لمى: لابس داقه عليك أبي اعرف وينك عشان الغدا
عبدالله: لاماابي غدا اليوم
لمى: عبدالله وشفيك؟
عبدالله: مافيه شي مافيه سلام
وسكر من غير مايسمعها لمى طبعا تعرف عبدالله أكثر من نفسها ان تضايق ومايبي يكثر كلام يعني انه بقمة الحزن وكتوووم ومايطلع بسرعه خلاص لازم تعرف من الحين
اللي قرره عبدالله هاللحظه ان لمى ماتعرف شي لأن لمى اقلها بتموت عليه
كان يلعب بالتراب بيده واهو متكي بيده على راسه ..وشكله يضيق الخلق ..مايخفف عنه بعد لمى اللا جو البر الفاااضي الموحش ...هذي سياسته من صغره وهذا المكان الوحيد اللي يخفف همومه ..
وش بيصير حالنا..ان عرفت لمى وفارس وش بيصير عليه ..فكرت الموت هذي قامت تطرق بابه مسك راسه بقوه ووده يصرخ لكنه تعوذ من ابليس وفكر بعلاجه أهم شي ... الحين ماينفع الصوت والكلام (وان فات الفوت ماينفع الصوت ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::
<<<في بيت أبو عبدالله طبعا أنتشر بين العايله كلها خبر خطوبة غلا لنايف ...والكل موافق تركي وابوعبدالله والكل عرف ووافق وتحدد موعد الشبكه ... المشكله اللي بقت بالبيت النار اللي شبت وماخمدت ... تشتعل وتحترق وتنطفي كل يوم لكن ماحد حس فيها ... تركي ومحمد ..!! اللي لهم أيام وأيام ماشافو بعض والسبب الهواش اللي صار بينهم ...طبعا محمد معترف بغلطه ووده بس يتمنى ان تركي وغلا بالذات يرضون ويستامحون منه ....
جالسه بغرفتها تشوف صورة نايف تكلمها مثل المجنونه
ساره ..إيه اللي تحطمت كلها من بعد خبر خطوبت غلا...أنا من زمان انتظرتك يانايف ...تجي مين أختي .؟ أختي بس وش بيفككم من عيني أنتم الاثنين وكيف أبرضى بعيشتي ان صار نااايف لك ياغلا ليييييييه ليييه؟
لالاتصـــــــــــــــــــــرخ بأعلى صوتها لالا............!! لااكل كلت ولادخل الأكل فمها ..لاشرب ..حتى النوم عافته ...شبه الحاله النفسيه اللي أثرت عليها .... مسكت شعر راسها بصرااااخ وصياح شديدين ..
ساره: .لالاتكفووووووووووووووووون قولو انه حلم مب علم تكفوون لالاماابي ماابي
وطاحت بحظن ندى الللي لها ساعه تحاول تهديها وجايبه لها مسكنات وأكل لأنها ماأكلت شي وصحتها تخووف
ندى: يابنت الحلال تعوذي من الشيطان
ساره مسكت ندى من طرف لبسها وقامت تصرخ: ندى قولي لي انه حلم تكفين قولي ياندى تكفين لالامااابي ماابي..أجل غلا؟... خلصو بنات الرياض مابقى احد غير غلا؟.. ندى علميني وشلون ابتحمله جنبها كيف ندى تكفين ساعديني أبي أطلع من هالأزمه وفكو هالخطوبه لاتسوون لهم شبكه تكفون ياندى
ندى: ساره ...أشربي مويه عشان تهدين
ساره مسكت الكاس ورمته على الأرض وانكسر
ندى: ساره!! عن حركات الأطفال
ساره: ياليتني مثل الاطفال أبكي وتعطونني انكسرت انا مثلي مثل الكاس انا انكسر بس الكاس لأ هذا مبدأكم دايم اما سااره بطقاق
ندى: ساااره وش هالكلام أنا اختك واكثر من يحرص عليك يااختي تعوذي من ابليس
ساره: مااقدر مااقدر أشوفه عند غلا ندى أبنظلهم ابسحرهم مارح أتركهم خليني اقتل غلا
