السلام عليكم ورحمة الله وبركاته
إعتذاري الشديد لكم على تأخري والإنقطاع عنكم
وأشكر أختي إشراقه على هذه الاستضافه في مجهرها لبطون الأعضاء
ماخليتي فينا شي إلا وتبحثتي عنه
نبدأ معكم الرحله
(1) كم وجبه تآكل بـ اليوم !
على حسب يومي كيف يكون ، وفي الأغلب وجبتين
(2) وش وجبتك المفضله [آللي مآ تقدر تستغنى عنهآ ]
امممممم ... أكيد الرز بالذات إذا إنقطعة عنه أرجع له بشووووق
(3) أنت من النـآس آللي يتغلقون إذا جآعوا ؟
أكون عادي بس أحيانا أعصب بسرعه في بعض الأمور على حسب الجوع اللي حاس فيه
(4) أول مآ تدخل السوبر مآركت أي قسـم تشوف بطنك يوديك له بدون شعور !
اممممممم ... بصراحه أحتار وش أشتري تلقاني أحوس فيه مثل الضايع
بعدين أخذ شبس أو بانتي وعصير
(5) هل صحيح مقولة [ الطريق إلى قلب الرجل معدته ] !
[ الطريق إلى قلب الرجل الحب الصادق والوفاء والإخلاص له ]
(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
في نظري الحرمه مو همها المطعم أو السوق [ اللي يهمها تغيير الروتين وحب المفاجئات من قبل الزوج ]
تحب تطلع معاه أي مكان لو يتمشون فقط أهم شي يكونوا مع بعض والشعور بالرومانسية
(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟
قليل أسأل عن الأكل لأني عادي أصبر على الجوع أو آكل أي شي ( تصبيره )
(8) وش الأفضل عندك أكل البيت أو أكل المطعم ؟!
يااااااازززززيييين أكل البيت ( مايحس بالشي إلا فاقده )
تسلم ايدينك أيتها ( الأم ، الأخت ، الزوجة )
(9) تحب تآكل لـ حآلك أو تآكل مع جمآعه مع ذكر السبب
لا فرق معي بس أكيد الجماعه أفضل
أحب أكون مع ناس حق أكل صح لأني آكل كثير وباااارد ورااايق في الأكل اطول
(10) إذآ كنت من النآس آللي يحبون الكبسه أي نوع من الكبسه تحب ؟!
دام إنها كبسه أكيد أحب آكلها ما يفرق عندي النوع
(11) لو كنت معزوم/ تحب تكون العزيمه مفطح ولآ بوفيه ؟
نو بروبلم،، أهم شي أكل ومايهمني كثير إذا كان بوفيه لأني آكل الأطباق المتعارف عليها بالنسبة لي
(12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل
[ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ] !
إذا كان في شي موجود وفي لها مجال مايمنع ؛
مثلا البارح تعشيت في البيت ورحت المطعم مع صاحبي واكلت معه
واليوم الصبح فطرت اتصل فيني صاحبي رحنا السوق ورحنا مطعم وفطرنا
هاااا لا تقولوا عني سعره
قلت لكم إذا كان في مجال للأكل ما يمنع آكل ثانيه
..كاني أجاوبكم وانا جالس آكل بساكيت وشيبس واشرب عصير
(13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟
حياكم معي كلكم اكيد كلكم تفتحون الشهيه و فرصه أتعرف عليكم
(14) وش الطبخه آللي تضبطها و ودك تعزمنا عليهآ ؟
فتحو المجال جاكم الشيف روح العاشقين 
اعرف أسوي بطاطس مغلي وبيض ومندي
بس هذا اللي قدرت عليه
كل مره أقول لأمي تعلمني الطبخ وسحب عليها كسووول
(15) تـحب تحط شطه بالاكل < هالسؤال مدري كيف انجاب !
ياكره الشطه اللي في البقالات غصب تمر بطني
اما الكتشب والمايونيز كلش بل مستحيل يمرون
وييييييع ريحتهم تكفي ( تلوع الكبد )
بس إذا كان فلفل أو دقوس بالعكس أحبه
( 16 ) أنت من النوع اللي ينـام بعد الوجبـــة << خصوصاً الغدا ..؟
طبعا لا ما احب انام بعد الأكل إذا أكلت أحس بنشاط 
نادر جدا يجيني النوم
( 17 ) تفضل وجود المـاء مع الوجبــة ؟
ما احب أشرب شي وسط الأكل ، وجودة لا يمنع
على فكره صارت لي سالفه مع الماء عند العشاء في الزواج الجماعي
كان معنا شيبه ياكل أنا خلصت أكل وشربت ماي
سوالي محاضره ذيك الليله
ليه تشرب ماي وأنت تاكل مايصلح ، دخلنا في أمور الزواج ومدري شنهو
قلت له ما بعد أتزوج ، خلوها على الله بس مابغى يسكت ذاك اليوم
( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟
لا .. وإذا كانو موجودين أشرب منهم بعد الأكل
أكيد بقولوا شكلع ( دب ) يااااربي على اللي آكله مايبين فيني وين ارووووح ؟!!!
أبي أمتن اشوي
أتمنى إني كنت ضيف خفيف عليكم ، وعجبتكم الرحله
.
