اقتباس المشاركة الأصلية كتبت بواسطة ترنيمة فرح بالعكس احسها مواقف عاديه وبايخه وبما انحنا اكبر منهم يعني حقرانهم افضل وهذي مرحله اثبات الذات شر لابد منه عشان كذا الافضل السكوت عنه لفتره وتركه لحاله ساعتها راح يحس نفسه منبوذ بسبب هالحركات اللي يقوم بها وبيرجع الولد المدلل عند الكل لأنه مو معقوله بسبب تلفزيون تصير مشاكل بالبيت ,,,, خيتو معقوله وأكثر ولكن مو القصد التلفاز المقصد جوهر المشكله وهو أثبات الوجود بدون سبب يعني ماله داعي تسوي هالحركات علشان تثبت وجودك دام وجودك معزز ومكرم هو يحاول يطبق حركات أخذها من أصدقائه لمن يتجمعون كل واحد يقول مشاكله بالبيت أو يفتخر أمام ربعه ويستعرض قوته عندهم أنا سويت مع أخوي وضربت أختي وكسرتها ورفستها وهذا شي من أشياء كثيره وأنا ذكرت حدث علشان نعرف جوهر المشكله وكيف نتصرف معها ولا شرط تكون المشكله محصوره على التلفاز في أشياء كثيره طيب ولا يهمك نطرح مشاكل أكثر ونشوف رده فعلك وكيف تقولي أنها عاديه وبايخه مره وحده عاد ترنيمه تحطيم هـآ طيب يعني التطنيش عندك يجيب فايده ممكن أنك عشتي أجواء بعيده عن المشاكل خيتو ترنيمه عندك أخ كبير ومره يحبك ويوفر كل لي تبينه وكان يشتري لك علب عصيرالمفضل لك ويجيبه من خارج البلد ويضرب مشوار علشانك حلو ودايم يجيب لك علب عصير وأنتي الوحيده بالبيت التي تشربين هالنوع لانه غير موجود في بلدتكم وجاء يوم خلصت علب العصير أخوك الصغير فكر أن يجرب مثلك ويتذوق العصير وقال خلني أشتري لي علبه أشوف شمعني أختي تحبه واخوي يجيبه لها من بعيد وغير موجود عندنا يلا نضرب مشوار ونشتري وخبئ العلبه بثلاجه علشان تبرد وأنتي جيتي على نياتك وقمتي تحوسي بثلاجه وقلتي خلني أرتبها وشفتي العلبه وقلتي ياسلام باقي وحده ماشربتها وخلصتي عليها وأخوك جاء من برا وعلى نياته بيشرب العصير وبيجربه ومحد يدري أنه أشتري الولد جاء فتح الثلاجه عفس رمي وين العصير مايصير أنا حاطه بثلاجه ومخبيه قال خلني أشوف مين لي شاربه عاد اذا مايسب بداخله زين وشافك بالصاله حاطه رجل على رجل وتشفطي بالعصير يشوفكك عصب عليك يسالك العصير هذا مخبئ بثلاجه عند صندوق التفاح صح وأنتي على نياتك تقولي أيه هذا العصير لي طلع متخبي وأنا ما أدري مايخلي سبه مايقولها عليك هذا العصير أنا شاريه لي ومخبيه شلون تاخذينه أنتي تقولي شلون أنا الوحيده لي أشرب هالعصير شمعني قمت تقلد الولد تعبان ضارب مشوار علشان يجرب العصير وأنتي تشربينه ويعصب عليك ويضربك ضرب ويشوت فيك ويرفسك وحيل فيك ويطلع قيمه العصير بتقولي ولا يهمك أعطيك قيمته ومضاعف هـ ع اذا كنتي قويه وتعرفي تردي عليه شي جميل واذا كنتي خوافه رقيقه عاد نتمني لك أحلام سعيده هناك مشاكل كثيره خيتو ولا يشترط على حدث معين نجد أكثر المراهقين يفتعلون المشاكل بدون سبب مبرر وبدون تفاهم ولا مجال للحوار كان بمشكله أو خطأ منك من غير قصد أو غيره وجوهر الموضوع هو كيف تعالج هالموقف اذا صادفك من أي نوع كان وقلت اذا طنشتي راح يكبر راسه عليك ونعرف المشاكل كثيره تحدث بالبيوت ممكن قليل ونادر يكون هناك أحترام بين الاخوه طلما تربيتهم صحيحه وخاليه من العيوب جدآ جدآ ولكن السبب يأتي من الخارج من ربعه مو شرط يكون خلل في التربيه خيتو ترنيمه شاكر مرورك الجميل والله لا يحرمني من طلتـك واذا التطنيش عندك هو الحل المناسب ممكن يصيب وممكن يخيب