ندى: ساره انتي الحين مب في وعيك قومي تحممي وتعوذي من ابليس واللي صار صار ومانقدر نغير شي واكلي لك شي شوفي وجهك كيف تغير ... وعن الصياح ماتنفع دموع الحين ماتنفع ... حسيتي بفيصل مسكين اللي موبس مااخذتيه اللا ذليتيه لأنه جاي يخطبك حسيتي فيه؟ الحين ؟؟
ساره جمدت ملامحها وحست ببرود جسمها وكل الأفكار اللي بعقلها طارت مثل عيونها: (عقدت حواجبها) : فــــــــيصل؟؟؟؟؟؟؟؟؟؟
ندى: ايه فيصل حسيتي الحين؟ باحساسه ياما ذليتيه وياما هزأتيه وطلعتي عنده وقهرتيه شفتي وشلون كان يتعذب ؟
ساره: بس فيصل غير واناغير انا أختي أختي تعرفين وش معنى اختى؟ تجي وتاخذه أما فيصل لا الحال متغير
ندى: اقول اخذي فوطتك وروبك وروحي تحممي لايدري أبوي تعشي معانا تحت وخليكي طبيعيه انتي ياساره ماتهزك هالأشيا
ساره: ندى متى شكبتهم؟
ندى: ماادري خلاص لاتفكرين
ساره بحزن: يعني غلا فرحانه الحين؟
ندى: ساره وبعدين ؟
ساره: ندى غلا ونايف هالأسمين بيظلون مع بعض وبيرتبطون ببعض؟ ......وساره ؟
تساوت عندي الدنيا تساوت .. واهي يومك قريب لي تفاوت
حياتي عقب نورك مثل ليل ...جميع نجومه من ادنى تهاوت
الاياناصح بالطب روحي ... تراها لولقت طب تداوت
ولاكن من يعوضني بخل .. معاليق الضماير به تلاوت
ندى مسكتها وضمتهابقوه رحمتها على كبرياائها الزايد لكن حزنها مكسرها صارت تتخيل أشييا كثيره وكلامها من جد يضيق صدرها ..أول كانت دايم تمازحهم على انها بتاخذ نايف ونايف بنت عليه أشيا وأحلام كثيره والكل عادهم لبعض ... لكن ...من بعد مايتحطم الحلم كلشي وراه يروح .... حتى الروح ممكن تتركك جسد مهدم بلاروح ..... صحيح ان غلطاتها كثيره وغرورها بعض الأحيان مايشفع لها لكن كون انها تتحطم هذا بحد ذاته يحزن ؟... انهيااااااار مغروووور يختلف تماما عن غيره
ساره مازالت بحضن اختها وتصيح:ندى بس انتي ماعلمتيني ساره هالإسم بيرتبط بمين؟
ندى بابتسامه تجدد الأمل: فيصل
ساره: نعم؟ فيصل؟
ندى: فيصل أو غيره اللي يستاهل ساره
ساره: ونايف
ندى: ننسى نايف ونعيش حياة جديده
ساره: بس مستحيل أتخلى عن حبي لنايف
ندى: ومستحيل رح تبقين مهشمه ومن غير رجال
ساره: ماحد بيجي يخطبني
ندى: ليه لا؟ ماشالله وش حلاتك قمر وتهبلين والكل يتمنى ساره
ساره: اااااااااخ يانايف
ندى: وش قلنا؟ وبعدين قلت لك أنا من أول نايف ممكن ياخذ غيرك وانتي مااقتنعتي
ساره: اوكي بياخذ غيري بس لاياخذ غلا أخر ماتوقعت
ندى: خلاص قسمه ونصيب .(بهدوء).انتي بس ريحي بالك وانزلي تحت لايدري أبوي
ساره: ان شالله
ندى: ماابي اشوف دموع على نايف
ساره: اوعدك
ندى: ياحلوك يالله انتظرك تحت
ساره: اوكي اخذ شاور واجيكم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::
<<<<<<<<<<بعد أسبوع
طبعا للحين لاتركي ولامحمد مايعــرفون بعض بعد اللي صار ..راحو كلهم للشرقيه عشان ملكة تركي ... تركي جلس بالشرقيه من بعد الملكه ماجا للرياض ... محمد حظر اول الملكه وبعدين طلع ..!! تعرفون ليه ماله وجه ...حتى سلام ومايسلمون ع بعض ..
