانتظار ان تستيقظ تلك الحوريه من غفله ذالك الشاب
وفي نهايه اصبحت تلك الحوريه له وحده
........................
رانيا فتاه مشاغبه اوصلتها تلك المشاغبه الي مشكله كادت ان تفقد شرفها وتحمد خالقها ليل نهار ان جعل وليد في طريقها ليساعدها
وليد الي الان لم يفق من صدمته بتلك الفتاه التي تمنى انت تكون زوجته
متى سيفقي وليد من تلك الصدمه
وماهو قراره
لانعلم
.........................
ملك تلك الفتا ه التي عانت الغربه والتنقل لم تعرف طعم الاستقرار تخفي خلف جرئتها همومها ومشاكلها
وسعود ذالك الشاب الي انخدع من والده رغم سكوته ولكنه يتالم من داخله يتمنى ان ترجع الايام ليعيش طفل بحضن والدته
حياته مع ملك التي ماتنتهي<<<مشاكساتهم<< المضحكه وليست مشاكلهم
............................
عبد الملك الذي اختفى كثير في الاحداث الاخير
رجع لاهله بعد مرض والده بالسرطان رجع يعالج الاب الذي تخلى عن مسؤليته كأب وقضى حياته بالعمل
...............
فيصل ونهى عشق منذو الطفوله ومازال فيصل ينتظر اذن ياسر ليخطب حب طفولته
......................
نوار تلك الاسطوره المحزنه التي عانت الكثير من الظلم والالم بكت كثير وكلما ابتسمت بكت
وجدت نفسها وسط تلك العايله التى لاارى بواقعي مثلها احتضنت تلك الفتاه الضعيفه المغلوب على امرها
ياسر ذالك الشاب الذي طعن بظهر ونغرست خنجر اعز الاصدقاء بظهره ومازلت اثاره ولان تزول
انتهت
واتمنى تنال اعجابكم
للامانه منقوووووووووووله
ونتظروني في روايه جديده
مع خاااااااااااااااااااااااااااااالص حبي لكم محبتكم
نور الهدى
قيثاره*** نور البتول *** قاهر المستحيل *** عازف الالحان ***رمايل شوق *** AMN2500 ***روح الحياة
شكر خاااص على ردودكم الي حمستني
ومانسى القراااااااااااااااء