بداية الاحداث /
جالس بالصاله أو المجلس وتابع برنامج أو مسلسل أو فلم ومندمج معه
وجوك مره رايق وفايق وصافي ومريح على الاخر والاجواء بالبيت مره هادئه
الماضي /
أخوك الصغير يصغرك بـ عشر سنوات أو خمس سنوات أول ما أنولد فرحت بوجوده
وعشت أجواء مراحل كبره وتدلعه وتحبه وتخاف عليه وماترضى على أحد يزعله
أو يضربه وممكن ساهمت مع الوالده في تربيته والاهتمام به كبر وكان متعلق فيك
ويحبك ودايم معك ويحترمكك ودخل المدرسه وساهمت في الاهتمام به وقت دراسته
وتخرج من الابتدائيه ولا زال الحب بينكم قوي
الحاضر /
دخل المتوسطة وصاحب أصدقاء وتقلب الولد وقربت مرحله المراهقه وأثبات الشخصيه
وتلاحظ عليه مزاجيات متقلبه رفع الصوت ومايتكلم عدل ولكن قلت عادي ممكن متضايق
أو شي طلما بينكم الاحترام موجود أين المشكله
تكمله الاحداث /
نرجع لـ الاجواء لي عايشها ومندمج مع التلفاز وفجاه دخل أخوك طربان تحصله ينشد
أو يقول أعزيه أو أغنيه لاقطها من ربعه ولا سلام ولا أحترام أو الجوال بيده
ورافع الصوت تقوله ولد ممكن تسكت لاني أتابع التلفاز ويرد عليك أنثبر بس
أمبيه
وش يقول هذا وش صاير والولد مواصل الطرب والازعاج وبيضيع عليك التركيز
طيب أسكت يقولك مو شغلك
اذا صار البيت بيتك وقتها تحكم
تبي تتفاهم معه وتنصحه مايصير أنا أخوك الكبير لازم تحترمني
ليه تكلمني كذا يرد عليك وفر النصائح لـ نفسك لاني مو محتاجها أووف والله قويه
زين أنا وش سويت لك علشان ترد علي كذا يقولك من اليوم وراح بتسمع أكثر بعد
وثاني شي وش المحطه لي حاطها يلا غيرها << شرايك بعد تجي تطقني 
وقتها تتوقف للحظات وتسأل نفسك الولد شارب شي صاحي سكران ؟؟
أنا غلطت بحقه وجاي بياخذ حقه مني
وين ذاك الولد لي أحبه وأهتم فيه ويحبني ويحترمني من كان صغير لين كبر معقوله
يتغير كذا فجاه بس مايصير أهلي ربونا أحسن التربيه وعلمونا بس شلي تغير الحين
معقوله المدرسه والاصدقاء يسوون كذا بس أكثر ربعه ملتزمين ومحترمين
أجل ليه يحاول يفرض شخصيته علي بطريقه غلط
وتربيته أحسن تربيه مستحيل الاجواء الخارجيه تغير من معدنه هذاني عشت
وتربيت ماسويت مثله
بنقول الزمان غير زمانك طيب ولا يهمك
- السؤـال وقتهـآ ماذا تفعلـ /ـين ؟؟
تصكه كف يلفه 180 درجه مع أشويه بكسات وتشويت وترفيس علشان يحترم نفسه
ولا تطنش له وكنك ماشفت شي واذا طنشت له كبر راسه عليك مو بس كذا
يجي يغير المحطه من الرسيفر أو يطفي التلفاز عليك
واذا وصلت فيه النذاله حدها حدها راح طفى عداد البيت عليك