ام محمد وريناد وندى وساره بالصاله
ام محمد: لاوالله البلا لما تجي وحده من البنات أحلى من الباقين وتغطي عليهم
ريناد: ايه ول وحده سمرا وأخواتها بيض
ساره: تصدقين يمه وحده بالجامعه سمرا وأخواتها مرره بيض تقول اني مااحب أطلع معاهم مكان عشان مايقولون الناس شي
ام محمد: ايه عقد معروفه هالحاله
أبو عبدالله دخل عليهم مستااانس
سكتو كلهم وجلسو معاه يسولفون ويتقهوون
ساره: ماشالله أبوي فرحان اليوم
ابوعبدالله: ايه والله ماسمعتو صوت تركي من شوي يوم أكلمه فرحاان ماشالله
ام محمد: الله يبارك فيهم ان شالله
غلا: متى بيجي ؟
ابوعبدالله: بالطريق شوي واهو واصل ان شالله
ريناد : اللا ماقلتو لي أي قاعه حاجز؟
ساره: نياره
ابوعبدالله: ياحبه للمظاهر أخوكم
غلا: من جد ....أساسا أهل العروس شكلهم كثار
ابوعبدالله: يالله ياتركي والله وكبر ولدي ... شكله فرحان معاها كثير
غلا: ايه طبعا من بعد لندن ولاشافو بعض ..
ريناد: تهبل ديما ماشالله
ساره: ايه قمر ماشالله عرف يختاار
غلا: الله لايضرها
ابوعبدالله: وين محمد ماينشاف ؟
ام محمد: من بعد هالاستراحه اللي استأجروها صار حتى النوم ينام هناك بعض الأيام
شوي دخل عليهم تركي
وقامو البنات اللي تزغرط واللي تغني (الف الصلاة والسلام عليك ياحبيب الله محمد) واللي تصفق
تركي طبعا أعجبه الجو ..لأن خلاص مابقى شي ع زواجه
بعد السلام
غلا: اخس ياتركي وش هالكشخه أجل محلق ماشالله طالع تجنن
تركي مبتسم: ايه تعرفون تونا معاريس
ساره: يااعيني
ريناد: هههههه وكيف الشرقيه؟
تركي: اااااااااااه على الشرقيه (ابتسم)ياسلام على ذيك الديره يااني احبها
غلا: ماتلاحظون ان اخونا صاير رومنسي؟
ساره: الشرقيه ول اهل الشرقيه؟
تركي: ههههههههههههههههه ياخذ ابليسكم يالله عاد رزوني بزواجي أبيهم يقولون شوفوخوات المعرس وش حلاتهم
غلا: افاا عليك بس نعجبك
ساره: انت من جدك بتكبره؟
تركي: والله قلت لأبو ديما أعزم اللي تبي لاتخلي أحد ..وأنا نفس الشي ايه زواجي كبير
غلا: ترووووك تكفى جيب فيصل العليان
ريناد: ايه تركي انت تحب الفله ان ماجبته ماحد بيجيبه
تركي: هههههه خالد ان جا زواجه جبنا لكم فيصل
ساره: هيهي مالقيت اللا خالد ذاك زين ان تزوج
تركي: والله مب شينه... تصدقون أعرف واحد يقرب له لو أقول له بيتوسط لي
غلا: والله؟ حااول طيب
تركي: طيب أشوف
شوي ودق جواله ابتسم واهو يطالع الرقم
ساره: لالاتجيب فيصل الصراحه أحسن نخليها دي جي
ريناد: لاوالله ؟.!! فيصل العليان أحلا
