عندي بعض التعليقات والملاحظات من بعد أذن جنابكم :
- الدراسه لغاية الثانويه صارت ضروريه هالأيام شباب لمواجهة الحياه وما أصبحت عليه الأحوال ، فالكلام عن شالفايده امنها وليش ندرس كلام مال أول ذيك الأيام مايبليه تدرس الثانويه اما الحين خلاص الدراسة لغاية المرحله الثانوية أصبحت شبه ضرورية للحياه بشكل عام مو بس للوظيفه ..
- مسألة التخصصات بالكليه والجامعه اللي ذكي ومجتهد ومثابر وعارف طريقه من صغره يحصلها بسهوله صراحه ، بس الكلام عن الناس العاديين .. أقول لكم شباب بحثوا عن التخصصات اللي يطلبها سوق العمل واللي تكون فيها الوظيفه شبه مضمونه ... بالنسبه لأحلام الطفوله حطها بكيس اسود وذبها في الدرام اذا ماوراها افلوس ... والواقع مر شنسوي بعد .
- قضية البحث عن عمل جد واجتهد واتعب في البحث وانشالله التوفيق بتحصله بسرعه ، اذا تحتاج شهاده احصل على الشهاده اذا تحتاج معرفه وواسطه حاول تحصل عليها ... تحتاج بعض المجاملات والعلاقات العامه اتعب وتعرف على البشر اذا تحتاج سفر سافر ولاتهتم اذا شغل تعب وعرق اصبر ، حتى اذا الوظيفه تبي زواج رح تزوج واشتغل وهكذا ...
- مسألة ان الرزق على الله ، ندري ان الرزق على الله لكن السعي والضرب في الأرض والجد والأجتهاد مطلوب ... ومثل مايقول المثل الحساوي : تتعب تلعب تلعب تتعب .
- قضية أن احنا شعب متخلف ، هاذي عقده منتشره بين الناس وخاصه الأجانب يبغونا نصدقها ونعيشها ... وللأسف خلاص البعض خلاها قاعده لحياته بما انه سعودي يعني متخلف وكسول ،عندي أقتراح للي يظن انه متخلف يكتبها في أعلان كبير ويحطها على باب بيتهم وبلا تحبيط للشباب .
- كلام أخير جماعة ، متى تتركون عنكم هالعاده ... كل واحد يتصيد على الثاني اقل زلل وخطأ علشان يعلق عليه ، ياخي كل واحد يعطينا رايه بالموضوع .