ساره: وش قلت ياتركي؟
تركي: اقووووووووول تلايطي انتي وياها سلام
وطلع برا يكلم وتركهم
ريناد: يووه الحبايب داقين
غلا: من اولها بدت السحبااات
ساره: خخخخخخ يحليله ماتوقعته لها الدرجه متعلق بالبنت
غلا: ايي والله حتى انا
ريناد: تستاهل وربي رووعه وذوووق تحسينها مرره ذوق ماشالله هالديما
غلا: ايه من جد
ريناد: عقبال زواجك ياغلوو
تكهــــــــــــرب الجووو عليهم ساره عجزت تنسى وتحاول تتناسى لكن يجي موقف يذكرها حطت عينها بعين غلا وودها قتلتها .... وسكتت واحمر وجهها
غلا بعفويه وعشان تتدارك الموقف: ههههههههه لالاتو الناس
ريناد حست ان بينهم شي وغيرت السالفه
ريناد: واي مشغل ان شالله؟
ساره:اقوول تصبحون على خير
غلا: وانتي من اهله
ريناد: هاه ماقلتي لي
غلا: هاه ...! مدري يمكن فاشن مدري والله للحين أبسأل البتول
ريناد" طيب تبين اندومي لأنني أبسوي لي
غلا: لالاماابي
ريناد: مب أروح وأتعب نفسي وأخرتها تاكلين من حقي
غلا: هههههههههه لالاروحي هنا وعافيه
غلا راحت للمجلس لقت تركي يكلم والكل راح ينام بها الوقت
جلست تطالعه وتطالع نظراته وعيونه اللي تلمع ...! من جد فرحااااااان
سكر تلفونه ..وبخاطره يقول شي لغلا ...
تركي: اقول غلا
غلا ابتسمت: شخبار المكالمه
تركي: ليتها ماخلصت
غلا: هههههههههههههه أي وش بغيت؟
تركي: كلمك محمد وانا بالشرقيه؟
غلا: لا
تركي: ولاجا للبيت؟
غلا: لامايجي اللا قلييل
تركي: تصدقين في يوم الملكه يالله سلم علي وراح
غلا: تركي وش صاير بينكم ؟ علمني !!
شوي ويسمعون صوت مفاتيحه ودخلته ..
غلا معقده حواجبها: تتوقع انه جا؟
تركي: مب بعيده
غلا: حكينا عالقط جانا ينط
تركي: ههههههههههه
دخل محمد واثنينهم انصدمو من شكله وجهه لونه جسمه كلشي تغير ... ملامحه الحزينه الكئيبه ... نظراته المكسوره
دخل وكانه ماصدق شافهم بلحالهم
محمد: السلام عليكم
غلا: وعليكم السلام
محمد: تركي ........ رد السلام واجب
تركي: وعليكم السلام
محمد واهو يسلم عليه وبتردد : الـــــ...ف مـــــ...برووك
تركي: يبارك في عمرك
محمد وتركي جلسو لهم فتره يطالعون ببعض بس سلمو كل واحد صار يرمي ع الثاني نظراااته ...(مكسووور وندمااان .ـــــ معصب ومتضايق ) غلا اللي احتارت بينهم واضح ان الموضوع ماعدى علي خير
محمد : تركي ... سامحني ... سامحني وانا اخووك تركي سامحني أنا اعترف اني غلطت على غلا وعليك وجنيت على نفسي وانا اجيك اليوم اطلب منك العذر والسموحه ... سامحني ياتركي
تركي ولالقااه بااال:.................
محمد اللي سوا حركه ماتوقعها أخذ عقــــــــــــــاله وحطه تحت رجول تركـــي
محمد: سامحني ياتركي السموحه منك .............اوعدك ماتنعاد وأختي واختك على العين والراس
سكتت تركي اصدمته الحركه ماتوقع ...من بعدها بيطلع (بااااايخ )ان مارضى وسامح ....وقف من بعد ماكان جالس ...وحط عينه على عين محمد ...!! مهما كان أنا أخوك وأنت اخوي يامحمد .... الشخص اللي تعزه مستحيل بترضى لنفسك انه يرمي كراامته تحت رجلك عشان تسامحه ...أنت عزيز يامحمد وغالي .....ليه هالنظـــره المجرووحـــه ؟... محمد أخوي ...حتى ولو كان غلط سوى أشيا كثير حلوه ...أنا تغربت وتركتها عنده وهذيهي غلا ...بأحلى مايكون...مافيه شي يستاهل انك تكسر له قلبه ياتركي ... حرام النظره اشوفها بعينك يامحمد..!! منني حرام....!! محمد فهم تركي واللي بقلبه من نظرته له
شوي وضمـــو بعد وعانقو بعض محمد يطلب السمااااح وتركي يحلله
محمد: السموحـــــــــــــه تركي
أنت أكبر من أن تزعل مني
أنت أكبر من أن ترفض عذري
أنت أكبر من أن تأبى قبول توبتي
أنت صاحب القلب الكبير
الطيب الحنون الصفوح
أنت صاحب الخلق الكريم
تركي: مسامح مسامح يامحمد ماغلطت أنت
شفتو كيف المعزه والغـــلا ممكن تقلب الموازين مع ان اللي صار بينهم له أكثر من أسبوع لكن ...مهما كان فيه ماضي ممكن يجمعهم ...فيه لحظات حلوه ...فيه غــــــــــــــلا ... لايمكن يخليهم يتضابربون ...
غلا .........من يوم مماشافت هالموقف ...قامت تبكي ..حست أنها اهي السبب ...وشافت كيف اخوانها متضاربين ومتصالحين والسبب اهي
محمد نفس الشي راح عند غلا اللي على طول ضمته وطلبها انها اتسامحه وقال لها تضربـــه عشان تبرد حرتها ويحس بما حست ...بس طبعا مستحيله رح تسويها (مازعلت منك يامحمد عشان أسامحك ..بكل الحالات أنت اخوي ومستحيل أزعل منك ...يكفي انك تدور مصلحتي ..وكله عشاني )
تركي في نفسه (اه يامكبرك بعيني يامحمد ...اصعب شي الاعتراف بالغلط .وماحد يقواه ..انا اللي قسيت عليك ))
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
>>>>>>>>>>>عبدالله ولمى
لمى: لاياعبدالله أبشتري جديد
عبدالله: يابنت الناس توك مفصله ومتكلفه على حق أختك والحين تبيننا نشتري جديد
لمى: يووه عبدالله طيب هذاك ياما لبسته عندهم وبعدين زواج اخوك كبير مااأستهين فيه وأقول ألبس أي شي
عبدالله: لالاماقتنعت وان شافوه؟
لمى: .............
عبدالله بمزح: هذا ثوبي كل يوم يشوفونه علي الموطفين ولاقلت أبي أفصل غيره
لمى: لااااوالله؟!
عبدالله: خخخخخخ إيه والله
لمى: والحمل؟
عبدالله: والله والله أن فستانك حلو عليك وموباين الحمل بس انتي اللي مكبرتها
لمى: عبووووودي !!
عبدالله: وعن هالحركات ... تراني مااتحمل
لمى: ههههههههه
عبدالله: يااحلو هالضحكه ! جعلها دوم
لمى: عبووووودي لاتطلع من السالفه
عبدالله: لمى أخرتها أنتي اللي بتاكلينها فالأحسن أنك ترتاحين وتريحين
لمى: أحسن انت الخسران
وطلعت من الغرفه (مسويه نفسها زعلانه) وراحت للصاله
عبدالله قاام يضحك على دلعها وعارف ان كل هذا عشان تشتري الفستان
طلعه من الدولاب ...وحطه على السرير
كان فستـــــــــان لونه تركواز ووردي تحت فيه كسرات خفيفه ومن فوق فتحته كبيره شوي .... وعليه شال
تركه على السرير ..وراح عندها
عبدالله: لموو أنا طالع تبون شي للبيت؟
لمى: ..........
عبدالله: هههههههههههه للحين زعلان علي الحلو نظره بس
لمى لفت عليه وشافته على جنب وبنص عين ولفت
عبدالله: ايوا ع النظراات أنا أروح وطي
لمى منقهره ومن النوع اللي ان عصب لاتقربه سكتت قبل لاتنفجر اللا شوي
عبدالله: حبيبي بووسه طيب ممكن
لمى: ومن متى وانت تستأذن ؟!
عبدالله واهو مقبل عندها: يعني عادي؟ حلالي؟ ههههههههههههه
لمى بدلع : عبدالله !!!!!!!!!
عبدالله: أنا مدري هذا تعذيب جديد ول وشو لكنني أببووس
يوم توهـ مقرب عندها
لمى واهي تضحك عليه بنفسها لكنها تكتم ضحكتها :لالاموممكن خلاص رح جب لي أغراض للبيت
عبدالله: يااعذااابي ...لالاموبكيفك
لمى: عبدالله خلاص
عبدالله يغني : بوسه من عندك حبيبي تسوى عندي الدنيا كلها
لمى: هههههههههههههههههه !! عليك صوت؟ نشاااز
عبدالله: والله أجل الله يعينك على عذابك قبل النوم كل يوم
لمى بعفويه: عز الله رحت فيها
عبدالله:نعم؟؟؟؟؟؟؟؟؟؟؟؟؟؟
لمى: سلامتك
عبدالله: رحتي فيها أجل خخخخخخ
لمى انحرجت وسكتت حمر وجهها من جد مب قصدها شي
عبدالله :اموت عال منحرج أنا لمى تكفين ساعديني أطلع من البيت
لمى: لاوالله ماسكتك أنا اطلع هذا الباب قدامك
عبدالله: ههههههههههههه لالايعني تطلعين معي
لمى: نعم؟؟؟
عبدالله: ههههههه اللي سمعتي ...لمووو ابروح اشتري فستان تجين معي؟
لمى: لا
عبدالله: جد؟
لمى: وليه بتشتريه؟
عبدالله: عشان حبيبتي من غيرها
لمى سوت نفسها غبيه ول ماتستوعب : ومين هي؟
عبدالله: وحده كذا حاطها اانا ببالي وتبي فستان وانا الصراحه مااقدر أقول لها لا
لمى: لالامنيب رايحه انت اختار لها على ذوقك
عبدالله: اوكي خلاص
وشالها واهي ميته عليه من الضحك
لمى بوجه كله دموع ضحك: هههه عبدالله هدني وربي اني ثقيله وحاامل نزلني
عبدالله: احلى شي لما تشيل زوجتك وولدك مع بعض
لمى: هههههههههههههههه !! نزلني
ووصل عند الباب الخارجي اللي جنب المكتب وحطها على الكرسي حق المكتب واعطاها بوسه من بعيد وطلع !
لمى طول الوقت كانت تضحك ..عبدالله بنفس حركااته مايغيرها ...طلع من البيت وجلست اهي بالمكتب ...
شافت الأوراق كيف حوسه قامت ترتبها ...نظفت مكتبه لانه من جد محيوس ...عطرت المكان وسكرت الأنوار وشوي وبتطلع ..وبتسكر الباب اللا لتفتتها ورقه كان حاطها ...داخل الدرج وشكلها مهمه
شافت الورقه من فوق شكلها لمستشفى أخذت الورقه ع اساس انها بتقراها بالغرفه ...واهي تمشي لغرفتها ... وتقرا في الورقه شافته أسم فارس وواضح انها نتيجة تحاليل ...وقفت من مكانها وحطت يدها على فمها ..واهي تكمل قرايه نزلتها على قلبها ...خلاص وش تتحمل بعد كذا ..مسكت الورقه وشقتها ورمتها بالزباله على طول ...
ودخلت للغرفه ... واهي مب مستوعبه شي...شافت فستان على السرير وفوقه ورقه مكتوب عليها
((أخترته لك بذووقي وان شالله بيعجبك ... ومايغلى شي على لموو ..لمى الأيام الجايه بتصير قاسيه وقويه وأظنك عارفه بس عشان عبدالله لاتطيحين دمعه على اللي عرفتيه ..وخليكي قويه ..وخلي هذا وعد بيننا ))
اهي بس قرت الورقه من هنا ..عرفت ان عبدالله ماتكلم عن خبرالسرطان ...طول الوقت ماقال لي ..ومايبي يشوفني أتفاجأ ... بالنتيجه ...لأن عبدالله بلحاله مايتحمل ((هذا فااااااااااارس))أعز ناسه ... عبدالله ممكن بها الموقف يضعف نفسيا أكثر منني ... نزلت دموعها على زوجها وولدها وعرفت ان حياتهم بتتغير مثل ماقال ...
اتصلت في عبدالله مارد عليها (وانتم عارفين ليه)) اتفقت مع نفسها انها تثبت وتقوي نفسها وثقتها بربها ... راحت وشافت فارس كان نايم على سريره ويكح بين وقت وثاني قومته وأعطته علاجاته ... وبعدين راحت تصلي وتدعي ان الله يفرجها لهم ويسهل عليها وعلي عبدالله ويشفي ولدها فارس ..أخر شي نامت على شجادت الصلاة مت التعب ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::
>>>>>>>>>>>لندن
طبعا اهي يمكن شخصيه أهملناها بالقصه
الشخصيه البااارده الهااادئه ..... انطوائي ومنعزل ووحيد عن الناس ...كل ماعنده شهادته .... (معقد في قاموس تركي ) ....بين أصوات الموسيقى ... والتصفيق الحاار ...أعلانا ببدء النجاااح وبداية انجازاااته ...
(في يوم تخرج خالد في أكبر جامعات بريطانيا )
نادو بإسمه وراح وسلم على دكتورهم ... ووقف بلبس التخرج ...بين أنغام الموسيقى ...والتصفيق ...حاز على مرتبه عاليه ..الحين الكل رح يطلبه بالسعوديه ... موقف ببدلة التخرج ..وماسك شهادته ويسلم ...والفلاشان ممليه عيونه ....
وقف في جهت المتخرجين شوي واتصل عليه ابو عبدالله
ابوعبدالله حاط على السبيكر والكل يسمع معااه لصوت خالد
ابوعبدالله يتكلم واللي حوله أزعااج البنات اللي تزعرط والثانيه تصفق : الف الف مبروووك خالد مبرووك
خالد: الله يبارك فيك ابوي الله يبارك فيك
ابوعبدالله: هاه وش الجو عندك؟ شكله ازعااج
خالد: هههههه يهجبك الجو الحين نصور مع المدير وانواع اللجه
ابوعبدالله: ماشالله الف الف الف مبروك ياولدي مبروك تعبت ونلت ماشالله عليك
خالد: الحمدلله
غلا: خلووود مبرووك
خالد: هلا الله يبارك فيك ياغلا
غلا: خااااااااالد تعال أبي اصور جنبك واقول للعالم تعالو شوفو خلود أخوي
خالد: ههههههههههههه اليوم عندكم ان شالله
ريناد نطت له: بجد؟
خالد: ان شالله افا عليكم تخرجنا وش يقعدني بديرتهم
غلا: وااااااوو وناسه
ابوعبدالله: ماشالله الله يوفقك ياولدي يالله مابقى اللا العرس ..ومتى بتجي أي وقت
خالد: والله التوقيت عندنا مختلف (بتفكير)اممم يعني تقدر تقوول على الساعه 7 الليل انا عندكم
غلا: حاياااك
خالد: لاتنسين المراصيع غلا
غلا: ههههههههههههه ياذس المراصيع مابقى احد ماطلبها تامر انت لك عيوني
خالد: مايامر عليك عدو ياغاليه
ريناد: يالله اجل صور معاهم وجب لنا شي من هناك
خالد: من زين الأسعار اللي عندهم
ريناد: لاوالله؟ وش الفايده رايح بريطانيا؟
خالد: يوه نسينا انك ملسونه خلاص خلاص ان شاااااالله
ريناد: هههههههههههههههههههههههه
غلا: يالله اجل نتركك شكلك مرتبش والمكان زحمه
خالد: أي والله كل شوي يجي واحد يسلم ..ول يصور وخالد وخالد اكلمكم بالمطار
غلا: اوووك يالله باااي
خالد: باي
.................................................. .................................................. .............
انتشرت صوره بالجرااايـــد لتفوق مستوااه في لندن وصور شهاداته اللي هناك وسوو معاه مقابلات طلعت بالتلفزيون ....
ابوعبدالله واهو متحمس مع الجريد: والله ورفعت الراااس يالخالد
تركي: اشوف يبه
ابوعبدالله: ماشالله عليه
ريناد: فلله بالجريده والتلفزيون
ابوعبدالله: حتى بالتلفزيون؟
ريناد: ايه كل شوي ويعيدون تخرجهم
ابوعبدالله : حطيه وروحي جيبي أشرطه أبسجل
ريناد: ههههههههههههههههههه ان شالله
وجلس على أعصابه ابوعبدالله ماكنه مصدق
ووده يحب راس خاالد لأنه ماتوقعه بينجح كل هالنجاحات ... وغير كذا ابوعبدالله اول كان أكثر واحد معارض فكرة انه يسافر عشان يتخصص في ادارة الاعمال
وجلس يقرا المقال اللي عن ولده أكثر من مره ....حلو انك تشوف ولدك متفوق وناااجح ...وانت ورا كل نجاحاته ..
تركي : اقول يبه
ابوعبدالله اللي مركز مع الجريده: هاه؟
تركي: كم مره قريت هالمقال سؤاال بس
ابوعبدالله: وانت وش عليك ولدي ذا
تركي: ياخوي تبز فيه وتسحب على تركي
ابوعبدالله لف جهته ومعصب وتركي فرحان هذا اللي يبيه : كلكم عيالي وبعدين ماحد جاب شهادات مثل خالد أكثركم مجتهد
تركي: ههههههههه اييييه الحين ول قبل لاياخالد ووش يوديك هناك
ابوعبدالله عصب سكت
تركي: هههههههه عصب عصب الشايب ... خلاص خالد عندك الحين
ابوعبدالله:؟؟؟
تركي: يعني ابجيبه الحين بيوصل
ابوعبدالله عقد حواجبه واهو يشوف الساعه : الساعه سبع؟
تركي: هههههههه ظيعت ابوي شكلك مع هالدووشه اللي مسوينها لولدك أيه وصل الحين ان شالله خل نروح
ابوعبدالله: امش يالله مشينا
ريناد: ههههههههههههههههههه لها الدرجه محتاس عشان خلود؟
تركي: ياحليله ابوي فرحان عشان خويلد والله منتب بسهل ياخالد
ريناد وغلا: ههههههههههههههههههههههههه
ابوعبدالله: انت بتوديني ول شلون؟
تركي: لالالاتفضل السياره مفتوحه
غلا: ههههههههههههههههههه ياحبه يحمق أبوي
ريناد: وابوي ع الريحه على طول
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::
>>>>>>>>نايف مثل عادته كان بالبر .... يمارس هوايته ...(الق،،،،،،ن،،،،،،ص* ) من صغره واهو يعشقها ..كبر وكبرت معاه اللا ان صار فنان وحريف فيها ... كان ابوي دوم يعلمه عن الصيد والقنص ..يروح للبر ويخيم ه كم من ليله ويجي معاه غزلان ..وأرانب وصقوره ..
واهو ماسك الصقر بيده ...
فيصل: عندي لك صيده هناك بتعجبك
نايف: لالامنتب عارف مثلي
فيصل: لايشيخ ورنا أجل؟
نايف: مب صقور أبيها أرانب
فيصل: انا اتحداك
نايف: وانا قدها :
فيصل: خذ سلاحك ولك ساعه نشوف منهو اللي بيجيها
جلوي: اقول فيصل نايف هذا
فيصل: ونايف؟ لالاانا اعجبك بس انت انتظر
نايف: ههههههههههههه
فيصل: انشوف من بيضحك اخر شي
نايف: يالله قداام
وراحو يصيدون ...مابقى من غزال ولاأرنب حتى النعام ..
كان حريف وشاطر بالصيد ... حركته خفيفه وذكيه كأنها حركة الغزال اللي يصيده
وفيصل ماكان مثله لكن كل واحد منهم ماخذ حقه
جلوي واهو ماسك جوال نايف ينادي: نااااااايف !!!!!
نايف: هلا؟؟